BELLAY

[Juillet 1528

qu'il commença à se rasseurer, je tombey malade dudict sutin, dont fuz si griefvement attainct qu'il m'a faillu actendre quinze jours avant qu'avoir accez à luy, quelques urgens affaires pour le Roy mesnies que je y eusse. Incontinent qu'il m'a permis venir luy parler, ay eu la dépesclie telle que présentement j'envoye par delà par courrier exprès, et l'adresse à l'ambassadeur du roy d'Angleterre pour estre de plus grande efficace, auquel mondict seigneur le légat donne charge de solliciter l'affaire comme si c'estoyt le sien mesmes. Le double de la dépesche pourrez veoir en ce pacquet ; et si vous penserez estre bon d'en faire redoubler ung aultre, m'en faisant advertir, je prendrey à plaisir et grand bien de y travailler et user de toute diligence.

Monseigneur, si les choses ne sont passées tant à l'advantaige de vostre maison que désireriez, je croy qu'il n'y a personne qui en soyt plus marry que moy, et vous asseure que jamais chose ne fust mieulx ne plus A'ivement débattue ; en sorte que si c'eust esté pour ma vie n'en eusse sceu faire davantaige. Il est vray que, si eusse veuletraicté de Madril, que tant de foys ay demandé à messieurs du Conseil, j'eusse eu meilleur moyen de me défendre. Je seroys trop ingrat et trop malheureux de y avoir faict autrement, Monseigneur, que mon debvoir, et vous supplie très humblement le voulloir ainsi croyre et le persuader de mesmes à madame vostre mère ; mais les choses furent conduictes par delà de telle sorte qu'on donna occasion aux Flamans de nous bailler, tant pour le faict de monsieur de Gueldres qu'aultres, telles loix qu'il leur pleut, et faillut que prinsions d'eulx pour bénéfice ce que bien espéroys leur faire achepter bien cher. Je croy que monseigneur vostre frère vous diroit bien qui en fut cause. Je n'en diray pour ceste heure non plus, sinon que lesdictz Flamans, nous voyans réduictz à ne pouvoir faire la gueire en leurs pais, ne les Angloys pareillement, et ceste congnoissance leur estre venue par noz longueurs et obmissions, eurent occasion nous faire venir à leur discrétion. Mais de ce qui est passé n'est besoing en faire guières de mention, priucipallement. Monseigneur, quant à moy, afin que ceulx à qui il touche ne pensassent que je chercheasse querelle.

Juillet 1528]

Au demeurant, Monseigneur, j'ay mis ces jours toute la peine qu'il m'a este possible envers le Roy et Madame, et jusques à envoyer mes protestes au Conseil de m'en aller sans congié d'estre quicté de ma charge ; qui neust esté sans m'al- 1er incontinent présenter à vous faire service. Mais il n'y a eu ordre qu'en cest endroict aye riens peu faire ; et faictz grand double que ou en la conclusion de paix ou en quelque malcontentement qu'on eust de moy gist la plus grande seureté que je puisse veoir en mondict congié pour ceste heure : de l'un je me garderay à l'ayde de Dieu, en sorte que n'aurez regret en vostre nourriture; de l'aultre, que je désire autant que tout homme de bien doit désirer, voy bien quelque apparence ; la conclusion en est es mains de Dieu. Tant y a que ceulx de deczà y travaillent ce qu'il est possible et y ont grand espérance. Le jour Sainct-Jacques, aura esté ouy de l'Empereur à VualledoUy celluy qu'ilz ont envoyé vers luy, qui est bon et honneste personnage et bien instruict es choses qui peuvent servir à la conduicte de tel affaire. Et là où ledict Empereur se trouvera aussi dur qu'il a esté jusques icy, je ne voy poinct que ceulx de deczà soient pour nous faillir en ce qu'il leur sera possible. Dont et de ce qui en est passé depuis que suys par deçà si souvent ne vous ay escript, je vous supplye, Monseigneur, n'en estre malcontent. Estant vous en Picardye, mes lectres vieilliroicnt tant avant que venir à vous que ne veri'iez par icelles que bien vielles nouvelles ; oultre si peu de seureté qu'il y auroit qu'elles vinsent jusques en voz mains, aussi que par monseigneur vostre frère pouvez avoir advis de toutes choses. Il est vray qu'avez esté à la court quelque temps, mais je n'en fuz adverty que jusques à ce qu'en fussiez party. Gomment que ce soit. Monseigneur, en cela ou aultre chose là où je penseroys que prendriez autre persuasion de moy que celle où en estes demouré si longtemps, je ne seroys jamais à mon aise....

