Jean du Bellay à Montmorency. Londres

28 mai [1528].

(Orig. : BibL Nat., f. Dupuy, vol. 462, loi. 44 v'-47.)

Monseigneur, vous verrez par les lettres du Roy en quelz termes sont les choses ; le surplus eognoistrez par la présente. Je vous asseure bien que onc ne fuz en si grant paine et mains n'est monsieur de Morette ; car, nous voyon, d'une part, le dangier de ne povoir entretenir ceulx de deczà bien entièrement aux termes où les demandon sans obmettre monsieur de Gueldres, de l'autre, que ce n'est l'intention du Roy qu'il en demoure forcluz, et, de satisfaire à ces deux poinctz, n'en voyon moyen, pour en estre madame Marguerite obstinée jusques au bout. Dont je pense les occasions estre : l'une que, qu'elle a assemblez les estaz de Flandres, pensant y avoir la guerre, qui ont accordé, comme l'on dict etcroy qu'il est vray, notable secours pour le pays, dont elle se tient plus ferme ; l'autre, qu'elle sçayt bien, pour trop entendre des affaires de deczà, que, estans renvoyez en leurs maisons ce qui y estoit assemblé de gens de guerre, et, au demourant, contremandez tous les capitaines qui se faisoyent prestz, il n'y auroyt ordre à présent de les remettre suz et, conséquemment, elle voyt qu'ilz sont deczà forcez de prendre la tresve; joinct qu'elle sçayt bien que desjà, suz l'asseurance que monseigneur le légat en a baillé aux marchans, présupposant qu'il n'y auroitdifliculté, ilz ont fort commencé à redresser leurs marchandises par le pays, dont, s'ilz se trouvoient abusez, grand brouillement en adviendroyt, dix foix plus qu'il n'eust faict demourans les choses comme elles estoyent avant la mention de ladicte tresve, Davantaige, que ce secours, qu'on envoyé en Lombardie au devant de l'armée en laquelle ilz avoyent tout leur espoir, leur faict terriblement mal au cueur ; et, ilz pensent bien que ledict secours sera fort supporté et favorisé par ceste tresve. Elle allègue davantaige, suyvant ce que par cy-devant vous en ay

AMIJaSSADES en ANGLETERRE. ^jj

Mai i538]

mandé, que monsieur de Utrec ('), qui est spolié par monsieur de Gueldres, est allyé perpétuel de l'Empereur comme conte de Brabant : par quoy, ledict Empereur ne le peult abandonner; joinct qu'il est son parent bien prochain et des princes de l'Empire, mesmes frère d'ung électeur ; à cause de quoy, elle dict estre certaine que ledict Empereur ne consentiroyt jamais à ceste ratification et, conséquemment, ce qu'elle en leroyt ne seroyt que chose perdue ; pour conclusion, qu'elle ne le peult ne veult faire.

La plus grande paine. Monseigneur, où soyon en cest affaire, c'est que n'avon sceu gaigner le terme de sept ou huyt jours pour vous informer au long de tout, car, à toute force, les secrétaires s'en vouloyent retourner, selon le commandement qu'ilz avoyent de ce faire ; en quoy, s'il y avoyt de la dissimulation, je vous asseure qu'elle estoit bien couverte.

Voyans, Monseigneur, les termes en quoy les choses estoyent et qu'ilz s'en vouloyent retourner, avon trouvé ung petit expédient, qui a pieu à monseigneur le légat, et le leur a mys en avant, sans toutesfoiz monstrer que ce fust de mon invention : de mectre aujourd'huy les articles de la tresve par escript, pour demain nous retrouver ensemble, laissant au demourant la chose en obscur, pour du tout ne rompre le traicté ; ce qu' avon faict. Monseigneur, pour gaigner temps, attendant la responce du Roy à ce que bien au long en ay escript du XX«, laquelle venue, et persistant luy en son opinion et madame Marguerite en la sienne, je ne sçay que je pourray faire. Car, je voy, par ce moyen, les choses mal à propoz du costé de deczà, comme verrez cy-dessoubz. Toutesfoiz, de passer ma charge ne fault qu'en ayez doubte, car, m'estant baillée si préfixe et arrestée qu'elle est, je ne vouldroye faillir à l'ensuyvre. Et, pour ce. Monseigneur, je prye Nostre-Seigneur que la response que j'atlendz me mccte hors de la paine où j'en suys. Mais, quant tout sera dict, si je n'ay aultres nouvelles et je voy ceulx de deczà arrestez à

(i) Henri de Bavière, évoque d'Utrecht, de i5a4 à i5a8; pour lutter contre les habitants d'Utrecht révoltes et soutenus par lo duc de Gueldre, il avait réclamé le secours de TEmpercur et, par le traité de Schoonhoven (i5 nov. i5aj), lui avait cédé le temporel de son évèché.

