Jean du Bellay à Montmorency. Londres, 6 juin

(Orig. : BibL Nat., fr. 3oj5, p. iji.)

Monseigneur, hier m'envoya monseigneur le légat les lectres au Roy et à Madame (i) pour monsieur de Morette que je vous envoyé. Si n'eussay-je dépesché ung pacquet pour cela, n'estoyt que au partement de monsieur de Morette avoyent esté laissées par eulx des lectres pour monsieur de Bade quilz m'ont faict pryer envoyer.

Rien n'est survenu depuys le partement dudict sieur de Morette. Monseigneur le légat m'a mandé encores de rechief que tout son entendement luy fauldra ou il amusera ceulx de Flandres jusques à ce que soyt venue responce de vous, laquelle il tient pour certaine suyvant les articles qui vous ont esté envoyez. Et desjà commencent les marchans à charger leurs marchandises pour mener à la foire d'Envers.

J'ay sceu que le nepveu de monseigneur le légat (=*) estoyt allé à Poissy pour faire la révérence à vous particulièrement plus que à aultrc. Mais monsieur de Bade l'a faict actendre jusques à une aultre foix, voyant que pour l'heure les choses estoyent ung peu en contention. Je croy bien, Monseigneur, qu'il ne seroyt bon que fissiez semblant de l'avoir sceu, mais assez trouverez le moyen de mectre ledict

(i) Lettres non retrouvées.

(2) Thomas Wyntcr, HIs naturel de Wolsey. Sur cet incident, voir la lettre de Clerk .à Wolsey, de Poissy, le 24 mai, dans Brewer, Op. cit., vol. IV, part. II, n» 4294.

[Juin iSaS

sieur de Bade en propoz dudict nepveu, comme luy demandant qu'il ne vient veoir le Roy et Madame et là-dessus luy faire ung peu de bonne cliière ; deczà on en sera bien aise quant on l'entendra.

Suz ce poinct, Monseigneur, me recommanderay....

De Londres, le VI* de juing.

Vostre....

J. DU Bellay, évesque de Bayonne.

105. — ce Jean du Bellay à messieurs le chancelier [Duprat], Varchevesque de Bourges [F. de Tournon], et le Premier Président [Jean de Selve] ». Londres, 9 juin [1628].

(Orig. : Bibl. Nat., f. Dupuj', vol. 462, fol. 38-4o. — Copie : Bibl. Nat., fr. 5499, fol. 68 v'-ji V» [la juin]. — Analyse : Brewer, Op. cit., vol. IV, part, m, app. n* 179)

Messeigneurs, je tiens pour certain qu'estant arrivé vers le Roy monsieur de Morette, il vous aura amplement satisfaict à tous les poinctz de la lectre qu'il vous a pieu nous escripre du VP de ce moys ('), aussy qu'aurez veu, par la minutte du traicté de la tresve que luy ay baillé, en quelz termes les choses en sont demourées.

Il me semble, Messeigneurs, que, quant à l'article de l'entrecours, vous en trouverez satisfaictz ainsi qu'il est couché,

(i) Cette lettre n'a pas été retrouvée. Le 5 juin, Duprat écrivait à Montmorency : « Après avoir veu ce qui est venu d'Engleterre, a semblé à cette compaignie que devions escripre deux mots à messieurs de Bayonne et de Morette, ce que avons faict comme il vous plairra veoir par le double que vous envoyons. — Le faict de M. de Gueldres va très mal. Il en surviendra fascherie pour autant que j'ay entendu que ceulx qui en sont cause, si la faulte est procédée de deçà, m'en A-ouldroient bien charger pour leur justification. Je vous pry. Monseigneur, voir ce que j'en escriptz au Roy et le luy faire entendre et trouverez que je diz vérité, comme croy bien vous en peult souvenir. )/ (Bibl. nat., fr. 3o48, f. 55). — La veille, 4 juin, François I" avait mandé à Duprat, Tournon et de Selve qu'ayant reçu les lettres de ses ambassadeurs en Angleterre du 28 mai et vu qu'il n'y avait aucun moyen de « rhabiller » les choses, il était d'avis que Bayonne et Morette « tyrent oultre, ainsi que verrez par la responce que j'ay commandé leur eslre faicte, à celle lin de gaigner temps pour ceste contribution que, sans ladicte tresve, ilz ne veoyent le moyen de i>ovoir accorder ». En même temps il avertissait le duc de Gucldre de ce qui se passait et lui conseillait de conclure lui aussi une trêve de huit mois avec les Flamands (Bibl. nat., f. Dupuy, vol. 486, f. ia3 et lai).

