Jean du Bellay à Montmorency. [I^ndres, 28 juillet

(Copie : Bibl. Nat., fr. 5499, fol. 81 \°-83 \°. — Analyse: Brkwer, Op. cit., vol. IV,

part. III, app. n° i8j.)

Monseigneur, je n'alley sitost vers monseigneur le légat que vous avoys mandé par mes lectrcs du [XVI'^Jd), car depuys m'advisey de le laisser penser deux jours sur une lectre qu'avoys escripte à Vannes, saichant qu'il la verroyt et pensant bien qu'il advertiroyt de tout le roy, son maistre, qui seroit d'aultant abréger matière pour l'avance de la contribution. Vous verrez ce qui en est. Je n'envoyé toute la somme, car partie en ay baillé pour vous envoyer le surplus; en quoy ay fait le moins de despencc qu'il m'a esté possible, reguardant toutesfois à la seurté qui y estoyt requise. Daventaige en ay retenu cinq cens escuz, me tenant tout asseuré qu'il ne sera trouvé mauvais, veu que m'avez mandé dernièrement, aussi a monseigneur le Chancellier, que

(I) Laissé en blanc dans le manuscrit. Voir ci-dessus, p. 338, note a.

35o JEAN DU BELLAY.

[Juillet i528

promptement me seroit satisfaict à toutes choses ; encores n'ay-je voulu prendre jusques à ce but, mais seuUement ce que ay veu m'estre plus que nécessaire pour parties forcées ; car, Monseigneur, comme desjà vous ay mandé, pour avoir failly des premiers mil escuz, j'ay perdu tout mon crédit, sans qu'il m'en soyt demouré pour ung escu en Angleterre. Je vous supplie, Monseigneur, faire que la chose ne soit trouvée mauvaise, ce qui sera bien aisé à faire envers ceulx qui considéreront que nécessité n'a poinct de loy. Encores verrez-vous. Monseigneur, qu'avez quelque perte sur la valleur des monnoyes. Je n ay sceu faire que l'angelot ne me fust baillé à soixante-sept solz six deniers, ne que Tescu au soleil fust estimé à plus de quarente solz six deniers. C'est le cours qu'ilz ont en ce pais icy ; et croyez. Monseigneur, qu'ay travaillé ce que j'ay peu pour éviter ceste perte, mais il n'y a eu ordre. Je croy que ferez bien passer par delà aux paiemens des gens de guerre, si voulez, l'angelot pour le pris qu'on le vous baille.

Et en tant, Monseigneur, que touche le jour que doibt commencer la contribution, monsieur de Morette et moy y sommes abusez l'un comme l'autre, au moins le nous faicton accroyre. J'avoys, par ma dépesche que vous fis du [XXX^ de juing] ('), espérance quasi certaine qu'elle commenceroit du premier jour de juing, et, comme j'ay sceu, monseigneur le légat s'en trouvoit persuadé. Depuis qu'il a eu responce du roy, tout est tourné au contraire, en sorte qu'il en demeure fiché à la my-juing. Jamais tant de peyne n'ay eue que pour cuyder gaignei' ma cause, et en fusmes jusques à grosses paroUes et reproches, Dieu scet quelles ! Je monstroys des mcmoyres qu'avoys escriptz en sa présence et par son commandement; tout me fut désadvoué. Je luy dis en humilité aspre et picquante choses que j'aymerois mieulx estre en Jhérusalem que les avoir dictes par commandement, mais venans de moy je sçavoys bien que ne pourroys rien gaster sinon pour l'heure. Depuys j'ay esté son grand mignon et ne m'a voulu laisser revenir que avec promesse de retourner le veoir en brief pour la chasse.

(i) Laissé en blanc dans le manuscrit.

AMBASSADES EX ANGLETERRE. 35l

Juillet i52S]

