Jean du Bellay à François /". [Londres, 24-20 novembre

(Copie : Bibl. Nat., fr. 5499, f. ii2-ii3. — Analyse : Brewer, Op. cit., vol. IV,

part. III, app., n°" 125-126.)

Sire, le dix neufviesme de ce moys, j'escripvis ung peu à haste par ung chappellain de monseigneur le légat à monseigneur le Grant Maistre, qui bien le congnoist, ce que monseigneur le légat m'avoit dict avoir entendu par l'advertissement de Poinctz venant d'Espagne.

Depuys n'ay rien entendu qui soit à escripre, sinon que ung Escossoys qui, vous estant à Amyens, s'estoit tenu quelque temps à la court et depuis, passant icy pour aller en Escosse, avoyt faict quelque rapport au duc de Norfocb de propoz qu'il disoit monseigneur le légat vous avoir tenuz de luy, est retourné icy et a esté recongneu et mis en la Tour de Londres ; interrogué de ceste matière, faict confession telle que le vous envoyé par escript, ainsi que mondict seigneur le légat m'a baillée à doubler, en laquelle voyant qu'il faisoit quelque mention de mon frère (0 ay mis pejTie de le recongnoistre. J'ay trouvé, Sire, qu'il avoit

(1) Guillaume du Bellay, seigneur de Lang^ey ; il était retourné à Rome le II mars précédent. Cf. ses instructions : Bibl. Nat., fr. 3oo2, f. ;?. Il y était resté jusqu'au milieu du mois de juin et avait assisté à la prise de Rome, dont il a laissé un récit publié par M. Dorez : Le Sac de Rome.... dans Mélanges de l'Ecole de Home, t. XVI (1896), p. 410-414.

AMBASSADES EN ANGLETERRE. Sg

Novembre 1527]

longtemps sollicité aflaires tant de monsieur de Sainct André (I) que sçavez avoir esté chancellier d'Escosse, que d'aultres Escossoys à Romme, là où mon frère après estre retourné, comme sçavez, ung peu avant la prinse d'icelle, et avoir promis au Pape luy faire recouvrer vingt mil cscuz s'il voulloit ne s'accorder au Vice-roy (2), employant ceulx qu'il peut employer pour recouvrer ladicte somme, s'adressa à cest Escossoys pour quelque somme qu'il luy feit fournir sur son crédict, laquelle mon frère, voyant que le Pape prenoit mauvais chemin, luy rendit à six ou sept cens escuz près. Cest Escossoys, après Romme prinse, vint à Amyens(5) demander ceste partye à mon frère, qu'il luy paia comptant. Je vous ay bien voulu. Sire, mectre cecy au long, affin que, voyant la mention qu'il faict de mondict frère en sa confession, n'entrez en souspeçon de penser qu'ilz pourroient avoir eu affaire ensemble. Mondict seigneur le légat me compta mardy bien au long de l'affaire de cedict Escossoys suivant assez les propoz de ladicte confession ; estant luy interrogué encores plus avant et pressé de nommer ceulx de qui il tenoyt ces propoz, pour ce qu'il disoit estre grans personnaiges, n'a passé plus avant comme j'entens, mais tousjours est demouré en ceste généralité que à beaucoup de gens de la court qu'il ne congnoist, comme on se trouve à parler de plusieurs choses, il avoit ouy parler de ce propos. Mondict seigneur le légat me dict qu'il vous le voulloit envoyer pour en faire à vostre plaisir comme celluy qui plus vous a offensé qu'autre par ainsi avoir chargé voz serviteurs. Je luy respondiz, ne sçaichant à quelle fin il voulloit venir, que ce vous seroit à mon advis grant contentement que luy mesmcs en feist la pugnition telle qu'il luy plairoit comme d'ung très dangereux paiUart qui avoit voullu semer tel venin entre telz personnages. Toutcsfoys, il demeura en son propos et dict qu'il le m'envoyeroit pour le

(i) James Beaton, archevêque de Saint-André, ancien chancelier d'Ecosse. Il mourut en iSîg, après s'être brouillé avec le roi Jacques V. Cf. Teulbt, Relations politiques de la France et de l'Espagne avec l'Ecosse au AT'/* siècle, t. I (i8(5a), p. 81-93.

(2) Le vice-roi de Naples, Charles de Lannoy ; Clément VII signa avec lui une convention le i5 mars, (ju'il rompit en rentrant de nouveau dans la ligue de Cognac par la convention du 2.) avril.

(3) Lors de l'entrevue du roi de France avec Wolsey (août iSaj).

