François I" à Jean du Bellay. Saint-Germain-en-Laye

23 mai [iSaSj.

Copie : Bibl. Nat., fr. 5499, fol. i(j5-i66 v°. — Analyse : Bhewek, Op. cit., vol. IV, part. III, app. n* iji.)

Monsieur de Bayonne, depuis ma dernière lectre, j'ay veu, par ce que vous m'escripvez, ce qui a esté arresté soubz mon bon plaisir au faict de ceste tresve et ce qui en a esté dressé en la présence de monsieur le légat, mon bon amy, et semblablcmcnt linstance qui vous a esté par luy faicte d'ainsi le vouloir accorder. Et, combien que je n'eussse aulcun besoing d'entendre à ladicte tresve, ne qu'il y ayt une seule occasion qui m'y eust sceu induire ne faire venir que l'amour que je porte au roy, mon bon frère et perpétuel allyé, et le regard que Aeuil et désire avoir en cela au bien, proÛict et adventaige de ses subjectz plus avant que des miens propres, toutesfois pour complaire et satisfaire à mondict sieur le légat, mon bon amy, et à la requeste qu'il m'en a faicte faire, j'ay esté et suis content que vous accordez et concluez le faict de ladicte tresve avec les adjonctions cydessoubz contenues, qui sont telles et si raisonnables, que je ne faiz doubte que l'on soit pour aulcunenient s'y arrester.

Et quant au faict de la contribution et commutation pour la guerre d'Italye, vous m'avez faict plaisir d'ainsi la poursuivre comme vous avez faict. Toutesfois, vous continuerez et persisterez aux remonstrances que vous leur avez très bien faictes pour la prolonger aultant que durera ladicte tresve et pour la somme contenue en vosdictes lectres, alléguant daventaige et mectant en avant audict roj', mon bon frère, et à mondict sieur le légat pareillement, que je ne suys de riens moings leur amy que j'estois l'année passée et que,

[Mai i5a8

puisqu'ilz me feirent à ceste heure-là ce plaisir de la me accorder pour sept mois, il n'est moings raisonnable la me accorder ceste année pour ung mois daventaige, veu les gros fraiz et grosse despence que j'ay maintenant sur mes bras ; n'oubliant semblablement à leur remonstrer sur cela que, quand nous eussions mené la guerre en Flandres, comme il avoit esté promis, il luy eust convenu paier les fraiz de son artillerye, charroy et chevaulx pour la conduicte d'icelle, Testât du principal chef de son armée, gaiges des aultres cappitaines, le fret et passaige de la mer et plusieurs aultres choses requises pour la guerre, qui feussent revenues à plus de quarente mil ducatz par mois, oultre la soulde des dix mil hommes de pied qu'il estoit tenu faire descendre. Et si, y a daventaige que, moiennanticelle contribution, mondict bon frère demeure hors Tinconvénient et hazard de la guerre et sans danger de soy affoyblir de gens et perdre son artillerye, et que, quant à nioy, il m'estoit trop plus adventaigeulx et facile faire la guerre en Flandres que ailleurs, pour estre ma gendarmerye et artillerye sur les frontières et que je faisoys de ce costé-là descendre des lansquenetz que j'eusse employé au faict de ladicle guerre, là où maintenant, avant que le tout ayt passé les montz, il y aura pour le moings la soulde d'ung moys perdu.

Au demeurant, monsieur de Bayonne, j'ay veu la relTormation que l'on veult estre faicte sur vostre povoir ainsy que vous le m'escripvez. Et, pour ce que la sorte de quoy ont esté accordez les articles n'est selon mon intention, ainsi que vous pourrez veoir par ce que je veuil y estre adjousté et diminué, qui est contenu en l'article subséquent, à ceste cause je n'ay voullu que ledict povoir vous feust envoyé en la sorte qu'il a esté demandé ; veu mesmement que lesdictz articles ont esté par vous jà signez et que, vous envoyant ledict povoir selon qu'ilz le demandent, ce seroit entièrement les accorder et consentir, ce que je ne sçaurois ny ne m'est possible de faire. Par quoy, si l'on veult venir à la conclusion de ladicte tresve, vous ensuyvrez entièrement le contenu en vostre povoir et en voz instructions, ne passant plus oultre si n'est en ce que j'en ay faict adjouster, comme dict est.

