CCXXXV. " Paris, a6 mars 1434 (n. s

Rémission à Guillot Morise, de Damville^ pour le meurtre de Drouin de Fontaines, avec lequel il s'était pris de querelle au sujet d'une pièce de terre que ledit Drouin voulait Vempêcher d'ensemencer, |JJ 175, n. 298, fol. TOI verso.)

Henry, etc., Savoir faisons, etc., nous avoir receu Tumblc supplicacion de Guyot Morise, laboureur de la ville d'Anville ( i ), chargiéde femme et enfans, contenant corne, le xij° jour de ce présent mois de mars ou environ, ainsi que ledit suppliant estoit aux champs, ou terroir dudit lieu de Danvillc, en et sur une pièce de terre contenant ung journel ou environ, que il vouloit semer et

(1) Damville, Eure, arr. d'Evreux, ch.-l. de cant.

assemencier d'avoine, et laquele terre il tenoit et avoit par aucun temps tenu a tilrre de louage, qui encores n'estoit expiré, un nommé Drouin de Fontaines, lors demourant en la ville de Banville, vint devers lui, tenant une sarpe en sa main^ lui disant qu'il ne semast point ladicte terre, en jurant et renyant son créateur qu^il ne la semeroit point et que ledit Drouin la vouloit faire semer. A quoy ledit suppliant lui respondi doulcement que pour le présent c'estoit sa terre et l'avoit despoillée Taoust précédant et que le temps de son louage duroit et avoit encores long temps a durer et qu'il la semeroit. Et lors icelui Drouin, de félon courage, dist et respondi audit suppliant, en jurant et renyant comedessus très fort : « Traistre vilain, je vous en garderay bien ». Et en ce disant, après pluseurs autres paroles, s'aproucha hastivement dudit suppliant, tenant sadicte sarpe en sa main et icelle levée pour Ten vouloir ferir corne il demonstroit. Lequel suppliant, pour obvier au coup le plus hastivement qu'il pot, se lança a lui et fist tant qu^il lui osta ladicte sarpe. Et ce fait, se recula arrière de lui, en tenant tousjours ladicte sarpe devant lui, disant que il ne Taprouchast point, afin de obvier a débat. Mais ledit Drouyn ne cessoit point de Taprouchier; et icelui suppliant reculoit toujours. Et en tel instant la femme dudit suppliant, veant comment icelui Drouin agressoit ledit suppliant, doubtant qu'il ne ferist icelui Drouin de ladicte sarpe, semistentreeulzdeux et s^efforçade tenir sondit mary et Tembraça. Et lors ledit Drouin, plain d'ingratitude, prist ladicte femme par les espaules et la gecta contre terre en disant malgré Dieu tout oultré. « Putain, laisse nous faire; je m^en cheviray bien », ou paroles semblables en substance, en soy efforçant, en ce disant, de saillir contre ledit suppliant et lui courant tus a son povoir. Lequel suppliant, ce veant, et

que ledit Drouin avoit ainsi abatu sadicte femme et la injuriée, veant aussi que ung homme que ledit Drouin appelloit son cousin venoit devers eulx^ ne savoit a quelle intencion, en repellant a Tentreprise dampnable dudit Drouin, doublant sa personne et par chaleuret temptacion deTennemy, lui donna un seul copde ladictesarpesur la teste, dont il le navra telement que a cause de ce il est, quatre jours après ou environ, par son petit gouvernement ou autrement, aie de vie a trespas, corne l'en dit. Pour occasion duquel cas, icelui suppliant, doubtant rigueur de justice, s^est absenté du pais et pour son absence doubte estre appelle a noz droiz et aussi aux droiz du seigneur dudit Danville et par defaulx et contumaces banny de nostredit royaume de France. . . Si donnons en mandement par ces mesmes présentes a nostre bailli d'Evreux. . . Donné a Paris, le xxvj^ jour du mois de mars. Fan de grâce mil CCCCXXXIII avant Pasques et de nostre règne le xij«. Ainsi signé : Es requestes par vous tenues, esqueles Tevesque de Lisieux, messire Jehan le Qerc, chevalier, chastellain de Beauvais, maistre Guillaume le Duc et pluseurs autres estoient. J. Thibssart.

CCXXXVi. — Paris, 26 mars 1434. (n. s.)

Rémission à Jean Ridel, de Cuverville, coupable du meurtre de Jehannin Morise, son neveu^ avec lequel il 5*itait pris de querelle, en revenant du marché des Andelys, (JJ 175, n. 3o6, fol. 104 verso.)

