François I" à Jean du Bellay. Saint-Germain-en-Laye

3 mars [iSaS].

(Copie : Bibl. Nat., fr. 5.Î99, fol. 161. — Analyse : Brewer, Op. cit., vol. IV,

part, ni, app. n* i52.)

Monsieur de Rayonne, ayant délibéré dans deux jours au plus tard faire partir Morette pour aller par delà bien instruict et iuforiné de toutes choses dont il est requis satisfaire au roy, mon bon frère et perpétuel allyé, et pareillement à monsieur le légat, mon bon amy, j'ay bien voulu vous faire ce mot par ce courier que j'ay trouvé dépesché et prest à partir, et par icelluy vous envoyer les advcrtisseuiens que j'ay euz tant d'Kspaigne que d'AUemaigne. Et pour aullaut que je veuil qu'ilz soient entièrement advertiz de tout ce que me pourra survenir, vous leur

i;70 JEAN DU BELLAY.

.[Mars iSaS

pourrez le tout communicquer, les priant me faire entendre s'il y a chose en ce qui leur est envoyé d'Espaigne qui soit oultre les advertissemens que j'en ay, que je vous envoyé, et ilz me feront bien plaisir de m'en advertir. Et pource que, comme vous pourrez veoir, la journée impérialle n'est bien asseurée, mais remise après Pasques (i), avant laquelle il est très mal aisé obtenir sauf-conduict pour noz ambassadeurs, veu qu'il est nécessaire l'avoir générallement de tous les princes électeurs, ce qu'il est besoing de faire par ung hérault, à ceste cause vous entendrez du roy, mon bon frère et perpétuel allyé, ce qui luy semblera estre à faire en ceste matière, allin que je l'ensuive et face ensuivre entièrement sans aucun retardement ou difficulté et mesmement pour le partement de M^ Wallop et de (2).... ou du retardement de leur voiaige.

Au demourant, Monsieur de Bayonne, j'atens la responce que vous aura esté faicte sur l'ofiVe que j'ay faicte touchant ces prinses faictes sur les Flamans, à celle fin que. selon cella, je me puisse gouverner et conduire. Par quoy je vous prie, si jà faict ne l'avez, m'advertir en toute dilligence de tout ce qui en aura esté arresté par delà, ensemble de toutes aultres choses depuis survenues et mesmement d'Espaigne, s'il en est riens venu, mectant peyne d'entendre ce quilzen auront eu, et vous me ferez bien plaisir.

Et adieu. Monsieur de Bayonne...,

Esciûpt à Sainct-Germain-en-Laye, le troisiesme jour de mars [1628].