Jean du Bellay à Montmorency. Londres, 25 mars

(Orig. : Bibl. Nat., fr. 3076, p. 10:.)

Monseigneur, vous verrez, et par les lettres du Roy et par celles que vous escript à mon advis bien au long monsieur de Morette, tout le discours des affaires de deczà <i). Pour ce, ne vous ennuiray de redictes, mais bien vous diray que, en ce que touche l'abstinence de guerre, il me semble qu'il y pourroit avoir du refroydissement pour noz alliez. J'ay bien advertissement certain que les Flamens sont en fort grant paeur, qui donne, à mon advis, occasion à madame Marguerite de venir à rechercher appoinctement ; et croy bien que les alarmes de monsieur de Gueldres et aultres voysins en sont en grant partie cause, lesquelx seront en dangier de retirer leurs cornes si une foix ceste tresve a lieu./ Et quant à ceulx de deczà, j'ay bien fantaisie qu'ilz ne

(i) Le 26 mars, Ch. de Morette écrivait en effet à Montmorency la lettre suivante :

« Monseigneur, par les lettres que M. de Bayonne et moy escripvons au Roy, verrez de mon arrivée de deçà et ce que nous y avons depuis fait. Je baillay voz lettres au roy d'Angleterre et à monseigneur le légat, qui furent bien aises de savoir de vos nouvelles, et m'ont chargés de vous faire leurs recommandacions. Je vous asseure que, autant qu'il se peut veoir, qu'ilz portent l'ung et l'aultre si grande amytié au Roy et à Madame que le sauriez désirer. Jeretourneray demain vers le roy, à Richemont, qui m'a expressément envoyer (sic) monsieur de Cheny [Cheyney] pour m'y mener; estant là, je mectray peine de faire le meilleur office pour les affaires du Roy qu'il me sera possible, desquels ne vous feray pour ceste heure récit pource que bien au long en verrez par les lettres du Roy, sinon qu'il me semble qu'ilz y vont de bon pied, mais ilz sont ungpeu fors à esmouvoir à la guerre contre les Flamens. Toutefois mondict seigneur le légat s'asseure fort de la paix, et dit être certain que l'Empereur la désire et plus encore madame Marguerite, laquelle à présent, comme verrez par les lettres du Roy, l'en envoyé rechercher; mais que en défault de ladicte paix qu'ilz ne fauldront à faire ce qui a esté accordé par le traité. Nous n'avons fait nulle mention de nos secrètes instructions pour les avoir trouvez en si bon vouloir. Nous actendons aussi en grant dévotion qu'envoyez la dépesche de bled dont le roy et monseigneur le légat avoient donné charge à monsieur de Castillon et s'actendent bien que de ceste heure elle soit faicte. — Monseigneur, mondict seigneur le légat a fort asseuré le secrétaire de madame Marguerite du sauf-conduit et s'est fait fort qu'on ne fauldra de le luy envoyer; et si autrement se faisoit, je me doubte que mondict seigneur le légat n'en scroit content. Je sercheray tousjours de faire au mieulx que je pourray, actendant vostre dépesche pour après me retirer devers le roy. Monseigneur, etc. De Londres, le XXVI' de mars (Bibl. nat., fr. ao5o4, fol. i65).

Mars iSaS]

trouveront si mauvais qu'il y ait rien guasté quant la refuserez et que leur manderez bonnes et fortes raisons ; lesquelles ne leur satisfaisans, tousjours au piz aller serez vous quiètes, après leur responce, de les accorder, et au différer me semble que par deczà n'y aura rien guasté. Du surplus, Monseigneur, je pense que monsieur de Morette, pour estre de si longtemps pratiqué et instruict des afl'aires de deczà trop myeulx que je ne puys estre, vous advertira et à ceste heure et encores par cy-après. Par quoy, ce que mectroye davantaige ne serviroyt que de vouz ennuyer, qui me fera faire fin après humblement....

De Londres, le XXV^ jour de mars.

Je croy. Monseigneur, que si vous deffendez bien contre monsieur de Bade, comme vous ay mandé par Castillon, il se contentera des articles raisonnables, et que luy ameniez force raisons et que luy teniez bien roide ('). Et luy pourriez monstrer l'article des lectres du Roy par lequel monseigneur le légat dict qu'il luy a donné charge n'envoyer que les articles que le Roy trouvera bons ; car, si ledict de Bade vouloit renvoyer icy pour en sçavoir, seroyt tresner l'esté en articles et conditions, [et] vous seriez à recommencer. Je vous veulx encores dire que si faillez à les dépcscher souldain en ces bleds qu'ilz demandent, ceulx qui ne demandent que occasion de brouiller feront beau bruyt, et ne sçay s'ilz guasteront rien, car ilz ont crédit, comme Castillon vous aura dict, et m'esbahiz bien, Monseigneur, qu'on mect tant à envoyer ce présent.

Vostre....

J. DU Bellay, évesque de Bqyonne.

(i) Il semble qu'il faille lire plutôt : « Je croy. Monseigneur, que si vous deffendez bien contre monsieur de Bade, comme vousay mandé par Castillon, et que luy ameniez force raisons et que luy teniez bien roide, il se contentera des articles raisonnables », bien qu'ainsi corrigée la phrase reste incorrecte grammaticalement.

l86 JEAN DU BELLAY.

[Mars i5a8

76. — Jean du Bellay et Ch. de Morette à François /*'. Londres, 26 mars [1628].

(Copie : Bibl. Nat., fr. 5499, fol. 5? v'-63. — Analyse : Brewer, Op. cit., vol. IV.

part, m, app. n» i58.)