Et quant à la refformation qui a esté faicte sur la minutie

AMBASSADES EN ANGLETERRE. t263

Mai iSaS]

de la tresve sur les paroUes que : « Geulx d'un et d'aultre costé tenant party contraire retoui*neroat en leurs biens », je suis très content que cela soit mis en termes généraulx et que la clause, qui estoit en ladicte minutte, c'est assavoir : « en la forme et manière que faisoient.... », soit ostée plus tost que la chose ne s'achève. Mais en tant que touche la clause, où il est dict que, les huict mois de la tresve passez et les quarente [jours] après de la siguillication faictc d'un costé et d'aultre, l'entrecours de la marchandise ne cessera quant à Angleterre, ces paroles innovent entièrement le traicté offensif faict entre ledict roy, mon bon frère, et moy, de sorte que, si je le requérois après la tresve de faire la guerre, ensuivant icelluy traicté offensif, contre Flandres, il me pourroit dire et alléguer que la tresve avec eulx et de mon consentement innove ledict traicté offensif comme ledict article le porte. Par quoy vous luy remonstrerez et à mondict sieur le légat, mon bon amy, pareillement, que je ne veultz riens innover desdictz traictez ny aulcunement m'en despartir et que je ne puys croyre que ce soyt chose où ilz ayent pensé, veu que je me tiens bien asseuré qu'ilz n'ont ne sont pour avoir aulcune volnnté de riens innover contre moy, ny de se mectre hors de l'obligation qu'ilz y ont. ne faisant doubte que lesdictes parollcs ont esté mises audict traicté sans aulcunement penser aux choses dessusdictes. Par quoy vous ferez rayer lesdictes parolles qui commencent : « Et durera l'entrecours.... », et le refformer en la sorte qu'il est contenu en la minutte que je vous envoyé.

Et, là où ilz y vouidroient persister, ce que je ne me sçaurois persuader ny croyre, vous laisseriez les choses en lestât quelles estoient sans plus parler de ladicte tresve, laquelle je ne suys délibéré d'accorder, pour en riens me despartir, séparer ne disjoindre des traictez faictz par cy-devant entre moy et ledict roy, mon bon frère, lequel je ne puys croyre, quelque chose qu'il y ayt, avoir aultre volunté que ceste-là. Et, si les choses viennent à se conclure, comme je pense qu'elles feront, j'ay faict donner ordre à en faire la publication en Picardie et le long des aultres frontières de mon royaulme dès ce que vous le leur manderez, à (jnoy il n'y aura poinct de faulte ; vous priant, monsieur de Bayonne, en tout ce que

a64 JEAN DU BELLAY.

[.Mai i528

dessus user des plus douces et gracieuses remonstrauces qu'il vous sera possible, de sorte que le roy, mon bon frère, et mondict sieur le cardinal, mon bon amy, puissent entendre que ce qui mafaict refformer ladicte minutte, en la sorte qu'il est contenu cy-dessus, a esté pour ne la sçavoir ny pouvoir accorder aultrement, veu l'innovation que je ferois des traictez, comme dict est, ce que je ne suis délibéré de faire pour chose de ce monde, et l'obligation que j'ay à monsieur de Gueldres, lequel je ne puis laisser ny habandonner par la promesse et serment que je luy en ay faict, ce que vous prierez audict roy, mon bon frère, et à mondict sieur le cardinal voulloir bien penser et considérer, et je suys tout asseuré qu'ilz seront en ce faisant à mon oppinion comme chose juste et plus que raisonnable et laquelle avec mon honneur je ne sçaurois accorder aultrement.

Au surplus, je vous envoyé les lectres que j'ay eues de mon cousin le seigneur de Lautrec('), confirmatives de ce que je vousay escript cy-devant, qui est tousj ours de bien en mieulx, vous priant me faire responce le plus tost qu'il vous sera possible et de la conclusion que vous avez prins sur toutes choses.

Et à Dieu, monsieur de Bayonue, qui vous ayt en sa garde.

Escript à Saint-Germain-en-Laye, le XXIII^ jour de may [i528].

Monsieur de Bayonne cestes serviront pour vous et pom* Morette, auquel pour ceste heure je n'escriptz aultre chose.

97, — Jean du Bellay à Montmorency. Londres, 24 mai [iSaS].

