Jean du Bellay et de Brosse à François Z*"". Londres

2 janvier [iSaS].

(Orig. : Bibl. Nat., fr. 3o:6, p. 1-4. — Imp. : Le Grand, Op. cit., t. III, p. 5:-66. — Analyse : Bkewer, Op. cit., vol. IV, part. 11, n° SjSj.)

Sire, mardi au matin, arrivé que luz moy. Brosse, nous allasmes ensemble vers monseigneur le légat auquel ne peult estre suz l'heure communiqué entièrement tout ce qui estoyt venu, par ce qu'il estoyt pressé prendre la marée pom* aller vers le roy, mais luy fut faict entendre le principal qui estoyt de voz bons et honnestes mercyemens, du propoz qui vous estoyt mys en avant pour le mariaige du roy d'Escosse, des paroUes qu'avoyt portées le chancellier de l'Empereur (i> et de Testât des affaires d'Italie, mesmement de nostre Sainct-Père. Il n'est à croire. Sire, quelle joye il eut d'entendre, bien au vray, de sa liberté et du saulvement des ostaiges et encores de la diligence dont use monsieur de Lautrec en la poursuyte de sa victoire et povez croire qu'il n'obmist ung seul poinct de toute la démonstration de gi*ande joye qu'il est possible d'en faire ; puys nous prya trouver le lendemain à Grinvich, où maistre Roussel au matin nous mena par le commandement du roy. Et là, actendant qu'il fust prest, de rechief nous trouvasmes avec mondict seigneur le légat, où, moy. Brosse, bien au long luy fiz entendre tout ce qu'avoye de charge. Et après qu'il eut le tout merveilleusement bien pris et usé des plus honnestes parolles et avantageuses pour vous et Madame dont on sçauroit user, pour sa plus grande satisfaction luy ay offert à veoir mes instructions (2), luy monstrant que vostre intention est toutes choses qui viennent de vous ou qui vous touchent luy esti'e mises à l'ouvert comme seroyent au premier de vostre plus estroict conseil ou encores comme à vousmesmes, ce qu'il monstra prendre à grant plaisir et me prya les luy laisser pour après les revoir à loysir.

Durant ce propoz, Sire, on vint quérir mondict seigneur

(1) Mercuria Gattinara, président de Bourgogne, s' de Chevigny, mort le 5 juin i53o.

(2) Nous n'avons pas retrouvé ces instructions.

.ng JEAN DU BELLAY.

^ [Janvier iSaS

le légat pour aller vers le roy, vostre bon frère, où, peu après nous estre faictz venir, moy, Brosse, luy présentay voz lectres et bien au long déclaray ce qu'avoye de charge ; à quoy il ne monstra prendre mains de plaisir qu'avoyt faict monseio-neur le légat, et n'est possible. Sire, user de paroUes et contenances plus affectionnées envers vous et Madame que, tout au long de son propoz, qui ne fut mains que d'une petite heure, il usa, mesmement quant vint à toucher le poinct du chancellier de l'Empereur, qu'il monstra bien avoir en estime du plus meschant homme du monde. Après, Sire, que de là l'eusmes accompaigné à sa messe et ramené à sa chambre, il nous feist traicter par messieurs de Bade (^), vicomte de Rochefort et aultres, puys retourner vers luy ; de là alla chiez les dames, où il nous mena et luy-mesmes adressa moy. Brosse, à madame la Princesse, à laquelle, après queuz faict la révérence à la royne, baillay voz lectres et celles de Madame ; elle me usa de si honnestes mercyemens et si bonnes paroUes qu'il n'est possible de plus saigement le faire, ne de meilleure grâce. Au partir de là, Sire, après que le roy, vostre bon frère, eut dancé et veu dancer quelque temps et que encores nous eut tenu plusieurs propoz, nous donna congié jusques à ce que luy et monseigneur le légat eussent bien au long pensé aux instructions que moy, Brosse, leur avoye baillées et quilz auroyent advisé ce que là dessuz ilz me debvroyentrespondre. Sire, le matin qu'avion esté vers mondict seigneur le légat, il avoyt demandé si moy, Brosse, avoye procuration pour estre installé en vostre nom à Wyndestre (=) avec les chevalliers de l'ordre, et nous avoit donné à entendre que c'estoyt chose nécessaire et dont le roy, vostre bon frère et perpétuel allyé, avoit grant désir et qu'il s'actendoyt que