Sire, dimenche (i) au matin allasmes à Richemont vers le roy, vostre bon frère, où s'estoit trouvé monseigneur le légat après que luy avyons mandé à Hemptomcourt que moy, Morette, estois arrivé et qu'il luy pleust m'ordonner ce que j'auroys à faire. Et estant là, après que leur euz baillé leurs lectres et qu'euz faict entendre à chacun d'eulx partie de ma charge, principalement quant aux bonnes recommandations de vous et de Madame et les honnestes parolles qu'avoys à leur dire, et qu'aussy leur euz ouvert les principaulx poinctz de madicte charge, ilz me feirent tout l'honneste recueil qu'il estoit possible de faire, puis nous donnèrent congié de retourner après disner à Londres, pour le lendemain au soir nous trouver audict Hemptomcourt, où, le jour ensuyvant, qui fut lundy, se rendroit le roy, vostre bon frère, pour plus au long entendre de toutes choses.

Ledict jour. Sire, ne faillismes à nous y trouver et actendismes ung peu à parler à monseigneur le légat jusques à ce qu'il eust dépesché l'ambassadeur de l'Empereur et le secrétaire de madame Marguerite (2), lesquelz départiz, il nous tint l'espace de troys ou quatre heui^es ; durant lequel temps, moy, Morette, luy fis entendre bien au long, de poinct en poinct, toute la charge que j'avoye en la meilleure sorte qu'il me fut possible, et à la fin luy baillay à lire mes instructions (3) mesmes; qu'il leut tout au long ennoz présences, et sur chacun article demourasmes autant que la matière le requéroit, en sorte que tout fut de costé et d'autre bien entendu, nous disant luy particulièrement ce qui luy sembloyt sur chacun article et nous remectant pour la résolution d'iceulx à la venue du roy, vostre bon frère.

(i) 2a mars.

(2) Guillaume des Barres. Ses instructions sont datées du la mars. Cf. Calendar of State Papers, Spanish (i52j-i539), n» 5j3.

(3) Non retrouvées.

Mars 1628]

Et après. Sire, nous lit entendre la cause de la venue des susdictz ambassadeur et secrétaire, et nous dit le secrétaire esti'e envoyé par madame Marguerite pour luy déclarer le grand regret et desplaisir qu'elle avoit que, par faulte de trouver moyen d'oster la diffidence d'entre vous et l'Empereur, les articles de la paix mis en avant ne pouvoient avoir lieu et qu'il failloit veoir toute la chrestienté rentrer en nouvelle guerre, et qu'elle le pryoit et supplioit très instamment que luy, pour estre prélat d'honneur et tant de sa profession que de sa nature enclain à mectre paix entre les princes chrestiens, voulsist adviser de son costé à ramener les choses en bon train et moienner envers vous et le roy, vostre bon frère, et que de sa part elle feroit le pareil envers l'Empereur.

Puis luy feit ouverture ledict secrétaire d'un moien de paix que madicte dame avoit conceu, dont il espéroit ledict Empereur estre pour se contenter, sy, par le moien de mondict seigneur le légat, vous et le roy, vostre bon frère, le vouliez mectre en avant. Et estoit ledict moien ung de ceulx que monsieur de Bade vous a porté, c'est assavoir : que vous rendiez Gennes, Ast et Hesdin, puis se face la permutation de monseigneur le Daulphin à l'argent ; après, que retirerez vostre armée, laqpielle retirée, se rendra monseigneur d'Orléans; et que interpose le roy, vostre bon frère, sa foy pour l'Empereur que, les villes rendues, incontinent la permutation se fera, puis après pour vous que retirerez vostredicte armée, sur gi'osses peynes commises et encorcs que, en faulte de ce, ledict roy, vostre bon frère, vous devra estre ennemy, et interposera aussi sa foy pour ledict Empereur que, ladicte armée retirée, il rendra monseigneur d'Orléans, et pour les seurtez de costé et d'autre aura icelluy roy ostaiges de chacun. Et demande Madame que baillez sauf-conduict à ung gentilhomme qu'elle envoyera en diligence vers l'Empereur porter les conditions de ce party, par lequel elle luy mandera raisons urgentes et non-seulement luy fera, mais encores fera faire par tous ses subjectz de deçà telle instance qu'elle est seure qu'il ne les vouldra reffuser. Et quant au demeure de la guerre cependant, elle demande. Sire, que trefves soient faictes généralement deçà les montz pour troys

l88 JEAN DU BELLAY.

[Mars i5a8

moys et que, incontinent que l'Empereur aura receu et accordé les offres, soit mandé en toute dilligence en Italie que toutes choses demeurent de costé et d'aultre en la sorte qu'elles seront trouvées, jusques à ce que se mectront lesdictes conditions au nect et la paix sera solennellement jurée, après laquelle solennité incontinent on commencera à procéder à l'accomplissement des articles de costé et d'autre.

Nous luy avons demandé, Sire, qu'il envoyast au long cest article à monsieur de Bade. Il nous a respondu qu'il est en ceste forme mesmes entre les autres et qu'il n'est besoing plus luy en escripre. Ledict secrétaire, Sire, est desjà retourné vers sa maistresse, et doibt estre incontinent à Cambray le gentilhomme qu'elle envoyé en Espaigne. Mondict seigneur le légat vous supplye que luy veuUiez envoyer audict Gambray ung sauf-conduict dont le nom soyt en blanc et que y usiez d'extresme diligence, car la plus prompte expédition en telles choses sera la meilleure, et qu'il a promis audict secrétaire, sur son honneur, que ledict sauf-conduict sera à Gambray entre les mains du chef de la justice dedans bien peu de temps. La faczon, Sire, dont il vouldroit qu'on usast de ceste abstinence de guerre est que madame Marguerite, qui a pouvoir pour cest affaire, la fera observer et publier pour la part de l'Empereur et vous, pour la vostre. Mais pour ce qu'il ne scet au vray sy son pouvoir s'estend jusqu'aux frontières d'Espagne, ledict gentilhomme passera par vous et entendra vostre résolution en cela. Et s'il vous trouve résolu en ladicte abstinence, il mandera à sa maistresse qu'elle la face publier deçà pour y avoir lieu, puis dira luy-mesmes à l'Empereur que incontinent il la face pubher aux frontières d'Espagne.

