François I" à Jean du Bellay. Fontainebleau, 8 août

iSaS.

(Copie : Bibl. Nat., fr. 5499, fol. 167 v-iôg.)

Monsieui- de Bayonne. jay receu vostre lecti'c duXXVIIP du passé, ensemble l'argent que ce porteur a apporté de l'avance de la contribution que le roy. mon bon Irère et perpétuel allj'é, me faict, selon la requeste que je vous a vois escript luy en faire et à monsieur le légat, mon bon amy, pareillement; lequel, pour en avoir esté le seul moien, vous en remercierez de ma part aussi affectionnément qu'il vous sera possible, luy disant bien qu'il me donne joui'nellement de plus en plus vraye congnoissauce de la bonne amitié qu'il me porte en tant de sortes de bons oilices, que je ne sçay comme bonnement je y sceusse satisfaire si n'est de bonne volunté, laquelle il se peult asseurer estre telle envers luy que il ne me sçauroit requérir de chose qui soit en ma puissance dont il ne soit asseuré de liner, comme ung des meilleurs et principaulx amys que j'aye; le priant, puisqu'il a si bien commancé, qu'il veuille continuer et me faire envoler le demourant, comme vous m'escripvez qu'il a bonne envye de faire. Et je vous envoyé le pouvoir tel que vous le demandez (0 et qu'il vous est de besoing, tant pour l'argent que jà vous avez receu que pour celluy que vous avez à recevoir, et semblablement pour recevoir les quittances des pensions de delà, ainsi que vous le m'escripvez.

Au demourant, je vous envoyé la ratillication de la tresve qu'ilz demandent, laquelle vous povez bien asseurer, comme jà vous avez très bien faict, n'avoir esté pour aultre chose retardée ou oubliée que pour les raisons que vous m'escripvez avoir alléguées à mondict sieur le légat, mon bon amy; et que, si ce eust esté envers gens où il se feust peu prandre quelque delliance, vous estes asseuré que l'on n'eust tant demouré à l'envoyer. Mais il sçayt mieulx que

(I) Voir ce pouvoir sous le titre de : Commissio régis Franciae pro quictantia danda régi, 8 août i528, dans Rymbr, Fœdera, t. VI, part, u, p. 106.

[Août 1028

nul aultre que l'on use communément ainsi entre amis, ausquelz on ne sçauroit engendrer aulcune matière de suspeçon, veu la bonne, indissoluble et perpétuelle amitié qui y est, pour telles et semblables choses et de si peu de conséquence.

Au regard de la plaincte que mondict sieur le légat, mon bon amy, vous a faicte de ce que jusques à quelque temps ençàle gentilhomme, qu'il avoit dépesché dès le mois d'avril pour Espaigne et qui estoit demouré malade à Bourdeaulx, n'a tant sçeu faire que de faire passer ses lettres en Espaigne, lesquelles, pour ce faire, il avoit envoyées à Bayonne, et que pour cela le passaige de messire Silvestre a esté plus longuement retardé, je vous advise. Monsieur de Bayonne, que ce m'est chose si nouvelle et à tous ceulx qui sont icy que je n'en avois jamais ouy parler jusques à ceste heure, vous priant vouUoir bien asseurer mondict sieur le légat, mon bon amy, que si tel retardement estoit venu par aulcuns de mes ofïiciers ou subjectz, que j'en ferois telle démonstration que je suis asseui'é que les aultres y prandroient exemple. Mais ayant faict si exprès commandement, et mesmement sur ceste frontière, que tout ce que toucheroit le roy, mon bon frère et perpétuel allyé, passast et repassast comme si c'estoit pour moy et mes propres affaires, je ne puis penser que la faulte soit venue de mesdictz subjectz. Et, pour le mieulx sçavoir, je m'en suis voullu bien enquérir et entre aultres à monsieur de Bathe estant icy avec moy, lequel m'a dict n'en avoir jamais ouy parler, me promectant qu'il en escriproit bien au long à mondict sieur le légat , mon bon amy , lequel me semble ne debvoir prandre aulcun mécontentement de telles choses qui se font sans mon sceu et consentement et lesquelles je ne vouldrois pour riens permectre ne souffrir quand elles seroient venues à ma congnoissance.

Monsieur de Bayonne, vous ne m'avez faict petit service de si dextrement et saigement conduire les choses comme vous avez faict et si près de mon intention ; en quoy je vous prie encores continuer au recouvrement de ce reste, aflin de le m' envoyer le plus tost qu'il vous sera possible. Car entendez qu'il me vient si à propos que plus ne pourroit, veu la

AMBASSADES EN ANGLETERRE. SCg

Août i528]

grosse et lourde despence que j'ay à porter à rentretènement de noz armées d'Italye; desquelles j'espère que bientostj'auray nouvelles qui ne seront moings plaisantes audicl roy, mon bon frère, qu'elles seront à nioy. Car desjà, pour commencement, je vous advise que j'ay eu la certaineté du deslogement des lansquenetz nouveaulx venuz au service des ennemys au siège de Loddes. où, après avoir esté repoussez de quelques assaulx qu'ilz y ont donnez, qui n"a esté sans grosse perte de leurs gens, le duc de Brunsvic, qui estoit leur cappitaine général, s'est levé et retiré avec le reste de ses gens et passé par les pays des Grisons pour s'en retourner en Allemaigne, où il peult estre de cestc heure et semblablement tous ces lansquenetz, lesquelz s'en sont l'etournez demandant l'aumosne pour n'avoir eu ung seul escu que une paye tant qu'ilz ont esté en Italye, bien délibérez, à ce qu'ilz dient, de ne retourner plus si aisécment au service de lEmpereur, veu le mauvais traictement qu'ilz y ont eu. Et Anthoine de Leyve est demouré sans argent et bien mal acconipaigné pour résister aux forces qu'il a devant luy; lesqvielles, j'espère, feront si bon exploict que, en ung mcsme temps, et à Naples et en Lombardie, les choses de nostre commung [affaire] prandront fin et yssue telle que nous la désirons. Car j'ay eu advertissement dudict Naples que les choses y estoient de plus en plus à l'extrémité et que mou armée de mer y estoit arrivée; laquelle, affin de y estre tousjours le plus fort, j'ay voullu renforcer et accompaigncr de mes navires ([ui estoient par deçà, lesquelzje faictz passer le destroict et deux mil hommes de guerre dessuz, estant bien asseuré qu'ilz ne trouveront chose en leur chemin dont ilz ne rendent bon compte. Et par ce moien se sera osté l'espérance à l'Empereur de pouvoir, par la mer ny par la tei're, secourir ses gens qu il peult tenir assurément pour perduz, ne leur estant demouré en la Lombardie, par ce que j'ay esté tout présentement adverty et de l)on lieu, que de cinq à six mil hommes avecques Anthoine de Leyve, qui n'est pas force, comme vous sçavez, pour garder ce qu'ilz tiennent. Monsieur de Bayonne. je vous prie tousjours continuer à me faire sçavoir des nouvelles de la bonne santé du roy, mon bon frère et perpétuel allyé, principalement, et pai'eil-

3nO JEAN DU BELLAY.

[Août i5a8

lement de mondict sieur le légat, mon bon aniy, ensemble de la terminaison de ceste malladie et quelle aura esté la fin, mesmement par Lavau que j'ay envoyé par delà pour cest effect, si jà vous ne l'avez dépesché, et vous me ferez bien service en ce faisant.

Et à Dieu, monsieur de Bayonne, qui vous ayt en sa garde.

Escript à Fontainebleau, le huictiesrae jour d'aoust [i5a8].