Jean du Bellay à Montmorency. Londres, 6 février

(Orig. : Musée Condé, série L, vol. iv, f. i52-i53. — Copie : Bibl. Nat., fr. 5499, fol. 5o-52 v. — Analyse : Brewer, Op. cit., vol. IV, part, m, app. n° 146.)

Monseigneur, des propoz qui sont aux lectres du Roy ne vous feray redicte, desquelz plus ample résolution portera le protlionotaire de Gambres, qui sera pour partir à mon advis lundi ou mai'di et sans faire guèrez de séjour se retirer vers le Pape, envers lequel, comme j'entendz, il sera pour tenir d'icy en avant grant lieu, car il a eu fort agréables les services qu'il luy a faictz par deczà, en sorte que, depuys qu'il est délivré, l'a bien avancé de dix mil livres de rente et asseuré de beaucoup davantaige et de luy bailler grant manyement de ses affaires. Pour ce, me semble qu'en passant sera bon luy faire bon recueil. Il tient son propoz ferme et ouvert que, si vous voulez rondement aller avec son maistre et prendre sa fortune telle qu'elle pourra estre, il prendra pareillement la vostre et ne craindra de périr avec vous; et là où n'accepterez cest offre, il se pourveoiera ailleurs. Et à ce que je voy, Monseigneur, le principal poinct qu'il entend en cela, c'est quant au duc de Ferrare, dont nous avons eu longs propoz ensemble et, à ce

AMBASSADES EN ANGLETERRE. iSq

Février 1628]

que je voy, il veult que francliissiez ce sault de luy promectre, après le nectyement de voz affaires, luy faire rendre Rège et Modaue (•>, et que actendant cela, il sera content suz vostre parolle dissimuler. Là-dessus, Monseigneur, susmes entrez en propoz de moyenner s'il seroyt possible, dont il ne se monstroit du tout [vouUoir] recuUer et parloit de bailler audict duc en récompense Ravenne, présupposant que promptement nostre Sainct-Père la doibt recouvrer. Il me semble que, quant il passera, ne sera besoing faire semblant de guières en avoir entendu de moy.

Il m'a davantaige dict qu'il a bien donné à entendre à Madame la \Taye intention de nostre Sainct-Père et qu'il luy a faict extrême instance de dire résoluement si ou non quant audict duc de Ferrare, et que à la fin avoyt eu d'elle que l'opinion du Roy et la sienne n'estoyent du tout en leur liberté, car grant partye en avoyent remys au roy d'Angleterre et en monseigneur le légat, ladvis desquelz ilz estoient pour suyvre en cela et aultres choses. Et croy, Monseigneur, que ledict de Gambres s'en retournera de deczà en telle résolution qu'il demande ou approchant bien près, et que le tout vous sera communicqué. Mais, fault que je vous dye, Monseigneur, je m'esbahis merveilleusement que ledict de Gambres, aiant en passant par vous dict toute sa charge, ne m'en ayez rien mandé, principalement quant à ceste nouvelle ouverture de paix, veu que vous sçaviez bien qu'il venoyt icy pour en avoir résolution prompte, quasi contraire à ce que demandez estre envoyé aux ambassadeurs en Espaigne, qui est de diligenter leur affaire ; car vous entendez que, leur résolution prinse deczà, vous estes bridez delà suyvre. Là où quant m'en eussiez mandé vostre vouloir, j'eusse mys paine de le faire trouver bon, avant la main, à monseigneur le légat. Ce que j'en diz. Monseigneur, je croy que ne le prenez que de bonne part et que pensez bien que j'ay raison de le dire.

Vous verrez. Monseigneur, comment j'escriptz au Roy qu'ilz sont résoluz deczà suyvre l'advis de nostre Sainct- Père, lequel je ne sçay s'il les auroyt bien refroidiz en voz

(i) Reggio et Modène, dont le duc de Ferrare s'était emparé durant la captivité du pape.

l4o JEAN DU BELLAY.