Juin 1528]

principallenient quand vous poiserez ces motz : « Tous les princes contrahcns » ; car de y faire mectre, comme je leur avoye cousché en mémoire, que dureroit ledict entrecours seullement durant la tresve, je n'en ay eu le moyen. La cause pourquoy ceulx de deçà ne l'ont voulu est que, ou traicté de leur entrecours avec les Flamens, ilz sont en diflerent de quelque article, duquel lesdictz Flamens ne les ont laissez du tout paisiblement jouyr depuys ung an à Anvers. A ceste heure, monseigneur le légat a mis notamment ce mot : « comme ilz joissoyent ung an avant l'intimation de la guerre, pour reprandre leur possession telle que en ce tempslà » ; à quoy les Flamens qui sont icy n'ont prins guarde. Les choses estans en ces termes, si on y mectoyt la restriction de ce mot « seullement >>, elle leur seroit préjudiciable, car il sembleroit beaucoup plus désavantaiger la possession qu'ilz demandent que l'avantaiger, pour estre le mot précisément négatif et plus destruisant qu'augmentant leur droict et possession contre lesdictz Flamens prétendue. Mais ilz ont esté contens que je y aye mis parlant des princes ce mot « tous ». Vous entendez, Messeigneurs, pourquoy je l'ay faict et que cela emporte. Et n'ayez souspeçon que ce que mondict seigneur le légat en faict ce soit pour sortir par ceste voye du traicté offensif ne pour riens innover avec vous. Je pense vous povoir asseurer qu'il ne l'a faict pour ceste cause et ne trouverez poinct au bout de la tresve qu'il se vueille ayder à l' encontre de vous de chose qui soit oudict article; et, là où en auriez souspeçon, si ne seroye-je d'advis que en feissiez semblant, car sans poinct de doubte, il est merveilleusement tourmenté en luy-mesmes de s'appercevoir qu'on n'ayt fiance telle en luy qu'il désire et qu'il dict mériter. Et quant à moy, Messeigneurs, je tiens pour certain que beaucoup plus se pourra ayder le Roy de luy en une sorte que en l'aultre. Toutesfois, là où il le me commandera, je me fais bien fort de luy faire recouvrer la proteste que tant désirez, mais il vous plaira bien penser sice sera le bien de ses affaires.

Messeigneurs, depuys peu de jours, il me mist de luymesmes en ce propos de souspeçon, principallement quant à ce poinct de l'entrecours et s'en retrou voit en grant peine,

[Juin i538

me usant des termes que monsieur de Morette vous pourra dire, car il estoit présent, et disoit entre autres choses qu'il se trouvoit bien fasché que le Roy, ou bien ceulx de son Conseil eussent oppinion qu'il voulust procéder avec luy par telles cavillationsetqueau mains ne devoit-on penser que, s'il cherchoit moyen de rompre par quelque occasion le traicté devant dict, il ne le trouvast à beaucoup meilleur marché, disant povoir monstrer évidentement le moyen qu'il en avoyt si la voulenté fust de mesmes, c'est assavoir de venir à ceste heure dire qu'il veult tenir ledict traicté et faire l'emprinse suz Flandres, ce que vous estant impossible et venant de vostre costé la rompture de ladicte emprinse, ilz auroyent satisfaict audict traicté et en demoureroyent assoubz; car vous ne pourriez alléguer qu'ilz fussent cause de vous avoir mis en ceste impossibilité pour avoir commencé les propos de la tresve, veu que, l'ayant une fois conclute sans la compréhension de monsieur de Gueldres, comme voz mémoires avoyent porté, vous ne vous pourriez plus prandre à eulx de la rompture ; par ainsi ayant trouvé ceste occasion de rompture, ilz en auroyent beaucoup meilleur marché que bailler à présent environ deux cens mil escuz avec intencion de venir après à ladicte rompture, car, commançant à ceste heure, ilz saulveroyent toute ceste somme. Assez d'autres raisons il m'allégua, mais ceste-cy est la plus péremptoire.