De Londres [le 28 juillet i528].

[Juillet i528

129. — <( Traicté faict par le sieur de la Hargerie pour les biens de la duchesse douairière de Vendosme comprinse au traicté de tresve ». Le 28 juillet 1628.

(Copie : Bibl. Nat., fr. 5499, fol. 22-23.)

Gomme, par le traicté de tresve naguières faict, accordé et conclud entre les roys de France et d'Angleterre et madame la duchesse d'Austriche pour l'Empereur et les Païs-Bas de Sa Majesté, dont elle a le gouvernement, soit entre autres choses dict, traicté et capitulé que madame la duchesse douairière de Vendosmoys joyra durant ladicte tresve des biens qui luy sont succédez esdictz pais de l'Empereur par le décez des feuz seigneur et dame de Ravestein, à condition que messire Philibert de Ghaalon, prince d'Orenge, joysse de ceulx qu'il a en et soubz l'obéissance du Roy, par l'efTect d'icelluy article a esté, par le sieur de la Hargerye, pour ledict seigneur roy de France, et le Conseil de madicte dame archiduchesse, accordé et convenu en la manière suivante :

A sçavoir que ledict sieur de la Hargerie, à la diligence et poursuicte de madicte dame duchesse douairière de Vendosmoys, fera avoir à mondict seigneur le prince dOrenge désaisissement et mainlevée de sadicte principauté d'Orenge et de toutes et chacunes les terres et seigneuries, rentes, revenus et biens qu'il a en et soubz l'obéissance dudict seigneur roy de France, tant en Bretagne (i), Daulphiné qu'ailleurs, en la forme de ladicte tresve, et luy en fera on à ses procureurs et commis délivrer lectres patentes dudict seigneur Roy très chrestien dépeschées en bonne, seure et am-

(i) Par suite du mariage de son grand-père Guillaume VIII de Clialon avec Catherine de Bretagne, lille de Richard de Bretagne, comte d'Etampes, frère du duc Jean V, Philibert de Chalon possédait en Bretagne les terres et seigneuries de Lamballe et de Montcontour, et les ports entre le Couesnon et l'Arguenon. Il prenait le titre de comte de Penthièvre, bien que ce titre appartînt à la famille de Brosse, qui en avait été dépouillée par Jean V. Le a5 mars iSaiJ, Louise de Savoie avait donné à M. de Vaudémont le comté de Penthièvre confisqué sur Philibert, et François I" avait confirmé cette donation le i;; août i5a6 (Tableau de l'histoire ilesprinces et prineipautc d'Orange, par Joseph dk la Pize, i639, p. 129; Ulysse Robeht, Philibert de Chalon, p. 58.

Juillet 1028]

pie forme, pour par icelluy seigneur prince d'Orenge joyr de sesdictes terres durant ladicte tresve, ensemble des fruictz d'icelles escheuz depuis la publication du traicté de Madril jusques au jour dicelle tresve, plainement et paisiblement, ainsi qu'il faisoit auparavant les guerres d'entre l'Empereur et ledict seigneur roy de France. Et si aucune chose desdictz fruitz escheuz jusques au jour de la conclusion de ladicte tresve se trouve avoir estée donnée par ledict seigneur roy de France et levé par qui que ce soit, icelle dame de Vendosmoys sera tenue le faire bon audict priuce d'Orenge et entièrement l'en rembourser dedans ung moys après que les lectres de don dudict seigneur roy de France et récépicez desdictz deniers receuz luy auront esté délivrez de la part Judict seigneur prince d'Orenge ou que par certillicalions autenticques luy eu sera apparu.

Et en baillant lesdictes lectres patentes de mainlevée et désaisissement dudict seigneur Roy très chrestien audict seigneur prince d'Orenge ou à ses procureurs et commis, en la forme et manière que dict est, icelluy seigneur prince d'Orenge fera quant et quant avoir et délivrer semblables lectres patentes de l'Empereur à madicle dame de Yendosme pour joyr des biens qui luy sont advenuz et escheuz esdictz païs de l'Empereur par lesdictz décez d'iceulx feuz seigneur et dame de llavestein, fruictz et levées d'iceulx depuis le trespas dudict seigneur de Ravestein, et des conté de Sainct- Pol, terred'Oisy ('> et aultrcs terres d'Arthoys arrestées à la requeste dudict seigneur prince d'Orenge et des fruictz escheuz depuis le traicté de Madril.

