Jean du Bellay à Montmorency. Londres, aS janvier

(Orig. : BibL Nat.. fr. 3on6. p. 55-58. — Irapr. : Lk Grand, Op. rit., t. III, p. 281-288. — Analyse : Bkeweb, Op. cit., vol. IV, part, ni, n* 5209.)

Monseigneur, craignant qu'il ne fust bien pris que de-

(1) Claude Dodieu, seigneur deVcly, conseiller clerc au Parlement de Paris (i534), secrétaire de l'ambassade envoyée en février i52; en Angleterre, voyage dont il écrivit la relation, ambassadeur à Florence du i" juillet iSaj au 3i août 1529 (Bibl. nat., Clairambault I2i5, f. 68 v»-69). Au milieu de i53r, il devait être envoyé auprès de l'Empereur qu'il suivit en Flandre, en Allemagne, en Italie et en Espagne. Une partie des lettres adressées de Florence .i Montmorency par Dodieu est conservée à la Bibl. nat.,fr. 3oo3 et2o5o6. — La lettre dont il est question est du 9 janvier; voir Bhewer, Op. cit., vol. IV, part, m, n* 5i5;. Cf. du même jour une lettre à Montmorency, Bibl. nat., fr. 3oo3, fol. 33.

AMBASSADES EN ANGLETERRE. 53g

Janvier iSag]

mourasse longuement sans vous escripre, encores qu'il n'y ait grant matière de dépesche, si ay-je myeulx aymé vous faire une lectre de peu de substance que faillir à vous contenter, vous voulant toutesfoiz bien advertir que, si ne me donnez aultre occasion d" escripre qu'avez faictdepuy s quelque temps enczà, vousme debvrez avoir pour excusé si je ne vous serviray icy de grant chose. Vous sçavez. Monseigneur, que si secrettement icy se traictent les affaires qu'il n'est possible de plus et avec ce on ne va à la court qui n'y a expressément à faire ou qui n'y est mandé. Par quoy quant je faulx occasion, laquelle fault qu'elle vienne de vous, je ne puys rien sçavoir pour vous escripre. Bien est vray que je puys aulcunes foiz forger couleur de y aller, mais à souvent continuer, il ne seroit trouvé bon. Aussy puys-je bien sçavoir aulcunes choses par gens que j'ay en main sans aller à la court ; mais quant tout est compté, il m'est nécessaire, si voulez que facze bien mon debvoir, que me rendiez ce moyen que m'avez osté depuys trois moys de parler aux dieux mesmes. Et avec cela, faisant plus continuelles dépesches vous les en contenterez beaucoup plus et leur donnerez mains d'occasions de user de leur naturel, qui est de soubsouner suz la maindre chose du monde ; dont quelque chose vous ay escript par mes dernières lectres qui furent du XIP.

Je ne faix doubte. Monseigneur, que recepvant la présente, n'ayez desjà ouy le docteur Stephen (i) ; le partement duquel ne vous escripviz, combien que, quelque secret qu'il .se tinst, je le sceusse quattre jours devant. Mais estant la court suz les champs et moy n'ayant point de moyen de y aller, je ne sceuz riens entendre de la cause de son partement. Depuys deux jours que le cardinal Campège est icy de retour, j'ay mis paine d'en sçavoir, mais je vous asseure que la chose est si très secrette que ceulx qui sont bien avant du Conseil et ont grans moyens d'en sçavoir n'en peuvent riens entendre.

Je croy bien toutesfoiz qu'en passant il vous communic-

(1) stephen Gardincr, dépêche à Rome par Henry VIII le 20 janvier. Cf. Bbkweb, Op. cit., vol. IV, part, m, 5i88.

[Janvier iSag

quera du tout; par quoy ne seroit jà besoing que je vous servisse de conjectures là où vous povez avoir la vérité et certaineté des choses. Si ne laisseray-je à vous dire que, pour beaucoup de conjectures que j'ay prinses, je pense que nostre Sainct-Père, par le chambrier qu'il a envoyé audict Gampège, luy a mandé que, voyant aller les choses aultrement qu'on luy asseuroit et que luy-mesmes luy mandoit, et que au royaume de Naples les affaires de l'Empereur sont en tel estât que mériteraent il doibt avoir peur de luy desplaire, et que d'aultre part en la Lombardie voz forces ne sont si grandes qu'il espéroit, mais que au contraire celles dudict Empereur y sont augmentées par la venue des Espaignolz et encores plus par celle du cardinal Saincte-Groix, à cause de l'argent qu'il porte, et que venant l'Empereur au dessuz de ses desseings, comme il est à craindre qu'il facze, mesmement estant si favorisé de fortune, là où il auroyt faict procéder à ce divorce il feust pour s'en mal trouver, à ceste cause luy deffende de non plus avant s'en mesler ou quelque chose de semblable. Je ne faiz doubte, Monseigneur, que le docteur Stephen ne vous ayt communicqué sa charge, mais je vouldroye bien mectre vingt contre ung que ma conjecture approche fort de la vérité, et, s'il vous aura baillé aultre couleur de sadicte dcpesche, je pense fermement qu'il vous aura servy d'ung desguysement de matière.

