ID28.J

(Orig. : Bibl. Nat., fr. 3o8o. p. 39-43(1). — Imp. : Le Gkand, Op. cil., t. IH, p. i5j-i68. — Analyse : Bkrwer, Op. cit., vol. IV. part. 11, n" 4649.)

Monseigneur, pour le jour que nous eusmes, monseigneur le légat et moy, noz disputes ensemble, nous demourasmes

(1) L'original ne porte ni date, ni signature, ni adresse, mais il est de la main

36o JEAN DU BELLAY.

[Juillet i528

un peu nous regardans de costé. Le lendemain, fusnies grans amys, et il me vint à prendre une longue histoire de tous ses actes qu'il avoyt faict contre l'opinion et vouloir de toute Angleterre et ce qu'il faisoyt encores et avoyt délibéré continuer de faire, mais qu'il luy falloyt user dune terrible alquemye et dextérité en ses affaires ; car il y avoyt des gens qui esclaroyent de si près que, à la maindre occasion du monde qu'ilz auroyent de calumnier sesdictz actes et de monstrer qu'il feust trop formel pour nostre party, oublyant le bien et proulïit de son niaistre, ilz se y vouldroyent attacher, s'il estoyt possible, qui ne seroyt nostre proulïit, car là où il luy seroyt diminué de son crédit nous en sentirion assez tost. Et, pour ce, qu'on advise tousjours et qu'on pense bien que c'est que honnestement il peult faire, et que le Roy et Madame jugent que c'est quilz prendroyent à bien estre faict pour leur amy par celluy à qui ilz auroyent baillé la totale charge de leurs affaires, et qu'ilz n'en actendent plus ne mains de luy ; mais, que, quoy qu'il y ait, il fault quil dresse ainsi tous ses faictz qu'il puysse monstrer au roy, son maistre, et à son Conseil que ceste amytié ne leur est poinct désavantaigeuse, et qu'il est songneux et diligent de penser à son bien et honneur, comme de faict il est, plus que à toutes aultres choses, ne voulant nyer, ains alfermant suz tout ce qu'il tient de Dieu, que, après le bien de sondict maistre, il a le nostre en recommandation plus que de nul aultre. Et, à ce propoz, quant quelque chose s'advisera ou mectra en avant par delà qui semblera se debvoir faire ou pour l'utilité des deux roys ensemble ou particulièrement pour l'ung ou l'aultre, qu'on l'advertisse privéement. Sans y aller par contentions, ne aussy par cérimouies, il dira son ad vis de ce qui s'en debvra faire pour l'utilité des deux roys ou particulièrement pour l'ung ou l'aultre : s'il baille raisons bonnes et évidentes, qu'on suyve son advis ; si on en baille de meilleures que luy, il se rendra et fera selon les vostres

de Du Bellay. Au dos et d'une autre écriture on lit la mention :« Du XX' août», et telle est la date donnée par Le Grand. Toutefois il semble bien que cette lettre est celle à laquelle Montmorencj' répond le lo août (Voir plus loin, n» lîj). Elle serait donc du « pénultième de juillet ». C'est la date que nous adoptons. Voir plus loin la lettre du 28 octobre, n' i3t>.

Juillet i528]

ce qu'il luy sera possible. Suz ces propoz, Monseigneur, il me pourmena pour ung: jour en son parc sans passer guère s plus avant.

Ung aultre jour, m'y rcmist et me parla de l'aise qu'il avoyt de veoir que le Roy se fioyt en luy et qu'il ne vouloyt pour la contribution aultre seurté de luy que sa paroUe et qu'il ne se y trouveroyt jamais abusé. Et, après m' avoir deux heures tenu aultres diverses matières, dont partie vous mectray cy-dessoubz, il vint à retomber suz vous, vous hault louant autant qu'il est possible et disant que le Roy est bien heureulx d'avoir si bon serviteur et si vigilant au bien de ses affaires et tant au contentement des estrangiers, et incidenteinent ruant bien suz quelque aultre et disant merveilles suz ce contentement; et, là dessuz, force advertissemens qu'il avoyt d'Italie et d'ailleurs et le grant et évident dangier où le Roy seroyt de perdre par luy tous ses alliez, s'ilz n'estoyent forcez pour ceste heure se resserrer avec luy à cause des grans forces qu'il y a de présent, et assez de telz propoz, dont partie il a tenuz à Morette en ma présence, aussi a le roy, son maistre ; par quoy je me déporte de les reprendre, etencores n'en vouldroye tant dire ailleurs pour plusieurs raisons, dont l'une est qu'on pourroyt penser qu'affection le me feist dire.

