BELLAY

[Juillet i5a8

bien de cest advis. Car entendez. Monseigneur, que d'aucuns n'ont fort grant mal, d'autres ont tel tourment et si continuel qu'il passe la pacience de l'homme de le povoir porter, et aucunes foix passe la nature mesmes, qui par force de pacience demoure soubz le faix et vaincue ; de sorte que assez s'en est trouvé ces jours qui ont duré en grant régime et pacience vingt et trois heures, puys ont passé le pas, et de ceulx qui, mon jour, en furent attainctz, peu en eschappa.

Quant à moy je fuz si près du poinct qu'il ne m'en falloit guères davantaige. Mais Dieu ne vouloit que sortisse encores du martire où m'avez mys, ne vous hors de la peyne où continuellement par mon importunité je vous mectz et vous mectray jusques à ce que m'ayez faict avoir mon congié, à quelque pris, condition, bien ou mal que ce soit, et fusse (s/c) à condition d'estre envoyé en exil es Indes, que je prendray myeulx en pacience, me demourant la bonne grâce du Roy et de Madame, que d'estre si cruellement flagellé et plus inhumainement puny que si j'avoye machiné une grant trahison contre le royaume. Dieu vueille changer le vouloir de ceulx qui en sont cause, mais quant à moy, je vous ay mandé ce que j'en feray.

Au demourant, Monseigneur, monseigneur le légat envoya jeudy au seoir vers moy, se complaignant merveilleusement que n'a esté encores envoyé ne la ratificacion de la tresve, ne mon povoir, ne qu'aucunes nouvelles n'a eu de vous depuis le XIIIP du passé, dont assez il s'esbahist, veu mesmes que monsieur de Bade luy a escript pieçà bien à l'abrégié remectant toutes choses suz lectres qu'il envoyoit par vostre voye (^). Je ne sçauroye que luy bailler, sinon l'excuse ordinaire du passaige de mer qui a esté mauvais. Je vous ay maintes foix adverty qu'il luy ennuyé fort quant il n'a souvent de voz nouvelles. Je croy bien, Monseigneur, que, quant les différez, ne le faictes sans cause; toutesfoix, quant à ceste dilation dernière, elle est ung peu longue, car d'icy à deux jours, y aura ung moys entier qu'elle dure, ce que voys n'avez acoustumé de faire, qui a faict parler beau-

Ci) Clerk avait écrit à Wolsey le 4 juillet (Brewer, Op. cit., vol. IV, part, ii, n" 4464 et 4465).

Juillet i528]

coup de gens de la santé du Roy autrement que je ne la désire et que je n'espère qu'elle soyt.

Monseigneur, pour la fin, vous supplieray de rechief que, pour récompense de tous les maulx que, par m'avoir icy mys, j'endure, me faciez ce seul bien d'estre cause, comme bien en avez la puissance, de faire que, sans olFe use de personne, je m'en puysse aller, sans que plus je demoure en ces martires et me recommandant, etc.

De Londres, le XIII' jour de juillet,