En conclusion, nous en demourasnies là que nous estions gens de bien tous deux. Mais il mist ce party en avant que Morelte en seroit creu et [quej, s'il afferraoit en gentilhomme et homme de bien estre ainsi que je disoys, il paiez'oit le surplus, non pas de l'argent du roy, son maistre, envers lequel les choses estoient arrestées, mais de sa bourse : toutesfoys qu'il sçavoit bien que ledict Morette est homme de bien, et que. estant tel. il ne sçauroyl dire autrement, sinon que le commencement doit estre du jour de la conclusion du traicté. Vous entendez. Monseigneur, que cela veult dire ; ad^'isez qu'il vous plairra en faire. Je luy demandey après assez de paroUes, entre autres choses, quelle asseurance il voulloyt que je baillasse de luy d'aller sy droict et libérallement en besongne et tant avoir le bien de voz affaires à cueur, veu qu'en chose laicte et passée, et encores qu'elle ne le fust se debvroit par la raison faire et passer, il se monstz'oit si estrange, soubz espérance de saulver seize mil escuz tigneux(0 au cas que la paix vint avant le terme de la contribution expiré, et Dieu scet si là-dessus y eut bien danse et s'il dist bien qu'il n'avanceroyt pas ung liard et assez telles choses. Je luy dis qu'il me feroit grand plaisir de me descharger de la peyne de les envoyer, et quaussy bien, pour vingt mil escuz qu'il ofTroyt, mon maistre n'en seroyt guières plus riche, veu les autres et lourdes sommes qu'il fault qu'ordinairement il desbourse. Nous fusmes bons combattans, mais il gaigna sa cause, car il estoyt saisy.

A la fin, Monseigneur, je ne luy ay voullu bailler récépicé, sinon en bloc et de tant moins sur toute la somme comme pourrez veoir. Il s'en est contenté. Il vous plaira faire que, au terme préfix, la quictance du Roy soit envoyée de la mesme sorte. Et. quoy qu'il y aict, si ne voulez plus avant insister audict commencement de contribution, je suis d'advis que le meilleur sera de luy en mectre la bride sur le col et que me mandiez que remectez tout en sa voulenté et discrétion et mille foys davcntaige, et encores que ne faciez semblant que vous en ay faict grand procès: là où aussi au contraire y vouldriez insister, que teniez ferme là-dessus que

(i) Teigneux ?

[Juillet i528

monsieur de Morette et moy ayons tousjours dict que c'estoit au commencement de juing. Je vous en ay bien voulu escripre au long, afin que mieulx puissiez juger lequel des deux vous devrez faire.

Au demourant, Monseigneur, il ennuyé à monseigneur le légat qu'il n'a ceste ratiflîcation de mon pouvoir comme plus amplement j'escriptz au Roy. Il vous plaira en avoir souvenance. Aussi est-il fort mal content de l'arrest qu'a esté faict si longtemps à Bayonne des lectres, dont j'escriptz au Roy. Il me semble qu'il seroyt bon d'en faire quelque excuse. Je luy ay dict que ceux qui en ont esté cause le moins qu'ilz auront seront penduz, ou, s'ilz sont gentilshommes, qu'ilz auront la teste tranchée.

Par ce pays icy y a encores si peu de seurté des mauvais garsons que j'ay bien voulu envoyer avec l'argent le prothonotaire de la Chapelle (i), présent porteur, qui est mon parent. Il m'a promis qu'il se laissera plustost tuer que riens perdre. Je l'ay bien accompagné de mes gens jusques à la mer chargez de bonnes hacquebuttes ; en quoy n'y aura eu grand despence, car il ne leur a faillu riens donner, et si sont bien gens de fiance. Je luy ay dict qu'il actende jusques à ce qu'il vous faille faire quelque dépesche ; il ne coustera guières plus qu'à ung courrier. Mais, si, luy arrivé vers vous, trouvez qu'il n'aict faict bonne dilligence, frappez hardiment dessus, il a bonnes espaulles. Aussy, Monseigneur, ay faict venir ung navire de Boulongne pour le passaige, car aultrement y eust eu dangier d'approcher soubz miséricorde d'aultruy si près de Flandres.

Je vousveulx bienadvertir, Monseigneur, que monseigneur le légat m'a dict avoir eu nouvelles d'Espagne que monsieur du Reu estoit prest à embarquer (2) quand l'ambassadeur de l'Empereur estant icy luy manda qu'on estoit sur propos de tresve et que dès lors fut délibéré qu'il tourneroyt bride à Naples; toutesfoys qu'il n'a grand puissance ne appareil,

(1) Le pronolaire Pierre de la Chapelle était le cousin de J. du Bellay, qui Favait attaché à sa maison et le chargeait généralement de missions de confiance, du genre de celle dont il s'agit ici.

(2) Adrien de Croy, seigneur de Roeulx, s'était réellement embarqué pour les Pays-Bas; il amenait à Marguerite un renfort de 3,000 soldats, qui furent utilisés contre le duc de Gueldre.

Juillet i5a8]

quelque myne qu'il face. Mais il seroyt bon que vostre armée de mer y print garde, car seroit prinse à propos. Aussi il a entendu de l'équipage qui estparly deNormandye. II s'esbahit que n'avez mandé que c'est et pourquoy faire ; il désire que tout vienne à bien et dict espérer que infailliblement l'Empereur viendra à la paix par se trouver si pressé de tous costez.