Montmorency à Jean du Bellay. Saint-Germain-en-Laye

4 février [1628].

(Orig. : Record Office, Letters and papers, Henry VIII. vol. 40, iv, n* 2849f fol. 25o. — Analyse : Brewer, vol. IV, part, II, n» 2849; cataloguée par erreur à l'année iSaj.)

Monsieur, par la dernière dépesche qui vous a esté faicte, monsieur l'ambassadeur d'Angleterre devoit escripre à monseigneur le légat ; toutesfoiz il ne m'a que jusques à ce jourd'uy envoie ses pacquetz, lesquelz je vous envoie par ceste poste que j'ay fait expressément dépescher pour cella; vous advisant au demourant, Monsieur, que sitost que le sceau d'or sera fait, la carte du traicté de paix perpétuelle refformée et la procuracion pour le faict des marchans dépeschée, qui sera de brief, car il se y fait toute diligence, le tout vous sera envoie ; et pour n'estre autre chose survenu depuis ce que vous ay dernièrement escript, ne vous feray plus longue lettre, si n'est de vous advertir que le Roy se trouve si bien ^ï) que ce jourd'uy il est allé veoir Madame en sa chambre où elle est pour quelque peu arrestée au moien d'une petite morfonture et anrouûre qui luy est venue à l'occasion du fâcheux temps qu'il fait, qui ne sera riens. Me recommandant de bien bon cueur à vostre bonne grâce et priant Nostre-Seigneur, Monsieur, vous donner ce que plus désirez.

De Sainct-Germain-en-Laye, ce IIIP jour de feuvrier.

Vostre antyèrement bon amy.

Montmorency.

(i) Le roi souffrait d'une fluxion (Sanuto, Diarii, t. XLVI, col. 645).

AMBASSADES EX ANGLETERRE. lag

Février i528]