Au demourant, Messeigneurs, quant à l'article de remectre en leurs biens ceulx qui en sont hors pour tenir party contraire, et que m'escripvez tenir la chose pour arrestée comme le Roy l'a consentie, puisque par mes lectres n'en fais nouvelle mention, monsieur de Morette vous aura dict en quel estât il nous en a laissez. Il n'est rien plus vray que ce qui me garda en faire nouvelle mention en mesdictes lectres fut que tenoye la chose pour faicte, car à l'assemblée qu'avion faicte dernière avec monseigneur le légat, les secrétaires de Flandres consentirent expressément que, là où j'accorderoye le traicté sans comprendre monsieur de Gueldres, ilz passeroyent l'aultre article et non aultrement. Depuis s'en sont départiz, disans avoir eu prohibition nouvelle de leur maistresse et qu'ilz ne povoyent retourner aux

Juin i528]

premières parolles. De tout cela ledict sieur de Morette, qui estoit présent, vous pourra faire tesmoignage, aussi feront ceulx de deçà, s'il vous plaist. A eeste heure, nous en susmes demeurez là que, vendredy, nous trouverons ensemble et, s'il est possible, monseigneur le légat leur fera tenir leur parolle, sinon je chercheray moyen tant que je pourray d'actendre de vos nouvelles.

Et pour ce, Messeigneurs, que m'escripvez que, s'il eust pieu à mondiet seigneur le légat faire comprendre en la tresve monsieur de Gueldres, il eust mis beaucoup de gens en repoz, je vous asseure qu'il en a faict ce qu'il a peu et, si je ne le sçavoye bien, je ne le diroye. Je ne sçay, Messeigneurs, si jugerez que trop avant m'estends à l'en deffendre, mais je le faiz pour vous rendre compte et informer à la vérité des choses. Et combien que, par cy-devant, assez il m'ayt dict craindre que les secrétaires rompissent et s'en allassent, toutesfoiz ne m'en a tant asseuré que aujourd'huy, qu'il m'a monstre avoir advertissement d'un gentilhomme, que le roy, son maistre, entretient secrètement en la cour de madame Marguerite, qu elle seuUe tient la main pour la tresve et que tout le conseil est au contraire. Qui mainent cest œuvre sont aucuns qui se vcullent advancer par service au mestier de la guerre et qui espèrent la povoir faire à leur advanlaige, monsieur du Rcu (0 arrivé et voz forces diverties en Ytalie, joinct que ceulx de deçà ont envoyé leurs gens à la maison. Qui plus encores soustient ceste partie, c'est monsieur d'Ostrate (=) qui avoit trouvé moyen à la fin que tout ce que contribueroyent les Flamens luy passeroit par les mains, dont il luy pouri'oytdemourer quelque gresse. Et leur couUcur, oultre, les communes la prennent là-dessus, que par le moyen de ceste tresve et de la contribution de deçà que facillement Hz présupposent, vous ferez teste à ce secours de lansquenetz, où ilz avoyent assiz toute leur espérance.

(i) Adrien de Croy, s' de Beaurain et Rœulx.

