Jean du Bellay au chancelier Duprat. [Londres

3 septembre 1628.]

(Copie : Bibl. Nat., fr. 5499, fol. 86 v-83 v. — Analyse : Brewer, Op. cit., vol. IV, part. III, app. n* 200.)

Monseigneur, suivant voz lectres du neufviesme du passé (0, je pi*ésentey à monseigneur le légat, incontinent que le prothonotaire de La Chapelle fut de l'etour, le pouvoir qu'il vous plaisoit m'envoyer, qu'il leut en ma présence et ne faillit pas de faire une pause à ccsmotz sine innovatione, sans en dire mot, mais comme les poysant de la mesme sorte qu'il avoyt poysé les aultres par ci-devant couchez en pareils termes es lieux dont par voz lectres me faictes

(i) Cette lettre du chancelier, du 9 août, accompagnait le pouvoir expédié à J. du Bellay ; nous ne l'avons pas retrouvée.

Septembre i5a8]

mention. De quoy, Monseigneur, et de ce qui pour lors en fut dict par luy et de ce qu'il m'en sembla en ay tousjours rendu compte bien au long tant au Roy que à monseigneur le Grand Maistre, comme se pourroit veoir encores par plusieurs miennes lectres, ausquelles je me remectz de ceste matière, pour ne vous ennuyer de long propos, pour ce aussy, Monseigneur, que je ne fais doubte que bien encores n'aiez le tout en mémoyre.

Toutesfoys, Monseigneur, bien vous diray-je que, combien qu'assez souvent monseigneur le légat m'a dict, se mectant bien avant à la campagne, qu'avons tort de penser qu'ilz tascheassent par moiens indirectz de innover l'obligation du traicté offensif, et que, là où ilz le vouldroient faire, assez de moiens plus certains ilz en trouveroient, et beaucoup de choses m'aict dictes à ce propos, comme par les lectres de ci-dessus ay mandé, sy croy-je que, là où l'année qui vient, vous vouldrez rentrer en termes de faire la guerre en Flandres, soit en vertu de l'obligation ou soubz autre couUeur, vous ne les y trouverez les plus diligens du monde, car, quoy qu'il y aict, ilz ne veullent entendre à faire despence. Hz s'estoient persuadez infalliblement que la paix succéderoit et conséquemment que jamais ne viendroient jusques à ces termes. A ceste heure, s'il y fauldra venir, ilz n'y prendront guières de plaisir. Sy croy-je qu'ilz ne nous fauldront poinct de faire quelque honnesteté, les choses estans bien conduictes. Mais, quoy qu'il y aict, ilz ne monstreront riens avoir eu de moy par escript ne de parolle ; je croy qu'aussy ne feront-ilz de vous, dont ilz peusscnt alléguer que les tenions pour deschargez de l'obligation offensive. Et pense qu'aurez bien noté en mon récépissé de quelz termes j'ay usé pour ne leur y donner à mordre; car de y mectre les motz que mectez en ma commission, ou autrement renouveller ceste mactière, ne m'appartenoit de le faire sans commandement, combien que, là où en mondict récépissé y auroit chose qui tant ne vous satisfist que à eulx, il n'y auroit danger, car vous entendez que j'aurcy à le retirer de leurs mains.

Et au demeurant, Monseigneur, que monstrez vouUoir congnoistre quelle voulenté ilz auront, afin que le Roy y

SgS JEAN DU BELLAY.

[Septembre i528 pourveoye, sy ne prenez poinct à présomption que vous dye ce qu'il m'en semble, il m'est advis qu'on ne sçauroit mieulx faire que de y aviser et pourveoir de bien bonne heure sans leur donner toutesfois, jusques à ce qu'en verrez estre besoing, souspeçon de deffiance. Mais, Monseigneur, estant par cy-après réduict Naples à vostre obéissance, et conséquemment une bonne partie des affaires de delà vuydez, et venant de l'Empereur responce de guerre ou équipolente à cela, il me semble qu'aurez grande et honneste occasion d'entrer avec eulx en termes d'entreprendre quelque chose sur le printemps, qui puisse redonder au bénéfice des affaires communs et réduire ledict Empereur à termes de raison; et que, à considérer le temps que les deux choses susdictes pourront escheoir, ce ne sera trop tard d'entamer telz propoz en ce temps-là, car pour le moings vous demourera-il troys bons moys d'adviser et conclure des affaires, et ferez qu'il n'y aura en cela chose qu'ilz vous puissent imputer à précipitation ou importunité trop grande.

Dernièrement, Monseigneur, que fuz vers monseigneur le légat, je ne peuz riens faire quant à la quictance qu'il fault qu'il me baille du terme de may passé, car le docteur Stephen arrivoit, à qui il falloit bien donner entière audience. Et combien que son intention fust avoir quictance du Roy mesmes comme avoys mandé, toutesfoys, quand luy remonstrey ce que pensey estre à propos et monstrey que ce qui m'estoit envoyé estoit de mesme substence, il feit semblant d'avoir voulloir de s'en contenter, estant toutesfoys encores à la fin ratiffié tout ce qu'avons faict suivant les cérémonies qu'ilz ont icy, comme vous sçavez, terriblement grandes. Mais au demeurant, Monseigneur, il vous plairra me faire envoyer Testât des pensions tant de luy que du roy, son maistre, et les termes des paiemens et comment en estes, si c'est chose que je puisse ou doyve entendre; comme il me semble estre raisonnable, car sans cela vous sçavez. Monseigneur, que je sçauroys ne recevoir, ne bailler quittance en la forme qu'entendez que je le face, si ne voulloys m'arrester à la paroUe de ceulx de deçà et sur elle-mesme leur faire leur compte, ce que j'aurey bien tost faict, mais ne me semble estre trop raisonnable....

Septembre i5a8]