CCXX. — Paris, 24 décembre 143a

Rémission à Guillaume la Chose, de Saint-Georgesde^Boscherville, pour le meurtre de Pierre le Noir y ménétrier^ qui avait refusé de lui donner une danse et de lui prêter son instrument, (JJ 175, n. 184, fol. 58 verso.)

Henry, etc., Savoir faisons, etc., nous avoir receu Tumble supplicacion des parens et amis charnelz de Guillaume la Chose, povre homme demourant en la parroisse de Saint Joirre de Bauquerville (i), chargié de femme et enfans, contenant que come, le xiij« jour de juillet derrenierement passé, jour de dimenche, icelui Guillaume la Chose avoit disné en Tostel de la femme

(1) Saint-Gcorgeft-de-Boscherville, aujourd'hui Saint-Martin-de- Botcberville, Seine-Inférieure, arr. de Rouen, cant. de Dudair.

qui fu Jehan Chambre, jadis escuier, natif du pais d'Angleterre, avecques un nommé Raoulin Huart, un surnommé Briffault et pluseurs autres ; laquele femme avoit cedit jour de dimenche fait le pain benoît en Peglise de ladicte ville, et tous avoient faicte bonne chiere ensemble. Et advint que, après ledit disner, ainsi que ledit la Chose jssoix hors de Tostel de ladicte femme, passoit par devant ledit hostel un nommé Pierre le Noir et un autre nommé Cou Ion, menestriers, lesquelz icelui la Chose appelk en leur disant : « Donnez nous une dance, et vous aurez chascun un breton •. A quoy ledit Coulon demoura pour jouer, et ledit Noir s'enalaen Tostel Robin d'Esqueville, sans riens dire. Par quoy ledit Guillaume la Chose demanda audit Coulon pour quoy son compaignon ne venoit. Lequel Coulon respondi qu'il ne savoit. Alorsledit la Chose dist : c Je le vois querre ». Et le trouva oudit hostel dMcelui Robin d'Esqueville, avecques Jehannin de la Houlle, qui actendoient avoir a boire, que on leur estoit aie querre. Lesquelz icelui la Chose salua, disant : c Dieu gard les compaignons ! • Et dist a icelui Pierre Le Noir : « Venez nous donner une dance avecques vostre compaignon, et je vous en prie, et vous aurez un breton •. Lequel Pierre Le Noir moult arrogamment et felonncssement respondi qu'il renyoit Dieu qu^il n'y entreroit ja, ne savoit icelui la Chose pour quoy. Et alors lui dist : « Baillez nous vostre bombarde et nous la porterons, puisque vous n'y voulez venir •. Laquele ledit la Chose print. Et tantost ledit Pierre le Noir renya Dieu de rechief que s'il la là prenoit, il crierpit harou sur lui. Lequel la Chose lui respondi qu'il ne criast point harou et qu'il ne lui demandoit riens, combien que ledit Pierre le Noir usast tousjours de paroles malgradeuses. Et soubz umbres décèles paroles, icelui la Chose print ung

pain, faisant semblant de l'en ferir, ce quMl ne fist mie. Et ce fait, se parti ledit la Chose de la compaignie dudit Pierre le Noir, en demandant par ledit la Chose en l'ostel dudit d^Esqueville où estoit Perrenet le filz dudit d^Esqueville» a la chamberiere dudit hostel. Et ainsi qu^il eust ce dit a ladicte chamberiere, se retourna, et en soy retournant, ledit Pierre le Noir, sans dire mot, lui bailla un horion d^une fourche fieresur le visage environ Pœil, et lui fist plaie, dont il yssy grant effusion de sang, et un autre horion du bout de ladicte fourche fiere par la poictrine, en lui disant en anglois : c Va-t'en, vilain, » et autres paroles injurieuses. Et alors ledit la Chose trouva un baston ferré par le bout, qu*ilala quérir en sa maison, qui est auprès et joingnante de la maison dudit d'Esqueville, et retourna oudit hostel oti estoit ledit Pierre le Noir. Et ainsi qu'il y entroit, trouva Alain Mercher, dit Baron, qui demanda audit la Chose qui lui avoit fait ce qu'il avoit ou visage. Lequel la Chose respondi que ce avoit fait ledit Pierre le Noir. Et quant icelui Pierre le Noir entendi ledit la Chose, s^adreça a lui atout sadicte fourche fiere, pour derechief le vouloir grever, ja soit ce qu*il feust bien blecié et seignast fort. Et alors quant ledit la Chose se retourna et vit que ledit le Noir le poursuivoit, et disoit que cncores en auroit il, en voulant frapper ledit la Chose, icelui La Chose bouta de son baston un cop contre le visaige dudit Pierre le Noir auprès de Tœil, sans cop lever, fors seulement bouter et ung cop seulement, corne dit est ; duquel cop yssy sang, et ne s'en fist point apparcillier pour lors ne jusques au lendemain bien tart. Après lequel cop il vesqui jusques au vendredi ensuiant, qui furent cinq jours qu'il vesqui depuis, a la fin desquelz cinq jours il ala dévie a trespasscment. Pour occasion duquel cas, ledit Guillaume la Chose, doubtant