Nous luy avons débattu. Sire, le peu de proufTict qui vous pourroit venir de ceste trefve et combien cela meclroit voz confédércz en souspeçon et les pourroit refroydir, et autres choses qu'avons peu penser à ce propos. Toutesfois il en est demouré là qu'il est de cest advis et qu'il vous prye d'ainsi le faire, et qu'il est seur que vous en trouverez bien. Nous luy avons demandé qu'il entendoyt estre du sauf-conduict du gentilhomme, si ladicte trefve ne seroyt pour vous plaire. Il a respondu qu'il ne debvoyt laissé d'estre incontinent en-

Mars i528]

voyé, veu que c'est la plus honnorable chose et comme il espère plus proutïictable qu'il vous sçauroit avenir, et, pour ce, a-il esté raeu de la promectre sur son honneur; toutesfois qu'il ne failloit que lissions doubte que n'acceptissiez ladicte trefve et que, puisque vous estes ainsi recherché, vous aurez indubitablement la paix, pour venir à laquelle, ladicte trefve ne peult estre que prouffictable, et au contraire que cependant de la guerre guerroiable ne vous peult venir nul adventage. A la fin, Sire, nous prya vous en escripre en grande diligence ; mais à ce qu'avons peu veoir, il semble qu'il se contentera de deux moys pour ladicte trefve, qui sembleroyt estre plus à propos que de troys, pour d'autant plus les avancer de au moys de juing commencer la guerre au cas que l'Empereur n'acceptast les conditions.

Sire, hier nous feit mondict seigneur le légat trouver avec le roy et là en leur présence moy, Morette, leur exposay bien et au long toute ma charge, c'est assavoir de ce qui touche le temps et forme de faire la guerre en Flandres, de la contribution pour le passé, de la charge de M* Wallop, de la dépesche de Gambres et encores de Pistoye (^). Quant aux prinses qui se font sur mer et tous les autres poinctz contenuz en mes instructions, et sur chacun desdictz poinctz, nous arrestames si longuement qu'il n'y fut rien obmis de tout ce qui y touchoit autant que nous en peusmes adviser, et, afin que le roy, vostredict bon frère, se trouvast plus prest à sa responce, mondict seigneiu* le légat l'avoit desjà le matin informé des propos que, le soir précédent, nous avions euz ensemble.

Et quant à la forme et temps de faire la guerre audict pays de Flandres, ilz sont d'advis. Sire, que, vers la fin de juing, se trouvent toutes voz forces et les leurs aussi, telles que porte vostre traicté, ensemble vers Thérouenne W, pour, par

(1) Antonio Pucci, évoque de Pistoia de iSig à i54i, neveu et plus tard successeur du grand pénitencier Lorenzo Pucci. Il avait été envoyé par Clément VII pour néf^ocier la paix entre François I" et Charles-Quint. Il arriva à la cour de France à la fin de février. François I" s'opposa a son passage en Espagne, sous prétexte que ce voyage lui ferait perdre la conliance de ses alliés italiens. Cf. la lettre de l'ambassadeur vénitien Giustiniani, datée de Poissy, 18 mars, dans Marino Sanlto, t. XLVII, col. igtt-ig-; — et celle de J. Salviati, du 28 mars, dans St. Kiises, Hœmische Dokumente, p. :^6-a57.

(2) ïhérouanne, sur la Lys, arr. de Saint-Omer (Pas-de-Calais).

igO JEAN DU BELLAY.

[Mars iSaS

cest endroict-là, faire un bon et gros effort, moiennant la faveur des vivres qui, par la provision que vous y donnerez, ne fauldront de vous suivre ; car de faire du costé de deçà descente de dix mille hommes et en lieu stérille, sans gensdarraerie et sans moien d'estre secouruz de vivres, et encores au danger d'estre combattuz avant que de se pouvoir joindre à vous, si les ennemys auroient leurs forces ensemble, ce seroit chose fort dangereuse tant pour le combat que pour la famine.

En après, Sire, vinsmes au poinct de la contribution, en laquelle trouvasmes le roy, vostre frère, si très froict qu'il n'est possible de plus, alléguant que par ci-devant ce ne luy a esté chose griefve, mais à présent qu'il fault que luymesmes entre en la dance et qu'il face de merveilleux fraiz, et par advanture pour long temps, qu'il n'y a ordre qu'il peust fournir à tant de choses, combien que par toutes les raisons que pouvions penser eussions tasché l'amener à ce poinct, et raoy, Morette, particulièrement luy eusse en cela remonstré, comme l'ayant [entendu] de vostre bouche, ce qu'avoys peu penser pouvoir servir à la matière. Et pour ce. Sire, que moy, Bayonne, luy alléguoys que seroys trouvé vous avoir bien desceu, veu l'espérance qu'avoys par cidevant prinse de luy et après la vous avoys baillée, que, à la venue de monsieur de Morette, il en donneroyt telle résolution que désiriez, il respondit qu'il estoitbien vray que, avant l'intimation de la guerre, il en faisoyt assez libéralle responce, pour la seurté qu'il pensoit avoir que l'Empereur ne viendroit à ladicte guerre, mais que depuis, se trouvant desceu de son oppinion, a voit faict le calcul de ses affaires qui luy faisoient faire autre response qu'il n'avoit au précédent délibéré. Et là-dessus, Sii'e, nous vint faire ung narré des frais qu'il avoyt à porter, puis après vint aussi tomber sur les vostres, et nous dit que de par luy vous advertissions qu'advisissiez bien au commancement de ceste dance quelle est vostre portée et que n'entrepreniez poinct fais que ne puissiez soustenir et que considérez bien si vous pourrez longuement entretenir deux grosses armées, c'est assavoir en Italye et icy, veu que dictes desjà qu'il ne vous est possible de fournir l'une sans la contribution que luy demandez;

