Jean du Bellay à François I^". [Londres, 6 février

(Copie : Bibl. Nat., fr. 5499, fol- 46-5o. — Analyse : Brewer, Op. cit., vol. IV,

part, m, app. n° i4j.)

Sire, vendredy ^'^\ je receuz ce qu'il vous a pieu m'escripre du vingt-cinquiesme du passé que sur l'heure portey à monseigneur le légat et luy feiz veoir tout au long. Mais, pource que le prothonotaire de Gambres actendoit à luy faire la révérence, qui avoit beaucoup de choses à luy communicquer qui concernoient aucuns des affaires mesmes qui estoient touchez par vos lectres, me prya le dinienche l'aller trouver à Grenvich avec le roy, vostre bon frère.

Ce que je feis, Sire, et là, par plusieurs foys, euz longs propos avec luy, dont le premier fut du mauvais office qu'avoit faict son aulmosnier en Espaigne et qu'il luy en desplaisoit, me baillant toutes asseurances, qu'il est possible par paroUe de bailler, que cela ne venoit ne de luy, ne de monseigneur le légat, et que, s'il se trouvoyt qu'aultre chose eust esté mandé par delà que ce que monseigneur le Grand Maistre, estant icy, avoyt veu, que jamais l'on n'eust fiance en luy, mais que bien il pensoit que ce que ledict aulmosnier avoyt faict estoit plus par ignorance qu'aultrement, et que c'estoit ung fort homme de bien, mais de peu d'expérience, qui avoit eu en horreur ce mot de intimation de guerre, qui le pourroit avoir transporté à faire ce qui vous en estoit mandé, mais que, s'il estoit trouvé que la chose passée fust véritable, ledict aulmosnier pouvoit estre asseuré qu'il en seroit griefvement pugny.

Je luy respondis. Sire, que envers vous n'estoit non-

(i) 3i janvier i5a8.

AMBASSADES EN ANGLETERRE. l3l

Février iSaSJ

seullemeat nécessaire, mais eacores estoit du tout hors de raison de user de telles justifications et qu'il ne debvoit penser qu'eussiez aucune souspeçon de sa foy ne de sa perfecte araytié, ce qui se pouvoj-t clairement veoir par voz lectres que luy avoys communicquées, par lesquelles remectiez toute la coulpe de ceste dilution audict aulmosnier et vous en plaigniez comme de celluy qui n'avoit entièrement sxiivy la volunté de son maistre et mesmes que, par ce qui se veoit au double de la lectre qu'avez renvoyée en Espaigne, aussi privéement usez à voz ambassadeurs d'une façon de reprendre ledict aulmosnier comme s'il eust esté vostre propre et doniesticque serviteur, sçaichant que l'union est entre vous deulx telle qu'avez chacun de vous puissance sur les amys et serviteurs l'im de l'aultre ; mais qu'il ne devoyt s'esbahir sy trouviez ce faict estrange, car vous aviez considéré les mauvaises conséquences qu'il pouvoit engendrer, entre lesquelles l'une des principalles estoit que nulle chose tant peult ayder à l'ennemy commun que dilation, pour les raisons qui se pouvoient assez congnoistre et que luy mieulx entendoit que nul aultre, car c'estoit celluy qui plus vous avoit eschaufle et eschauffoit chacun jour à mener les choses vivement sans donner espace audict ennemy de reprendre son alleine, mais que j'espérois que cette souldaine opinion dudict aulmosnier n'auroit continué, et que, après, il seroyt venu à considérer la substance et parolles tant expresses de ses instructions et qu'il se seroit résolu de les suivre. Toutesfoys, afin que, là où cela ne seroit avenu, les choses ne demourassent trop en suspens, le supplioys de vostre part voulloir au plus tost faire audict aulmosnier déclaration nouvelle et expresse de sa volunté, en sorte qu'il ne peust plus reculler.