Au demourant. Monseigneur, je vous vouldroye bien pryer que, par la première dépesche que me ferez, me missiez en quelque bout de lectre, en sorte que je peusse monstrer l'article à Gampège, qu'estez bien aise que je l'aye trouvé en si bonne dévotion envers le Roy et que tiendrez la main entièrement envers ledict seigneur qu'il luy donnera matière de venir quelque foiz à l'esbat en son royaulme,et que ledict seigneur en a de luy-mesmes très bonne et ferme voulenté, ou quelque chose de mesmes sonnant qu'on luy donnera des bénéfices. Gela, Monseigneur, ne vous costera riens et pourra servir de quelque chose, car je sçay bien qu'il en désire et si pourra ayder à la matière du mariaige.

Ge que je vous avoye. Monseigneur, mandé parcy-devant, de mectre les estrangiers liors de ce royaume estoyt ung peu

Janvier iSag]

refroidy, mais depuys peu de jours a esté remys en avant, et croy que, avant qu'il soit guères, il en vuj^dera plus de trente mil Flamens ; dont ilz ne sont pas les plus conteus du monde et disent bien que ceste année ilz feront la guerre si forte que ce sera belle chose. Je ne sçay, Monseigneur, qu'il en adviendra, mais il me semble que ceulx de deczàontplus de peur qu'ilz ne monstrent de ne povoir obtenir la tresve ; et sçay que monseigneur le légat s'est fort courroucé de quoy si long temps ses gens ont retenu Thade en court, car il eust bien voulu qu'en la matière de ladicte tresve nostre Sainct-Père se feust mys bien avant. Mais, à ce que je voy, ce n'est chose preste, car nostredict Sainct-Père ne sera, comme je croy, si hastif de incontinent la ordonner sans en prendre plus meure délibération, et ce pendant ung grant temps se pourra passer.

Je ne veulx, Monseigneur, oublyer à vous dire que l'ambassadeur de Hongrye a persuadé ung Ossestre ('), qui estoyt icy pour les mynes d'or que le roy d'Angleterre faisoyt chercher, de s'en retourner en Allemaigne soubz couleur de faire l'appoinctement de Ferdinand et du roy de Hongrie, afin que, si en ouïez parler, ne le trouviez estrange. Mais le tout n'est que une fourbe, afin que mains on se doubte de luy à son passaige et aussi pour povoir mander des nouvelles à son maistre, car il a affermé, comme en ayant povoir, les minières de Hongrie audict Ossestre et luy a baillé ung sien serviteur féal ; lequel ledict Ossestre, allant vers ledict roy de Hongrye quérir la confirmation du contract, maine seurement par les AUemaignes, et par ledict serviteur l'ambassadeur advertist le Roy, son maistre, de toutes choses. J'ay monsti'é audict ambassadeur que mon frère ne povoit faire ce voyaige pour estre ung peu mal disposé de sa personne, et là-dessuz luy en ay nommé plusieurs de ceulx qu'il a veuz à la court pour sçavoir desquelx myeulx il se conlenteroit. Il m'a dict qu'il se contentera très bien de La Pommeraye qui est autour de vous ; dont vous ay bien voulu advertir afin que. si mondict frère ne

(i) Les Hochstetter, famille de marchands originaires d'Augsbourg. Ils étaient au moins trois frères, Ambroise, Jean et Joachim. Cf. Bbewkr, Op. cit., vol. IV, part. II, n» 46^- Celui dont il s'agit ici était Joacbim (Ibid., n- 5iio).

542 JEAX DU BELLAY.

[Janvier 1529

povoit faire le voyaige, vous en fussiez asseuré d'ung aultre. Et si ne luy poviez bailler ledict Pommeraye, quoy qu'il y ait, il n'en vouldroit qu'il ne feust Françoys, disant qu'en AUemaigne on ne se fieroyt en homme d'aultre nation.

Et quant, Monseigneur, aumariaige de mondict frère, dont il vous a pieu tant prendre de paine, je vous supplye ne vous en lasser, encores que la voulante daulcuns des parens de la fille n'y soyt bonne ; dont je sçay la cause, il n'y a guères mains de deux ans. Mais je vous asseure, Monseigneur, que la marchandise, où secrètement ils prétendent, n'est si avantaigeuse pour leur parente ; il s'en fault près de mil escuzde rente, et quelque chose de difïerence quant aux qualitez des personnaiges ; dont toutesfoiz ne leur ay voulu faire semblant. Mais je ne doubte. Monseigneur, que ne vous en refroidissant, comme je suys seur que ne ferez, la chose ne prenne bonne yssue.