Henry, etc.. Savoir faisons, etc., nous avoir receu Tumble supplicacion de Jehan Ridel, Tainsné, dit Descaves, demourant en la parroisse de Cuverville a une

lieue d^Andeli, ou diocèse de Rouen (i), povre simple homme laboureur, de Paage de cinquante ans ou environ, chargié de femme et de sept enfans, contenant que, le lundi xvijc jour du mois d^aoust derrenierement passé, icelui suppliant et Jehannin Morise, dit Essandier, nepveu.dudit suppliant, demourant en ladicte parroisse de Cuvervilie, et le curé d'icelle parroisse de Cuverville, se assemblèrent et associèrent ensemble pour aler au marchié en ladicte ville d*Andely ; en laquelle ville ilz beurent ensemble. Et en retournant dudit lieu, se meurent paroles entre lesdiz suppliant, curé et Jehannin Morise, parlans de leurs labours, en disant par ledit curé, qui estoit et est compère dudit suppliant, qu'il remercioit icelui suppliant de ce quMl lui avoit aidié a faire son labour. A quoy ledit suppliant respondi audit curé, son compère, qu'il savoit que tout le harnois n^estoit pas sien et que Jehannin Ridel, son filz, y avoit la moictié. Et adonc ledit Jehannin Morisse, nepveu dudit suppliant, se print a parler audit suppliant son oncle, et en maugréant Dieu lui dist qu'il avoit trois ans qu'il avoit convenu qu'il eust aidié audit suppliant par maistrise a fere ses labours, et que a Toccasion de ce il y perdi ung beuf qiii fu prins par les Anglois. Et ledit suppliant respondi que ce n^estoit pas sa faulte, et que neantmoins il le lui avoit rendu, ou qui mieulx valoit ; de laquele chose icelui Jehannin Morissc fu assez d^accord adonc freschement ; et neantmoins tantost après dist audit suppliant son oncle qu^il avoit menti par la gorge et que ne fcust ce qu'il estoit son oncle et son compère qu^il le frapast et qu'il estoit advis audit suppliant que, pour ce qu'il estoit sergent de Rocherolles (2) p>our le seigneur du lieu, que

(1) Cuvervillc, £urc, arr. et cant. des Andelys.

(2) RonrheroUcs, comro. de la Roquette, Eure, arr. et cant. dea Andelya.

on ne lui oseroit riens dire. Ausqueles paroles respondi bien etdoulcement ledit suppliant audit Jehannin Morisse, son nepveu,que sa sergenterie ne lui avoit point grevé ne nuit. Et adonc ledit Jehannin Morisse hastivement, corne surprins de vin, respondi que oncle ne compère n^y serviroit de riens. Et en ce disant haulsa le poing et frapa par trois foiz sur le visage dudit suppliant son oncle ; lequel de ce fu moult fort esmeu et courroucié et par temptacion de Tennemî tira son coustel qu*il portoit sur lui. Et quant ledit Morice vit ledit coustel tiré, dist audit suppliant son oncle : c Ribault, tirez tu ton coustel ! » et gecta jus un sac qu'il portoit sur ses espaules et se aprouchà asprement ledit suppliant son oncle pour le vouloir grever ou mutiler, come il demonstroit ; ouquel approuchement faisant fu frappé par ledit suppliant dudit coustel ou costé. Et quant ledit Morisse se vit ainsi navré, se print audit suppliant son oncle et le abati a terre, et lui mist le pié sur la gorge pour lui cuidier oster ledit coustel et l'en occire. Et quant il ne pot trouver ledit coustel ne le avoir par devers lui, relâcha ledit suppliant son oncle, et osta le pié de dessus la gorge, et se releva ledit suppliant, et quant il fu relevé ledit Morice lui dist qu'il estoit navré. A quoy ledit suppliant, de ce moult doulent et courroucié. lui dist piteusement qu'il estoit perdu, et lui aussi. Et ces choses ainsi faictes vcant ledit curé de Cuverville, qui a ce que dit estoit présent, et que ledit Morice estoit ainsi navré, print ledit Morice et le assist en son giron, en le reconfortant le plus doulcement qu'il povoit. Et ce pendant ledit suppliant bien hastivement s'en ala en ung village appelé Noiers (i), a ung trait d'arc d'ilec, quérir gens pour porter ledit Morice audit Noiers, ce qui fii fait

(i) Noyers, Eure, comm. des Andelys.

incontinent. Après se partirent lesdiz suppliant et curé, et s^en retournèrent a Andeli pour avoir mires pour appareiliier ledit Morice, et seadrecerenta un nommé Denisot le Barbier, demourant audit Andeli, lequel bailla audit suppliant onguement pour mectre sur la plaie dudit Morice pour U nuit jusques au lendemain matin que ledit Denisotle Barbier promistyalerappareillier ledit Morice. Et après ce que ledit suppliant ot pourveu d'un mire audit Morice, doubtant la mort de sondit nepveu, qui advint depuis, se absenta. A Toccasion de laquele plaie ou na- ▼reure, comme on dit, ledit Morisse ala de vie a trespassement le dimenche ensuivant. Après lequel cas advenu, ledit suppliant, doubtant rigueur de justice, s*est absenté du pais... Si donnons en mandement a nostre balli des exempcions de Gisors... Donné a Paris, le xxvj« jour du moisdemarsy l'an de grâce mil CCCC XXXIII avant Pasques et de nostre règne le xij«. Ainsi signé : Es requesies tenues par vous, esqueles l'evesque de Lisieux, le chastellain de Beauvais, le mareschal de France, maistre Guillaume le Duc, Président en Parlement et pluseurs autres estoient. J. Thikssart.