^n/: JEAN DU BELLAY.

^'* [Mai I5a8

faire la tresve, comme ilz sont à présent, y laissant lieu au Roy s'il y vouldra entrer, il me semble qu'il sera plus à propoz, pour monstrer mains de division entre ces deulx roys, que ladicte tresve se conclue entre eulx deulx et madame Marguerite, comme il estoyt devisé, et que, à part, se facze un petit traicté par lequel il soyt dict que, quant au Roy, elle n'ayt lieu jusques à sa ratification. La chose en sera ung peu plus honneste. Et, afin que monsieur de Gueldres n'y soyt du tout obmis, sera dict qu'il y puysse entrer, rendant ce qu'il a prins de l'évesque de Utrec ou envoyant icy ambassadeurs pour en composer, sans que, ce pendant, il jouysse du bénéfice d'icelle.

Il me desplaist, Monseigneur, que les choses ne peuvent aller autrement et croyez qu'il n'a tenu, tant à ceste foix que aux aultres, d'en faire, tant par monsieur de Morette que par moy, toutes les remonstrances qu'il a esté possible, de soi'te qu'avec monseigneur le légat elles ont assez eu de lieu, et, s'il eust peu, il eust faict passer ce poinct aux secrétaires ; mais il n'y a trouvé moyen. Il en a faict en nostre présence et dehors ce qu'il a peu jusques au bout, mais il n'y a gaigné sa cause. Et à la fin. Monseigneur, voyant qu'il ne les y povoit pei'suader ne nous au contraire, il est entré en une extrémité de courroux dont encores ne luy avoye veu le pareil, disant qu'on le vouloit faire mourir d'ennuy, l'exposer à l'indignation de son maistre et de tout ce royaulme, pour luy cuyder ainsi faire et deffaire les choses; et que, desjà, suz les propoz mys en avant, esquelz n'estoyt question de monsieur de Gueldres, mais seulement y avoyt diiliculté d'ung petit poinct, qu'il veoyt bien n'estre pour rompre les choses et, sauf lequel poinct, les choses estoyent arrestées et signées, il avoyt desjà renvoyé par tout le pays pour remettre chacun au faict de sa marchandise : à ceste heure, s'il venoit à le contremander, le peuple auroyt juste occasion, se voyant ainsi mener et ramener, de se désespérer à rencontre de luy; et que, là-dessuz, vous ou vostre Conseil luy faictes tort de le mener en ceste sorte et que mauldicte soyt l'heure que jamais il entrcprint tant de vos aft'aires, etoultre que ce n'est traicter le roy, vostre frère, en roy ne en amy, mais en varlet, d'envoyer povoir et articles pour faire ung

Mai i538]

traicté et, après que ledit traicté est faict, suyvant de mot à mot lesdictz articles, venir à en adjousterd'aultres ; et que, combien qu'il ne veult toucher à l'honneur du Roy, si peult-il dire que ce ne seroit l'honneur du roy, son maistre, de se retirer du di et traicté, en tant qu'il luy touche, aius grand blasme et reproche , duquel ledict Roy seroyt entièrement cause , et par conséquent il auroyt bien sa part dudict déshonneur et blasme ; et que, c'estoyt trop les mener à coups de baston de les vouloir faire traicter et retraicter, aller et retourner enceste sorte ; et que, quant à la cause que j'alléguoye, que l'intention du Roy estoyt dez le commencement que monsieur de Gueldres fust comprins, et que par mes lettres se veoyt clèrement qu'il présupposoyt qu'il fust inséré aux premiers articles, dont il falloit nécessairement conclure que ce fust obmission de l'escripvant, ce n'estoyt faincte dont on deust user envers son amy, car il entendoit très bien que faultes si manifestes et importantes ne se commectent par serviteurs de tel prince, qui a si beau les choisir bons et bien advisez et vigilans pour ses affaires, principalement en choses de si grant poix que ceste-cy; et que, à l'extrémité, puys qu'il ne povoit faire autrement, il accorderoyt particulièi'ement ladicte tresve avec les Flamens, comme il estoyt tenu de faire et qu'il avoyt conjoinctement avec moy arresté, avant qu'il fust nouvelles de monsieur de Gueldres, ne voulant rompre les convenances, si, de ma part, je les vouloye rompre; et que, puys après, il laisseroyt les praticques et do paix et de guerre et toutes choses de ce monde au dyable et se mectroyt à servir Dieu, Et de faict. Monseigneur, en tant que touche particulièrement ladicte tresve, il en est résolu en ceste sorte.

