Réponse aux articles apportés par l'évêque de Bath

[3 avril 1628].

(Copie : Bibl. Nat., fr. 5499, fol. 3i v'-33. — Brewer, Op. cit., vol. IV,

part. III, app. ijo (2).)

Pour respondre à certain advis, contenant huict manières pour parvenir à la paix et délivrance de messeigneurs les enfans du Roy très chrestien, dernièrement apporté par révérend père en Dieu, mousieur l'évesque de Bade, ambassadeur du roy d'Angleterre, fault considérer ce qui s'ensuyt.

Premièrement, que le Roy très chrestien, combien qu'il trouve les huict manières couchées esdictz articles dificilles et quasi impossibles pour pai'venir à ladicte paix, avec ladicte délivrance de messeigneurs ses enfans, pour estre directement contre le traicté de paix, alliance et confédération qu'il a avec son très cher et très amé frère et perpétuel allié, amy et confédéré, le roy d'Angleterre, et autres leurs com-

(i) Nos ambassadeurs, Jean de Calvimont, Gabriel de Graramont et Gilbert Bayard, furent gardés à vue pendant plus de quatre mois et ne purent rentrer en France qu'à la lin de juin. (Bibl. nat., fr. 10406, fol. 55 bis v-56, 68 v -69, jS v.)

(2) Anet, arrond. de Dreux, dép. d'Eure-et-Loir. La chàtellcnie d'.\net appartenait au grand sénéchal de Normandie, Louis de Brézé, comte de Maulevrier, mari de la fameuse Diane de Poitiers.

AMBASSADES EN ANGLETERRE. 2o3

Avril iSaS]

mis, alliez et confédérez ; aussi que, attendu la grosse despence qu'il a faicte depuis que l'Empereur a reflusé les offres à luy faictz, il seroit raisonnable de présent autant en diminuer ; toutesfoys, considéî'aut la grand amour que ledict roy d'Angleterre, sondict bon frère et perpétuel allié, et aussi monseigneur révérendissime le cardinal d'iort luy ont monstre et monstrent par eil'ect avoir envers luy et messeigneurs ses enfans, il a bien voulu et veult toujours se mectre plus que en debvoir pour avoir la paix et délivrance de mesdictz seigneurs ses enfans, tant pour le repos de la chrestienté que aussi la liberté de nostre Saint-Père le pape et de l'Eglise romaine.

A ceste cause, a tousjours esté et est content que soit faicte, conclute, arrestée et jurée bonne, ferme et sincère paix entre tous les princes chrestiens en la manière qui s'ensuyt.

A sçavoir est que" ledict seigneur Roy très chrestien paiera comptant la somme de douze cens mil escuz, ensemble aussi le roy d'Angleterre, son bon frère et perpétuel allié, rendant à l'Empereur les obligations que Sa Majesté a dudict Empereur, baillera en oultre pour le reste des deux milions d'escuz jà offertz les terres que monsieur de Vendosme et madame sa mère tiennent es pais de l'Empereur, pourveu et parmy ce que en ung mesmc temps et instant l'Empereur rendera et délivrera mesdictz seigneurs les enfans. Est aussi content ledicl Roy très chrestien bailler ostaiges audict seigneur roy d'Angleterre, son bon frère et perpétuel allié, de rendre à l'Empereur toutes les terres, villes et chasteaulx mencionnées aux offres qui ont desjà esté faictz et retirer et révocquer son armée, s'obligeant aux censures de l'Eglise et sur peyne d'un autre milion d'escuz de faire et accomplir ce que dessus, le tout après ladicte restitution de messeigneurs ses enfans.

Et pour ce que, par toutes les huict manières récitées es dix articles apportez par mondict sieur de Bade, l'Empereur ou madame Marguerite désirent que le Roy, avant que recouvrer messeigneurs ses enfans, rende et restitue lesdictes villes et chasteaulx, plairra au roy d'Angleterre considérer que ce seroit mectre ledict Roy très chrestien, son bon frère et perpétuel allié, en danger de recevoir une grosse honte et dom-