rigueur de justice, s*ett absenté du pais. . . ledit Guillaume la Chose a tousjours esté homme de bonne vie. . . excepté que ou mois de may Pan mil CCCC XXIX il obtint de nous noz autres lettres de grâce et remission en laz de soie et cire vert pour avoir enfraint certaines trêves qu'il avoit données a Alain Baron et sa femme, combien que Ten dit que a la coustume de nostre pais de Normandie, s'il n'y a sang et plaie, ne pevent estre enfraintes teles trêves pour recevoir mort, mais y a grant amende. . . Si donnons en mandement par ces mesmes présentes a nostro bailli de Rouen. . . Donné a Paris, le xxiiij« jour de décembre, l'an degrace mil CCCCXXXIl et de nostre r^ne l'unziesme. Ainsi signé : Es requestes tenues par mons. le gouvernant et r^ent le royaume de France, duc de Bedford, esqueles vous les evesques de Lisieux et de Paris, le chastellain de Beauvais, les abbez de Fescamp (i) et du Mont Saint Michiel et pluseurs autres estoient. Oger.

(i) Gilles de Duremort, ancien abbé de Beaupré (1406) et de Beaubec (1414), prêta serment de fidélité comme abbé de Fécamp entre les mains du duc de Bedford, le 10 septembre 1423 ; mais il n*avait pas encore été confirmé le 23 février 1424 (GalUa Christiana^ XI, 212). 11 était membre du Conseil du Roi, aux gages de 1,000 1. t. par an. Le 19 février 1428, il prêta serment pour Toffice de Conseiller entrcles mains du Chancelier de France (Beaurepaire, De VAdmin, delà Normandie, p. 6). Le 7 janvier et le 7 avril 1440 (n. s.) il donnait quittance de deux quartiers de ses gages de Conseiller (B. N., Franc, , 20,882, nos 62 et 63). Vers la mi-mars 1428, il partit pour l'Angleterre, chargé par Bedford d'une mission secrète auprès du roi Henri VI et de son Conseil ; il était accompagné de Raoul Bouteillcr, capitaine du Crotoy, et de Jean de Rinel, notaire et secrétaire du Roi ; son absence se prolongea jusqu'aux premiers jours de juin (Beaurepaire, loc. cit,, p. 10). On le trouve mentionné à plusieurs reprises dans les registres de l'Echiquier de Normandie pour les années 1423, 1424 et 1426. Gilles de Duremort faisait

GCXXI. ^ Paris, 3o décembre i43a.

Rémission à Guillaume Bernart, clerc du guet du château d'Alençon^ pour le meurtre de Thomas Sanson, de la garnison dudit lieu, avec lequel il s^était pris de querelle à propos de son office et qui voulait lui passer sa guisarme au travers du corps. (JJ lyb, n. 173, fol. 54 reao.)