Au demourant. Monseigneur, avant ces propoz, il avoyt faict ses protestes à l'encontre de moy, demandant que, comme gentilhomme, et prélat, et ambassadeur de si noble prince, j'eusse de tenir et observer mon seing et ma parolle, disant que, combien que oudict seing y eust termes généraulx remectans la conclusion du traicté au bon vouloir des princes, toutesfoiz que, à la vérité, il s'entendoyt y remectre seulement ung seul poinct et que l'intention des contrahens estoyt que tout le reste feust conclud, dont il me remectoyt à mon serment ou à le me faire prouver par tous ceulx qui assis-

' [Mai i5a8

toyent au démené des choses ; et, pour ce, qu'estant vuydé ledict poinet j'estoye tenu de passer oultre, et que, là où je ne le feroye, il protestoit à rencontre de moy de tous les dommaiges et intérestz qui en adviendroyent au Roy et au bien de ses affaires. Vous povez penser. Monseigneur, que je n estoye sans paine ; aultre chose ne povoye faire que d'adoulcir les choses à l'endroict du Roy, et au myen m'excuser le plus honnestement qu'il m'estoyt possible suz la limitation que depuys m'avoyt esté faicte, comme je monstroye par escript, laquelle limitation disoye se retirer en arrière au mandement et povoir précédent, qui me bridoyt de n'en povoir conclure aultre chose.

En somme, Monseigneur, que, à la fin, après l'avoir ung peu refroidi le myeulx que nous peusmes et que ne nous fut possible obtenir le terme de sept ou huyt jours devant dict, non pas seulement troys ne quattre, car il n'y peut persuader les secrétaires, nous ne sceusmes aultre chose faire, sinon le pryer laisser les choses comme à demy ambiguës et les amuser ung jour ou deulx à mectre les articles au nect, actendant que viendra la responce du Roy ; et que, demain, nous retrouverion avec luy, là où luy-mesmes nous bailla l'invention, que je diroye ne povoir passer plus avant et en avoir derechief prohibition plus expresse, et luy, pareUleraent, dira ne vouloir riens passer sans moy et, par ce moyen, laissera aller les secrétaires en désespoir de traicter, puis feraguecter et, avant qu ilz partent, les rapeller pour, à toute extrémité, traicter avec eux diviséement, laissant au Roy sa place, ou conjoinctement soubz la forme mise cy-dessus. Cependant, Monseigneur, n'avon voulu dépescher courrier exprès, car nous ne voyon ordre qu'il se puysse actendre responce du Roy ; seulement [vous] avon voulu advertir monsiem* de Morette et moy par la présente comme les choses sont.

Et quant au povoir, Monseigneur, que monsieur le bailly me mandoyt ne monstrer à monseigneur le légat, sinon à l'extrémité, il n'y eust eu ordre, car c'est la première chose qu'il m'a demandé à veoir et, quant je luy eusse nyé, il eust encores esté plus malcontcnt. J'avoye assez, quant à moy, pour excuse de monstrer mes articles, et le a mains mal prins et de vous et de moy en ceste sorte qu'il n'eust faict autrement.

