Jean du Bellay à Montmorency. Londres, [i4 novembre

(Orig. : Bibl. Nat. , fr. 3o;8, p. i45. — Analyse : Brewer, Op. cit., vol. IV,

part, m, app. n» ia3.)

Monseigneur, pour avoir si peu trouvé de bons chevaulx et tant de maulvais chemin que j'ay de Cantorbéry en czà, ne m'a esté possible d'arriver que ung peu devant nuyct,qui a estélaeausequ'avoye remys à demain au matin d'aller vers monseigneur le légat. Mais il m'a bien tost osté hors de ceste paine, car, environ les neuf heures, m'a envoyé par son secrétaire italien (') la dépesche que verrez. Ledict secrétaire m'a dict que entièrement il escript aux ambassadeurs estans en Espaigne ce que vous demandez quant à l'intimation de la guerre, non obstant les nouveaulx partiz et le retour de l'ung d'eux, ou cas que l'empereur reffuse les dernières oblations; cela sera cause que, allant vers luy, je n'estendi'ay ma créance jusques à ce poinct, ne aussi aux lectres du Roy (2) et des dames qui toutes m'ont esté envoyées en ce pacquet; et pource, Monseigneur, qu'ilz pensoyent que fusse encores avec vous et n'apportoyent ledict pacquet sinon à fin que mes gens le fissent courir, pour veoir s'il y auroit rien à moy, l'ay ouvert et refermé grossemcnt comme le temps l'a porté. Le chevaucheur de Boulongne n'estoit demeuré ici comme je pensoye, par quoy ay bien voulu envoyer ung de mes gens exprès à fin que fussiez satisfaict, s'il sera possible, avant que passez la mer, de tout ce que voulez avoir, car il m'a semblé que cela ne seroyt poinct hors de propoz pour l'accomplissement de vostre voyaige.

Je ne veulx oublyer à vous advertir qu'il s'est faict une gi^ande crierye chez mondict seigneur le légat, entre ceulx qui estoyent le plus à loysir, de quelque tapisserye qui a esté perdue en vostre logys. S'il cstoyl possible de vérifier cela, il me semble que seroyt bien faict.

(i) Pierre Vannes.

(a) Sans doute celle du 7 novembre. Cf. plus haut, n* 8.

a6 JEAN DU BELLAY.

[Novembre 1627

Les privilèges des marchans ne sont encores doulslez, car ilz ne les ont voulu niectre es mains de mes gens. Je croy bien que demain ilz se fyeront bien de les mectre es myennes. Incontinent iceulx doublez et ceulx qu'avez signez collationnez, les vous envoiray.

Il me semble qu'il sera à propoz que de Boulongne me soyt envoyé ung chevaucheur et ordre donné, comme a accoustumé d'estre, que tousjours y en ayt ung prest. Hz gaignent si peu ailleurs qu'ilz ne s'en feront tirer l'oreille.

Pour la fin, Monseigneur, me recommanderay....

De Londres, ce jeudi (0 XIII* de novembre [1527].

J. DU Bellay, éçesque de Bqyonne.