Mars i5a8]

et pour ce, qu'avisiez bien s'il sera bon de faire en Flandres si gros effort qu'il est convenu au traicté, ou bien en diminuer partye pour fournir au fais d'Italye plus aisément; non pas qu'il le dye pour se descharger ne reculler à ce qu'il est tenu par le traicté, car il entend que, vous augmentant en Italye ce que vous diminueriez d'icy, ce que pareillement luy y diminueroit quant à sa part le recroistroyt en Italye ou par contribution ou ainsi qu'entre vous il seroyt advisé. Pour ce, bien fort il vous prye, à enfourner ceste entreprinse, y voulloir bien adviser et lui mander ce qu'il vous en semblera, se tenant luy tousjours prest à faire ce que trouverez estre le meilleur et plus à propos pour endommager l'ennemy, à l'encontre duquel il est délibéré de ne vous habandonner pour chose qui puisse survenir et de l'amener à la raison de rendre messeigneurs voz enffans, qui est la chose qu'il désire le plus en ce monde ; mais que bien est vray que qui les pourroit avoir par paix, le plus tost seroit le meilleur, afin qu'on peust compter pour gaigné l'argent que à la longue il fauldra despendre pour faire la guerre ; et, pour ce, est fort d'advis que bien entendiez les articles que monsieur de Bade vous déclarera et toutes choses qu'il vous porte, dont il a esté très bien instruict, et aussi que laissez aller monsieur de Pistoye après que ledict sieur de Bade l'aura ung peu manyé, et que le laissez aller chargé de fort bonnes paroUes.

Aussi, Sire, pour ce que leur faisions grande instance d'estre sur la fin de may prestz à marcher, pour beaucoup de raisons nous ont débattu qu'il n'estoit possible, dont la principalle est que avant la my-juing les herbes sont encores si courtes qu'il n'y a moyen de les coupper pour donner aux chevaux, sans lesquelles herbes il n'y a ordre de tenir armét^dux champs. Et dès le jour. Sire, que fusmes à Richemont en la présence de mondict seigneur le légat, le milord chambelland, Feuguillaurae(i), le marquis (=>> et autres avoient

(i) William Fitzwilliam, trésorier de la maison du roi. Il avait été capitaine de Guines et plusieurs fois envoyé en France, en i5ai, en iSaS auprès de la Régente, en décembre i526, pour négocier les projets de mariage entre. François I" et la princesse Mary.

(a) Thomas, marquis de Dorset.

^ [Mars i5a8

fort esté pour nous débattre ceste matière et tout ce qu'avions peu penser pour les avancer n'avions failly de le mectre en avant. La résolution, Sire, du roy, vostre frère, fut telle d'estre prest avec ce qui est convenu avec vous vers la fin dudict juing, et nous a asseurez sur son honneur qu'il n'y aura poinct de faulte de son costé, sur l'espoir qu'il a que ne fauldrez point aussi du vostre, non-seullement quant au nombre de gens, mais quant aux victuailles et carriages qu'ilz ne sçauroient recouvrer sans vous.

Bien leur semble-il que, cependant, ne se doibt perdre ceste belle occasion qui s'offre d'estre recherchez de l'ennemy pour la paix, et que plus grand honneur ne vous sçauroit advenir que d'avoir amené ledict enneniy à la raison et l'avoir contrainct de vous rechercher d'appoinctement. Non pas qu'ilz veullent cependant que riens s'obmecte de ce qui sert aux prépara tifz de la guerre ; et de leur part ilz dépeschent milord chambelland jeudy ou vendredy qui s'en ira incontinent lever ses gens, jusques au nombre (i).... pour sans poinct de faulte passer la mer à Pasques ; faisans toutesfoys leur compte que vous accepterez la trefve que dessus et que, par ce, ledict milord chambelland ne fera actuellement la guerre, mais se tiendra prest pour attendre la response d'Espagne, en sorte que son passaige serve de démonstration à madame Marguerite plus que d'autre chose, afin que, d'aultant plus, tant l'Empereur que elle se rendent aisez à venir à la raison. Mais ilz vous pryent, Sire, que, oultre l'ordre de bledz tant pour icy que pour Guynes, dont Gastillon vous aura parlé, les faciez aussi secourir d'autres vivres et de vins en ce qu'ilz en auront à faire, car d'autant plus que ce peuple est fort à esmouvoir à ce premier coup à faire la guerre conjoinctement avec vous, plus leur fault faire de gracieuseté et bon traictement, principalement quant aux vivres.

Et en tant, Sire, que touche la dépesche qui a esté faicte au prothonotaire de Gambres, combien qu'ils espérassent que la luy feriez pareille qu'ilz avoient faicte par deçà, toutesfoys ilz estiment que ce qu'en avez faict aura esté pour le

(i) Le chiffre qui semble devoir suivre a été passé dans la copie.