Là-dessus, Sire, il me dict que le prothonotaire de Gambres luy avoit faict nouvelles ouvertures de la paix, qui ne luy sembloient hors de propoz, si vous estiez pour les trouver bonnes, comme de faict desjà les aviez trouvées par la communicquation que ledict prothonotaire vous en avoit faicte. Et est. Sire, que l'Empereur a faict entendre à nostredict Saint-Père qu'il estoit en désir résolu et entier de venir à la paix, mais qu'il voulloji; son honneur et réputation y

l32 JEAN DU BELLAY.

[Février i5a8

estre gardez, ce qui ne seroit si par vous deux, ainsi estroictement confédérez, y estoit amené comme par force ; mais que, là où nostredict Saint-Père vouldroit s'en mesler et y mectre son auctorité comme neutre et encores père commun de tous, sans poinct de double, il viendroit à la raison. Et, pour ce, me dict ledict seigneur roy, vostre frère, qu'il ne seroit mauvais que Gambres y allast, de la part de nostredict Saint-Père, supplier ledict Empereur, accompaigné de deux bons personnaiges que vous deux envoyeriez pour cest effect et me demanda de cela qu'il m'en sembloyt.

Je luy respondis qu'il me siéroyt mal de tant à l'improviste donner mon advis de chose de telle importance ; toutesfoys que je ne pouvoye n'avoir pour suspecte la nature de l'Empereur et de son conseil et qu'il me sembloyt ceste ouverture tendre merveilleusement à la fin de différer et dissimuler qui tant est desjà congneue à tout le monde et que m'esbahissoys bien si aviez trouvé ceste ouvertui'e bonne, veu la longueur qu'elle porte avec soy, car, avant qu'on aict renvoyé vers nostredict Sainct-Père et que toutes choses en soient résolues, puis après exécutées, et la response dudict Empereur venue, seront passez trois moys, qui est toute la fleur de l'année s'il fault faire préparatifz de guerre, principalement quant aux gens qu'il fault charroyer deloing, comme lansquenetz et Suisses, et par ce moien seroit retomber au mesnie inconvénient de l'année passée ; lequel inconvénient est tant à propos pour l'Empereur que plus ne pourroit estre, car la plus grand craincte qu'il aict, c'est que ses Païs-Bas soient travaillez, ne faisant estime aucune, en comparaison desdictz Pais, de tout ce qu'il pourroit perdre en Italye, comme tousjours par luy et monseigneur le légat vous avoyt esté remonstré. Il me respondit. Sire, que si grande longueur de temps ne pourroit estre et qu'en deux moys la résolution de cest affaire seroit iDrinse, et que beaucoup mieulx vous vauldroit actendre la paix certaine deux moys que d'entrer souldainement en guerre dont la fin sera incertaine. Et pource , Sire, que je luy avoys dict que la responcc d'Espagne, qu'il s'estoit par ci-devant persuadé debvoir venir à Noël, n'estoit encores venue, et que à cela on pouvoit juger que moins en ceste nouvelle ouverture ne

Février iSaS]

se trouveroit de dilations, il m'adjousta que la délivrance du Pape, qu'attendoitrEmpereur, a esté cause de ceste demeure et par ayanture aussi vostre maladie, dont son ambassadeur pour certain l'a adverty, et que, à ceste heure, tous autres empeschemens et dilations seront ostées.

Ce mot. Sire, qu'il yalloit mieulx attendre deux moys qu'entrer en guerre incertaine, me semble ne ressembler du tout à tant d'autres tendans à fin d'exécution prompte qu'il avoit dict par ci-devant et à monseigneur le Grand maistre et à moy et à plusieurs autres. Toutesfoys je n'en feis semblant et luy dis seuUement que si, à ceste heure, l'Empereur avoyt trouvé où s'accrocher pour retardement de sa finale responce, il avoit encores et son conseil aussi l'entendement assis au lieu mesmes qu'il a eu cy-devaut et que Dieu ne les a poinct desgarnis de cautelles pour trouver en ce faict dilation comme il a faict aux autres ; mais que tout ce que j'en disois estoyt de moy-mesmes et que encores n'estois asseuré si mes propos, vous estans donnez à entendre, seroient trouvez bons, mais ce que j'en faisois c'estoit pour la seurté qu'il m'avoit donnée de luy parler ouvertement de voz affaires comme feroys à vous-mesmes et le suppliay qu'il luy pleust bien adviser sur cest affaire, comme celluy en qui vous avez remis la totale espérance et repos de vosdictz affaires et que estiez pour trouver bon ce qu'il trouveroit bon, sans y changer aucune chose.