Heniy, etc.. Savoir faisons, etc., nous avoir receue Tumble supplicacion de Guillaume Bernart, natif de nostre royaume d^Angleterre, aagié de cinquante ans ou environ, contenant comme il eust nagaires esté commis clerc du guet du chastel d'Alençon par nostre amé et feal chevalier Jehan Ffastolf, garde et gouverneur des chastel et ville dudit lieu d*Alençon soubz nostre très chier et très amé oncle Jehan, gouvernant et régent nostre royaume de France, duc de Bedford, capitaine dudit lieu d*Alen* çon, ouquel office il se soit bien et loyaulment gouverné sans aucune reprehencion. Neantmoins, a l'occasion de ce que ycelui suppliant vouloit ou se efTorçoit de contraindre, comme raison estoit, Thomas Sanson, de la garnison dudit lieu d'Alençon, pour les defaulx en quoy icelui Sanson avoit esté mis par pluseurs foiz pour non estre aie ne comparu, ne personne pour lui, au guet dudit (

chastel, non obsunt que par ledit suppliant, ainsi commis clerc dudit guet, y eust esté semons et anoncié par

partie de l'entourage d'Henri VI, lors de son séjour au château de Rouen (29 juillet 1430-ao novembre I43i) et il fut mêlé au procès de Jeanne d'Arc. (Beaurepaire, Recherches sur le procès de condamnation de Jeanne d'Arc, loc. cit., p. 336.) Elu cvéque deCoutances le 9 octobre 1439, il fut sacré le 28 juillet 1440, et mourut à Rouen quatre ans plus tard, presque jour pour jour, le 29 juillet 1444. 11 fut enseveli dans Téglise Saint-Lo de Rouen, qui dépendait de son évéché.

pluseurs foiz et que ledit Satison feust ad ce subgiet et tenu, et dont il avoitesté remiset debillant, ycelui Sanson a conceue grant haine contre lui, telement que, en un certain jour du mois de juingderrenierement passé, pour ce que ledit suppliant print gaige sur ledit Sanson pour lesdiz defaulx, qui bien se montoient a zviij solz tournois et laquele some ledit suppliant avoit pour lui paiée, ycelui Sanson tira sa dague sur ledit suppliant et s'efforça de Ten fraper. A quoy ycelui suppliant lui distqu^il ne feist nul effort sur lui et que s'il cuidoit qu'il lui feist tort qu'il sVn alast avecques lui devers son connestable pour soy plaindre de ce. Et en persévérant tousjours en son mauvais propos et maie voulenté, pour cuidier grever ledit suppliant, ycelui Sanson print son arc et de fait en voult ou cuida grever ledit suppliant ; ce qu'il eust fait se n'eussent esté aucuns de la garnison dudit lieu d'Alençon qui Tempescherent. Et depuis, ou mois de juillet ensuivant et derrenierement passé, pour ce que ledit suppliant ne voult prendre ledit Sanson a pleige pour Guillaume Dean, de ladicte garnison, pour pareille somme de zviij s. t., qu'il devoit audit suppliant et quMl avoit paiée pour lui pour les defaulx de ses guetz, ycelui Sanson, ou contempt de ce et des autres choses dessusdictes, le menaça et usa de grans menaces, en lui disant qu'il se gardast de lui et que bien brief il le courrouceroit. Et lors ledit suppliant, ce oyant et pour éviter l'inconvénient qui en povoit ensuir, se bouta dedens le chastel dudit lieu d'Alençon. Et la nuit ensuivante, pour cuidier tousjours grever ledit suppliant, se mist en aguet contre lui ; laquele chose il ne pot lors faire. Et le landemain icelui Sanson, tenant une guiserme en sa main, en persévérant tousjours a sa maie voulenté et entreprise, actendi ledit suppliant jusques a environ neuf ou dix heures au matin que ledit suppliant

