Jean du Bellay à Montmorency. Londres, 21 juillets

(Orig. non signé : Bibl. Nat., fr. 8078, p. 61-64. — Copie : Bibl. Nat., fr. 5499, fr. 34 v-yô V». — Impr. : Le Grand, Op. cit., t. III, p. iSo-iSj. — Analyse : Brewer, Op. cit., vol. IV^ part. 11, n» 4542.)

Monseigneur, j'ay receu ce qu'il a pieu au Roy me faire envoyer du IX^ et XIIP et le tout faict entendre ainsi qu'il m'est venu à monseigneur le légat, par lectres que fort au

(i) A val de route, à vau de route, précipitamment, en désordre.

(2) Cette lettre est bien datée du XXI juillet. Mais comme elle n'est point de la main de Du Bellay, on peut croire qu'il y a eu sur la date erreur de transcription du copiste. Elle semblerait en eflfct devoir être plutôt du XVI' juillet. Dans sa dépêche du 28 juillet au Roi (n- 126), Du Bellay parle d'une lettre écrite par lui au Grand Maître le 16 juillet et il ajoute : « Il y a dix jours qu'alley vers monseigneur le légat ». Son entrevue avec Wolsey se placerait donc vers le 17 ou le 18 juillet. Cela s'accorderait avec ce qu'il dit dans la lettre n» 124 « ....si je puis parler à luy.... que j'espère sera demain», à la seule condition que l'on date cette lettre n° 124 du 16 juillet. Si l'on maintient la date du 21, il faut supposer une lettre du 16 juillet perdue. Mais comment expliquer alors que, le 28 juillet. Du Bellay écrive qu'il y a dix jours qu'il a eu audience de Wolsey, quand, le 21 juillet, il disait ne l'avoir pas encore vu?

AMBASSADES EN ANGLETERRE. 33q

Juillet i528]

long ay escriptes à Vannes. Aultrement n'ay peu faire. Il a esté fort aise des advertissemens tant de Napples que d'ailleurs d'Ytalie que luy ay envoyez.

Le poinct, Monseigneur, de toutes mes lectres, c'est la contribution. La première foix qu'ay envoyé vers luy, il s'est arresté qu'elle commanceroit à la ray-juing. J'ay redoublé là-dessuz et luy en ay mandé ce qu'il m'a semblé estre bon. Je l'ay arresté ung peu là-dessuz et ay fantasie que, si je puis parler à luy, je gaigneray ma cause, que j'espère sera demain, car il m'a faict entendre qu'il est content que j'aille au ^^llage de Hemptomcourt, et là advisera si je parleray par trompette ou moy-mesmes. Là-dessus, Monseigneur, est remise la résolution de l'advancement d'argent, duquel je ne vous sçauroye encores que dire que je n'aye parlé à luy. sinon que je y feray ce que je pourray, car je n'en ay encores ung mot de rcsponce.

Mais d'une chose, Monseigneur, vous veulx advertir, que les angelotz valent icy LXIX sous et croy qu'ilz les vous bailleront pour le poix, car ilz n'ont autre monnoye, sinon ces escuz à la couronne, qui est encore pis. Mandez-moy, s'il vous plaist, si d'advanture je fais quelque chose, quel moyen voulez estre tenu de les envoyer, et ou envoyez homme pour les recepvoir, ou à moy povoir de bailler quictance, car vous entendez bien que sans cela, rien. Il est vray qu'ils aymeroient myeulx que l'argent demourast icy et qu'on envoyast lectres de change. Pour ce, avoye parlé à ung homme de bien pour les faire tenir à Lyon au meilleur marché qu'on trouve, comme vous avoye escript. Gomment que ce soit, tousjours y eussiez eu perte, si on vous baille icy les angelotz pour LXIX s., car aultrement ne se peult faire. Mais, si le me mandez, je mectray peine que monseigneur le légat fera tenir ledict argent à Galaix, sans fray jusques-làne dangier. Du tout, Monseigneur, vous plaira m'en faire mander bien au long. Icy feray pour le prouflit du Roy comme si c'estoyt pour le myen mesmes.