[Février iSaS

affaires jusques à ce qu'il eust faict les siens ; considérez les mots que j'ay mys es lectres du Roy : « qu'il vault myeulx une actente de deulxnioys, etc. », qui n'est, ce me semble, du tout la challeur que ilz souUoyent avoir à la guerre ; considéré aussi que, quand parlay premièrement à monseigneur le légat de la contribution, il sembla m'en donner plus d'espérance qu'il n'a faict par sa dernière response, de laquelle contribution je n'ay particulièrement parlé au roy, car aussy bien ne s'en fust-il faict sinon ce que mondict seigneur le légat eust voulu et il eust mal prins ce qu'en eusse faict davantaige, dont je croy ne m'eussiez voulu advouer. En tant. Monseigneur, que touche le faict de Florence, il me semble que nostre Sainct-Père ne vous en faict instance et qu'il pense bien tousjours y revenir sans employer personne. Mais quant à Ravenne et Servye, il veult promptement les ravoir et que vous et ceulx de deczà insistiez en ce poinct envers la Seigneurie, car il entend bien que, s'il luy donne en dissimulant loy de se y fortifier, sera pour jamais, qui ne fera ung nouveau traicté de Gambray (i); par quoy plus tost il endureroyt toutes choses que faillir de les recouvrer. Aceste heure, voyant. Monseigneur, que monseigneur le légat est de cet advis entièrement de y gratifier au Pape, quant dernièrement il m'en a parlé, ne luy ay en riens débatu. Il s'actend qu'aussi de vostre part le trouverez bon. Et à ceste heure l'ambassadeur de la Seigneurie qui esticy en pert beaucoup l'espoir de les retenir (2). Quant il m'en parle et qu'il s'en deult anlcunement, je lui remectz ceste affection si exti'esme du Pape au devant, en sorte que si suys-je seur que quant à nous il se contente de ce qu'en avons faict, voyant que, s'il ne vient à bien, ce n'est nostre faulte. Je vous diray bien. Monseigneur, que, me lysant le secrétaire de ladicte Seigneurie ung de ces jours quelque article en des lectres qu'il avoyt d'icelle Seigneurye, je mys le nectz cependant ung peu plus avant et viz bien par quelque

(i) La ligue de Cambrai, conclue en décembre i5o8 contre Venise, entre la France, l'iispagne, l'Empire et Jules IL

(2). Cf. la lettre de Giustiniani à la Seigneurie, du 9 février (Marino Sa- NUTO, Diarii, t. XLVI, col. 052-G5'3), et celle de Henry VIII à la Seigneurie, de février, sans date de jour (Brewkr, Op. cit., vol. IV, part. II, n° 3989).

AMBASSADES EN ANGLETERRE. l4l

Février iSaS]

aultre article qu'ilz n'estoyent en guèrez ferme espérance de retenir lesdites villes, si nostredict Sainct-Père continuoyt à en faire instance.

Davantaige, Monseigneur, je vous veulx bien advertir, que ung jeune homme, que mon frère (^) avoyt baillé pallefrenyer au Pape, m'a escript, d'assez vieille date, que les Irapériaulx avoyent voulu mectre en l'ung de leurs principaulx articles que nostredict Sainct-Père ne consentiroyt que le roy d'Angleterre laissast sa femme et que monseigneur le légat en eust la congnoissance, ce que nostredict Sainct-Père n'avoyt voulu accorder, mais avoit dict ati cardinal Sanctorwn Qiiattiior (2) qu'il advisast si c'estoyt chose qui de droit se peust faire, car quant à luy il n'y espargneroyt rien de sa puyssance et qu'il bailleroyt à mondict seigneur le légat la commission de procéder à la séparation. Et me mectoyt davantaige ce qu'il avoyt peu entendre de ceste matière, c'est que le roy d'Angleterre, estant mineur d'ans, contre le vouloir de son père, espousa la royne (3), ce que le Pape approuva; puys après, estant en aage, protesta <4) en présence de gens, dont l'évesque de Wingtonc (S) et aultres sont tesmoings. qu'il n'entendoyt ce faict estrc vallable. Sçavoir si le mariaige à ceste heure doibt estre trouvé bon, ceulx qui disent que si, allèguent [que] le vice, qui estoyt du commencement audict mariaige, à cause de l'afïinité, a esté purgé par la dispense de nostre Sainct-Père, et que, combien que ledict seigneur roy ne fust en aage et encores que, estant venu en aage, eust faict protestation contraire, toutesfoiz il semble que depuys tout cela il l'ayt ratifié par tacite consentement, c'est-à-dire par estre si longtemps voyant chascun oudict mariaige, parquoy il doibt estre jugé bon. Geulx qui sentent au contraire disent que qui vouldroyt monstrer que ladicte ratihabitioa du roy faicte par tacite consentement, suz laquelle une partie de la difliculté est

(i) Guillaume du Bellay.

(a) Lorenzo Pucci, évcquc de Préncste et cardinal du titre des Sancti quatuor Coronati : c'est lui qui avait corrigé la bulle donnée à Knight le mois précédent. Cf. Ehses, Rômischc Dokumente, p. iG.

(3) Catherine d'Aragon, tante de Charles-Quint.

(4) Cette protestation est du a8 juin i5o5.

(5) Richard Fox, évèque de Winchester de i5oi à iSaS.