yssy dudit chastcl. Et taniost qu'il le vit, le ala assaillir, en le cuidant et voulant tuer, et de fait gecta pluseurs cops d^icele guiserme contre ledit suppliant, lequel au mie!Ulx qu'il pot résista a la fureur et mauvaise voulenté dudit Sanson, et .tant que jcelui Sanson recula en usant de grosses paroles et menaces contre ledit suppliant. Lequel, indigné et courroucié de ce, se advança et d^une guiserme qu'il tenoit frappa du plat ledit Sanson ung cop tant qu^il chey a terre. Et lors ledit suppliant mist le pié sur la guiserme d^icelui Sanson et la lui cuida oster, ce qu'il ne pot fere ; mais tousjours disoit ycelui Sanson qu'il tueroit ledit suppliant, et lui cuida bouter d^estoc sa guiserme dedens le corps. Et lors ycelui suppliant, voiant que tousjours ledit Sanson perseveroit en sa mauvaise et dampnable voulenté, et pour éviter Tinconvenient de sa personne, et come tout esmeu et par eschaufeture, frapa un cop du doz de sa guiserme de la pointe ou bec de faucon de derrière ledit Sanson par la teste, duquel cop quatre jours après ou environ il ala de vie a trespas. Pour occasion duquel cas ledit suppliant s'est destourné et destourne de son lieu. . . Si donnons en mandement par ces mesmes présentes au bailli d'Alençon. . . Donné a Paris, le penultime jour de décembre, Tan de grâce mil CCCC XXXII et de nostre règne le xj°^. Ainsi signé : Par le Roy, a la relacion du Conseil. Oger.

CCXXU. — Paris, 3o décembre 1432.

Rémission à Guillaume du Val, d'Argentan, impliqué dans le complot ourdi par un religieux Jacobin et d'autres habitants de cette ville, en vue de la livrer

aux Français de la garnison de Bonmoulins, (JJ i yb^

n. 174, fol. 54 verso.)

Henry, etc., Savoir faisons, etc., nous avoir receu Pumble supplicacion de Guillaume du Val, aagié de xl ans ou environ, natif de la ville de Harrefleu (i) et a présent retrait et demourant en la ville d^Argenthen, contenant comme lui et ses prédécesseurs par le moien de marchandise aient eu leur vie, estât et sustentacion. Et a ceste occasion ait ycelui suppliant eu et encores ait congnoissance d'un notable bourgois et marchant de nostredicte ville de Caen, nommé Pierre Edouard. Lequel mar* chant, le jour de saint Michiel ot un an, qui estoit jour de foire, séant près et hors ladicte ville de Caen, fu pris par noz ennemis et adverseres, qui pour lors firent une course sur ladicte foire et mené prisonnier en la forteresse de Bonsmoulins (2). Auquel lieu ycelui Pierre Edouard a esté rançonné et mis a la somme de deux mil saluz d*or, drois et despens, deux draps d^argent et pluseurs menues panies. Lequel Edouard, considérant qu*il n^avoit pas enfant de son corps yssant ne personne qui de sadicte finance se voulsist entremectre pour les dangiers de la guerre, qui lorsestoient et encores sont entre la ville de Caen et ledit lieu de Bonsmoulins, aiant confiance audit suppliant, dont il avoit assez congnoissance, parce que pluseurs foiz ilz avoient esté et fait fait de marchandise ensemble, lui fist savoir que il voulsist penser de son fait et délivrance, et pour ce fere lui envoia saufconduit de nosdiz adverseres. Duquel prendre et User ledit suppliant, doubtant mesprendre envers nous, obtint congié

(i) Harfleur, Seine-Ioférieure^ an*, du Havre, cant. de Montivilliers. (2) Bonmoulins, Orne, arr. de Mortagne, cant. de Moulins-la ^ Marche.

et licence de nostre amé et féal le sire de Wilughby, lors nostre lieutenant en Normandie. Et après et pendant que ledit suppliant s^entremist de poursuir la finance et délivrance dudit Edouard et que aucunes foiz pour ladicte cause il aloit pour en porter partie, lui fu par aucuns des gens de Bonsmoulins, noz adverseres, demandé que, ou cas que ilz ou aucuns d'eulx venroient devant ladiae ville d^Argenthen, se il leur mefferoit ou tireroit point a eulx. Et adonc jcelui suppliant leur respondi que non, sans ce toutesvoies qu*il eust de leur fere plaisir aucune voulenté. Et après ces choses, demi an ou environ, un Jacobin dudit lieu d^Argenthen, nommé frère Guillaume Payan, rancontra es faulxbours dudit lieu ledit suppliant, auquel il demanda se il lui donroit sa part d*un pot de vin. Auquel Jacobin ycelui suppliant respondi que oyl très voulentiers. Et adonc ledit Jacobin lui dist qu*il alast en la chambre frère Jehan Laisné, et il auroit sa part de tele viande come il y avoit, feust beuf, mouton ou autre chose, qui estoit tout prest. Et ces choses faictes, sVn tourna ledit suppliant en ladicte ville d^Argenthen en sa maison ou ailleurs en ladicte ville, print un pot de vin, lequel il fist porter en la chambre dudit Jacobin. Et quant il y fu arrivé, après ce qu^il ot beu et mengié, demanda audit Jacobin qui estoit un homme qui estoit a table avec* ques eulx, vestu d*unecalobc (i) de toile et un meschant