Quant au dangier, Monseigneur, qui est en ce pays, il commance à diminuer deczà et augmenter es lieux où il navoyt esté. En Gainct est à ceste heure fort. Magdamoiselle de Boulan et son père ont sué, mais sont eschappez. Le jour

34o JEAN DU BELLAY,

[Juillet 1528 que je suay, chiez monsieur de Cantorbéry (0 en mourut dix-huict en quatre heures. Ce jour-là ne s'en saulva guèrez que moy qui n'en suys pas encores bien ferme. Le roy s'est esiongné plus qu'il n'estoit, et espère qu'il n'aura nul mal. Toutesfoiz il se tient encores fort suz ses guardes et tous les jours se confesse et reçoit Nostre-Seigneur toutes les festes, et la royne pareillement qui est avec luy. Aussi faict monseigneur le légat de son cousté. Les notaires ont eu beau temps deczà. Je croy qu'il se y est faict cent mil testamens avant la main, pour ce que ceulx qui mourroyent devenoyent tous foulx incontinent que le mal les pressoyt. Les astrologues disent que cecy se tournera en peste, mais je croy quilz resvent. En ce que le Roy monstre par ses lectres se condoloir avec le roy, son frère, de ce mal, et pareillement avec monseigneur le légat, je leur ay envoyé les articles et ne faix doubte qu'ilz ne leur ayent pieu.

Monseigneur, de paeur que demourissiez en peyne, actendant qu'aye esté vers mondict seigneur le légat ou aultrement communicqué avec luy, je vous ay bien voulu faire ceste dépesche, mais jusques au prochain voyaige n'ay voulu mectre la main à la plume afin de n'engendrer souspeçon à personne, car ce mal n'est que belle peste, et incontinent que l'homme est mort, il en devient tout couvert sur le corps.

Au demourant, Monseigneur, des mil escuz d'une part et cinq cens d'aultre qui m'ont esté, comme m'escripvez, délivrez, durant que si long temps n'ay eu de voz nouvelles et de ce qu'il vous en a pieu faire pour moy, vous mercye humblement. J'envoye par mémoire tout ce qui me peult estre deu du surplus, ainsi que m'avez mandé. Quant cela serasatisfaict, au mains sera-ce pour rabiller ung peu mon crédit, lequel, je vous promectz, Monseigneur, me déplaist grandement d'avoir perdu. Quant monsieur de Brosse fut icy , il veyt que à ung Savonnoys, qui faict bien aucunes foix quelque service au Roy, comme par cy-devant vous ay escript, avoye crédit encore de dix mil escuz. Je le y ay perdu entièrement et ay esté cause de le luy faire pareillement perdre en bon lieu, qui

(i) William Warham, prédécesseur de Wolsey dans la charge de chancelier; mort le a3 août i53a, il fut remplacé sur le siège archiépiscopal de Cantorbéry par Thomas Cranmer.

AMBA.SSADES EN ANGLETERRE. 34ï

Juillet 1328]

ne luy a esté petite playe, et tout par ces benoistz mil escuz dont on m'abusa. A ceste heure, si je ne rabille là et ailleurs mondict crédit, il ne s'y fault attendre que je puisse vivre, car le niyen n'y sçauroit fournir. Je vous laisse, Monseigneur, à penser si, en estant tous les mois à quatre cens escuz en vin et le surplus de tous vivres estant si cher que par aultre lectre vous ay mandé, je y sçauroye fournir.

Et pour ce. Monseigneur, à ce que me dictes que me résoulle de deraourer icy, il fault que vous entendez que long temps a que suis résolu demourer non icy seullement, mais en Turquie, là où il seroyt besoing et que le bien des aft'aires du Roy le requerroyt: et ne pourroye ne vouldroye soubhaicter en ce monde aultre chose que de plus tost despendre mon bien à son service, et dont il me peust sçavoir gré, que en ma maison, dont n'y eust que mes voisins qui en sceussent les nouvelles. Par quoy de la bonne voulenté. Monseigneur, je vous supplye, n'en faictes doubte, car je vous asseure qu'il n'y a homme en France qui en soyt mieulx garny que moy; mais d'entreprendre plus que je ne puis et qui vienne redonder non à ma honte seullement, mais à celle du maistre mesmes envers les estrangiers, je vous laisse. Monseigneur, à juger s'il me procèderoyt de bon entendement et si plus ne seroit faire au Roy desservice que service. De tout mon bien, les choses estans comme elles sont, je ne sçauroye faire plus de quatre mil livres de rente; je les en vouldroye avoir de ferme. La despence est icy telle que chacun sçay t. Prenez ma puissance, et quelque chose davantaige dont mes amys me pourront ayder, et pourveoyez au surplus. Si j'avoye de quoy porter le faix, comme assez d'aultres prélatz, ou que fusse en lieu de peu de despence comme Venise et aultre lieu, là où je diray mot je vouldroye en estre blasnié;carjc vous asseure que, si nécessité ne me contraignoit, je ne preadroye plaisir à tourmenter et moy et aultruy par importunitez, etc....

Monseigneur, me recommandant....

De Londres, le XXP jour de juillet.