Sire, combien que je ne fusse ne soye encores adverty de vostre volunté en cest affaire, et pensant que par advenlure le prothonotaire de Gambres luy auroyt, pour le luy faire trouver bon, advencé cela, luy feis les difficultés que dessus. Et combien que le veisse bien avant fiché en l'opinion de l'ouverture susdicte, toutesfoys ne laissay à Iviy débattre en toute doulceur, afin d'en tirer de luy le plus que je pourrois. Et sur les doubtes, Sire, que luy feis par deux ou troys foys, il m'asseura que bon effect sortiroit de ceste entreprinse et qu'il avoit moien d'entendre à la vérité que c'est la vraye fantaisye et délibération de l'Empereur. Je luy dis que, s'il en avoit asseurance, il avoit raison d'en faire fondement, toutesfoys que je ne faisoye doubte que ne vous demourast par cy-après quelque regret de user de mercy autre que la

l34 JEAN DU BELLAY.

[Février iSaS

sienne en la libération de messeigneurs voz enfans, pour estre l'amityé que luy portez si extresme que une grande obligation, qu'auriez envers luy seul, vous sembleroit sans comparaison plus doulce que s'il y avoyt participation d'autres. A quoy il usa de force merciemens et honnestes parolles, disant que, encores que nostre Sainct-Père s'en mesle, tout le monde congnoistra bien que ce ne sera que coulleur et que le bénéfice de la paix universelle, quant à la réputation, demourera en vous deux, comme ceulx qui par force aurez amené l'ennemy de ladicte paix à raison.

Oultre, me dict, Sire, que nostredict Sainct-Père, après avoir faict ceste supplication à l'Empereur, en cas de reffuz, offroit venir incontinent à censures et interdictz à l'encontre de luy et mectre avec vous deux pour la ruyne de luy jusques au bout de sa puissance. Et comme. Sire, je luy misse en doubte si nostredict Sainct-Père seroyt pour demourer ferme en ce propos, considéré la nature si craintive dont il est et les mauvais ministres dont par ci-devant il s'est accompagné, il me respondit qu'il estoit si seur de la volunté de nostredict Sainct-Père qu'il se faisoit fort que, si vous deux le vouliez prendre entièrement en vostre sauvegarde et l'asseurer de prendre par efîect le maintènement de ses affaires envers tous et contre tous, il se mectroyt avec tout son estât entre voz mains. Et comme, Sire, pour le tirer plus avant encores, luy fisse doubte de ce poinct, il me demanda si, les choses venant jusques là, mon pouvoir de vous estoit suffisant de conclurre en cest affaire et que promptement, soubz le pouvoir qu'en avoyt le prothonotaire de Ganibres, il le feroyt passer; je luy dis que mon pouvoir et voulloir n'estoient sinon de luy obéyr par vostre commandement en toutes choses, et qu'il me sembloyt ce poiuct estre de merveilleusement grand fruict, estant toiitesfoys bien et saigement conduict, en sorte que les Vénitiens, Florentins et le duc de Ferrare ne fussent pour se retirer de vostre amytié. Il me respondit qu'ilz estoient contens de se soubzmectre soubz vous deux de leurs querelles, car leurs ambassadeurs estans icy luy avoient dict et à monseigneur le légat aussi et nostredict Sainct-Père avoyt mandé que quant à luy il ne demandoit autre chose.

