Jean du Bellay à Montmorency. Londres, 26 avril

(Orig. BibL Nat., fr. 3o-6, p. i23-i2.5. — Impr. Le Grand, Op. cit., t. III, p. 92-99. — Cf. Brewer, Op. cit., vol. IV, part. 11, n» 4206.)

Monseigneur, oultre ce que verrez par lectres du Roy (i), ne sçauroye gucrcs que dire. Tousjours et à toute heure, monseigneur le légat ne me cesse de cryer que pour Dieu ayant à ceste heure la paix et messeigneurs les enfans en la main, ung peu d'affection ne vous transporte et qu'il s'esbahist qu'on faict telle difficulté de croire son conseil, et, si on a deffiance de luy qu'il voulsist conseiller une mauvaise chose, qu'il

(i) Non retrouvées.

[Avril iSaS

aymeroyt myeulx estre haché en pièczes que le faire, qu'il vouldroyt avoir perdu ung doy de la main et avoir parlé deux heures au Roy, à Madame, à la royne de Navarre et à vous, et tout plain de telles choses, et qu'il ne fault craindre que, si on mect les villes suz la fiance de l'Empereur, il défaille de promesse et qu'il y vouldroit mectre sa teste en gaige et là où il auroyt faict, le roy son maistre et tous ses subjectz criroyent le meurtre suz luy et luy courroyent suz plus que à ung Turc, et que toute la chrestienté s'esleveroyt contre luy. Et là-dessuz, Monseigneur, croyez que depuys qu'il se y mect, c'est pour ung jour entier et que de toutes les passions que vistes onc en homme, n'en avez veu la pareille, quant à ce que j'en puys veoir. Je ne sçauroye dire aultre chose, sinon que, si ses advis ne sont bons, ce n'est pas pour mal qu'il vous vueille, car je vouldroye mectre tout mon bien qu'il porte à voz affaires aussi bonne affection qu'il sçauroyt faire et aussi mauvaise à ceulx de l'Empereur. Je demoure tousjours en ceste foy et ne le vouldroye légèrement dire. De l'effect des choses. Monseigneur, et de ses advis vous en jugerez par delà, car ce n'est à moy d'en dire ma sentence. Et quant au roy, je voy pareillement son affection estre bonne et entière et, estant à privé avec ses gens, il seresjouyt, quant bonnes nouvelles nous viennent, comme si c'estoyt à luy-mesmes. Si est-ce qu'il m'a dict quelque foix, luy montant le sang auvisaige : « Guydez-vous, monsieur l'ambassadeur, que le Roy mon frère ayt guères de meilleurs conseillers, ne plus loyaulx que nous luy susmes et que, là où les siens le vouldroyent faire perdre, nous le voulsission, ne encores nous perdre quant et quant pour eulx? Pour luy vouldrion hazai'der noz biens et nostrc personne autant hardyement par advanture que amy qu'il ayt, mais non pas pour ses conseillers, là où évidentement ilz luy vouldroyent conseiller une mauvaise chose. » Aultrcs tclz pi'opoz assez m'a tenuz, dont monsieur de Morcttc estant icy en a veu et ouy une partie. Si povez vous estre scur que, en tant qu'il louche à vous, quant il s'en mect à parler, c'est fort à vostre avantaige et m'a bien dict quelque foix qu'il estoyt bien adverty que sans vous les affaires du Roy, son frère, se porteroyent mal et qu'il ne se feroyt expédition ne dépesche, et que per-

AMBASSADES EN ANGLETERRE. 23q

Avril i5a8] "

sonne ne sçauroyt à qui s'adresser, principalement quant

Madame est malade et qu'elle ne peult porter la painc des

affaires. Et croyez, Monseigneur, qu'il ne se dict ne faict

guères de choses à la court ne encores dehors dont il ne

saiche des nouvelles.

Au surplus, Monseigneur, à fm qu'on ne die par delà qu'aye laissé passer à monseigneur le légat tous ses poinctz sans débattre, je vous veulx bien advcrtir que je luy en aye débattu demye dozaine de foix et serré de si près que je suys seur que, si eussiez esté présent, vous m'eussiez retiré parla robe. D'aulcune partie monsieur de Morette en a esté tesmoing, en sorte que, combien qu'il n'entendist poinct tout nostre latin, si veoyt-il bien aux visaiges qu'il y avoyt tire au baston ; aussi. Monseigneur, le vous diz à fin que n'espérez povoir en tirer aultre chose pour le présent que ce qu'en avon tiré, par débattre de nouveau les matières ou en faire nouvelles instances, au mains ainsi qu'il me semble. Et vouldroye, Monseigneur, pour le plaisir que ce me seroyt que fusse en bien bonne estime envers vous, que une couple de foix eussiez esté derrière une tapisserie à m'ouyr parler à luy teste à teste; par advanture auriez-vous dict que j'avoye bien estudié ma leczon.

