Jean du Bellay à Montmorency. Londres, 2 janvier

(Orig. : Bibl. Nat., fr. 3o8o, p. :5. — Analyse : Brewkr, Op. cit., vol. IV,

part. III, app. n» i35.)

Monseigneur, peu de chose vous sçauroye adjouster aux lettres du Roy, sinon que vous supplye incontinent faire dépescher ce courrier. Je ne faix doubte que n'ayez receu ce que par la dépesche du passé vous ay envoyé en chiffre (i) ; je n'y sçauroye pour le présent rien adjouster, car vous avez veu que vous ay asseuré les choses que par dcAant vous mectoye en doubte. Il a fallu que monsieur de Brosse soyt demouré actendant ceste procuration dont on vous escript. Sans poinct de doubte. Monseigneur, il s'est si bien acquicté de sa charge et l'ont ce roy et monseigneur le légat tant gousté que cela leur a donné envye de le retenir pour cest effect et, après le visaige et recueil qu'on vous feist, qui passe tous aultres, il n'est possible le souhaiter meilleur qu'on luy a faict(2). Je le vous veulx bien dii^e à fin que, quant aulcun de ceulx de deczàira vers vous, leurvueillez rendi'e. Vous adviserez, s'il vous plaist, que le Roy vouldra donner au hérault et aultres officiers de l'ordre ; car je trouve que à ceste installation il leur fauldra faire présent ; vous pourrez myeulx juger quel que nul autre. Je vous supplye nous en donner vostre ad^às et ensemble y faire donner ordre. Je croy bien que ne serez d'advis de y aller, sinon par cens d'escuz ; car vous sçavez combien il estiment icy ceste cérimonie pour laquelle ilz retiennent les chevalliers de l'ordre qui estoyent venuz aux estraines.

De mon estât. Monseigneur, je ne vous en parle, car je craindroye vous en fascher ; je scay bien par lettres de La Pommeraye (3), que plus en avez faict que ne vous eusse osé

(i) Nous n'avons pas retrouvé cette dépêche chiffrée.

(2) Sur les honneurs rendus au s' de Brosse, voir les dépêches de l'ambassadeur vénitien dans Marino Sanuto, Diarii, t. XLVI, col. 65i-65a.

(3) Gilles de la Pommeraye, échanson ordinaire du roi, familier et homme de confiance de Montmorency. Il fut chargé par la suite de diverses missions diplomatiques, notamment en Flandre, après la conclusion de la paix de Cambrai (octobre iSag à juillet i53o), et en Angleterre (décembre i53i à octobre i53a), où nous aurons l'occasion de le retrouver.

Janvier i528]

requérir. Je croy bien que vostre puyssanee absolue la me guardez à meilleure chose, mais, quant à ce poinct icy de l'ordre, si n'y pourveoyez promptement, si j'en emprunte par deczà pour y employer autant que manderez, j'entends bien que j'attendray longuement à en ravoir nouvelles et je scay comme desjà j'en suys : je vous promectz. Monseigneur, suz mon honneur, que j'ay, depuys vostre partement, desboursé plus de mil escuz et si suys le meilleur mesnager que je puys. J'entendz bien que je vous en fasche : c'est grant paine d'avoir à faire à pauvres gens ; aussi, Monseigneur, vous povez estre seur que plus ne vous en fascheray et encores de ceste heure ne vous en eusse parlé, si la chose ne fust venue à propoz.

Monseigneur, je me recommande, etc....

A Londres, le VI= de janvier, fort à haste (i).

Vostre....

J. DU Bellay, évesque de Baj^onne.