Au demourant. Monseigneur, je vous supplye faire pour moy une requeste au Roy qui est plus que raisonnable, c'est que jepuysse faire venir icyjusques à trois cens niuictz de bled que j'ay en mon abbaye (^). Ce me sera prouffit qui ne sera préjudiciable à personne, car j'ay ledict bled de mon creu, et pour le lever de là n'en sera bruyct ne esclandre au pays, veu que je ne le prendray aux marchans, et davantaige c'est pour mon vivre, par quoy ne se pourra dire que ce soyt chemyn ouvert aux aultres. J'entendz bien. Monseigneur, qu encores que monsieur de Vendosme me tienne bien pour son très humble serviteur, comme je suys, si fera-il le renchéry en son attache. Il fauldra. Monseigneur, s'il vous plaist, que vous luy faciez passer ceste carrière, car je suys seur qu'il n'est riens qu'il ne facze pour vous. Le bien que me ferez, je le prendray en récompense de mon argent que journellement me faict perdre le cardinal Gampège avec les ducz, Dominicque et les aultres. Mais je n'ay guarde de faillir à vous dire que je le faiz pour guarder l'honneur de mon maistre et pour entretenir leur amytié, afin que ne me faciez réformer comme sortant de Testât d'évesque.

Mais je voy bien, Monseigneur, que je vous tiens trop

(I) L'abbaye de Breteuil, en Picardie.

Janvier i5a9|

longuement en propoz de riens, par quoy feray fin à la présente après que liumblement, etc.

De Londres, le XXV^ jour de janvier.

Vostre humble serviteur.

J. DU Bellay, éi>esque de Baj^onne.

A cette lettre doit être rattaché, comme post-scriptum, le billet suivant (•) :

Monseigneur, actendant de fermer mon pacquet au partement de la marée, ay eu d'assez bon lieu que la charge du docteur Stephen est entre aultres choses de dire à nostre Sainct-Père que, s'il ne faict procéder le cardinal Campège à ce divorce et s'en dépescher, le roy d'Angleterre se lèvera de son obéyssance et qu'il le tienne pour tout certain; qui est chose correspondente à ce que vous mectz en mes lettres. Ledict Campège m'estoyt ce jour venu surprendre en mou logys ; en ce quay eu loisir de luy parler à part, j'ay mys paine de l'enfoncer en ceste matière. Mais je voy bien qu'il n ose parler, qui me faict présumer que par adventure ledict Stephen ne vous aura aussi voulu tout dire ; toutesfoiz s'il l'aura faict, j'ay pensé ne povoir faillir à vous en dire ce que j'en puys penser et entendre.

Et croyez. Monseigneur, que monseigneur le légat en est en grant paine, car la chose en est si avant que, si elle ne vient à etfect, le roy, son maistre, s'en prendra à luy et, là où elle s'achèvera, encores voyt-il qu'il aura à faire à forte partie. Maistre Cheny, que cognoissez, avoyt offensé, ces jours ledict légat et pour ce estoyt mys hors de la court; la damoiselle le y a remis, voulsist ou non, et se n'a esté sans luy mander rudes parolles. Pensez que ce pourra estre après l'effect. Le duc de Nortfoch et sa bande commencent desjà à parler gros ; toutesfoiz ils ont à fère à plus fin qu'eulx.

Ledict duc ma souvent presché d'avoir des vins françoys à bon pris, me pryant luy mener cest euvrc et me faisantla

(1) Sans signature. Orig. : Bibl. nat., fr. 3019, fol. lag; iinpr. : Lk Grand, Op. cit., III, 295-296; analyse : Brewbk, Op. cit., vol. IV, part, m, a* 5aio.

[Janvier ibag

feste que feu monsieur l'Admirai luy en avoyt donné quelque foix des meilleurs du monde. Je luy en ay envoyé quérir cinquante pièczes à Rouen, disant qu'ilz sont de mon creu et qu'il ne me coste riens. Il me semble, Monseigneur, que si on emploioyt jusques à mil escuz en telle marchandise et en envoyer à monseigneur le légat et ailleurs où il seroyt à propoz, que ce seroji; très bien faict. Il ne costeroyt guèi'ez et si en feroyent grant cas. Je croy bien qu'au nom du Roy, il ne seroyt bon bailler compaignon à mondict seigneur le légat, mais vous pourriez fère fère au nom de vous ou d'aultre le surplus.

Au demourant, Monseigneur, j'ay esté adverty qu'aviez ung peu esté mal disposé. Je loue Dieu dont en estez hors. Je croy bien que cela m'a retardé voz dépesches. Et davantaige ay sceu que peu s'en a failly que ne m'ayez faict avoir une bonne provision dont ce seroyt soltye à moy de vous cuyder suffisamment mercyer par quoy vault myeulx que je m'en taise. Je suys autant asseuré que voulez que j'aye du bien que vous estez certain en quelle sorte je le vouldray despendre.