(Orig. : Bibl. Nat., fr. So;;, p. i:-i9. — Copie : Bibl. Nat., fr. 5499, fol. 64 v»-66. — Imp. : Le Grand, Op. cit., t. III. p. 99-105. — Analyse : Bkewkk, Op. cit., vol. IV, part. 11, n» 429a.)

Monseigneur, oultre les lectres du Roy (=») et ce que du

(1) Probablement la lettre du 3o avril, dans laquelle Lautrec racontait en détail la bataille de Salerne. Cf. Bibl. nat., fr. 0993, fol. ii5 (copie), et Brbwbr, Op. cit., vol. IV, part, u, n' 4224. — ^'oir plus haut, p. 241, n. i.

(a) Lettre non retrouvée.

Mai i328]

XIX* VOUS ay mandé, ne vous sçauroye dire grant chose. En brief vous comptera monsieur de Morette du surplus, à qui on a faict bon recueil et bien bonne chière.

Il fault, Monseigneur, que je vous dye que, si au commencement, comme ledict sieur de Morette m'avoyt promis vous dire, vous m'eussiez adverty de ce qu'aviez délibéré de faire pour la contribution, n'eust tant fallu de mjTies, combien qu'ilz y viennent, mais on en eust amande le marché. Toutesfoiz, ainsi que les choses sont, il me semble que ne les trouverez trop mal. Je suys d'adviz qu'escripviez une bonne lettre à monseigneur le légat, luy faisant entendre les bons advis qu'avez euz de la grande honnesteté où il se mect pour le Roy à entretenir les choses en bons termes envers son maistre et ce qu'il faict pour l'amener au support des affaires du Roy, son frère, principalement quaut à la contribution, et que le priez que si, ou es lectres qui m'ont esté par le passé envoyées, ou es propoz tenuz à monsieur de Bade, y ait eu chose trop aspre ou hastive, il ne le prenne en mauvaise part, et qu'estez seur que toute l'espérance que le Roy et Madame ont en leurs affaires c'est après Dieu eu luy, le pryant de persévérer en ceste bonne intention de les leur esclarcir, et aultres propoz de ceste substance. Monseigneur, je vous asseure qu'il trouvera telle lectre bonne et quelle proulliteraà bienconduyre et entretenir les choses. J'en escriptz aussi quelque mot là-dessuz à Madame ('>. Je ne diz rien en cela sans cause, non pas pour craincte ne souspeçon que j'aye de mal, mais comme j'ay dict pour meilleur entretènemeut des choses.

Et au demourant. Monseigneur, il dict avoir esté adverty par monsieur de Bade que le Roy luy a dict qu"il laissast aller Silvestre et que, quant il auroyt proposé à l'Empereur ses articles, s'il le trouvoyt enclin à la paix, mais qu'il s'accrochast à quelque difïiculté, que, en advertissant, on y pourroyt adviser et que, quant à luy, il se y gouverneroyt de sorte que le rov, son frère, aurovt cause de s'en contenter. Il a trouvé grant goust en ceste parolle, d'autant plus qu'il confesse bien n'estre chose si pressée de arrester de l'extrémité des-

(i) Cette lettre n'a pas été retrouvée.

[Mai i5a8

dictz articles qu elle estoy t durant le temps que, estant la délibération de faire la guerre en Flandres, il falloyt incontinent résouldre ou de la paix ou de ladicte guerre, ce qui n'est à présent, pour avoir esté l'emprinse divertie ailleurs.

Il a voulu, Monseigneur, que nomméementMorette ayt touché ung mot de ce propoz au roy, mais il l'a faict bien en général sans se coupper de promesses dont il peust après estre sommé ou requis ; et je croy fermement. Monseigneur, que ce qu'il a voulu en estre dict au roy c'est pour tousjours luy justifier la cause du Roy, son frère, pour ce qu'il entend bien que ledict Roy ne demande que paix et repoz et qu'il aymera bien de veoir le roy, son frère, en la mesmes voulenté. Aussi a voulu que nomméement nous monstrission audict seigneur roy le deschifFrement des lectres de l'Empereur à madame Marguerite et que bien distinctement luy lission l'article parlant du divorce et du mutinement du peuple ; à quoy nous n'avon failly, qui n'a esté sans que ledict roy s'en soyt bien renfrougné et qu'il ayt ung peu parler (sic) à l'Empereur.