A>IBASSADES EN ANGLETERRE. igS

Mars i5a8]

mieulx, piûncipaleraent puisqu'avez sceu par l'évesque de Pistoye que ledict Gambres n'avoyt charge de nostre Saiact- Père si ample qu'il avoyt mis en avant. Bien sont-ilz d'advis que ne debvez faillir à faire, sans plus y meetre dilation, que la Seigneurye rende Ravenne et Servye, pour estre chose si raisonnable et que honnestement on ne peult reffuser à nostredict Sainct-Père, et mesmes vous, Sire, qu'on scetbien que, quand à bon escient luy ferez entendi'e vostre voulloir en cest endroict, elle ne fauldra à le suivre. Et nous en parla le roy, vostre frère, en ces termes et beaucoup d'autres fort affectionnez, s'altérant et picquant merveilleusement contre ladicte Seigneurye pour autant que luy avoit faict dire par son ambassadeur, lorsqu'elle s'en saisyt, que seullement le faisoyt pour les conserver à nostredict Sainct-Père ; et nous prya vous escripre très expressément les propos qu'il nous en avoit tenuz et qu'il ne s'esbahiroyt quand le Pape ne feroit guières pour vous, si en cause si juste et si raisonnable ne luy vouliez complaire, et que seroit bien hors de raison qu'il se feist partie pour saulver Testât des Vénitiens qui luy ostent le sien ; combien qu'encores ne trouveroit le roy, vostredict frère, estre bon que, ayant nostredict Sainct-Père recouvert Ravenne et tout ce qu'il sçauroit demander, il se déclarast si soudain, sans avoir premier essayé si l'Empereur à sa requeste vouldroit accepter voz offres : car de beaucoup de lieux viennent advis que ledict Empereur se repent fort de les avoir reCfusez et qu'il est pour se y accorder par l'intercession de nostredict Sainct- Père qui ne restera rien à essayer <'), veu principalement que la déclaration qu'il feroit ne pourroit guières cependant porter d'avancement à voz affaires.

Quant aux prinses, Sire, qui se font par les Espaignolz sur la met*, ilz sont d'advis que ne debvrez reffuser l'abstinence de guerre et par ce poinct cest article seroyt vuydé, ou, là où ne la vouldrez accepter, ilz ne trouveront mauvais que faciez la guerre bonne et royde sur la mer de delà, demourant toutesfoys ceste-cy en abstinence. Toutesfoys, si

(i) Il semble qu'il y ait là une faute du copiste. La phrase se comprendrait avec : « .... qui ne risquera.... »

iq4 JEAN DU BELLAY.

^ [Mars i5î88

voulez ne vous haster de faire ladicte guerre, ilz adviseront avec les ambassadeurs qui viennent de madame Marguerite, lesquelz on actend de jour à autre (O, quel expédient, et quant à cella, et quant à la restitution des choses prinses de costé et d'autre, on y debvra et pourra prendre.

Entre autres choses, Sire, nous leur avons montré Testât qu'avez faictde voz navires en Normandye, qu'ilz ont trouvé très bon et nous a dict le roy, vostre bon frère, aussi a depuis monseigneur le légat, que quatre grosses naufz sont desjà sur mer équippées par luy de gens et vivres, tant pour faire démonstration aux ennemys que pour mectre ladicte mer en seureté pour ses subjectz et les vostres et que, dedans peu de jours, quatre autres seront prestes, lesquelles huict ensemble ne cesseront de voguer sur ceste mer jusques à ce que soit autrement advisé. Mais leur semble. Sire, que de se mettre à faire entreprinse pour guarder monsieur de Beaurain (2) de passer seroit despence grande sans prouffict, car, encores que ladicte entreprinse fust preste à temps, ce qui toutesfoys est impossible, sy ne pourroit-il non plus estre empesché de passer par derrière vers Irlande, ou autre chemin, que fut monsieur d'Albanye quand dernièrement, malgré eulx, il passa en Escosse, encore qu'ilz ne croient que ledict Beaurain vienne en-çà et qu'ilz ont advertissement que desjà il est party pour aller au royaume de Naples.

Daventaige, Sire, luy avons parlé du retardement de la dépesche de M* Wallop. Je croy, Sire, que de ceste heure il est départy de vous pom' retourner par deçà (3), Bien sontilz d'advis de faire une lectre aux ellecteurs suivant la forme de la vostre (4) et au nom du roy, vostre bon frère, leur envoyer.

(i) George de Theimseke, prévôt de Cassel, et Jean de la Sauch arrivèrent en effet à Londres le 25 mars au soir. Cf. Brbwer, op. cit., vol. IV, part. Il, n» 4ioo-

(a) Adrien de Croy, s' de Beaurain et Rœux. Il était parti de Carthagène au début de mars avec des troupes à destination des Flandres. Cf. la lettre de Charles-Quint à Marguerite, du 28 mars i5a8, dans Bkkwer, op. cit., vol. IV, part. II, n" 4112.

(3) Wallop ne quitta la cour de France que beaucoup plus tard : il y était encore le 36 avril. Cf. à cette date sa lettre à Wolsey, dans Brewer, Op. cit., vol. IV, part. II, n» 4210.

(4) Voir un fragment de cette lettre de François I" aux princes allemands.

AMBASSADES EX ANGLETEURE. igS

Mars i528]

Après tous ces propos, Sire, qui ne durèrent moins de deux heures, le roy, vostre bon frère, nous usa de ibrce bonnes et honnestes parolles et qui sembloient partir de merveilleusement bon estomac, tousjours retombant làdessus qu'il vous donnera à congnoistre par eflect lamytié qu'il vous porte, délibéré de courir à jamais avec vous une mesme fortune. Et le jour. Sire, que fusmes à Richemont il avoit faict entrer moy, Morette, à son lever, commandant que feisse avec luy tout ainsi que si estoys avec vostre personne, pour estre vous deux une mesme chose, et feit fort grande démonstration d'aise, quand, entre autres choses, l'asseuray qu'estiez en si bonne et certaine disposition de vostre personne, et comme la chose du monde dont il disoit avoir esté en aussi grand peyne pour la grand amour qu'il vous porte.