4o JEAN DU BELLAY.

[Novembre 1527

mectre es mains d'uag gentilhomme escossoys qui estoit

cappitaine de la Rocquette de Millan (i). Je ne scey si mon-

dict seigneur le légat continuera en ce propos, j'actens ce

qu'il m'ordonnera d'en faire.

Ce mercredy arriva icy ung courrier, disant estre party du neufviesme de Parme, qui disoit monsieur de Vaudémont (2) avoir amené au camp huict mil lansquenetz, qui a beaucoup estainct le bruict qu'avoientmis lesEspagnolz par deçà de l'arrivée du secours des ennemys. Il estoit dépesché d'auprès de Pérouse par le premier secrétaire du roy d'Angleterre (3), qui avoit pieçà esté envoyé pour aller jusques à Romme ; mais n'ayant peu aller jusques là, actend par delà qu'on veult qu'il face, ainsi que m'a dict ledict courrier, qui est pour bientost y retourner. Aussi se dict estre Tenu nouvelles que de la deffaicte du vaivoda (4), qui estoit icy tant commune, n'est rien.

Sire, je prie à tant N.-S.... Du XXIIII* [novembre 1627].

Sire, arsoir, depuys mes lectres escriptes, m'envoya mondict seigneur le légat par ung sien secrétaire l'Escossoys, dont je parle cy-dessus, avec ces termes : « pour en faire ce que bon me sembleroit ». Je luy respondis qu'il me sembloyt que luy mesmes en devoit faire la pugnition, comme bien il monstroit avoir mérité. Me réplicquant le secrétaire qu'il avoit charge de le me laisser, je luy dis que ne l'accepteroys et n'en prandrois la charge sinon que particulièrement mondict seigneur ne me feist entendre qu'il luy plaisoitque j'en feisse et que l'entendant j'estois pour luy complaire et satisfaire en cest affaire, comme j'avoys charge de vous de faire en tous autres et ne m'estandis plus avant, pour autant que aux pro-

(0 La Roquette était le principal fort du château de Milan.

(2) Louis de Lorraine, comte de Vaudémont, frère de Claude de Lorraine, duc de Guise, et de Jean, cardinal de Lorraine. Il mourut devant Naples au mois d'août 1528. Cf Bkantômk (éd. Lalanne), t. III, p. 23i-232.

(3) William Knight, envoyé en septembre auprès du Pape pour négocier le divorce de Henry VIII, avait été contraint de s'arrêter à Foligno. Cf. ses lettres à Henry VIII du 4 novembre et du 4 décembre. {State Papers, vol. VII, p. i3, 16.)

(4) Jean Zapolya, voïvode de Transylvanie, qui disputait à Ferdinand la couronne de Hongrie : la nouvelle de sa défaite était exacte ; battu à Tokay, il venait d'être chassé de Hongrie, pendant que Ferdinand se faisait couxonner à Buda, le 3 novembre.

Novembre i52j]

pos dudit secrétaire sembloyt qu'il se fust refroidy et départy de sa première opiniou de le vous envoyer. Ce matin, allant vers le roy, m'a mandé qu'il me prioit en attendre la résolution jusques au soir. Cependant ay mis peyne, par tous moyens, d'entendre de l'Escossoys de qui il tenoit ces propos, ce que n'ay peu faire. Il dict tousjours que, si on le debvoit faire mourir de cent morts, il n'en sçauroit nommer ung, mais que, se trouvant aux assemblées tant des Françoys qu'Angloys, il entendoit assez de telz propos, et que jamais n'en avoit dict au duc de Norforch la moictyé de ce qu'on luy avoit mis à sus, comme à luy mesmes avoit dict en la présence de mondict seigneur le cardinal. Je ne sçay, Sire, si, en ce dernier point, il dict vray ou s'il le dict pour diminuer de son tort. Ce que plus avant en cntendray le vous manderay par ledict cappitaine de la Rocquette, soit qu'il l'enmène avec luy ou qu'il ne l'enmène poinct.

Sire, Castillon, présent porteur, vous dira d'un autre propos que plus tost ay aouIu mectre en sa bouche que l'escripre. Et quant à ce mot « de très grands personnages », qu'il mect en sa confession, il m'a fort désadvoué le y avoir mis. Toutesfoys, après que souvent le y ay réplicqué que moy mesmes le y avoys leu, il dict qu'il ne scet qu'il y a mis, pour estre si pressé qu'il estoit et en si grand craincte que, à la chaulde, on lui feist ung mauvais tour.