Février i528]

Sire, j'ay mis peyne de tirer du prothonotaire de Gambres le plus avant que j'ay peu des choses qui concernent voz affaires. Je pense veoir que qui mect tous ces discours de cydessus en avant c'est le cliancellier dEspaigne et que, à ceste heure, nostredict Sainct-Père a en luy grand fiance et que de sa délivrance s'en tient, quant au costé de delà, totallement tenu à luy et que aussy est luy qui baille ceste asseurance de paix de la part de son maistre, ce que desjà avois entendu dudict protlionotaire par bons moiens avant que parler au roy, vostre frère, et cela estoit cause en partye que plus avant luy débattoye les mactières, aiant pour suspect tout ce qui vient de Tentendement d'un si bon preud'homme qu'est ledict chancellier.

Lundy matin. Sire, jallay veoir le prothonotaire de Gambres qui me tint quasi tous les propos mesmes que m'avoyt tenuz le roy, vostre bon frère, touchant ceste ouverture de venir au bien de la paix par le moien de nostredict Sainct- Père et me compta au long et me promeit monstrer la charge qu'il disoit avoir de luy d'entrer avec vous deux en estroicte alliance telle que de voz affaires fust une mesme chose et que vous troys deussiez avoir une fortune, comme plus au long il me dict avoir déclairé à Madame, et dont il voulloit en brief avoir résolution et asseurance ; et comment nostredict Sainct-Père bien se contentoyt de dissimuler les affaires de Ferrare et Florence, mais qu'il eust vostre parolle et de vostre frère de luy faire faire la raison par le duc de Ferrare après que seriez hors de voz affaires ; mais que quant à Ravenne et Servie, il entendoyt avant tout œuvre estre restably et que aiant nostredict Sainct-Père cherché nettement, entièrement et sans aucune palliation vostre amityé, là où il ne la pourroyt avoir, il seroyt contrainct se pourveoir le mieulx qu'il pourroit.

Après disner, Sire, je fuz vers monseigneur le légat. La plus grand part de son propos fut tel qu'avoit esté celluy des autres, et me dict qu'il estoit après la dépesche qu'il faict bien ample de toutes choses que portera ledict de Gambres d'icy à troys ou quatre jours. Puis me revint à prendre la faulte qu'avoit faicte cest aulmosnier, me redoublant par plusieurs foys que, s'il se trouvoyt sans excuse bonne et

l36 JEAN DU BELLAY.

[Février i528

raisonnable, qu'il ne saulveroit sa vie. Ainsi à monsieur de Brosse il avoyt bien asseuré avant son parlement (i). Mais quant à la contribution, dont, avant le parlement dudict sieur de Brosse, deux foys avoit esté parlé, me dict que si promptement ne veoyoyt qu'il se peust faire et qu'il failloyt qu'il usast de moiens pour venir à cest effect, car le roy, vostre frère, n'estoit content de la demeure de monsieur de Lautrec, voiant que, si par ci-devant il eust marché vivement, eust faict choses de grant importance et par ce eust donné courage audict roy, vostre frère, de venir à la contribution; et m'allégua. Sire, que oultre il failloit qu'il récompensast le temps perdu par quelque bonne exécution. Je luy réplicquay, Sire, sans en riens toutesfoys le voulloir altérer, ce que je peux adviser debvoir servir à la matière, et entre autres choses que mondict sieur de Lautrec ne debvoit estre estimé avoir perdu temps d'avoir tant recouvert de pais et de villes, avoir augmenté le nombre des confédérez et diminué les forces des ennemys et, qui mieulx est, avoir amené lesdictz ennemys jusques à la raison de la délivrance de nostre Sainct-Père, et qu'il debvoit penser les difficultez qui se trouvent en telz affaires comme de faulte de vivres qui y est extresme, comme diminutions de gens de guerre qui se font en si longs voiaiges, mesmes y aiant eu saccagement de villes en chemin, à laquelle diminution avoit fallu remédier par nouveau secours et, combien que ce secours si tost ne soit arrivé, si avoyt couru le paiement d'icelluy fort longtemps; en sorte, Sire, que, après toutes ces remonstrances, ne me respondit autre chose, sinon qu'il vous prioyt penser et croyre fermement que pour tout son bien et sa vie ne vous vouldroit faillir, mais que pour adviser à ceste contribution il failloit temps et moiens, lesquels il chercheroit pour faire, s'il est possible, selon vostre intention.

