Jean du Bellay à Montmorency. Londres, ii mai

(Orig. : Bibl. Nat., fr. 3oj6, p. i33-i34. — Analyse : Brewer, Op. cit., vol. IV,

part, m, app. n" i65) (i).

Monseigneur, aujourd'huy ay receu le pacquet du VP (') et ay communiqué les lectres du Roy à monseigneur le légat qui les a retenues pour le roy son maistre. Quant aux ouvertures de paix, il ne s'est monstre, par ses parolles et mains encores par contenance, à ce que je puys cognoistre en luy, en estre bien satisfaict et s'est remys suz ses raisons, esquelles toutesfoiz n'est demouré longuement. Je luy ay ti'enché part, après avoir faict ce qu'il m'a semblé de faire pour son contentement, qu'il n'y falloit plus consulter et que, quant au Roy, c'estoyt chose arrestée et encores en laquelle il s'estoyt condescendu à leur faveur et que, là où il seroyt question de tout son estât, plus meurement on ne se y pourroyt résouldre. Et là-dessus pour la deffension de ce propoz ay mis ce qu'ay veu y povoir servir. Il en est demouré à actendre d'heure à aultre ce qu'encores par monsieur de Bade il en aura et cependant en communiquer avec le roy. Je ne fauldray, Monseigneur, en cela et aultres choses, de suyvre le chemin où tendent les lectres du Roy suyvant ce que m'en escripvez.

Monseigneur, quant à l'ouverture de commencer l'emprinse de Flandres, lysant les lectres, souldainement il a respondu quilz estoyent prestz à descendre à la my-juing et l'appareil fort desjà avancé. Nous susmes passez plus avant suz ce propoz, dont vous escripray plus au long. Je croy qu'ilz tomberont suz ceparty nouveau, encores que les choses fussent résolues aux termes de mes lettres du VHP (3) ; mais pour ceste heure. Monseigneur, n'ay loisir que de vous brouiller (actendant plus ample dépesche) ce mot de lectre pour le courrier qui vouloyt partir (4).

(i) A la date inexacte du 4 niai.

(1) Nous n'avons pas retrouvé les lettres du Roi et de Montmorency envoyées à cette date.

(3) Nous n'avons pas retrouvé cette lettre.

(4) Sans doute Thadée que le roi d'Angleterre dépêchait en toute hâte en

Mai i528]

Quant à ce, Monseigneur, que m'escripvez de ma demeure, Dieu sçayt, qui m'en soyt tesmoing, que n'en ay parlé par faulte de bon vouloir, lequel, si chacun cognoissoyt comme je croy vous faictcs, je ne vous auroye donné tant de fascherie, ne moy prins tant d'ennuy que, si n'eust esté la fiance qu auroye tousjours que supporteriez ceulx que cognoissez faire leur debvoir, je croy que je fusse bien loiug.

A grant peine. Monseigneur, ay-je pu persuader à monseigneur le légat que les matières ayent esté bien veues, et mesmes pour ce que n'en monstroye poinct attestation de vous, car il a une certaine fiance que poisez les aflaircs qui touchent de près au maistre et que traveillez fort à les bien conduyre et entendre. Et sans poinct de doubte, Monseigneur, il est adverty de toutes partz que portez grant faveur et avancement ausdictz affaires du maistre, et ne pensez pas, comme quelque foix vous ay escript, qu'il ne saiche de vostre faict de par delà tant que le trouveriez estrange. Le povoir luy a bien satisfaict, sinon qu'il ne use particulièrement parlant de la tresve (pai* mer et par terre), mais seulement en général. Quant aux ouvertures, je m'actendz bien que pour ce que voz termes sont tousjours de rendre au royaulme de Naples ce qui se tient à présent, qu'il vouldroyt estre mys : « ou sera par cy-après ». Toutesfoiz il ne s'en est encore advisé.

Pour estre pressé. Monseigneur, ne la feray plus longue, sinon que me recommauderay....

De Londres, le XI« de may.

Je vous envoyé une réthorique nouvelle venant de Flandres. Guardez-vous bien de la lire sans rire. Vous verrez le Roy en bel estât et monsieur de Lisieux (0 qui luy donne la grande. Monsieur le bailly m'a mys ung mot de la delfaicte du marquis W, dont monseigneur le légat a esté fort aise.

Vostre....

J. DU Bellay, évesque de Baronne.

Italie et dont le sauf-conduit est daté du lo mai. (Bkewkr, Op. cit., vol. IV, part. II, n° 4243)

(i) Jean le Veneur, évêque de Lisieux (i5o5-i539), grand aumônier de France en i5a6, cardinal en i5'i3, mourut en août i54'i. (Gallia chrisliana, t. XI, c. 799-801.)

(•2) Voy. p. 041, n. I.

[Mai i5a8