Sire, ce jour mesmes, le roy, vostredictbon frère, retourna à Richemont et nous laissa avec monseigneur le légat, lequel nous vint après, par l'espace de troys ou quatre heures, récapituler tous les poinctz qui avoient esté traictez, nous mectant en très grand espérance et comme seureté, quant à ce qu'il en peult juger, de paix avec l'Empereur, et amenant toutes les raisons qui par les praticques de madame Marguerite se peuvent prendre et assez d'autres qui luy font juger que jusques icy n'a veu certaine apparence à la paix, mais à présent la tient comme certaine et nous feit nouvelle instance de faire dépescher ce sauf-conduict en toute diligence. Et pour aultant, Sire, que luy avions débattu et aussi au roy^ vostre frère, assez vivement toiites choses qui touchoient à les avancer à la guerre et y avions meslé tout ce que voyons pouvoir faire sans altérer le bien de voz affaires, il nous vint à faire ung long et grand proteste du bon, entier et parfaict voulloir et amytié indissoluble que le roy, vostre frère, et luy vous portent, mais que grand faix leur estoyt, et à luy principalement, sur qui on en remectoit toute la coulpe, d'avoir habandonné leurs anciens amys contre l'oppinion et voulloir de tous leurs sul)jeclz pour prendre telle amytié

datée de Saint-Germain-en-Laye, 6 mars i537 [iSaS], dans Bivewek, op. cit., vol. IV, part. Il, u' 4019.

Iq6 JEAN DU BELLAY.

[Mars iSaS

que toute communication de fortune s'en ensuivist avec ceulx qui jusques icy n'ont esté tenuz pour amys. Et nous allégua à ce propos les difficultez qui estoient de tourner ce peuple à bonne dévotion et les grandes pertes que feroit le roy en ceste guerre pour la faulte qui seroit du cours de marchandise, dont diminueroient merveilleusement ses gabelles et encores fauldroit qu'il baillast luy-mesmes argent en grosse somme pour acliepter les draps, sur peyne de contraindre tout le plat pais par force de faim à s'eslever et mutiner. Et le tout alléguoyt, Sire, pour venir sur la contribution, vous suppliant, pour la servitude qu'il vous porte, que le veulliez ung peu laisser user de ses moiens envers le roy, vostre frère, et quant à ce faict et quant à tous autres, afin que ne se monstrant trop particulièrement estre vostre serviteur et liabandonner du tout l'utillité de son maistre pour servir à la vostre, vous ne luy donniez trop d'afl'aires et luy ostiez le moien de faire pour vous ce qu'il désire; et que, suivant vous ceste façon de faire envers le roy, son maistre, et luy, il se faict bien fort, sur son honneur et sur ses saincts ordres, qu'il vous amènera et conduira par temps voz affaires en ce païs en sorte que trouverez au besoing qu'on ne vous fauldra en chose du monde. Et nous vint entre autres par deux fois reprendre ces termes dont à moy, Bayonne, a par ci-devant usé, comme, Sire, quelquefoys vous ay escript, qu'il n'y auroit ny homme, ne diable qui peust séparer ceste grande conjonction d'amityé et à toutes les deux foys s'adressa particulièrement à moy, Morette, me disant que, pour la congnoissance antienne que avoys de luy el pour l'aniityé que sçavois le roy, vostre frère, me porter, il me prioyt et supplioyt m'en faire fort sur ma vye et sur mon honneur envers vous et Madame aussi et que luy pour contre-eschange me bailleroyt sa foy en gaige. Je luy monstray bien, Sire, que voulentiers acceptay ce pleige et combien que en ceste asseurance moins fust besoing de pleige que de nulle autre chose, toutesfois, puisqu'il m'en requéroit si aiTectionnement, que je n'y mectroys jamais moins que ma vye en gaige, estant si bien contreplaigé que de luy, et qu'ainsi le vous manderoys, comme très instamment il me prioit de faire. Et par ses propos, Sire, se veoit encores ne

Mars i5a8.

nous raecti'e hors d'espoir de la contribution, mais bien monstre que, pour en venir à bout, il luy failloit des moiens €t dn temps. C'est, Sire, ce qu'en pouvons avoir pour ceste heure.

En après. Sire, nous vinsmes à tomber sur les articles que porte monsieur de Bade (0, dont d'aucuns lui respondismes, estans par luy pressez d'en respondre, que y veoyons bien quelque apparance, mais que des autres, où il estoit question de la révocation d'armée, pour ce que moy, Bayonne,les luy avoys fort débattuz, comme. Sire, vous ay adverty, que, à ceste heure qu'il les trouvoyt si bons, ne vouldrions pas le desdire, mais toutesfoys que y veoyons assez peu de seurté et apparence pour vous, pour beaucoup de raisons que luy mections en avant; il nous dict, Sire, que celluy où il estoit question de révocquer l'armée sur ostaiges et seurtez que bailleroit l'Empereur ne luy sembloyt pas mauvais, si on ne pouvoit obtenir ung des meilleurs des autres. Et comme luy demandissions quelz ostaiges pourroit l'Empereur bailler sufïisans, il nous dict que cela mesmes avoit débattu contre l'ambassadeur de l'Empereur, l'en rejectanttoutesfois le plus loing qu'il luy avoyt esté possible, mais que ledict ambassadeur luy avoyt dict qu'il bailleroyt le filz du connestable d'Espaigne (2), celluy d'un marquis bien gros seigneur et le nepveu du duc d'Albe(^), et en oultre les obligations des seigneurs et princes, toutesfoys qu'il luy en avoyt tousjours fermé la bouche.