CCXXXVIl. — Paris, 2 5 avril 1434.

Rémission à Guillaume Pacquinton, écuyer anglais, contrôleur des gens d'armes de la garnison de Bayeux, pour le meurtre d'un de ses compatriotes, Thomas Souderne, qui, étant assis à table avec lui dans une taverne de Bayeux, l'avait injurié devant témoins, en lui reprochant de n'être point gentil-

homme et d'avoir pratiqué jadis le métier de mercier en Angleterre. (JJ 175, n. 3o5, fol. 104 verso.)

Henry, etc.. Savoir faisons, etc., nous avoir receu Pumble supplicacion de Guillaume Pacquinton, escuier, natif de nostre royaume d^Angleterre, demourant à Bayeux et contreroieur de gens d*armes audit lieu, contenant come^ou mois de juillet derrenierement passé, ledit suppliant a un après disner feust aléa une des portes dudit Bayeux, nommée la porte Saint Andry, pour veoir et prendre garde d^icele, ainsi come tenu y estoit a cause de sondit office. A laquele porte ledit suppliant eust trouvé Jehan Contingan, aussi anglois et demourant audit Bayeux ; lequel requist audit suppliant qu^il lui donnast pinte de vin, ce que lui accorda ledit suppliant, et s'en alerent pour icelle pinte de vin boire en un hostel appartenant a Colin Philippe, séant en la parroisse Saint Martin dudit Bayeux, où faisoit taverne Thomas le Counois. En alant a laquele taverne ledit suppliant eust rancontré un nommé Santemaire, mercier, qu'il mena avec lui et sondit compaignon, et lesquelz se assirent ensemble en ladicte taverne pour boire et fere bonne chiere, sans mal penser ; et eussent fait aporter une quarte de vin par le clerc de ladicte taverne. Et eulx estans a table, survindrent sur eux pour boire aussi ung nommé Thomas Souderne, aussi anglois, Thibault le Saintier, Michiel David, Guillaume Trenchant, Simon Bataille et sa femme, qui tous se assistrent a la table dudit suppliant et firent aporter du pain pour eulx. Et come ilz buvoient, se feussent meues paroles entre eulx, entre lesqueles ledit Simon Bataille dist audit Santemaire qu'il avoit joué aux dez et que s'il le trouvoit jouant, il le feroit mectre en prison. Lequel suppliant oyant ces paroles, come celui a

qui le jeu de dez desplaist et pour retraire dudit jeu ledit Santemaire, corne a son especial amy, dist que s'il estoH vray qu^il y jouast, il n^en seroit pas content et que lui mesmes de ce le puniroit. Et après ces paroles, ledit Guillaume Trenchant, qui estoit mercier corne ledit Santernaire, eust parlé audit Santemaire ung langage de mercier nommé jargon et ledit Santemaire eustrespondu en pareil langage, dont ledit suppliant et tous ceulx de la compaignie commencèrent a rire. Et après ce ledit suppliant demanda quel langage c*estoit. Et lors ledit Souderne, qui estoit homme noiseux^ coustumier de dire paroles injurieuses desplaisans a pluseurs personnes, et pour injurier ledit suppliant, qui ne pensoit a nul mal ne vouloit faire desplaisir, lui dist quMl entendoit bien ledit langage et qu'il avoit en sondit pais esté dudit mestier de mercier. Lequel suppliant, auquel avoit dit ledit Souderne pluseurs paroles injurieuses, courroucié de ce, respondi audit Souderne ces paroles en substance : < Vous^ monsieur du Londes, sauf vostre grâce, vous avez menti ». Apres lesqueles paroles ledit Souderne, en persévérant tousjours en son mauvais langage, dist moult arrogamment audit suppliant qu^il avoit esté en Angleterre mercier et porté le pennier, dont il n^estoit riens. Dist oultre audit suppliant qu'il avoit en son lignage ung Anglois, mercier en Angleterre, qui acheteroit et paieroit deux des meilleurs du lignage dudit suppliant. Lequel suppliant, desplaisant et indignédes injures et villeniesque lui avoit dictes et disoit ledit Souderne a son escot et a sa table, après ce qu'il lui ot requis et prié qu'il ne le injuriast plus, dont ledit Soderne ne se voult déporter, se leva ledit suppliant \le sadicte uble et s'adreça devers ledit Souderne, et de chaude cole esmeu et eschaufé a cause desdictes injures et villenies qu'il lui avoit ainsi dictes et