Arresté, accordé et conclud entre les susdictz, le XXVIII» de juillet, MV^XXVIII.

(i) Oisy, aujourd'hui dép. du Pas-de-Calais, arr. d'Arras.

[Juillet i528

130. — Louise de Savoie à Jean du Bellay. Saint-Germainen-Laye, 28 juillet [i528].

(Copie : Bibl. Nat., fr. 5499, fol. 167. — Analyse : Brewer, Op. cit., vol. IV,

part, m, app. n» 188.)

Après avoir entendu ce que le présent porteur (i) a charge de lui dire, l'ambassadeur devra le renvoyer au plus tost.

« Au demourant, Monsieur de Bayonne, il ne fault poinct que je vous celle que, à bonne cause et raison, le Roy se contante tant et tant du bon office que vous faictes par delà, qu'il me semble que vous ne debvez poinct plaindre vostre peine, laquelle vous sçavez aussi bien et à propos employer et avec aussi grande suffisance que homme de ce monde ; ce qui est noté, congneu et sera si bien recongneu que vous aurez occasion de vivre heureux en honneur et grande réputation. Et sur ce poinct, je prieray Nostre-Seigneur, monsieur de Bayonne, qu'il vous ayt en sa saincte garde.

«Escript à Sainct-Germain-en-Laye, le XXVIIP de juillet. »

131. — Montmorency à Jean du Bellay. Saint-Germainen-Laye, 3o juillet [iSaSJ.

(Copie : Bibl. Nat., fr. 5499, fol. 166 v«-i67. — Analyse : Brewer, Op. cit., vol. IV, part. III, app. n° 189).

Monsieur, j'ay receu toutes voz lectres et faict entendre au Roy et à Madame le contenu en icelles, qui je vous asseure sont en une merveilleuse peyne d'entendre lennuy et fascherie en quoy peuvent estre le roy d'Angleterre et monseigneur le légat à l'occasion de ceste mauvaise malladie

(i) Ce porteur, comme le prouvcla lettre suivante, était Claude de Bombelles. seigneur de Lavau, secrétaire et valet de chambre ordinaire du Roi. Le même jour, le Roi mandait au trésorier de l'Épargne de lui payer 200 liv. tournois, « pour ung voyage qu'il va présentement faire en dilligence et sur chevaulx de poste, partant cejourd'huy de Sainct-Germain-en-Laye, allant devers le roy d'Angleterre porter aucunes lettres dudit seigneur et lui faire entendre de sa part certaines choses conccrnans le bien et prouttict de ce royaume et pour lui rapporter responce en semblable dilligence. » (Bibl. nat., fr. 10406, fol. 59 ; cf. Ibid., f. Clairambault, vol. I2i5, fol. 67.)

AMBASSADES EX ANGLETERRE. SSq

Juillet iSaS]

qui court ainsi de delà, et n'est possible que ledict seigneur et dame puissent estre en repos quilz nen saichent à la vérité. A ceste cause ont dépesché Lavau, varletde chambre dudict seigneur, pour envoyer de delà, tant pour les veoir et visiter de leur part que pour sçavoir de leurs bonnes nouvelles et aussi pour leur en faire entendre de celles de deçà, qui sont telles de tous costez quilz les pourroient désirer, Dieu mercy, comme vous verrez plus au long par les lectres dudict seigneur. Sur quoy je me remectz. sinon pour vous advertir que j'ay parlé à Madame touchant l'ordonnance qui vous a esté faicte pour vostre despence; à quoy je vous asseure qu'il sera pourveu en sorte que, en cela et beaucoup meilleure chose, congnoistrez que les services que vous avez faictz jusques icy ont esté et sont au Roy et à ladicte dame tant agréables que bien et à propos appercevrez quilz ne vous auront poinct mis en oubly. Et de ma part, comme je vous ay tousjours dict, vous povez fier en moy que je y feray pour vous comme si c'estoit pour mon frère propre ; non voulant ouljlyer à vous advertir de l'aise et plaisir que les maistre et maistresse ont eu d'entendre que soyez hors de danger de cest inconvénient qu'avez ainsi malaisément eschappé, qui n'est petit plaisir à voz amys. Vous serez plus amplement adverty de noz nouvelles par cedict porteur, qui me gardera de vous en faire plus longue lectre, priant Dieu....

De Sainct-Germain-en-Laye, le XXX* jour de juillet [i528].

132, — Jean du Bellaj à Montmorency. [Londres, 3o juillet