(i) La calobc, vâtement d'origine antique, était une tunique longue et tans manches, qui, raccourcie, affectait au moyen âge la forme d'une blouse ou souquenille. (Gay, Gloss, archéol., 1, 2 56.) Lacurne de Sainte-Palaye prétend que, de son temps encore, en Normandie, le peuple employait ce mot dans le sens de souquenillo. {Dictionn, histor. de l'anc. lang. franc., III, i«)4). Cf. également Du Cangi, au mot Colobium, et Godifroy, Dictionn, de l'anc. langue française t I» 77a, et VllI, 414.

chaperon. Lequel Jacobin lui reqx>ndi que c'estoit un compaignon de la garnison dudit Bonsmoulins qui avoit fait grant bien a lui et a ses oompaignons, en lui priant qu'il lui voulsist iere bonne chiere. Et quant ycelui suppliant ad visa par la fente du colet de ladicte calobe de toile qu'il estoit vestu d'un pourpoint lassié de soye, dist que ladiae robe, pourpoint et chaperon ne se accordoient pas bien. El lors et après toutes ces choses ledit suppliant se départi d'avecques eulx, sans Tavoir aucunement dit ne révélé a justice depuis. Et depuis la feste saint Michiel derrain passée, ledit Jacobin dessusnommé et autres, corne on dit, ont cuidié trair et livrer ladicte ville et chastel d'Argenthen; lesquelz ont pour ladiae cause depuis esté prins et arrestez prisonniers. Et en les examinant sur ledit cas eulx ou aucuns d'eulx, après ce qu'il leur fu demandé se ledit suppliant ensavoit aucune chose, dirent que riens n'en savoient, mais ilz esperoient quMl en avoit bien oy parler parce qu^il hantoit souvent audit lieu de Bonsmoulins. A Toccasion de laquele chose, trois ou quatre jours le cas ainsi advenu et les aucuns des dessusdiz prins, ledit suppliant fu arresté et mis prisonnier audit lieu d'Argenthen. Auquel lieu il a esté gehiné en tele manière que on lui a desnoé un bras et une jambe. Par quoy il est en voie que jamais ne se puist aidier de membre qu'il ait, et telement qu'il a dit et confessé qu'il le savoit parce que il en avoit oy parler a aucuns, combien que Ten doit tenir que audit fait il n'eust onques voulenté, actendu que, puis ledit cas advenu et aucuns des dessusdiz mis prisonniers, ledit suppliant avec sa femme au devant de son empeschement fu et demoura trois ou quatre jours en ladicte ville dWrgenthen, sans soy aucunement absenter ne demucier, ce qu'il eust bien fait s'il eust voulu, considéré aussi que quant en ladicte

ville fu crié alarme, trayson, ledit suppliant ala, armé et habillé souffisaument, sur les murs d^icelle ville corne pluseurs autres. Pour occasion desqueles choses par lui non raportées a justice ou autrement, icelui suppliant est détenu, corne dit est, prisonnier audit lieu d^Argenthen... Si donnons en mandement par ces mesmes présentes au bailli d^Alençon . . . Donné a Paris, le penultime jour du mois de décembre, Tan de grâce mil CCCC XXXII et le xj* de nostre règne. Ainsi signé : Par le Roy, a la relacion de mons. le gouvernant et régent le royaume de France, duc de Bedford. Brounyng.