Jean du Bellay à Montmorency. Londres, 3 septembre

(Orig. : Musée Condé, série L, vol. V, fol. aji-a^a. —Copie: Bibl. Nat., fr. 5499, fol. 85-86 V». — Analyse : Brewer, Op. cit., vol. IV, part, m, app. n- 199.)

Monseigneur, par le courrier Thade vous avoye mandé que monseigneur le légat vouloyt envoyer maistre Mour à Cambray. Depuys m'est venu la dépesche du XXV* du passé, qui a faict que les choses en sont demeurées es termes que verrez par les lectres du Roy.

Estant, Monseigneur, avec mondict seigneur le légat, il me vint à parler de l'arrivée du docteur Stephen, de la venue de Campège et aidtres choses ; puys vint tomber suz André Doria, me redoublant les propoz que desjà vous ay mandez. De là vint à parler du Pape, asseurant fort de son bon vouloir, disant loutesfoiz qu'il se malcontente fort des offices dont [on] use envers luy quant à Ravenne et Servye. Et encores disoyt mondict seigneur le légat qu'il estoyt assez mal satisfaict, fust par faulte des ministres ou aultrement, de honnestes démonstrations et gracieulx moyens dont on debvroyt chercher de le contenter. Si me confessa-il bien que nostredict Sainct-Père se contentoj't fort du viconte de Thuraine. Quant tout est dict, je croy que le principal de son malcontentement quant aux dictes choses est qu'on monstre ne se fyer trop en luy. Et à cest article, Monseigneur, je res-

[Septembre i5a8

pondiz à monseigneur le légat le myeulx que je peuz. Quelquefoyz luy diz assez rondement que nostre dict Saint-Père avoit tort de vouloir qu'on se fyast entièrement en luy, veu le peu d'occasions qu'il nous en a donné jusques icy, sinon qu'il nous voulust du tout tenir poiu' aveugles ou bestes. Il confessa que j'avoye raison, mais il vouldroyt bien qu'on usast avec luy de plus grande dextérité. Il fut bien aise d'entendre que monsieur de Vaulx (i) estoyt allé vers luy, car, combien que pieczà luy eusse dict, il l'avoyt mys en oubly. Tous ces propoz, Monseigneur, combien qu ilz ne soyent de grande importance, toutesfoyz je ne crains à vous en ennuyer pour vous rendre compte de toutes choses.

On parle icy que le seigneur Hercules (2) prenne quelque estât avec les Florentins. Par advanture, Monseigneur, seroyt-il bien différer ung peu la chose pour les fantasies qu'en pourra prendre nostre Sainct-Père. Je croy qu'estez bien adverty que l'ambassadeur qui estoyt icy de leur part a esté remandé. Il a demandé son congié à monseigneur le légat; il partira en brief.

Monseigneur, après aultres propoz mondict seigneur le légat vint suz ce camp qu'il dict le hérault de l'Empereur (3) apporter au Roy, dont il est en grant paine, voyant, ainsi qu'il dict, manifestement par cela toutes pratiques de pays corrumpues, et vouldroyt par tous moyens que tout se rapaisast, confessant toutesfoyz que le Roy pour son honneur ne povoit faire aultrement qu'il a faict. Il vouloit que le Pape, le roy, son maistre. Madame, madame Marguerite, luy et vous et tout le monde s'en meslast pour le rompre. Je l'en recullay quant au roy, son maistre, le plus loing que je peuz, à tout le moins qu'il s'en meslast directement. Il a sceu que l'Empereur n'est venu à Vualledoly (4), comme

(1) J.-J. de Passano, seigneur de Vaulx, était à ce moment à Viterbe, auprès du Pape. Cf. les extraits de la lettre de Gregorio Casalc du 25 août, dans Brewer, Op. cit., vol. IV, part, ii, n* 4663, et la lettre de Sanga au cardinal Salviali, de Viterbe, 28 août, dans Lettere de' Principi, t. II, fol. 122.

(2) Hercule d'Esté, fils du duc Alphonse de Ferrare.

(3) En réponse au cartel qu'il avait reçu du héraut Guj'enne, Charles-Quint en envoya un, conçu en termes très vifs, à François I". Le héraut Bourgogne qui le portait arriva à Étampes le a septembre et entra le 9 dans Paris. Cf. MiGNKT, Rivalité de François 1", t. II, p. 4oo-4o3.

(4) Valladolid.

AMBASSADES EN ANGLETERRE. SgS

Septembre i5a8]

il debvoit, et par ce n'actend si tost responce de Silvestre. 11 veult que, pour rompre ce combat, vous faciez toutes choses. Je vous en ay deschargé le plus que j'ay peu, disant que c'est, pour plusieurs raisons, à faire aux aultres. Mais, Monseigneur, vous m'aurez bien pour excusé si en ceste matière je vous diz uag peu de ma fantasie. L'Empereur a esté adverty de Testât des Allemaignes et peult estre qu'il vouldroyt bien estre en Flandres pour y remédier, s'il y povoyt seurement venir. S'il assigne le camp à Cambray, pour ce que vers Espaigne semble n'y avoir lieu neutre, il vouldra que luy asseuriez son passaige par mer, et par ce moyen il aura obtenu ce qu'il demande quant à ce poinct, sinon que, là où il vouldroyt sondict passaige luy estre pareillement asseuréparle roy d'Angleterre, il le luy reffusast, quiseroyt le vray moyen par advanture de rompre ce combat. Toutes, foiz, là où l'on l'asseureroji: de costé et d'aultre, ^eroytbeau gibier à quelque forissu (') bien équippé de le guectcr au passaige. J'en parle comme clerc d'armes; vous prendrez tout de bonne part.

A la fin, Monseigneur, est arrivé en Flandres ce RoUant, le sieur de Reuz, avec deulx mil Espaignolz, connue, je croy, aurez estez advertiz. L'ambassadeur du roy d'Angleterre qui est vers madame Marguerite (2) mande qu'il ne sçayt qu'ilz sont venuz faire sans chausses ne souUier ne baston de guerre, sinon quilz voulussent aller veoir monsieur de Gueldres pour ce que les Flamens n'en veulent plus manger pour y avoir estez , rompuz et si bien frottez qu'il n'est possible de myeulx. Et à ce qu'escript cest ambassadeur, il semble que les Flamens ne soyent trop marriz de veoir lesdictz Espaignolz ou bel équippaige qu'ilz sont, et semblent estre en dangier d'avoir cest yver ung peu plus de frescheur qu'il ne leur en fauldroit. Mondict seigneur le légat croyt que monsieur de Reu partant d'Espaigne n'estoyt encores adverty de la tresve ; toutesfois il mectra payne de sçavoir au vray qui lamaine. II demande dcsjà si voz ambassadeurs

(i) Paoruscito, émigré, exilé ou banni en italien ; le mot semble pris ici dans le sens dérivé de pirate.

(2) John Hackett. Cf. sa lettre à Wolsey du ao août i5a8, dans Brewer, Op. cU., vol. IV, part, u, n» 4'J5o.

[Septembre i5a8 de Hongi'ie sont dépeschez. H a grant envye qu'ilz partent

expédiez suz la forme que par cy-devant vous ay escripte, y advisant de delà et mectant encores du vostre ce que bon TOUS semblera, afin que, repassans eulx par icy, il leur faeze dépesche pareille de la vostre....

Monseigneur, je me recommanderay, etc.

De Londres, le III' de septembre.

J. DU Bellay, évesque de Bqyonne.