[Juillet 1D28

125. — Jean du Bellay au chancelier Duprat. Londres, le [21 juillet iSaS].

(Copie : Bibl. Nat., fr. 5499, fol. jô v»-78 v.)

Monseigneur, par ce qu'il vous a pieu m'escripre du neuviesme de ce moys, dictes avoir congneu par mes lectres, tant au Roy que à monseigneur le Grant Maistre, que me prenoys à vous de ce que n avoys receu argent et dictes davantaige que, quand m'en vouldriez, vous attacheriez <•) à moy en meilleure chose.

Monseigneur, il est certain que, quand vouldriez, si ne vous pourriez vous attacher à moy, car je me rendroys avant que combattre, voyre(?) rescoux ou non rescoux(2). comme la raison le vouldroit ; et s'il est ainsi que ne me vouliez poinct de mal, combien que très humblement vous en vouldroys mercier, sy vouldroys-je davantaige vous supplj'cr que me voulsissiez beaucoup de bien, comme j "espère qu'aussi faictes vous, car de vostre grâce aultresfoys m'avez faict si bon recueil que j'ay eu occasion de le penser. Depuys lequel temps, je vous asseure. Monseigneur, que je n'ay riens démérité envers vous, ains au contraire me suys déclairé es lieux où me suys trouvé estre bien vostre serviteur plus que par advenlure ne pensez, et de bien grans personnaiges en pourroient estre tesmoings. Vray est que j'ay eu fantaisie que n'avez voulu que plus tost eusse argent, et bien ay eu occasion de l'avoir; car, m'estant retardée la délivrance dudict argent, je n'eusse sceu à qui l'imputer sinon à celluy qui en a la charge et totale puissance, veu raesmes que le Roy et Madame disoient continuellement l'avoir commandé. Et des six cens livres que dictes mavoir esté ordonnées par le Conseil dès le retour de monseigneur le Grant Maistre et reflusées par mon homme, je croy. Monseigneur, quand y penserez bien, vous trouverez que ce fut vous qui en faisiez

(i) Lisez : « ....vous attaqueriez.... »

(2) Repoussé ou non repoussé, battu ou non battu.

JuiUet 1528]

ung billet à part à la fin de février ou en mars, qui fut troys moys après ledict retour, disant que n'aurois autre chose, et eu oultre rae voulant retrencher Testât que vous-mesmes m'aviez ordonné avant mon partement. Sy mon homme les reffusa, vous ne le devez trouver estrange, car il sçavoit bien que je n'en eusse guières esté plus riche.

J'entens bien, Monseigneur, pour parler rondement, que quelque malcontentement qu'avez, comme ay sceu, de mon fi'ère peult estre cause de tout cecy('). Je ne sçay si en riens il vous a ofTencé ; si suis-je seur que, depuis ne l'ay veu, que n'aviez serviteur plus affectionné au monde que luy, ne qui plus gaillardement eust mis sa personne pour la vostre. S'il est entrevenu aultre chose, j'en suys très marry, principallement si c'est par sa faulte. Je croy bien que le désespoir de se veoir en ruyne totalle de son bien, qui. Dieu mercy, n'estoit trop petit, veu son estât, le pourra avoir transporté bien avant, car qui perd le sien perd le sens, et dès Compiègne je l'en vis au mourir, comme souvent diz à monsieur l'ollicial de Luczon (2> ; à laquelle ruyne il disoit estre en vous seul de pouvoir donner remède, et dès l'heure se complaignoit fort à moy que mieulx ne le traictiez, veu que sa conscience luy estoit juge qu'il s'estoyt au despit de beaucoup de gens employé bien avant à vous faire service. Sy ceste impatience le a, comme je pense veoii', ung peu transporté hors de sa nature et de sa voulenté, je croy. Monseigneur, que, d'autant plus quavez congnoissance et expérience des choses, supporterez-vous aiséement les passions qui sont pour ce appellées humaines que nul portant nom d'honmie n'en est exempt quand l'occasion se y adonne. Néanmoins. là où et quand son offense envers vous scroit de tel poix ou vostre indignation, que toutesfoys je ne me puys persuader, envers luy si implacable qu'il eust de y demourcr perpétuellement, qui me scroyt chose merveilleusement dure à veoir, sy ne vouldroys-je pourtant entrer

(1) Sur le conflit qui s'était élevé entre GuilLiurae du Bellay et le chancelier Duprat, voir ci-dessus, p. 255, note 2, et V.-L. Bourrilly, Guillaume du Bellay, seigneur de Langer, 1904, p. 5^-59-

(2) Nous n'avons pu retrouver quel était à celte époque TofTicial de révéché de Luçon.