Et à propoz, Monseigneur, de ce peuple, monseigneur le légat a esté bien marry qu'ayez dict par delà qu'entendiez bien que deczà ilz ne peuvent estre bien maistres de leur peuple, et par mes lectres il sembloyt qu'entendissiez cest advertissement venir de moy. J'en ay eu quelque petit coup de fouet, mais j'ay demandé que monsieur de Bade feust battu comme moy, car il l'avoyt dict tout ouvertement et expresséement. Toutesfoiz tout cela est passé.

A tous propoz il revient là-dessuz que on a tort de se fonder suz la raison de ce sel, et qu'ilz seroyent trop mauvais marchans d'achapter ung peu de sel si cher que leur a seiilement costé la contribution de l'année passée et que. par son Dieu, il mist en avant ce moyen au Conseil du roy, son maistre, pour avoir moyen de conduyre les choses à vostre bénéfice et au détriment de l'Empereur; et jure fort et ferme qu'il aymeroyt myeulx avoir perdu dix mil escuz que le roy, son maistre, fust adverty de ces termes et encores mains des aultres, c'est à sçavoir que, là où ilz ne tiendront ce qu'ilz ont promis, vous ne tiendrez le traicté de paix perpétuelle.

Mai 1628]

J'en ay eu assez souvent, Monseigneur, des alarmes depuys quinze jours, dont ne vous ay guèrez escript pour m'estre attaché aux plus nécessaires; toutesfoiz, jay bien voulu, à ceste heure, vous en mectre ung mot à fin qu'entendiez comme toutes choses passent. En somme, Monseigneur, que ce que prendriez d'eulx me semble que le prenant pour bénéfice et non pour obligation, que myeulx en viendrez à voz attainctes et d'icy en avant, estant passé ce qui est, où ilz ont esté assez poinctz, je seroye dadvis qu'on peust bien commencer à tenir ce chemin et croy qu'on s'en trouvera bien.

Quant à la contribution, nous ne mandon encores la résolution au Roy. Nous susmes suz les termes de LXXIIII mil livres par moys et pour cinq moys commençant à juing, au cas que bien tost la tresve se publie. Je croy que à grant paine passeron oultre. Actendant la venue de Morette, n'en ferez encores, s'il vous plaist, grant bruyt ne fondement, à fin qu'il luy demoure que dire et aussi que soyez plus certain des choses. Mais cependant vous ay bien voulu particulièrement advertir de ce qu'il m'en semble.

Monseigneur, je me recommande....

De Londres, le XXIIIPde may.

A ceste heure m'a dict Morette qu'il ne veult de rien escripre (•), ains le principal remettre à son arrivée. Pour ce

(i) Cependant, il y a une lettre de ce jour, adressée par Morette à Montmorency : « Monseigneur, monsieur de Bayonne et moy escrii)vons bien au long au Roy de ce qu'avons fait depuis mon arrivée comme verrez par les lettres dudict seigneur. Et ne fauldray à solliciter l'affaire pour quoy je suis venu et y prandre bonne résolution. Mais, à ce que je peux vcoir, je me doubte fort quilz ne vouldront condescendre à la contribution pour le temps que nous demandons par beaucoup de raisons qu'ilz nous allèguent ; mais pour cela nous ne lairons à faire poursuicte la meilleure qu'il nous sera possible. Qui ne les pourra faire condescendre plus avant, je pense pour le moins qu'ilz contribueront à trente cinq mil escuz par moys. Je me suis enquis combien se monte la soulde qu'ilz doibvent à leurs gens quant ilz les mènent à la guerre, tant aux gaiges de leurs cappitaines, doubles payes que autres fraiz et mises, et sercheray d'entendre par le menu combien le tout se peut monter, aflfin que mecredi prochain, que nous devons trouver devant le roy et monseigneur le cardinal, où l'on doit débattre de cest affaire, j'en puisse rendre quelque compte et pour les faire monter le plus hault que l'on pourra. Et incontinent ce fait et avoir prins quelque bonne résolucion, je prendray mon congé pour m'en aler par delà et faire bien au long entendre au Roy toutes choses. Hz font letir compte de ne venir à la contribucion que premièrement la confirmacion et conclusion de la tresve ne soit venue de par delà et le tout est pour laisser couler le temps, mais nous y mectrons telle peine que, s'il nous est possible, nous la ferons anticiper de meilleur (sic) heure. Monseigneur, je prie, etc. Ue Londres, le XXIIII jour de may. MoRKTTE. » — Musée Condé, série L, vol. vi, fol. i3o (orig.).