Mais, pour retourner à vous, il me vint dire que, pour ce qu il sçavoyt bien combien j'estoyc adonné à vous, il me diroyt privéement une chose qu'il avoyt suz le cueur ; c'est qu'il avoyt entièrement mys et (iché son amytié en vous, tant pour les vertuz qu'il y trouvoyt que pour vous veoir si dédyé au service de vostre maistre, et aussi qu'il vous veoyt affectionné à entretenir l'amytié de ces deux princes, de laquelle il espéroyt estre deczà le pillier ferme et estable tant qu'il vivra , et autant s'actendoyt que seriez delà, et eucores est bien entièrement lisché en ceste espérance. Mais il a eu merveilleusement grant ennuy d'entendre qu'estiez un peu asprement sorty des termes, quant à luy, qu'il eust bien voulu demander, et qu aviez usé de propoz qui ne sont pas du tout suyvant l'amytié qui est entre vous deulx, laquelle il veult estre perpétuelle, et, quant à luy, si estiez son frère, elle ne sçauroyt estre plus grande, et, là où ne luy

[Juillet iSaS

feriez le pareil, il en seroyt le plus esbahy que de homme du monde. Je luy respondiz, Monseigneur, à cela ce qu'il me sembla en debvoir lui respondre, asseurant pour vous ce qu'on sçauroyt asseurer, et mys grant paine de cuyder sçavoir par toutes voyes par le menu que c'estoyt. Je n'en peuz sçavoir plus avant. Je luy diz à la fin avoir bien pieczà entendu, et pour certain, que, là où il fut question de la dépesche de Silvestre , monsieur de Bade s'estoyt jecté si loing des termes de raison et s'estoyt tant eschauffé que je ne m'esbahiroye poinct si homme si affectionné que vous aux affaires du maistre seroyt pareillement en quelque chose sorty de sa coustume et de sa nature, mais que de vostre affection et plus que entière foy etamytié envers luy j'en vouldroye respondre suz ma vie. Il en demoura à me dire que me contentasse et qu'il ne m'en povoyt dire plus avant, encores que si n'estoyt la grande fiance et amytié qu'il me portoyt et qu'il sçavoyt combien je vous estoye féable, il ne m'en eust dict si avant ; car, pour rien, il ne vouldroyt qu'on pensast l'amytié d'entre vous deulx estre blessée en la maindre chose du monde.

Je laisse. Monseigneur, grant partie de ces propoz mais je vous diz le principal, et croy. Monseigneur, que, me disant ces propoz, il pensoytbien que vous en advertiroye. Pour ce, adviserez si, par quelque lectre, à luy, ou aultres à moy que lui doibve monstrer, en debvrez toucher quelque mot, comme il me semble qu'il n'y auroyt mal. Je ne diz pas qu'ayez à faire de vous excuser envers luy ne aultre, mais, si en touchiez quelque chose rondement sans en faire trop grant cas, et luy représentant par voz lectrcs le visaige mesmes que luy sçaiu'iez bien bailler si estiez présent, avec grande asseurance de vostre amytié, il me semble que cela luy satisferoyt bien. Je vous en diz ouvertement ma fantasie, car je sçay bien que ne prendrez rien de moy sinon comme d'aftectionné serviteur tel que suys et seray toute ma vie. Et vous promeetz, Monseigneur, que mondict seigneur le légat vous a en estime grande et parle de vous fort haultement et à vostre avantaige et vous porte, à ce qu'en puys veoir, pure et nectc amytié.

Depuys son propoz, j'ai mis paine par bon moyen d'en-

Juillet 1528J

tendre de quelqungde quel costé venoytcevent. Jenele vous vouldroye bailler pour certain, mais je pense avoir évidentement congneu qu'il vienne de vers la chancellerie ; si, nest-il riens passé par mes mains par une seulle lettre, mais je sçay de vray que de Icans il en coulle maintes par les pacquets de monsieur de Bade ou aultrcs , et vous promectz qu il ne se dict ni faict guèrez de choses à la court, tant secrettes soyent-elles, qu ilz n'en ayent bientost des nouvelles icy, soyt par ce moyen-là, comme je pense, ou aultre. Toutesfoiz, Monseigneur, vous sçavez que si de cela en faisiez semblant et que fusse allégué, il fauldroit qu'en alléguasse d'aultres, qu'il ne me seroyt honncste de faire, veu qu'ilz se fyent en moy, et je leur causeroye totale ruine, dont une heure après ne vouldroye demourcr icy, car ce ne sont menues gens. Aussi je me tiens bien seur que ne me mectrez en ceste paine. Bien vous asseureray d'une chose, de quoy debvez estre bien aise, qu'il se sçayt et voyt évidentement qii'avez assez d'envyeulx à la court, et bien m'en a faict le seigneur légat quelques comptes que j'entendz assez n'estre que véritables ; mais Dieu sçayt qu" estez liors de leurs dangiers.