(i) John Clerk, évêque de Bath. Il avait été ambassadeur à Rome et en Franco l'année précédente. Après l'entrevue d'Amiens, par lettres datées de Saint-Quentin, 22 août, François I" lui avait accordé, en don, « deux grans pots à vin pesans 26 marcs 6 onces, 2 flascons pesans 21 marcs 6 onces, 6 tasses pesans Sa marcs 2 onces et demy, et 2 bassins pesans 20 marcs 2 onces », le tout d'une valeur de 1925 1. t., « en faveur des bons et agréables services qu'il a faits au Roy à l'entretenement de la paix, amitié, confédération et alliance d'entre luy et sondit cousin [le roi d'Angleterre]. » (Bibl. nat. Clairambault, vol. i2i5, f. 66.)

(2) Windsor.

Janvier iSaS]

moy, Brosse, l'auroye apportée. Je luy fiz excuse que ne pensoye ladiete procuration estre nécessaire, à mon partement de France, et que cela estoyt cause de l'avoir obmisc. Il dist incontinent qu'il en falloji: en toute diligence en envoyer quérir une. Nous luy remonstrasnies la longueur du temps qui pourroit entrevenir avant qu'elle fust apportée, estant la mer si variable qu'elle est à présent, toutesfoiz qu'il ordonnast du tout à son plaisir et que ne craignion sinon que la chose luy tournast à trop longue actente. La chose demoura pour l'heure en suspens, remcctant luy tousjours suz nous et nous suz luy ce qui s'en debvroit faire. Depuys moy, Bayonne, me trouvay avec luy, parlant le roy à Brosse, et mys paine de cognoistre de luy suz quoy sa fantasie en tomboit ; je congneuz bien évidentement qu'il avoyt cnvye que ledict Brosse demourast et que ce pendant il feist à toute diligence venir ceste procuration; et de propoz en aultre passa jusques-là que le roy, vostre frère, désiroyt fort que ledict Brosse feist cest office, pour le trouver autant agréable que personnaige qu'on luy eust peu envoyer. Quant je le viz, Sire, en ces termes, j'artay (0 avec luy de incontinent dépescher ung courrier exprès pour avoir ladiete procuration, de laquelle le suppliay ordonner la minute, à fin que toutes choses fussent à son plaisir ; laquelle, Sire, il nous a fallu actendre jusques à ceste heure, car il en a voulu avoir l'advis des chevalliers de l'ordre. Il vous plaii'a, Sire, ordonner que la dépesche en soyt faicte en toute diligence, car nous susnies asseurez qu'il luy durera le temps qu'elle sera venue, car il artera les chevalliers de l'ordre, qui sont icy en grand nombre pour la feste, jusques à ce qu'il en ait des nouvelles.

Voyant, Sire, mondict seigneur le légat qu'il falloyt dépescher courrier exprès, après avoir parlé au roy, vostre bon frère, nous tira à part et donna à entendre qu'il seroyt bon que, actendant le retour de moy. Brosse, nous vous fission entendre la conception du roy, son maistre, et sienne touchant les propoz qui de par vous leur avoyent esté tenuz, dont l'ung estoyt du mariaige du roy d'Escosse, lequel. Sire,

(1) J'arrêtai.

8o JEAN DU BELLAY.

[Janvier iSaS il monstra venir à leur grant contentement leur estre ainsi privéement communiqué. Et quant à eulx ne leur semble estre matière à traicter en ce temps, car estans les yeulx et les oreilles de tout le monde arrestées et suspenses suz le principal et encores total estât de la chrestienté, choses ne concernentes cest effect et ne povans apporter audict estât pour ceste heure ne grant diminution, ne grant avantaige doibvent estre tenues pour mains nécessaires ; consydéré mesmes les aages des deulx personnaiges dont est question, de l'ung desquelz, c'est-à-dire du roy d'Escosse, ilz avoyent bien estez sollicitez d'entrer en pareil party, mais n'y avoyent voulu entendre et que, venant ou paix ou plus forte guerre suz lequel poinct nous susmes à présent, pourroyt se trouver qu'on auroit à faire d'entendre à aultres alliances, par quoy myeulx vauldroit, selon leur advis, actendre à veoii' quelle yssue prendroyent les choses commencées.