[iMai i528

VOUS prye, Monseigneur, ne faire semblant que vous aye guèrez faict de lectre, de peur qu'il pensast que luy rompisse son voyaige, que ne vouldroye faire. Je vous asseure qu'il y a faict fort bien son debvoir, à quoy il ne vous fault tesmoing.

Vostre..

J. DU Bellay, éi>esque de Bayonne.

98. — Jean du Bellay et Ch. de Morette à Wolsey. [fin de mai iSaS].

(Orig. : Brit. Mus., Calig., E ii, fol. i4o. — Impr. : Brewer, Op. cit., vol. IV,

part. II, n° 4363.)

Brian Tuke, trésorier de la chambre, avec lequel ont conféré les ambassadeurs de France, leur a déclaré qu'il lui semblait préférable de remettre le règlement de l'aide et contribution de guerre promise par l'Angleterre à la France jusqu'à réception de leur « commission nouvelle pour faire la tresve ».

« [Monjseigneur, nous n'avon voulu luy faire de rien instance pour la charge que [n]ous avon du Roy, vostre grant amy, de ne parler que par vostre bouche ; mais il nous semble qu'il seroit meilleur que résolucion se prinst au p[lus tost] dudict affaire non obstant que la commission ne soit venue (présuppos[ant qu]'il n'y aura faulte qu'elle ne vienne et que suyvanticelle, la tres[ve ne soit conclue], comme desjà le devez tenir pour fait). Faisant monseigneur [semblable] résolucion et moy, Morette, incontinant l'apportant au Roy, seroit d['autant] plus avancé et dilligenté l'affaire de Lombardie, qui plus chauldeme[nt] sans point de double se conduira, moy retourné avec ladicte résolucion. »

AMBASSADES EN ANGLETERRE. 26q

Mai 1528]

99. — Jean du Bellay et Ch. de Morette à François 1". Londres, 28 mai [iSaSJ.

(Orig. : Bibl. Nat., f. Dupuy, vol. 46a, fol. 42-44.)

Sire, lundi i^\ receusmes ce qu'il vous pleust nous faire dépescher du XXIIP, avec le pouvoir pour moy, Bayonne, et articles pour accorder la tresve. Auparavant, estoit venu responce de madame Marguerite que nullement elle n'entendoit de passer, ne quant à monsieur de Gueldres, ne autre chose, plus avant, que par cy-devant vous ay mandé ; ce que monseigneur le légat, estant pour lors mal mené de son caterre, nous avoit mandé par le trésorier Bryant Tuk, auquel. Sire, monstrasmes vostre lettre du XXI« et tout ce qui estoit venu des nouvelles d'Italie, qu'il feist entendre à mondict seigneur le légat; et, depuis, les nous envoya demander pour envoyer au roy, vostre frère, s'excusant que, pour sa maladie, il ne povoit parler à nous.

Hier, Sire, retourna le secrétairemaistre Jehan de Saulx<2) de devers madame Marguerite, apportant sa dernière résolution aux articles de la tresve, lequel mondict seigneur le légat feist venir vers luy avec son corapaignon et parla longtemps à eulx séparéement, puis nous mist tous ensemble pour veoir qu'il se pourroit accorder de ladicte tresve, en laquelle se trouva difUculté pour le faict de monsieur de Gueldi*es telle que les disputes en durèrent plus de quatre heures sans en povoir avoir résolution selon vostre intention ; dont plus au long. Sire, moy, Bayonne, escriptz à monseigneur legrant maistre pour ne vous ennuyer de si longue lettre. J'actens, Sire, en grant dévotion ce qu'il vous plaira m'en mander pour responce à mes lettres du XX*" ; car, cependant, nous en trouveron en telle extrémité que n'avon autre expédient sceu trouver, sinon, pour gaigner temps, de faire minuter le traicté

(1) Le 25 mai.

(2) Jean de la Sauch, après les premières négociations relatives à la trêve, s'était rendu auprès de M°" Marguerite : il était arrivé à Malines le 19 mai et en repartit le 22 avec une lettre de celle-ci pour Wolsey et une autre de John Racket pour Brian Tuke. Cf. Bkewek, Op. cit., vol. lY, part. 11, n" 4285 et 4a86

a^O JEAN DU BELLAY.

