Jean du Bellay à François 7^^ Londres, 28 juillet

(Copie : Bibl. Nat., fr. 5499, fol. ng v«-8o. — Analyse : Brewer, Op. cit., vol. IV,

part, m, app. 11° 186.)

Sire, suivant les termes où en estois par ce qu'escripvis à monseigneur le Grand Maistre le seiziesme de ce mois (i), il y a dix jours qu'alley vers monseigneur le légat pour avoir résolution de l'avance que demandez vous estre faicte pour la contribution. Et là-dessus suis demouré avec luy jusques au jour d'hier avant qu'en avoir expédition arrestée, laquelle à la fin a esté de me faire délivrer la somme de trente mil escuz à compter selon le cours de leur monnoye ; laquelle, incontinant que l'ay receue, ay bien voulu envoyer, pour ce que mondict seigneur le Grand Maistre m'avoit mandé quen feisse toute dilligence. Je luy ay baillé, Sire, mon récépissé de ladicte somme en la forme que j'envoye présentement, actendant qu'il vous plairra luy envoyer quictance de toute la somme contenue audict récépissé ; laquelle luy délivrant, il me baillera de sa part quictance de ce que debvez jusques à présent de la pension du roy, vostre frère, et de la sienne. Cependant m'a semblé n'y avoir dangier à l'actendre ; pour ce ne luy en ay voulu faire instance. Et au regard du jour, Sire, que doyt commencer la contribution, nous en sommes demourez en difierend, comme plus amplement j'escriptz à monseigneur le Grand Maître; il n'a tenu que de ma part n"y ait esté faict ce qu'il m'a esté possible.

En tant, Sire, que touche le duc de Gueldres, dont je i*eceuz, partant d'avec mondict seigneur le légat, ce qu'il vous a pieu m'en faire escripre du dix-septiesme, je n'en ay encores sceu avoir conclusion. Car mondict seigneur le légat me dict sur l'heure qu'il envoyroyt vers le roy, son maistre, pour en entendre son intention, toutcsfois que ce seroit ung peu bien tost rechargé de matière d'argent, veu que si freschement il en vient de délivrer ; nonobstant qu'il y feroit le

(1) Voir ci-dessus, p. 338, note a.

Juillet 1528]

mieulx qu'il pourroit, ne m'en rejectant du tout, aussi ne m'en baillant grande asseurance. Je croy bien, Sire, que s'il s'en conclud selon vostre intention, que ce ne sera chose si tost preste ; de ma part je n obmectray temps ne heure à en faire toute diligence. Desjà par devant, Sire, il m'avoit dict que ledict duc de Gueldres avoit perdu la ville de Utrech, et qu'il estoit d'advis qu'il rendist le surplus de ce qu'il avoit des terres de l'évesque et entrast par ce moien en la tresve, car veoyt ceulx de delà si enflammez à l'encontre de luy quilz n'estoient pour riens y espargner ; qui vous viendroit à coust grand et, comme il semble, importable et à la fin peu proulllctable audict duc de Gueldres, et m'avoit mondict seigneur le légat pryé ainsy le vous escripre.

Au demourant, Sii'e, il est ennuyé que ne luy envoyez la ratiffîcation et mon pouvoir comme il avoit esté convenu, non pas, ainsy qu'il dict, pour besoiug qu'il en soyt, ne deffiance qu'il ait de vostre foy, mais afin que cculx de deçà ne pensent qu'il ne luy chaille des afl'aires de son maistre et qu'il ne les dresse selon la raison. Je luy ay tousjours dict. Sire, que cela se mectoyt en oubly, comme il est acoustumé faire entre amys qui vivent ensemble sans defliance. Il prend ceste raison de bonne part. Toutesfois il vouldroyt bien que desjà l'expédition en fust l'aicte, disant que bien pouvez user de ceste privaulté envers le roy, vostre frère, mais que, là où ferez toutes choses jusques aux plus petites qui par la raison entre vous deux se debvront faire, le roy, vostredict bon frère, le trouvera bon, car cela luy fera penser qu'estimerez beaucoup son amityé et que d'axdtant plus aurez envie de l'entretenir que la accompagnerez de grande fréquentation de toutes manières d'ollices. Pour ce derechef il vous prye que, si desjà n'avez faict ladicte expédition, y vueillez user de diligence. Daventaige, Sire, il vous mercye très humblement du soing qu'il vous plaist avoir de sa santé et pareillement de celle du roy, vostredict bon frère ; de laquelle il espère tout bien puisque jusques icy Dieu les a guardez, veu mesmement que la peste est fort en diminution depuis quelque temps en çà. et d'aultant plus en espèreil bonne yssue qu'il présume que Dieu les veult encores guarder pour vostre bien et pour le repos de la chrcstienté.