Oultre, Sire, luy demandasmes qu'il estoit de faire au cas que partye des obligations portées par monsieur de Bade ne vous semblassent bonnes et que n'en voulsissiez estre mis en avant que aucunes d'icellcs, s'il fauldroit renvoyer icy pour le luy faire entendre. Il nous dict que non et nous répéta par

(i) Nous n'avons pas retrouvé le texte de ces articles, qui devait se rapprocher sensiblement de celui qui est résumé dans Calendar of State Papers, i>panish, (ijaj-iâap), n° 380 (sous la date du 24 mars).

(2) Peut-être le connétable de Castille, Hernandez de Velasco.

(3) Au lieu de neveu, il semble qu'il faille lire : pctit-lils. Il s'agirait alors de Frédéric de Tolède, duc d'Albe, marquis de Coria, mort en iSs;, et de son petit-fils Fernando Alvarés de Tolède, duc d'Albe. Frédéric de Tolède n'avait eu que deux fils mariés : Garcias, père de Fernando Alvarès, mort en i5o8, et Pierre Alvarès de Tolède, marquis de Villafranca, oncle de Fernando Alvarès, mort en i553. Mais le marquis de Villafranca ne porta jamais le titre de duc d'Albe et il ne peut s'agir de lui dans la phrase de du Uellay.

[Mars lôiS

deux foys, pour ce que bien attentivement luy demandions, qu'il avoyt donné charge à mondict sieur de Bade de veoir lesquelz articles vous plairoient et iceulx envoyer incontinent en Espagne, laissant les autres derrière, sans renvoyer deçà autrement pour la longueur du temps qui y pourroit aller, et nous donna mondict seigneur le légat charge expresse d'ainsi le vous escripre.

Au partir de ces propos, Sire, il nous vint à redoubler de Ravenne et Servye, en telle sorte que, quand auriez envye. Sire, de déclarer par parolles et contenances la chose que plus auriez en affection, n'en pourriez faire daventaige, nous chargeant très expressément de bien au long le vous faire entendre, ce que laissons toutesfoys à faire pour ce que ne viendrions jamais à atteindre jusques au bout de tout ce qu'il nous en dict et aussi qu'il nous dict vous en avoir escript bien au long et le l'oy, vostre bon frère, aussi.

De tous les autres poinctz. Sire, qui sont es instructions de moy, Morette, et de ceux de cy-dessus mesmes, ne fauldray à tous] ours prendre l'opportunité de les ramener en avant et du tout vous advertir, et pour cest effect demain retourneray devers le roy, vostre bon frère, comme luymesnies m'a commandé, pour tousjours faire, estant présent avec luy, ce que verray estre bon pour le bien de voz affaires, actendant qu'il vous plaise me mander que c'est que j'auray affaire.

Aujourd'huy, avons sceu, Sire, que sont arrivez les ambassadeurs de madame Marguerite (i>. Nous mectrons peyne d'en entendre bien amplement, pour incontinent vous en advertir de ce qu'en pourrons sçavoir et congnoistre.

Sire, nous jurions Nostre-Seigneur....

De Londres, le XXVP de mars [iSaSj.

(i) Cf. la note 1, page 194.

Mars 1528]

77. — Jean du Bellay et Ch. de Morette à François i". Londres, 3o mars [iSaS].

(Copie : Bibl. Nat., fr. 5499, fol. i3o r° et y. — Analyse : Brewer, Op. cit., vol. IV, part. H, app. n* i53, à la suite de la lettre du 5 mars. Cf. cette lettre et la note. La lettre est visiblement incomplète : il n'en est resté que le dernier feuillet.)

.... Sire, venans les ambassadeurs de l'Empereur à faire leur hareugue, moy, Morette, me voulluz retirer. Mais tant le roy, vostre bon frère, que monseigneur le légat voulurent que je demeurasse et fuz présent au long de leur propos. Et là où ilz alléguoient l'ancienne amytié d'entre les Flamans et Anglois, respondoit le roy, vostredict bon frère, que, si, à ceste heure, ilz venoient à la guerre et inimitié , qu'ilz ne s'en prinssent à liijs mais à l'obstination et ingratitude de leur prince qui est cause de tant de maulx. Et en toutes choses, Sire, leur respondit si bien à l'adventaige tant de vostre personne que du bien de voz affaires, que n'en eussiez sceu riens plus désirer. Et au départir d'eulx, me feit venir à leur veue en sa chambre avec ses plus privez, là où il me tint plus de deux heures en propos de voz affaires, monstrant par toutes ses parolles les avoir en telle recommandation que vous-mesmes.

Sire, monseigneur le légat partant de là pour aller à Hemptcourt, l'affaire estoit en ces termes que seulement, pour abréger matière, M^ Jehan de Saulx prandroit saufconduict du roy, vostre bon frère, et lettres de nous addressantes aux cappitaines qui se pourroient rencontrer sur mer.