[Avril iSaS

mage, si par après l'Empereur ne voulloit rendre mesdictz seigneurs ses enfans ; d'autant que ledict seigneur auroit perdu ses alliez, ensemble lesdictes villes et chasteaulx et si seroit plus loing de recouvrer mesdictz seigneurs ses enfans qu'il n'estoit au commencement. A ceste cause, sera ledict Roy très chrestien content et offre que, après le traicté qui sera faict, conclud et arresté entre luy, l'Empereur et tous les autres alliez et confédérez, baillant par icelluy Empereur ostaiges audict seigneur roy d'Angleterre de délivrer mesdictz seigneurs enfans en la manière dessusdicte, d'incontinent, après ledict traicté conclud, juré et arresté et lesdictz ostages baillez, mectre et consigner lesdictes villes et chasteaulx es mains et puissance du roy d'Angleterre pour les délivrer audict seigneur Empei^eur et ses ostaiges pareillement, incontinant après qu'il aura délivré mesdictz seigneurs les enfans du Roy ; et néanmoins demoureront les ostaiges du Roy très chrestien es mains et pouvoir dudict roy d'Angleteri*e, son bon frère et perpétuel allié, jusques à ce qu'il aict révocqué et retiré son armée d'Italie.

Daventaige, ledict seigneur, pour mieulx donner à congnoistre audict roy d'Angletei*re, son bon frère et perpétuel allié, l'envye qu'il a de luy complaire et de soy mectre en tout debvoir pour parvenir audict bien de la paix, liberté et délivrance de mesdictz seigneurs ses enfans, est contant de fournir et faire bailler audict Empereur la somme de huict cent mille escuz comptant, faisans partie de douze cens mil, avec les obligations dudict Empereur qui sont es mains dudict roy d'Angleterre, en délivrant quant et quant monseigneur le Daulphin et le mectant en pleyne liberté. Et quant aux villes de Gennes, Ast et Hesdin, il les mectra es mains et en la puissance dudict roy d'Angleterre pour icelles faire délivrer audict Empereur, incontinant après la délivrance de mondict seigneur le Daulphin. Et sera content le Roy que Monsieur d'Orléans demoure en Espagne cependant et jusques à ce que son armée d'Italie soit révocquée et retirée, satisfaisant de la reste des deux milions, soit en baillant les terres de monsieur et de madame de Vendosme ou autrement, ainsi que sera advisé, pourveu que ledict Empereur baillera ostages suffisans et telz que l'on advisera es mains dudict

AMBASSADES EX ANGLETERRE. 2o5

Avril i528]

roy d'Angleterre, pour seureté que, incontinant ladicte armée retirée et avoir satisfaict au reste de l'argent, comme diet est, il délivrera mondict sieur d'Orléans ; en protestant que, si l'Empereur ne veult accepter l'offre dessus déclairée, qui tant est grande, c'est signe évident qu'il n'a voulloir à la paix et qu'il ne se fie au roy d'Angleterre en aucune manière.

Tous les autres moyens qui ne conviennent avec cestuy-cy doivent estre réputez préjudiciables, non-seuUemcnt au Roy très chresticn, mais aussi à tous ses alliez et confédérez.

Plairra au roy d'Angleterre, bon frère et perpétuel allié dudict Roy trèschrestien, et aussi à monseigneur le cardinal d'Yorth, son grand amy, considérer que ce qui faict à présent venir madame Marguerite à demander la paix est seullement pour aultant que l'Empereur, son nepveu, et elle se veoyent en danger de perdre toute l'Italie et grosse partye de leui's estatz. Et si lesdictz seigneurs roys veullent, en ensuivant ce qu'ilz ont accordé et convenu, faire la guerre vertueusement en Flandres et aillieurs, lesdictz Empereur et dame Marguerite se rendront plus aisez à la paix et feront beaucoup meilleur party et plus raisonnable qu'ilz n'offrent de présent. Par quoy, le tout bien considéré, le Roy prie ledict roy d'Angleterre, son bon frère et perpétuel allié, suivant la charge qu'il a donnée à Morettc luy remonstrer de sa part, de voulloir entendre à l'exécution des choses qui sont traictées, conclûtes et jurées, comme dict est, entre eulx, ainsi qu'il ne faict aucun doubte qu'il n'ayt la mesme volunté et envye qu'il en a, comme ledict évesque de Bade luy a derechef réitéré et faict entendre à son arrivée de deçà. Et il espère, en ce faisant, en brief avoir par la force tellement nécessité les affaires dudict Empereur, qu'il sera forcé et contraint entendre aux offres et conditions qui par tant de foys luy ont esté présentées et offertes pour le bien de la paix, délivrance de mesdictz seigneurs les enfans et repos de toute la chrestienté, qui leur sera de beaucoup plus d'honneur, de gloyre et de réputation que autrement.

[Avril i528