Quant au[x] pi'opoz. Sire, du chancellier de l'Empereur, nous donna mondict seigneur le légat charge vous escripre que le roy, Aostre bon frère et perpétuel allyé, mains ne les avoyt prins à despit que vous-mesmcs, considéré la grande justification de vostre cause et aultres choses qui sont de considérer; et que, là où l'Empereur vouldroit porter ou faire porter telles parolles, et vous trouveriez, Sire, que Dieu ne vueille, empesché de sorte que ne les peussiez relever et satisfaire de vostre personne au cueur et magnanimité dont estes guarny, luy-mesmes les releveroit et présenteroj^t audict Empereur le combat suz ceste querelle ; mais leur semble, Sire, que pour la paroUe d'ung ribault, bélistre, guarson, rompereau, homme de néant, villain en toute perfection de villennye, tel personnaige que vous ne se doibt esmouvoir et luy faire cest honneur que de donner à entendre l'avoir tant estimé que faire cas de sa paroUe ; et de la manière de sçavoir de l'Empereur s'il advouera telles parolles ilz y adviseront et plus au long vous en manderont par moy. Brosse, à quoy ilz veulent d'autant plus bien penser qu'ilz n'estiment mains vostre honneur que toutes les choses du monde.

Au surplus, Sire, estans nous avec mondict seigneur le légat en compagnye des principaulx de ceste court en propoz

Janvier i538]

du traicteineiit que a le Pape receu de l'Empereur et disant chascun ce qu'il se peult dire de telle matière, quant moy, Bayonnc, viz mondict seigneur le légat assez eschaude, luy diz à part que aultres foix, pour beaucoup maindres occasions, ont les papes déposé des empereurs, ausquelz de droict appartient de ce faire ou cas que lesdictz empereurs commectent telle et si énorme félonnie, et que si le Pape vouloit, non pas se venger de l'Empereur, mais donner crainte aux aultres d'icy en avant d'entreprendre telz oultraiges et par ce moyen mectre en seurté le siège apostolique, il debvroit le déposer ; mondict seigneur le légat, Sire, se tira plus près dune fenestre et me jura bien estroict qu'il seroyt content de se y employer jusques au bout; je luy diz que nul tant le pourroit persuader au Pape que luy pour la grande foy qu'il luy donne en toutes choses ; il me respondit qu'il ne tiendroit à y employer tout sou crédit qu'il ne luy persuadast. Je ne voiduz, Sire, passer oultre sans vous en advertir ; il vous plaira veoir si ce seroyt propoz de relever et me commander vostre plaisir. Il me semble que, si le Pape se y povoit convertir, seroyt grant atroiblisseraent à l'Empereur et asseurance de ne les veoir jamais accorder ensemble ; et pourroit déclarer le droict d'eslire retourner aux électeurs et cncores, s'il vouloit, faire loy que nul que d'entre eulx peust estre esleu, qui seroyt la friandise de leur faire trouver ceste privation bonne, et l'ouverture d'icelle, avec aultres raisons, pourroyt ayder à y esniouvoir le Pape espérant que son faict ne seroyt réprouvé par lesdictz électeurs, lesquelz, Sire, vous sçavez en quel estât ilz sont et quel vouloir envers l'Empereur. Je n'en ay voulu toucher si avant à mondict seigneur le légat à fin qu'il ne pensast que ce fust chose préveue. Vous pourrez, s'il vous plaist, Sire, adviser si ce propoz vauldroit d'estre poursuivy et s'il seroyt bon en toucher au prothonotaire de Gambre en passant par vous pour venir deczà ; si non, il n'y a rien guasté, car je suys seur que mondict seigneur le légat ne s'est apperceu que ce fust chose préveue.

Sire, nous supplyon, etc

De Londres, le II* de janvier.

Voz très humbles et très obéyssans....

J. DU Bellay, évesque de Baj'onne. De Brosse.

3a JEAN DU BELLAY.

[Janvier i5a8