Depuis fut le roy d'advis que, ce pendant que le prévost de Cassel retourneroit en diligence vers madame Marguerite faire son rapport et prandre instructions pour ledict de Saulx, qui ce pendant demoureroit icy, ung pourroit recouvrer de vous ung sauf-conduict. Pour ce me feit à moy Morette toute instance de incontinant le vous mander; ce qu'avons différé pour le jour d'hier à faire, pour ce que voullions avant que dépescher en advertir monseigneur le légat, qui l'a prins merveilleusement de bonne part et nous a envoyé une lettre pour faire tenir à monsieur de Bade, par

[Avril iSaS

laquelle il nous mande luy escripre bien au long tous les propos desdietz ambassadeurs et les responces, pour le tout vous faire par le menu entendre. Dedans deux jours, Sire, moy, Morette, retourneray vers le roy, vostre bon frère, pour y faire tousjours ce que verray estre pour le mieulx au bien et proufiiet de voz affaires.

Sire, nous prions Dieu....

De Londres, le XXX« de mars.

78. — Montmorency à Jean du Bellay et à Ch. de Morette. Houdan, 3 avril [iSaS].

(Copie : Bibl. nat.,fr. 5499, fol. iGi v»-i62. — Analyse: Breweb, Op. cit., vol. IV,

part. III, app. 11° iSg.)

Messieurs, le Roy a veu les longues lettres que luy avez escriptes, ausquelles il vous respond et satisfaict bien amplement et par le menu sur chacun poinct, comme vous verrez par ses lettres ; par lesquelles pourrez, ce me semble, suffisamment entendre sur tout ce que luy avez escript son vouloir et intention. Pareillement a veu les articles que monseigneur le légat a baillez à monsieur de Bathe pour luy apporter ; que ledict seigneur vous faict renvoyer avec responce telle que vous verrez, qui est trop plus que raisonnable, comme je tiens seur que par vous et tout homme de bon jugement telle se trouvera. Bien debvez estre asseurezque, sans la grande amour et affection fraternelle qu'il a au roy, son bon frère, jamais n'eust permis ne voulu consentir ainsi le faire ne accorder, sinon pour garder de le mectre en despit, désirant au surplus sur toutes choses ensuivre et se conduire entièrement selon son bon opinion et advis, comme de tout serez entièrement advertiz par ce qui vous est présentement envoyé. Ce qu'il veult que vous faciez entendre audict seigneur roy, son bon frère, et pareillement à monseigneur le légat (i), son bon et parfaict amy, mais que ce soyt tout au

(i) Montmorency écrivait du reste à Wolsey le même jour. Cf. un frag-

Avril i5a8]

long et de poinet en aultre selon son intention, que je suis seur sçaurez très bien ensuyvre ; vous priant leur dire et déclarer de la part dudict seigneur que sur toutes choses cecy soit tenu secret et sans en faire nulle déclaration, pour Tinconvénient et danger en quoy pourroicnt tomber les affaires si venoit à estime entendu entre les alliez et confédérez.

Et après avoir tout ce que dessus bien advisé, et exécuté l'intention du Roy selon qu'il vous escript et mande présentement, vous, INIonsieur de Morette, mectez peyne de poursuyvre et pareillement de mectre à exécution la charge qui vous fut baillée au partir, mectant en avant la diligence que le Roy a faicte de faire levée d'un bon nombre de lansquenet/ que jà il a retenuz et retirez en ses pais pour emploier avec les forces qu'il a faict dresser, ne faisant doubte que le semblable ne se face de mesme par le roy d'Angleterre, son bon frère et perpétuel allyé, selon et en ensuyvant le contenu du traicté ; qui me faict, encores vm coup, vous prier mectre peyne de diligenter vostre retour le plus tost que vous pourrez, ayant et rapportant ample résolution de tout ce que dessus, comme je suis asseuré que sçaurez très saigement faire selon le repos que ledict seigneur en a sur vous.

Au surplus, j'ay entendu par monsieur de Langey (i) ce qu'il m'a dict de par vous, Monsieur de Rayonne ; dont il vous fera responce suyvant ce que luy en ay dict et me sem-. ble qu'il n'est besoing vous en mander aultre chose, ne que par cy-après escripvez aultrement de ce propos, pour les raisons que bien povez penser.

Au demourant. Messieurs, vous verrez pareillement, par ce qu'il vous est envoyé, la responce que le Roy a faicte à l'ambasssadeur de l'Empereur, auquel il a donné congé (2) pour s'en retourner vers son maistre, et pour ce faire ledict seigneur le faict conduire jusques sur la frontière, espérant

ment de cette lettre publié (sans date) dans Brewer, Op. cit., vol. IV, part, ii, n» 38oi.

(i) Guillaume du Bellay était revenu d'Italie le mois précédent, après l'échec complet de l'expédition dirigée contre la Sardaigne. Il servait d'intermédiaire entre Montmorency, le Conseil du roi resté à Paris et l'évêque de Bath. Cf. les lettres de Jean de Selve et de Duprat à Montmorency, 5 et 6 avril i5a8. (Bibl. nat., fr. 6638, f. 113 et 3o3i, f. 3; .

(a) L'audience de congé eut lieu le 28 mars. Cf. Weiss, Papiers d'Etat du cardinal Graneelle, t. I, p. 35o.

[Avril i528

qu'il sera faict des nostres le semblable pour leur retour de deçà(i); vous advertissant. Messieurs, que le Roy est en bonne santé. Dieu niercy, et faict aussy bonne chère que luy ay veu faire long temps a. Il partit hier de Saint-Germain, où il a laissé Madame qui se trouve ung petit mal de sa goutte qui la tient à la main et au genoil et vint ledict seigneur coucher en ce lieu pour aller à Annet (^\ où il sera ce soir et là faire sa feste de Pasques.

Nous n'avons poinct eu de nouvelles d'Italye depuis le huictiesme de l'aultre moys et s'en actend d'heure en heure à grand dévotion. De ce qu'il en viendra en serez incontinent advertiz, priant Nostre-Seigneur —

De Houdan, le troisiesme avril [1628] .