Au demourant, j'ay sceu que madamoiselle de Boulan est retournée à la court. Les lectres interceptées que m'envoyastes de ceste matière leur ont donné à penser ; on m'a dict, à propoz de ce qu'en avoye dict à monseigneur le légat il y a plus d'ung mois, comme vous escripviz, que je ne suys mauvais devin. Et, pour vous dire ma fantaisie, je croy que le roy en est si avant qu'aultrc que Dieu ne l'en sçauroyt oster. Quant à monseigneur le légat, je pense qu'il ne sçayt pas bien où il en est, quelque dissimulation (juil en facze; et m'a esté dict d'assez bon lieu, toutesfoiz que je ne vouldroye bailler pour tout certain, que, un peu devant ce sutin, le roy luy usa de terribles termes, à cause qu'il sembloyt l'en vouloir refroydir et luy monstrcr que le Pape ne se y vouloyt condescendre. Quelque foix me pourmenant avec luy qu'il me comptoyt de ses affaires et de son cas particulier, comme aulcunesfoiz il me compte assez privéement, et me parlant du progrès de sa vie jusques à ceste heure et par là où il estoyt venu à honneur et comment il s'estoyt gouverné.

[Juillet i5a8

il me vint à résouldre que, si Dieu luy peult donner la grâce de voir totalement la hayne de ces deux peuples ostée et ferme amytié entre les princes et perpétuelle, comme il espère faire en brief, et les loys et coustumes du pays réformées, comme il feroyt si la paix estoyt venue, et davantaige la succession de ce royaulme asseurée, principalement là où ce mariaige se fera et que héritier masle en viendra, incontinent U se retirera et servira Dieu le demourant de sa vie, et que, sans poinct de doubte, la première honneste occasion qu'il pourra trouver (principalement cela faict) il abandonnera les affaires.

Je pense, Monseigneur, qu'il prévoyt que, si ce mariaige se faict, il aura bien à faire d'entretenir son crédit et que, là où il s'en verra au désespoir, il donnera à entendre de s'en retirer voluntairement, guarny de ce qu'il debvra estre ; et, de faict, depuys troys moys en czà, il faict fort bastir et mesnaiger à ses éveschés, faict achever ses fondations et collèges à toute diligence. Et croy, Monseigneur, que sa vraye fantasie n'estoyt que, se faisant ce divorce, les choses en vinssent où elles monstrent de venir, et qu'il vouloyt retomber suz madame Renée (0. Toutesfoiz, je voy qu'il se fera si aultre chose ne survient. Mais de voir venir la paix du costé de deczà je ne le me puys persuader; car, souffrant l'Empereur ceste injure, je ne croy pas qu'il la vueille prendre par leur moyen, et par advanture verrez qu'il donnera à entendre à messire Silvestre qu'il viendra à ladicte paix à la requeste de son oncle, au cas qu'il se vueille déporter de ceste entrepi'inse.

Toutes ces choses considérées et assez d'aultres qui vous ennuy croient encores davantaige, je vous veulx dire en brief ce qu'il me semble que povez attendre de mondict seigneur le légat. Ne doubtez. Monseigneur, qu'il ne porte grant aflection aux aflaires du Roy et qu'il ne facze pour luy ce qu'il pourra, mais que ne le vueillez perdre à vostre escient, ce que je croy vous ne voulez. Ce qui nous guaste tout c'est qu'il cognoist son maistre le plus avaricieux homme du

(i) Sur les projets de mariage de Henry VIII avec Renée de France, cf. Ro- DocANACHi, Renée de France, duchesse de Ferrure, 1896, p. 26-2;.