disoit ledit Souderae, frappa sur ledit Souderae a sa poictrine de sa dague un seul cop, dont tantost après ledit Souderne ala de viea trespas. Pour lequel cas, ledit suppliant, doublant rigueur de justice, se est absenté du pais... Si donnons en mandement au bailli de Caen... Donné a Paris, le xxv« jour d*avril, l'an de grâce mil CCCC XXX IIU, après Pasques, et de nostre règne le xij^. Ainsi signé : Parle Roy, a la relacion du Conseil. Chembaut.

CCXXXVni. — Rouen, ii mai 1434.

Rémission à Jean Wake/eld, écuyer anglais^ pour avoir frappé mortellement Jean Morel^ serviteur d'un archer ^ qui s'était rendu à la ferme de Clique' velle, appartenant audit écuyer, à cause de Béatrix de Beauchamp, sa femme, gavait commis des dégâts et, par ses menaces^ avait forcé la fermière à lui donner de Pargent. (JJ 175, n. 3io, fol. 106 reao.)

Henry, etc., Savoir faisons, etc., nous avoir receu Tumble supplicacion de Jehan Wakefeld, escuiei*, natif de nostre royaume d* Angleterre (i), contenant come, le ix« jour de février derrenierement passé ou environ, un nommé Jehan Morel dit Best, varlet et serviteur de Jehan Best, archier anglois, meu de maie voulenté desraisonnable, s'en vint ou bailliage d'Ellecourt (2), en un hostel et manoir nomé Tostel de Caquvel (3), appanenant audit

(i) Au sujet de cet homme d'armes anglais, V. plus haut no CCXXXIV.

(a) EUecourt, Seine-Inférieure, an*, de Neûfchâtel-en-Bray, cant. d*Aumalc.

(3) La carte de Cassini donne encore un lieu dit la Caqucvelle, sur la rive gauche de la Méline, affluent de la Bresle. Ce nom rappelle sans doute le manoir dont il est fait mention dans notre document. Aujourd'hui la Caque velle est un hameau de la commune d'ElIecourt.

suppliant a cause de Beatrix de Beauchamp, damoiselle, sa femme, et lequel Jehan Morel fist pluseurs ouhrages en icelui hostel, en menaçant la femme du serviteur dudit lieu de incender et embraser en feu et en flambrée icelui hostel s*il ne avoit de l'argent ; et de fait derompy certains vaisseaulx a mouches a miel oudit hostel. Et doublant grant inconvénient, la femme dudit fermier lui bailla xviij pièces de monnoie appeliez plaques, pour eschever plus grans dommages. Lesquelz ouhrages et rançons venuz a la congnoissance dudit suppliant, lequel de tout son povoir vouldroit garder Terîtage de sa femme come le sien mesmes, lequel suppliant nous a servy ou fait de noz guerres et encores nous sen de jour en jour, trouva ledit Jehannin Morel, une heure après iceulx delitz fais, auquel il dist qu'il avoit mal fait de pillier son hostel et rançonner sondit serviteur ou la femme d^icelui. Lequel respondi oultrageusement en disant : « Se il vous semble que je ne aie bien fait, si Tamendez », ou teles paroles en subsunce. Par quoy ledit suppliant feust irè et courroucié de sa perte et des oultrageuses paroles d'icelui Jehan Morel, lui donna de un baston ferré un seul horion, duquel il lui abati le pouce et d'icelui lui fist une plaie en la teste jusques au sang. Duquel cop icelui Jehan Morel ne fist pas grant compte ne d^icele plaie^ mais Va portée longuement par l'espace d^un mois ou environ, et depuis laquele bleceure il est aie en pluseurs compaignies boire et mengier, et depuis le lieu où il fu blecié s'en ala jusques au Neufchastel, oti il a environ six lieues, où il a fréquenté pluseurs compaignons, et par son oultragc et mauvais gouvernement est aie de vie a trespassement. Pour occasion de laquele mort, ledit suppliant s^est demucié et ne oseroit jamais demourer, converser ne retour-

ner ou pais ne en nostre royaume de France (i)... Si donnons en mandement par ces mesmes présentes au bailli de Caux. . . Donné a Rouen, lexj« jour du mois de may , Tan de grâce mil CCCC XXXI 1 1 1 et de nostre règne le xj«. Ainsi signé : Par le Roy, a la relacion du Conseil.

J. DE RlNBI..