Au surplus, Sire, je demanday à mondict seigneur le légat en quoy il se résolvoyt sui* les deruières lectres qu'il vous avoyt pieu m'escripre touchant faire advertir les ambassadeurs du roy, vostre bon frère, qu'ilz n'eussent à plus user de

(i) De Brosse avait quitté Londres le 3i janvier. Il emportait une lettre de Wolsey à François I" (Bkkwkr, Op. cit., vol. IV, part. II, n° 3858, sans date).

AMBASSADES EN ANGLETERRE. iS^

Février i5a8]

dilations. Il me dit qu'il estoit prest à les faire advertir à l'heure qu'arriva le prothonotaire de Gambres, pour les propos duquel se trouve résolu, si le trouvez bon, que nostre Sainct-Père envoyera en la diligence que dessus homme exprès vers l'Empereur, lequel souldain n'acceptant la paix, il usera de censures, privations et autres telles extrêmes rigueurs, luy allumera en Espagne, Italye et Hongrie tel feu de désobéissance qu'il ne sçaura où se retourner. Et est mondict seigneur le légat en propos que pareillement y aille homme de la part du roy, vostre bon frère, et ung de la vostre ; toutesfoys que avec le prothonotaire de Gambres il en advisera. Je croy, Sii*e, que ledict de Gambres ne sera de cest advis, car il ma desjà dict que ce n'est l'intention du Pape, sinon que vou's-mesmes le voulsissiez en ceste soi'te. Et, comme j'entends, Sii'e, par ledict de Gambres, celluy qui sera envoyé par nostrediet Sainct-Père y demourei'a pour, soubz ceste coulleur, révocquer celluy qui y est de présent ambassadeur pour luy, qui a tant faict de mauvais offices contre vous qu'il n'est possible de plus, jusques à avoir presché que l'argent que demandoit l'Empereur par l'église et Testât de Sainct-Jacques (i) se debvoit bailler et qu'il sçavoit l'intention de nostrediet Sainct-Père estre telle. Je pensoys, Sire, actendre à vous escripre de tout ce que dessus jusques à ce c{ue mondict seigneur le légat eust faict sa dépesche, mais, me trouvant résolu d'une partie des aflaires, ay miculx aymé cependant vous en advertir, actendant [ce] que plus au long vous en dira l'ambassadeur du roy, vostre bon frère, par la dépesche qu'en fera mondict seigneur le légat qui, comme il m'a dict, vous sera communicquée. Mais ce qu'en faiz est afin que en ce temps-là en soyez desjà à demy instruit. Au surplus, Sire, mondict seigneur le légat m'a pryé vous escripre que le roy, vostre bon frère, a le plus grand envye du monde de veoir Budé (2), vostre maistre des re-

(i) Il doit s'agir ici de subsides demandes par l'Empereur au clergé espagnol, ainsi qu'à Tordre de Santiago.

(2) Guillaume Budé, le célèbre humaniste (i4<5"-i54o). Il avait été reçu maître des requêtes ordinaire de l'hôtel le 21 août iSaa, en remplacement de Jean Caluau. Sur ce personnage, voir : llEuiTTii, Guillaume Ihiûi', restaurateur des études grecques en France, i%& ; E. de Buué, Vie de Guillaume Buda, fondateur du Collège de France, i884-

l38 JEAN DU BELLAY.

[Février iSaS

questes, et communicquer avecques luy de choses concernantes les lectres, pour la grand opinion qu'il a de luy par le rapport de plusieurs gens sçavans et de bon jugement, et qu'il vous prye que, au plus tost que faire se pourra, luy veuillez envoyer pour, après l'avoir eu quelques jours avec soy, le vous renvoyer. Je lui ay respondu. Sire, que par le premier le vous escriprois et qu'il pouvoyt estre seur que nul de voz serviteurs soit grand ou petit ne fust pour luy obéir comme à vous mesmes, mais qu'il ne se debvra esbahir si à venir ledict Budé ne usera de grande diiligence pour la vieillesse et malladie dont il est aucunement travaillé, qui le rendent un peu pesant.