[Février i5a8

fondée, fust de valeur et efficace, il eust fallu que, tout ainsi que le Pape par sa dispence avoyt approuvées et rendu vallables les premières espousailles et purgé le vice qui y estoyt, aussi puys après il eust approuvé ladicte ratihabition, veu que tout ce qu'il y avoit de bon au précédent estoyt au moyen de ladicte dispeace, laquelle estant par après corrompue par la protestation contraire, tout estoyt à recommencer, dont falloit nouvelle approbation du Pape, tout ainsi que si encores n'avoit eu rien de faict, et pour ce que ceste approbation ne se trouvoit avoir esté faicte tout le mariaigeest nul, bien que la fille (D, qui est née estans père et mère en bonne foy oul'ungd'eulx, doibtestre estimée légitime et non bastarde. Et en ceste dernière opinion, me mandoyt s'estre résoluz la pluspart des évesques et docteurs de par deczà et que, si nostre Sainct-Père en trouvoyt des meilleurs des siens de cest advis et principalement ledict Sanctorum Quattuor, il ordonneroyt à monseigneur le légat que, s'il luy appert le faict estre comme dessuz, il procède à la déclaration d'estre le mariaige vicieux et conséquemment liberté aux parties de se remarier. Si cela est, vous povez penser. Monseigneur, que ceulx de deczà ne feront chose pour ceste heure qu ilz pensent desplaire à nostredict Sainct-Père.

Au demourant. Monseigneur, je debvoys recouvrer vostre obligation que a monseigneur le légat, mais, le voyant si empesché, ay différé jusques au prochain voyaige. Aussi, Monseigneur, il y a icy le prothonotaire de Hercules (^l avec moy, qui désirant d'estre au service du Roy, pour ce qu'il est ung peu plus grant seigneur que l'évesque de Bayonne, a obtenu lectres du roy son frère pour avoir une place d'aulmosnier. Je vous supplye. Monseigneur, faire que quant à moy on ne le trouve mauvais et qu'on ne pense que j'en soye le moyen, car je ne vouldroys qu'on cuydast qu'estant icy au service du Roy, je voulsisse requérir le roy d'Angleterre de me faire bien ne à aulcun des myens, soyt en grant chose ou petite, car je ne suys celluy qui vouldroye

(i) Marie Tudor.

(a) Peut-être Filippo-Lodovico Ercolani, de Forli, nommé évêque d'Alatri le 20 avril i5a8. Mais cette identification est très douteuse.

Février i5a8]

estre obligé à deux ensemble. Ledict prothonotaire est bien honneste homme, mais il ne m'a faict plaisir en cela. Toutesfoiz je vous envoyé ses lectres, il ma pryé vous en escripre affin que le couchez en Testât. Vous le ferez s'il vous plaist, si voyez qu'il ayt les jambes trop foibles pour se tenir debout. Je croy que ne luy retiendrez ses gaiges à douze moys pour an et les festes pour s'esbattre, sans y comprendre les années du bissexte.

Je vous avoye mandé, Monseigneur, par l'aultre voyaige que le docteur Kenit s'en retournoyt enczà ; il y a quattre jours qu'il est à Galaix et entendez qu'il n'a osé venir sans congié, car le roy n'a esté content qu'il soyt retourné. Le docteur Stephanus (') et celluy qui feist la harengue à Saint- Paoul, nommé docteur Foucques, vont avec le prothonotaire de Gambres jusques vers nostre Sainct-Père et si ledict prothonotaire se trouve las, il demourera à ses journées et les autres prendront la poste.

Il est arrivé depuys troys jours navire d'Espagne partie du XXIP du passé, qui dict que les ambassadeurs avoyent adverty les Angloys de retirer leurs biens. De Ferdinand sedicticy qu'ila encores quelque victoyre contre [le] vayvoda. Je vous envoyé sa couronnation. Le Pape se vante, comme j'entends, de le bien gualler (2), s'il entre en estroicte amytié avec vous et de faire l'évesque de Strigonie (3), qui a en Hongrie très grande autorité, cardinal et légat et le faire tourner du costé du vayvoda.

Quant à vostre lectre (4), Monseigneur, que baillay le dernier voyaige à monseigneur le légat, dont vous avoyt pieu m'envoyer le double, il ne m'en a parlé ne moy à luy. Je verray s'il luy en soubzviendra; mais, depuys qu'il l'a receue, il a esté empesché jour et nuyct à dépesches. Ce banny (^\ qui estoyt vers Escosse faisant tant de maulx.

(i) Stephen Gardiner, secrétaire de Wolsey : il fut en effet dépêché avec Edward Fox, le 12 février. Voir leurs instructions dans Urewer, Op. cit., vol. IV. part. H, n» SgiS.

(2) Battre, frapper.

(3) Paul de Varda, évêque de Strigonie (forme latine de Gran, Hongrie), de i5a7 à 1549.

(4) Sans doute celle dont l'analyse est saprd, n° 4'''

(5) William Lisle et Humphrey, son fils, s'étaient effectivement rendus dans

l44 JEAN DU BELLAY.

[Février i5a8 voyant que son cas se portoyt mal, s'est rendu à la miséricorde du roy : on l'amainne icy. Aultre chose ne se dict de nouveau de deczà.

Monseigneur, je me recommanderay, etc. De Londres, le VI« de febvrier.

J. DU Bellay, évesque de Bayonne.