[Juillet i5^

envers vous au mesme lieu avec luy, et très voulentiers et de bon cueur en ce cas-là luy en laisseroys l'aisnesse.

Mais de cela, Monseigneur, ne m'en mectray, quant à mon faict, en grand peyne ; car je suys seur que homme de tel vertu et magnanimité que vous ne vouldroit que le lîlz portast l'iniquité du père, tant moins le frère du frère, qui me gardera de vous en faire autre remonstrance ; mais bien vous supplieray, Monseigneur, qu'il vous plaise avoir regard qu'on ne me tienne icy avec confusion et honte, qui redonderait bien en partye sur le Roy mesmes quant à l'opinion des estrangiers, et que, si on veoit qu'il touche au bien de ses affaires que je y demeure, qu'on mesure ma force et qu'on la me face estandre jusques au bout et quelque chose daventaige, puis après qu'on pourveoye audemourant.

Monseigneur, je bailleray tout mon bien à ferme pour quatre mil livres de rente bien paiées, et, syje m'en desdictz, je le veulx perdre, comme j'ay mandé à monseigneur le Grant Maistre. Je ne sçaurois estre icy quicte de vin pour moins de quatre cens escuz par moys, encores qu'il ne faillust poinct de mangeaille ne d'extraordinaire. Je vous supplye, advisez que je puis faire. Monsieur de Vaulx est par delà ; on luy peult demander s'il luy failloit moins, estant icy. de huict tonneaulx de vin par moys, l'amytié toutesfois n'estant entre les maistres telle qu'elle est, par conséquent ne la conversation entre les serviteurs. Ce sont ceste année IIIP escuz sans poinct de faulte, sans ce qu'il y en a bien eu, que honnestement on ne pourroit esconduire et en bon nombre, qui m'en ont bien sceu demander les pièces entières. Je vous supplye. Monseigneur, voulloir avoyr reguard à cela ; car sans poinct de doubte, si ne suis secouru et qui d'icy en avant me laissera en derrière comme l'on a faict par le passé, je seray incontinant contrainct d'habandonner le pays. Tout ce qu'avoys de pouvoir y est allé et celluy des miens avec ; quelque crédit, que j'avoys icy acquis au commencement, a esté perdu par ces mauldictz mil escuz desquels on me faillit, dont en suys comme çeulx qui ont faict banqueroupte.

Et à ce que dictes, Monseigneur, que, là où m'en vouldriez, vous attacheriez à moy en meilleure chose que d'argent, vous avez. Monseigneur, puissance de me ruyner en ung

Juillet i528]

mot. Mais quand me vouldriez non pas ruyner seullement mais encores confondre, vous ne le sçauriez mieuix faire que par m'oster le moien d'argent, car je ne demande que à vivre. Je ne cherche poinct d'honneurs, d'offices ne d'avancemens; j'en ay plus que je n'en mérite et que je n'en ay demandé, et de ce costé-là on m'auroit desjà tué que je ne penserois encores estre frappé sinon qu'on m'ostast tout à ung coup tous honneurs, c'est-à-dire qu'on me mist en la maie grâce du Roy ou de Madame, ce que je suys seur que ne vouldriez faire, car je ne vous en donneray poinct d'occasion.

Par quoy. Monseigneur, pour ne vous plus ennuyer, je vous supplie très humblement que, si àceste heure m'ave? ung peu rendu partye de la vye pour me faire délivrer argent, dont humblement vous mercye, veullez achever d'entièrement la me remettre et daventaige la me continuer tant qu'il vous plairra que soys par deçà. Quand vous y ennuycray, je prendray bien en patience qu'en mectezung aultre en ma place.

Monseigneur, pour ne vous engendrer souspeçon, pour ce que terriblement ai sué, non pas de la vérolle, mais d'une maladie si contagieuse qui règne en ce pais, dont ay esté jusques à la mort, u'ay voulu mectre la main à ceste lettre; car je seroys trop marry de vous avoir engendré inconvénient, pour ce que j'espère bien que. avant que vous mourriez, encores verray mon frère bien avant en vostre bonne grâce et quant à moy que je m'y gouverncray paisiblement, principailement quand je nauray plus d'occasion de vous demander de l'argent, qui est chose mauldicte et réprouvée de Dieu et qui n'a esté inventée en ce monde après le siècle d'or sinon pour engendrer les querelles et mectre brouilleries par le monde. Qui sera pour la fm, après que très humblement me seray recommandé à vostre bonne grâce et qu'auraye requis Nostre-Seigneur vous donner, Monseigneur, bonne vie et longue.

De Londres [le XXI= juillet iSaS].

[Juillet i5a8