Mai i528j

Mais, quant monsieur de Morette sera retourné, il vous pourra dire le bruyt qu'il a faict quant il a veu audict pouvoir rayé : « Révérend père en Dieu ». Je luy ay débattu que ce n'estoyt nostre stile, à fin qu'il print cela pour excuse. Il me demanda si je n'avoye pas envoyé le mémoire qu'il avoit faict de mot à mot, pour l'avoir du tout conforme, à monsieur de Londres, à fin de monsti*er la conformité de la voulenté des maistres et si n'avoye pas mandé, selon ce qu'il m'avoyt pryé faire, qu'il le demandoyt entièrement de ceste sorte. Et, là-dessuz, vint à cryer qu'il veoyt bien qu'on ne cherche non es grandes choses seulement, mais encore es maindres du monde, que luy donnera cognoistre qu'on ne sçauroyt plus rien trouver bon qui vienne de sa main, et qu'il laissera là tout, et Dieu sçayt comment il s'en tourmenta. Je vous en ay bien voulu adviser, pour ce qu'il en veult avoir img aultre ; je ne sçay si on pensera que je le dye pour haulser mes tiltres, mais je vous asseure, Monseigneur, que de cestuy-là ne me soubcye guèrez. J'en ai img que j'estime plus que toutes les révérences et révérendissimeries du monde et monsieur de Morette vous dira bien, retournant delà, si cela vient de moy et quelle paine j'ay mis à excuser la chose, Davantaige, Monseigneur, Bryant Tuke m'a bien dit qu'il est seur que les Flamens ne vouldi'ont tenir ledict povoir pour bon à cause de si longue et si évidente rature. Toutesfoiz, je n'en ay rien voulu mander au Roy ne ailleurs, de peur de m'abiller ung peu de mocquerie. Je vous en laisse faire comme il vous plaira.

Aussi, Monseigneur, ne veulx oublyer à vous dire que monseigneur le légat nous a faict de terribles sermons qu'il n'a mains eu de paine de induyre madame Marguerite à la tresve que le roy mesmes. Et, de faict, il nous a montré lccti*es escriptes de la main d'elle, où cela se peult manifestement cognoistre, car elle doubtoit tousjours bien que c'estoytung recullement qu'on vouloit faire icy pour myeulx saillir en Italie.

Quant au faict de la contribution, vous verrez, Monseigneur, ce qu'en mandon au Roy, Croyez qu'il se y est faict ce qui estoit possible. Monseigneur le légat à la fin, estant si fort pressé et par bons moyens de monsieur de Morette, luy a dict

[Mai-Juin i5a8

qu'il n'y a ordre que résolution ne soyt prinse de la tresve, et l'a pryé attendre cependant deux ou troys joui's et que, s'il y eust eu ordre, il n'eust tant attendu à le luy dire, veu l'amytié que le roy, son maistre, et luy aussi luy portent, qui est telle qu'il les pourroyt tromper toutes foix qu'il vouldroit pour la fiance qu'ilz ont en luy. Pour ce, Monseigneur, il est forcé qu'il actende encores ung peu, dont il ne me desplaist, car, estans les affaires telz qu'ilz sont, il m'est venu bien à propoz d'avoir telle ayde. Sera pour la fin, etc....

De Londres, le XXVIII« de may.

J. DU Bellay, éçesque de Baj'onne.

101. — Jean du Bellay à Brian Tuke. [Début de juin iSaS]. (Orig. : Record office. — Analyse : Brewer, Op. c it., vol. IV, part, ii, n» 4i6o.

Monsieur, présentement avon, monsieur de Morette et moy, receu ung pacquet que vous envoyon. 11 n'y avoit une seule lectre à nous, et semble que ce ayt esté ung pacquet obmis de bailler à quelque courrier qu'on ayt envoyé par la poste ordinaire depuys et qui ayt demouré longtemps à venir, comme à la couverture se povoit veoir. Vous sçavez comme ces jours vous ay dict que ladicte poste ordinaire ne faict grande diligence.

Au demourant, Monsieur, vous nous ferez plaisir de nous mander de la bonne santé de monseigneur le légat, pour le désir qu'avon qu'elle soyt telle que demandon ; et s'il vous plaist aussi m'envoyrezla minute de la capitulacion de tresve que vous ay demandée. Nous actendon aujourd'huy ou demain responce du faict de monsieur de Gueldres ; incontinent vous en advertiron.

Cependant prendrez nos recommandations en vostre bonne grâce.

Vostre meilleur amy à vous faire service

J. DU Bellay, éçesque de Baj'onne.

Juin i5a8]