Jean du Bellay à Montmorency. Londres, i3 mai [iSaS

(Orig. : Bibl, Nat., fr. 3o;6, p. 139-141. —Analyse : Brewer, Op. cit., vol. IV,

part, m, app. n° 166.)

Monseigneur, aujoiird'hny au matin m'a mandé monseigneur le légat pour me faire entendre les propoz qu'il avoyt euz hier avec l'ambassadeur de l'Empereur et les secrétaires de madame Marguerite et l'instance qu'il leur avoit dict avoir i'aicte au roy pour venir à ladicte tresve et aussi pour adviser, présens messieurs de Londres, de Feuguillaume, maistre Mour (•) et Bryant, de la résolution de ce qui estoyt contenu en la lectre du Roy du IP. Tout le jour avon esté là-dessuz et croyez, Monseigneur, qu'autant j'ay traveillé pour guarder l'avantaige des affaires du Roy en ce que je pourroye que en chose que je fisse onc. Hz vouloyent que je prinse pour bénéfice le change de l'armée à contribution et je vouloye le contraire. Il m'a esté faict grande instance d'accorder ladicte contribution à terme préfix de quattre moys. Je m'en suys deffendu par raisons que je laisse pour une aultre foix pour éviter longueurs. Après toutes difficultez nous en susmes demourez suz le contenu de ma lectre que je ne leur eusse peu nyer, car ilz l'avoyent, qui estoyt qu'ilz feroyent leur contribution correspondente et à l'équipoUent de ce qu'il leur eust costé à faire la guerre mentionnée au traicté. Hz ont voulu conclure cest équipollent à trente-deux mil escuz et amené force raisons. J'ay bien pai*lé plus hault. S'ilz me font cncores instance d'en arrester et que je voye n'en povoir eschapper, je pense que ne feray mal à quarante mil escuz. Je croy bien, veu leurs termes, qu'ilz ne viendront voulentiers jusques-là. Si je suys forcé, je conclueray à ce pris sans préfixion de terme. Toutesfoiz, s'il m'est possible, n'en arterayrien.

Davantaige, Monseigneur, ilz m'ont longtemps débattu ne povoir faire la guerre par mer en Espaigne, A la fin. j'ay gaigné ma cause, qui n'a esté sans bien tirer au collier.

(1) Thomas More, né en i4;8, mort le 6, juillet i535, l'auteur de V Utopie, chancelier du duché de Lancastre et qui devait devenir, à la chute de Wolsey, grand chancelier d'Angleterre.

AMBASSADES EN ANGLETERRE. a^5

Mai i5a8]

Quant au temps de la tresve et la forme, hier FEspaignol feist fort le brave et a faict grant instance d'actendi'e le moys de juing. Monsieur du Biez m'a adverty que monsieur de Fiennes (^ faict amatz de gens. Je ne sçay qu'il veult entreprendre et si cela mouvoyt ceulx-cy de différer. Pour ceste raison et aussi à fin que, avançant ladicte ti'esve» j'entre, si je puys, suz la contribution de ce moys, davantaige que je veoye qu'on le désiroyt icy pour n'envoyer les gens de milord Chambelland, qui sans faulte debvoyent demain partir, j'ay passé le poinct de la dépescher et faire publyer au plus tost quelle sera passée et jurée. Je ne sçay, Monseigneur, si j'ay en rien failly, mais je vous pryc qu'on ne prenne mauvaise persuasion que, par la première poste, n'aye mandé mes raisons et le discours de tous noz propoz, et j'espère qu'on se contentera de moy.

Demain, Monseigneur, me doibz retrouver avec eulx et aussi l'ambassadeur de l'Empereur pour conclure ladicte tresve, en laquelle je suivray l'intention du Roy sans rien, en mon escient, en obmectre. Hz veulent ung peu rabiller mon mémoire et aussi le povoir et les articles. Il m'y fault veiller toute ceste nuyct, qui est cause que n'escriptz que à vous, encores bien abrégé ; je vous prye. Monseigneur, me excuser où besoing sera. Lesdictz articles ont esté bien débattuz ; à la (in j'espère qu'ilz ne changeront chose qui guèrez importe, si n'est des huict cens mil escuz pour monseigneur le Daulphin par tous les articles à douze cens ; mais pour ce que lesdictz articles sont ung peu ambiguz, ilz ne se peuvent résouldre qu'ilz n'aycnt eu nouvelles de monsieur de Bade. Hz ont ung peu faict les hagars des propoz du Roy qui estoyent si fermes. Plus au long en manderay. Je vous prye. Monseigneur, si me respondez à la présente, que ce ne soyt lectre que je soye tenu monstrer.

Monseigneur, je tiens pour certain que, d'icy à quattrc jours, ilz vouldront faire icy publyer la tresve et incontinent en Flandres et veulent que chacun soyt tenu de le faire au plus tost dedans huyt jours. S'il y a faulte de nostre costé, ilz ne

(i) Jacques de Luxembourg, seigneur de Fiennes, comte de Gavre, gouverneur de Lille, Douai, Orchies, mort en i53o.

2/i6 JEAN DU BELLAY.

[Mai i5a8

seront contens. Davantaige, le plus tost me semble le meilleur pour la raison susdicte. C'est la cause que à haste vous ay dépesché ce courrier, à fin qu'il vous plaise faire que incontinent il soyt commandé en Picardie la faire publyer quant je leur en maoderay la conclusion, car j'ay bien pensé que, sans commandement, ilz ne seront pour la faire. Aussy, Monseigneur, j'ay crainct que l'actente de ceste résolution vous tint par delà en paine. D'icy à troys jours ou quatre et à grant paine devant, plus au long vous advertiray de tout. Je croy bien que ce pendant je n'auray besongne faicte.

Monseigneur, je me recommande...

De Londres, le XIIP de may.

Monseigneur, l'autre lectre a esté obmise à bailler à ung courrier que dépeschoyt monseigneur le légat le XI*. Elle n'a esté veue, j'ensuys seur. Je la vous mectz pour emplir le pacquet. Combien qu'ilz veulent réformer le povoir, comme verrez qu'il est raisonnable, on ne laissera pour ceste heure îe s'en ayder, espérant que en envoirez ung aultre.

Vostre....

J. DU Bellay, évesque de Baronne.