Wolsej- à Montmorency, ii février iSaS
(Orig. : Bibl. Nat., fr. 29S2, fol. Tjo. — Impr. : Le Grand, Op. cit., t. III, p. :8-8o. — Analj'se : Brewer, Op. cit., voL IV, part. II, w Sgoo.)
Monseigneur le Grant Maistre, je me recommande très cordiallement et de bon cev'.r à vous, en vous advertissant que le roy, mou maistre, pour aucunes choses de grant importance, touchans tant les communs affaires que les siens particuliers, envoyé par delà mon secrétaire maistre Stephen Gardyner, docteur es droiz, et maistre Edward Fox, familier d'icelluy seigneur roy, et leur a ordonné aussi passer en dilligence à nostre Sainct-Père le pape pour la sollicitation et avancement d'iceulx. Et entre les autres, leur a donné instructions touchans laiiàire de Ferrare, ce que importe grandement pour la conservacion de nostredict Sainct-Père le pape en faveur de ces deux pHnces et le tirer de l'intelligence qu'il peult avoir avec l'Empereur. Car, depuis qu'il n'y a semblance qu'il veult consentir aux convencions et promesses faictes au duc de Ferrare en temps de sa captivité, comme ouvertement Sa Saincteté a déclaré au roy, mon maistre, et à moy par l'évesque de Tortonne ^^), son orateur, — lesquelles promesses, comme savez. Monseigneur, n'estoient faictes à autre intencion, sinon tirer ledict duc au faveur de la Sainte Ligue, — il sera bien convénient trouver quelque bon moyen au contentement et satisfaction de Sa
(i) Gervais Wain, Allemand originaire de Memmlngen, abbé de Cuissy, chargé par François I" de différentes missions en Allemagne, notamment entre i53i et i535.
(a) Gambara.évêque élu de Torlona, fut intronisé le 8 mai iSaS.
AMBASSADES EN ANGLETERUE. iS^
Février i5a8]
Sainteté, avecques aussi cellui dudict duc, affin de les conserver en faveur de cesdictz princes, comme dict est. A ceste cause, le rov, mon seigneur et maistre, a passé aucuns articles de promesse à nostredict Sainct-Père , lesquelz, avecques certains addicions à ce devisez, sont par Sa Majesté et moy pensez convénient estre passez aussi par la Majesté du roy très chrestien, ayant en ce plus d'intérés que le roy. mondict seigneur et maistre, comme chose couchez en fourme et façon, ainsi quilz soient en cas requis assez des remèdes et subterfuges pour satisfaire le tout. Vous priant. Monseigneur le Grant Maistre, que par vostre grande prudence, veullez tenir la main que ledict seigneur roy ne face point de difficulté de condescendre ausdictz articles, nonobstant quelque aultre convencion ou ratiffication passé avecques ledict duc de Ferrare touchant Régie et Modeua et leurs territoires, aiiin que par ce moyen nostredict Sainct-Père peult estx'e satisfait de ces deux princes sans avoir cause de les habandonner en soy mectant au faveur de lEmpereur, mais se conjoindre avec eulx, ce que en ce cas il est délibéré de faire, comme plus amplement en ce et autres choses lesdictz maistre Stephen et maistre Fox vous déclareront de ma part ; ausquelz vous prie, Monseigneur, donner crédence comme à moy-mesmes, avecques vostre bonne adresse es allaires et besongnes, ainsi que tousjours estes accoustumé et selon l'entière et singulière confidence que le roy, mon maistre, a en vostre grant vertu et intencion. Et quant à moy, Monseigneur, il ne seroit chose qui plus me pourroit venir à gré que de sçavoir en quelle façon vous puisse faire honneur et plaisir, car soyez tout asseuré que le feray de si bon ccur que si c'estoit pour moymesmes.
A tant, je prie à Dieu vous. Monseigneur le Grant Maistre, donner sa grâce.
Escript à ma place lez Westminster, le XP jour de février XV^XXVII.
Vostre bon et très cordial amy (•).
T[homas], Cardinalis Ebor[acensis].
(i) Ces mots sont de la main de Wolsey.
l58 JEAN DU BELLAY,
[Février i5a8