Juillet 1528]

monde, et le vray moyen de l'avoir mys en crédit ce fut, comme sçavez, de luy dire qu'il le remectroyt en layne ; voylà comment quant il fault à ceste heure parler de despence le dyable y est. Car entendez qu'il fault qu'il luy persuade de tout ce qu'il faict pour vous que c'est son prouffict, principalement d'autant plus qu'il voyt le surplus de son Conseil tirer à la cordelle de l'Empereur tant de leur naturel que pour veoir eulx qu'il tire à la vostre. De crédit il en a assez comme vous sçavez, et d'autant plus qu'il en a, plus craindroyt-il à le perdre ; mais je vous promectz, Monseigneur, qu'il lui fault user d'une grande alkemye, et s'il avoyt perdu cest escu de monstrer au roy tout son entendement tendre seulement au bien de ses affaires et à l'enrichir, il auroyt perdu une grande deffence. Et, à ce propoz, je croy que, s'il eust peu honnestement m'accorder pour le commencement de juing, qu'il l'eust faict ; mais, voyant que son maistre l'avoyt autrement entendu, comme je présuppose et voy clèrement, il ne s'est voulu déclarer plus avant pour tousjours se réserver ceste deffence de particulier prouflict. Aussi fault qu'entendiez une chose, que, combien qu'il mayne le Conseil quasi où il vcult, toutesfoiz ce qui y est une foix passé, pour rien il ne viendra à rencontre, et ne sçay s'il l'oseroyt faire, car croyez que, s'il choppoyt, ilz sont gens assez au guect pour le relever.

Je vous ay bien voulu. Monseigneur, ung peu compter de ce qu'ay peu voir et juger des choses de deczà ayant trouvé homme seur ; dont desjà la plus grant part avoye dict à Morette, à fin que, recuillant mes petiz advis avec de meilleurs, puissiez du tout faire une masse qui vous serve de fondement à ce que vous vouldriez bastir suz les aû'aircs de deczà.

133. — François de Haïsse, seigneur de la Hargerie, à Jean du Bellay. Mtilines, 3o juillet 1628.

(Copie : Brit. Mus., Galba, n. vu, fol. 96. — Analyse : Brf.wer, Op. cil., vol. IV,

part. II, n» 45:;8.)

Monseigneur, par mes premières lettres vous ay escript ce que j'ay besoignié avecques madame la douargière de Sa

[Juillet i528

voye et Conseil de l'Empereur, par quoy n'est besoing le référer et semble au Conseil de l'Empereur que l'apointement, que avons faict pour les fruietz des récompenses du passé et despuis le traietié de Madril jusques au présente ti'esve, ne touebe en riens au roy d'Engleterre, à cause que ses serviteurs et subgectz n'ont terres ne revenues dechà la mer es pais de l'Empereur, dont puissent avoyr différent des levées passées.

Toutefois il est bon du tout advertir le roy d'Engleterre et monseigneur le légat adfin que ne puissent avoir imagination de riens que on fâche traictiés à part sans leur faire entendre, et pour tousjours tenir le vray et bonne amitié qui est entre le Roy, nostre maistre, et ledict seigneur roy d'Engleterre.

Mais il faut que donnés entendre à monseigneur le légat que journellement viegnent plaintes d'ung costé et d'aultre de plussieurs qui corrompent la tresve par pilleries tant du costé de la terre que de la mer et bieaucou pliis largement du costé de l'Empereur que de nous gens. Et pour ce que mondict seigneur le légat est ordoné l'ung des conservateurs de la tresve, avecques monseigneur le cardinal de Lorayne, pour nostre costé, et monseigneur le cardinal de Liège, du costé de Madame de Savoye, nous avons advisé pour lieux plus convenable et neultre que lesdictz sieurs conservateurs envoyront à Cambray chascun ung commis ayant povoirs autentickes de leurs seigneurs pour faire raison et justice de ceulx qui défraindront ladicte tresve avecques poyr (sic) de faille restituer tous domaiges et intérest.

De quoy porrés advertir monseigneur le légat, aftin qu'ilz regarde avecques vous comment il luy en plaira ordoner. car le plus brief est le milleur pour la conservation de la tresve et obvier à plussieurs inconvéniens.

Vous porrez après escripre au Roy et à monseigneur le Grand Maistre ce que en aurés faict allin que monseigneur le cardinal de Lorayne se règle de faire et envoyer commys pour luy ayant tel poyr que celluy que monseigneur le légat envoyra.

Monsieur, je prie Dieu vous donner bonne vie.

De Malignes, ce pcnultyme jour de jullet.

Août i528]