Jean du Bellay à Montmorency. Londres, 4 juin

(Orig. : Bibl. Nat., fr. Sojj, p. 43. — Analyse : Brewer, Op. cit., vol. IV,

part, m, app. n» i^S.)

Monseigneur, je ne sçauroye que vous escripre, sinon que

(i) Cf. la lettre de Brian Tuke à Pierre Vannes (sans date, mais vraisemblablement des premiers jours de juin), dans Bhewkk, Op. cit., vol. IV, part. II, n» 4%6.

aSo JEAN DU BELLAY.

[Juin 1528

je suys en la paine où vous dira monsieur de Morette. Je ne sçauroye que dire de n'avoir nouvelles de vous, sinon que quelque courrier soyt perdu. De tout le surplus lediet sieur de Morette vous comptera au long(0. Je vous supplye. Monseigneur, vouloir user de extresme diligence à faire responce et bien penser à ce qu'il vous dira et y faire penser les aultres. Actendant ladicte responce, le temps me sera bien long, mais je le trouveray court si les choses prennent bonne yssue.

Je me recommande....

De Londres, le II1I« de juing.

Monseigneur, monseigneur le légat demande estre spécifiez les limites de la tresve par mer ou à Bayonne ou ailleurs, à fin qu'ilz saichent comment asseurer leurs marchans. D'aultres petites choses il pourra demander. Je vous prye que je saiche si je debvray rien accorder oultre mes instructions en ce qui ne sera préjudiciable au bien des affaires du Roy, car qui ne nie mandera que je le facze, vous povez estre seur que je n'en feray rien et, quant je ne le feray, tout n'yra deczà comme le désirez ; par quoy choisissez que voulez que je facze, car, si j'avoye à choisir, je diroye : je vouldroye estre es Indes pour le tourment où je suys.

Aussi vous supplye. Monseigneur, que je saiche si je debvray suyvre ma dernière minutte qui porte à la fin ces parolles : « Le tout accordé soubz le bon plaisir des princes », car qui ne me mandera aultre chose, je ne le passeray aultrement. Je ne sçay s'il sera bon pour les affaires du Roy, car je n'entendz pas si avant et ne sçay pas bien comment me gouverner en restrictions finales qui annulent tout ce qui est au-dessuz. Pour ce vous supplye pour l'honneur de Dieu en envoyer ung qui myculx l'entende.

Quant aux parolles de l'entrecours, je croy que comme elles sont que les trouverez bien, et n'ayez poinct de souspeçon que ceulx de deczà y aillent à cautèle. J'ose dire qu'ilz vont myeulx que par adventure vous ne pensez et

(1) Morette dut quitter Londres le 4 juin ; il passa le samedi 6 juin de Douvres à Boulogne, d'où il partit le jour même. (Brewer, Op. cit., vol. IV, part. II, n» 4344)- tlf. la lettre de du Biez à Montmorency, de Boulogne, 6 juin : Bibl. nat., fr. 3oo4, f. 11.

Juin i52S]

quant y verrez cautelle préjudiciable et m'en advertirez, si vous ne vous en trouvey satisfait, je suys content qu'on m'estime un bon sot ; je m'estendray bien jusques-là. Je ne diz pas que chacun n'ayt img peu son bien particulier en recommandation.

Vostre humble serviteur....

J. DU Bellay, évesqiie de Bayonne.