Jean du Bellay à Montmorency. Londres, i3 juillet

(Orig. non signé (i) : Musée Condé, série L, vol. XV, f. 3i3-ai4.)

Monseigneur, la cause pourquoy n'ay voulu mectre la main à ceste lectre, est que depuis cinq jours ay eu le sutin, non pas que pour la y mectre vous en peusse causer inconvénient, mais de paour que, si d'avanture d'ailleurs en estiez adverty, y prinsiez fantaisie et m'en sceussiez mauvais gré. Le roy jusques icy, Dieu mercy, n'a esté assailly, ne pareillement monseigneur le légat. Chacun sept ou huit hommes ilz ont avec leurs personnes et qui les veoyent; encores n'en a monseigneur le légat que troys ; tout le reste sont espenduz deçà et de là.

Il me semble. Monseigneur, qu'il n'y aura mal que il se facze une honneste dépesche par laquelle on facze congnoistre le déplaisir qu'on a eu d'entendre cest ennuy leur estre advenu et d'autre part le plaisir que Dieu ayt si bien préservé leurs personnes et qu'est à espérer qu'il préservera et autre chose à ce propoz, ainsi que myeulx on sçaura adviser. Car qui n'en fera quelque démonstracion, ilz pourront penser qu'on ne facze grant compte d'eulx, et si croy bien qu'ilz y prendront plaisir, car, sans point de doubte, ilz sont l'ung et l'autre, comme j'entendz, si ennuyez et en telle peyne qu'ung petit de réconfort ne leur peult faire que bien.

Hz sont encores chacun es lieux où dernièrement vous ay mandé (2) et ne sçavent ailleurs où se mectre pour estre à seureté. Dieu vueille qu'ilz ne soyent touchez, mesmes l'ung qui est délicat, car je vous asseure. Monseigneur, que si c'estoit en jour chault, comme il en a faict icy aucuns, je ne me puis persuader qu'il portast la pacience qu'il fault porter. Ceulx qui myeulx le congnoissent que moy sont

(i) De la main d'un secrétaire.

(a) Wolsey était à Hamptoncourt ; Henry VIII avait résidé à Tittenhanger jusqu'au lo juillet, puis le ii s'était réfugié à Amptili.