[JuUlet i528

Des nouvelles, Sire, que luy monstrey par voz lectres susdictes du XVIP, il en fut très aise et incontinent les feit sçavoir au roy, vostre frère. Il espère et dict préveoir que les lansquenetz font leur dernier effort en la Lombardye pour ne leur estre reproché qu'ilz s'en retournent sans riens faire. Mais, Sire, d'une chose il se plainct merveilleusement, c'est que ce gentilhomme angloys(i), qui desj à dès le mois d'avril avoyt esté dépesché d'icy pour Espagne, afin de y traicter des biens de ceulx de deçà, estant demouré malade à Bourdeaux et aiant envoyé à Bayonne sa charge pour la faire passer aux ambassadeurs du roy, vostre frère, ensemble les mémoyres qu'il avoit pour le sauf-conduict de messire Silvestre, n'ayt sceu faire que jusques depuis peu de temps en çà ses lectres aient passé Bayonne ; dont est advenu que si longtemps est demouré à venir ledict sauf-conduict de messire Silvestre, et d'aultre part à leurs marchans a esté grosse perte. Et dict s'esbaliir merveilleusement que, là où ilz font ce qu'ilz peuvent pour le bien de voz affaires et n'y espergnent ne peyne ne gens ne despence, on leur face revenir ladicte peyne et despence à nul prouffict, et que, si on veult arrester par moyens oblicques ceiUx qui, de commun consentement, pour ledict bien de vozdicts affaires, se dépeschent, seroit chose perdue de plus s'en mesler. Je vous asseure, Sire, que de ce poinct il se monstre très mal satisfaict et semble qu'il fust bon que luy feissiez entendre tout cella ne venir de vostre sceu et qu'en soiez bien mal content, aultrement luy en pourroit demourer quelque chose à la fantaisie.

Il dict, Sire, avoir entendu que l'Empereur se devoyt retrouver à Vualdolly (=) le jour Sainct- Jacques, auquel jour il avoit assigné audience audict messire Silvestre ; pareillement qu'il avoit faict prendre le serment des seigneurs d'Espagne à son filz, tenant termes de voulloir venir en Flandres ; qu'il dict n'estre que bonnes nouvelles, et que, si une fois ledict Empereur faict ce tour-là, il peult

(i) Sir Osborn Echinghain ou Ichingham. Les nouvelles dont il s'agit ici étaient contenues dans une lettre de Lee à Henry VIII du 20 juin (State Papers, t. VII, p. 84). Cf. Wolsey à Henry VIII, ai juillet ilbid., t. I, p. 3ao).

(2) Valladolid.

AMBASSADES E\ ANGLETERRE. 34q

Juillet 1528]

faire son compte de ne rentrer jamais en Espagne. Il me dict aussi, Sire, estre bien joyeux que ledict Empereur avoyt une fille, et que ce pourroit estre moyen d'en faire avec quelqu'un des vostres aliance qui viendroit à l'avancement de la paix. Je luy respondis que ce n'estoit la première foys qu'il s'estoit mocqué de moy et que encores ceste-cy la prendroys bien en patience. Je veis bien qu'il fut aise decesteresponce. Suivant, Sire, ce que peuz apperccvoir de vostre intention par quelque lectre que reçeuz avant l'intimation de la guerre, je luy ay tousjours tenu semblables termes, pareillement au roy, vostre frère, qui ne leur ont despieu, à ce qu'en ay peu veoir.

Sur quoy sera la fin de ma lectre, après que très humblement me seray recommandé à vostre bonne grâce....

De Londres, le vingt huictiesme de juillet [1628].