[Mai iSaS

aujourduy, pour demaia le monstrer à monseigneur le légat et là regaigner encores ung autre jour, s'il sera possible, comme mondit seigneur le légat nous a promis essayer de faire ; car, ceulx de madame Mai'guerite à toute force vouloyent hier conclure ou s'en retourner, disans avoir très exprès commandement d'ainsi faire et, quelque chose que à part mondit seigneur le légat y peust faire, il n'en peult obtenir autre chose.

Et quant au point, Sire, qui touche l'entrecours d'entre Angleterre et Flandres, dont faictes mention en voz lettres, combien qu'il me semblastbienàmoy, Bayonne, qu'il sonnast aucunement autrement que ne le vouldriez demander, toutesfoiz, estant seur que ceulx de deczà ne le mectoient soubz ceste intention, mais l'interprettoyent seuUement pour le temps de la tresve, et que, nommcement, ilz en avoient voulu faire mention pour n'estre cependant renchéries leur maltotes en Flandres, et que savoie bien le povoir réformer en la conclusion finalle de la tresve, n'en vouluz, pour l'heure que le viz, faire instance, pour avoir desjà esté employées huict ou neuf entrées en dispute d'autres choses à l'heure que ledict article y fut mis, dont me sembloit estre meilleur le faire habiller une autre fois, quand monseigneur le légat auroit ung peu repris alayne ; qui, pour lors, estoit tant altéré qu'il n'estoit besoing luy contretester de toutes choses, puis qu'il se pouvoit faire autrement, et qu'ainsi soit, Sire, ouvrans monsieur de Morette etmoy voz lettres, incontinent qu'euz lu le premier mot de cet article, luy diz que j'entendoye bien que vouliez dire et que ne seriez en peine pour cela. Je le diz. Sire, affin qu'il ne vous plaise penser [que] ce qui en fut obmis d'estre réformé eust esté par ma faulte ou négligence.

Hier, Sire, quant en parlay à monseigneur le légat et qu'euz mis peine qu'il ne le print de mauvaise part, il feist apporter les articles, disant franchement qu'il n'y pensoit aucune fraulde au désadvantaige des traictez et que, combien que ledict article ne parlast sinon pour le temps de la tresve, toutesfoiz, pour mieulx vous satisfaire, il estoit content qu'il se y mist ces motz : « et durant le temps dessusdit, c'est assavoir de huict moys et quarente jours aura lieu l'entrecours, etc.... Car, Sire, de rayer entièrement l'article il ne l'a voulu faire, de peur que les Flamens ne feissent durant

Mai i5a8]

la tresve quelque brouyllerie ausdietes maltotes à ceulx de deczà, afin par cela d'essayer à les mutiner et rendre plus difficiles à vostre amytié. Et, qui mect mondict seigneur le légat en ceste souspeçon, oultre les autres apparences, c'est que les secrétaires de madame Marguerite luy feirent en ma présence grant difficulté de passer ce point. Il me semble, Sire, que déclaration de l'article susdict vous devra estre suffisante et que ne devrez estre mal content, quant il ne tiendra que à cela, que j'aye passé oultre. Et, là où trouverez n'en estre satisfait, vous plaira m'en advertir et j'espère incontinent vous envoyer une déclaration que ceulx de deczà vous feront qu'ilz n'entendent par cela estre préjudicié au traicté ofïensif. Toutesfoiz, Sire, si vous en povez passer, me semble que sera le meilleur, car, si le faictes, sans point de doubte, vous leur ferez congnoistre qu'avez souspeçon d'eulx, qui est la chose du monde dont ilz monstrent estre les plus malcontens.

Sire, moy, Morette, ay faict à monseigneur le légat toute l'instance à moy possible d'avoir résolucion et expédicion de ma charge, mais il n'y a ordre, que ces difficultés de la tresve ne soyent vuydées. Il m'a promis de incontinent après me dépescher et dès demain, actendant la conclusion des choses, me monstrer par le menu Testât de la despence qu'ilz eussent faict pour l'entrètenement du nombre à quoy ilz estoyent tenuz, pour entièrement l'ensuyvre en la contribution qu'ilz doivent faire, à laquelle toutesfoiz ils n'entendent venir que ladicle tresve ne soit dépeschée. Je ne fauldray, Sire, de faire tout ce que verray povoir servir à les en avancer.

Sire, etc....

De Londres, le XXVIII' de may.

J. DU Bellay, évesque de Baj'onne. Morette.

[Mai i538