Jean dm Bellay à Montmorenc}'. Londres, i6 février

(Orig. : Bibl. Nat., fr. 3076, p. 63-64. — Impr. : Le Grand, Op. cit., t. III, p. 81-84. — Analyse : Brewer, Op. cit., vol. IV, part. 11, n" SgSo.)

Monseigneur, j'escriptz, pour le temps que j'ay, le plus au long qu'il m'est possible. Croyez, Monseigneur, que monseigneur le légat faict ce qu'il peult pour faire trouver ceste guerre bonne et n'en peult venir à bout. Les marchans (') avoyent conspiré de ne venir plus à l'estrade à fin que les paisans, retournans sans vendre leurs laines et draps, mutinassent le pays. Il amande incontinent à aulcuns des principaulx que c'estoyt assez, qu'il les cognoissoyt et qu'il sçavoit bien où estoyt la Tour ; ilz sont venuz crier miséricorde et ont promis que au prochain marché, qui sera mercredi, il ne demourera pour ung escu de mai-chandise qu'ilz n'acheptent à quelque pris que ce soyt ; mais soyez certain. Monseigneur, qu'il fault qu'il joue de terribles mistères, car je pense qu'il est seul en Angleterre qui veult la guerre en Flandres.

Vous verrez par les lettres du Roy (2) ses propoz. Je ne sçay, Monseigneur, si j'auray mal respondu, mais je l'ay faict pour ce que encores ne sçay-je si son ouverture vous semblera du tout mauvaise, et aussi pour souldainement et de droict (il ne luy contrarier, car on y empireroyt plus la marchandise qu'on ne l'avanceroyt, considéré la nature du personnaige ; pour ce. Monseigneur, vous prye, s'il est besoing, m'en excuser. Aussi, Monseigneur, vous verrez de ces navires qu'il veult renvoyer. Je ne luy ay guères débattu, sinon qu'il advisast bien qu'il ne s'en repentist après, car, devant qu'aller vers luy, je sçavoye de vray et certain que c'estoyt chose conclue, à quoy le débattre neust vallu. Je crains que s'il ne se faict de vostre costé en cela selon sa fantaisie, qu'il en vienne inconvénient. Je vouloye

(1) Sur le désarroi produit par la déclaration de guerre parmi les marchands et les troubles qui en résultèrent vers le milieu de février, cf. Hall's Chro- NiGLE, p. ;42--46.

(2) Nous n'avons pas retrouvé cette lettre.

Février i528]

que seulemeat quant à nous ilz fussent francz es franchises d'Angleterre, à fin que les bons compaignons peussent vivre; mais il ne s'en est contenté.

Au surplus. Monseigneur, M* Wallop (D part demain en poste veoir et visiter le Roy de la part du roy, son frère, et là actendra qu'on luy envoyé d'icy ses instructions d'AUemaigne. On s'esbahist merveilleusement que n'avez ici envoyé les vostres et, fault dire vérité. Monseigneur, c'est grant longueur, veu que c'est d'affaire dont vous les requérez; aussi n'en sont-ilz contens. Il faudra que Wallop actende là que les ayez envoyées et que là-dessus on en ait icy forgé d'aultres. Il m'avoyt promis d'envoyer ses chevaulx, mais ilz sont encores icy. La cause, Monseigneur, de l'envoyer là devant, c'est pour veoir comment le Roy se porte et croyez. Monseigneur, que, icy, monseigneur le légat et le roy, son maistre, eu ont esté en très grant doubte et encores n'en sont bien asseurez ; et iroyt merveilleusement mal s'il falloji; audict Wallop dissimuler de le veoir, et pourroyt estre cela cause de refroidir les affaires. Je vous en diz ce que j'en puys entendre.

A ceste heure. Monseigneur, depuys le partement de Stephanus, maistre Bryant Tuke<2), secrétaire du roy, faict les dépesches soubz monseigneur le légat, qui desjà avoit commencé avant le partement dudict Stephanus. Aultre mutation ne nouvelles ne voy deczà. 11 y a ung roy d'armes du roy d'Escosse (^) qui a apporté lettres icy et debvoit passer en France; il y a quinze jours qu'ilz l'ont anmsé sur sa dépesche ; à ceste heure, luy ont dict qu'il fault qu'il actende le retour dung aultx^e qu'ilz ont envoyé en Escosse. Je ne sçay pas bien qu'ilz traictent, car, de paour qu'on ayt quelque souspeçou, je ne m'ose guèrez enquérir que à gens certains.

Monseigneur, je nie recommande....

(i) Cf. la lettre de Henry VIII à Louise de Savoie pour lui recommander Wallop, sans date, dans Bhewku, Op. cit., vol. IV, part. II, n° 3986. Wallop arriva à Poissy le a; février (State Papkhs, t. VII. p. 57).

(2) Avant de remplir cet office de secrétaire, Brian Tuke avait été maître des postes.

(3) Marchmont avait été dépêché à Londres par Jacques V, dans le courant de janvier: il s'agissait d'empêcher la venue en Ecosse du duc d'Albany, qu'on croyait prochaine.

l6o JEAN DU BELLAY.

[Février i528

De Londres, le XVI'= de febvrier.

Je vous supplye, Monseigneur, s'il est besoing, faire mes excuses que n'escriptz à Madame. J'actendz, pour sçavoir la responce qu'on fera à ses lectres. Je vous envoyé la minute faicte à la haste des oblations qu'ay baillées à monseigneur le légat ('); s'il y a faulte, j'espère, Monseigneur, que m'excuserez, car la plus partl'ay entendu plus à deviner qu'aultrement, au mains à l'avoir de lieu incertain, car les oblations finales et partie des aultres, qui estoyent icy envoyées, vous y estant, se remectoyent à ce qui estoyt desjà accordé.

Vostre...

J. DU Bellay, évesque de Baj'onne.