Monseigneur, je croy que à présent povez, tant par ce qu'avez entendu par monsieur de Morette que par les records que vous ay envoyez par escript, où je y ay le mains obmis qu'il m'a esté possible, l'estat des affaires deczà. Si vous puys-je dii*e que le Roy faisant ce qu'il m'a escript du XIX« quant aux courses sur mer qui se vont faire, je vei-ray icy de terribles crieries et brouilleries, et, si la chose continue, à mon advis, quelque émotion du peuple, mesmement si on fault à y donner bon ordre. Et, par advanture, n'eust esté mauvais d'avoir envoyé le povoir, ou bien de ne dire qu'on l'avoyt envoyé. Je ne le diz sans cause, car je vous asseure qu'il y en a déjà qui interprètent cela comme il leur plaist.

Hier, Monseigneur, retourna le roy à Grinvich et croy qu'il ne fera son progrès qu'il n'ayt nouvelles et resolution de tous affaires. Quant à ceulx qui se traictent à Rome (0, j'en-

(i) A la requête des agents anglais, Gardiuer, Fox, Gregorio Casale, le

a^O JEAN DU BELLAY.

[Avril i5a8 tendz qullz sont en bon train et qu'en brief s'en actend telle yssue qu'il demande. Aussi vient icy monseigneur le cardinal mardi pour le terme. Je m'en voys tenir quelque temps à ung mile d'icy pour le suspect de peste autour de mon logys, non pas pour grant crainete que j'aye d'en mourir, car, Monseigneur, Dieu me soyt tesmoing que, en la fascherie extresme où je suys, je prendroye la mort à plaisir, quant je voy que je n'ay repoz ne relasche à faire le rayeulx que je puys et que, pour toute récompense, me faille estre bélistre importun et fascheux à ceulx où je ne le vouldroye estre. Si depuys que le monde est faict je sçavoye qu'aultre que moy eust esté traicté de la sorte, cela me donneroyt patience.

Et vous supplye, Monseigneur, à ce propoz faire mes excuses envers Madame que ne luy escriptz, car. Dieu mercy, ce n'est pas par paresse. Mais, si je hii escripvois sans parler de mon congié, comme j"ay commencé, elle pourroyt penser qu'auroye changé de propoz; et, si je luy en parloye, je craindroye, par si souvent reprendre une chose, la fascher. De rechief vous prye et supplye ne me failUr au besoing qui est de faire que je m'en retourne. Aussi bien suys-je en tel ennuy et regrect qu'il ne fault que vous attendiez que je puisse icy faire chose qui vaiUe.

Au demourant. Monseigneur, messire Pierre Vannes, secrétaire de monseigneur le légat, que cognoissez, qui est, je vous asseure, bon serviteur du Roy, a à faire pour ung sien parent et grant amy de quelque lectre du Roy, dont j'envoie le mémoire à monsieur le bailly Robertet. Je vous supplye. Monseigneur, le luy faire dcpescher en bonne forme.

Monseigneur, je me recommanderay....

De Londres, le XXVI* d'apvril.

Monseigneur, je ne veulx oublier à vous dire qu'il me semble que d'icy en avant vauldroyt mieulx envoyer les pacquetz par la poste ordinaire que par courrier exprès ; seroyt beaucoup maindre despence et plus de diligence s'en

i3 avril, Clément VII avait donné à Wolsey et à Campcg^io pouvoir de connaître, en Angleterre, de tout ce qui concernait le divorce de Henry VIII. Cf. dans Brewer, Op. cit., vol. IV, part, ii, n* 4167, la lettre de Gardineret de Gregorio Casalc à Wolsey, du i3 avril.

AMBASSADES EN ANGLETERRE. a^I

Avril i528]

Icroyt, car quant je demande aux courriers pour quoy ilz n'ont faict meilleure diligence qu'ilz n'ont, à consydcrer la date de leurs lectres, ilz m'ont lousjonrs dict, sinon le dernier dépesché du XIX*. quilz ont aclendu, ou deux, ou troys, ou quattre jours, pour leur argent après avoir receu leur pacquet. Et qui auroyt baille aux postes assises suz le grant chemin ce que jusques icy les courriers ont eu, les pacquetz ne séjourneroyent en chemin. Davantaige, Monseigneur, ces deux derniers disent n'avoir eu que pour venir : je ne sçay où l'on veult que j'en prenne pour les renvoyer, car vous sçavez que je n'en ay poinct, et ceulx qui leur baillent l'argent le sçavent encores myeulx que vous et si sçavent bien qu'on n'en trouve poinct ici à desrober qui ne saideroyt des Galoys.

Vostre....

J. DU Bellay, éçesque de Bayonne.