(2) Antoine de Lalaing, né vers i^So, seigneur de Montigny, créé comte de Hoochstrate par lettres patentes de juin i5i8, chevalier de la Toison d'or en i5i6, fut successivement second chambellan de Charles-Quint, président de son conseil des finances aux Pays-Bas, stathouder de Hollande. Il mourut à Gand, le a avril i54o (Félix Bkas3art. Le Blason des Lalaing, i8;9, p. 109).

[Juin i528

Au demourant, Messeigneurs, suyvant ung des articles de voz lectres ay faict nouvelle instance à monseigneur le légat de ce mot : « Révérend père en Dieu », luy remonstrant de vostre part, comme par cy-devant avoye faict de la myenne, qu'il ne deb voit trouver mauvais que en noz lettres usissions de nostre stille. Il se consentit que, puisqu'en faisiez tant de cas, le missiez tout en la forme qu'il vous plairoit et que ce qui l'avoit meu de le voulloir autrement estoit le désir qu'il a, comme à monseigneur le Grand Maistre estant deçà il avoit donné à entendre, que, en choses qui partent conjoinctement ou diviséement des mains de ces deux roys pour une mesme chose, se trouvast telle conformité de faict, de substance et de parolle, qu'il fust notoire à tout le monde que c'est non une fraternité seullement, mais encores ung mesmes esprit. Par quoy, suyvant ce chemin, et estant vostre stille de mettre « maistre » et le leur commun au reste de la chrestienté de mectre « révérend », il estoit forcé que l'ung ou l'autre se départist du sienpour s'accommoder à celluy de son compaignon, en quoy il estoit trop plus que raisonnable que ce département vînt de vous, veu que ne faisiez que sortir de vostre particullier pour entrer au général de tous les autres, ce que à euls estoit impossible faire pour leur estre le nom de maistre si vil, que de le bailler à ung évesque c'eust esté trop grande mocquerie. Toutesfois, puisqu'en chose, en laquelle, luy complaisant, n'eussiez eu aucun préjudice, en faictes difficulté, et, voyant bien qu'il vous mectroit en trop grant peyne de suyvre l'emprinse qu'il avoit faicte de la conformité susdicte, il est très content, d'icy en avant, de l'abandonner et que usiez de tel stille qu'il vous plaira et eulx pareillement de celluy qui sera plus à leur propos.

Et pour ce, Messeigneurs, que mectez en vozdictes lectres que ce n'estoit pour moy qu'aviez osté ce mot et que aux aultres, qui sont mesmes de plus haulte qualité, il ne se baille, je vous asseure qu'aussy n'en ay-je poinct eu de fantasie, car j'cntcndz très bien que, là où vous auroye offensez en général ou en particullier, je ne mériteroye d'estre battu de si doulces verges et le moindre de vous auroyt bien le moyen de m'en faire ressentir en chose de plus grande importance. Aussi vous plaira, Messeigneurs, penser que la difficulté

AMBASSADES EN ANGLETERRE. aS'J

Juin i5a8]

n'est venue de moy, en quoy je ne me mectray en peyne de trouver excuse, car je croy que ne cherchez prouve de mon sens en chose si petite et qui me tourneroit à évidente mocquerie, puysqu'en faictes quelque approbation en choses sans comparaison plus grandes. Toutesfois, là où ne vous contenteriez de ceste raison, monsieur de Morette vous pourra certiflier de la vérité et de ce qui en est, car il y a esté présent.

Et ne pensez pas, comme il vous pourra dire, que je n'eusse assez remonstré la raison susdicte de vostre stille, jusques à faire exhiber le pouvoir de monsieur de Terbes quand il fut par deçà ; mais le fondement de monseigneur le légat estoyt celluy que j'ay mis cy-dessus. Vous asseurant, Messeigneurs, que, tant en cela que en tous les poinctz de la tresve et en toutes aultres charges que me baillez, si je n'obtiens aulcunesfois tout ce que vous voulez et que la voulenté du Roy et celle de ceulx de deçà ne se treuve en choses particuUières si conforme qu'elle est es généralles, il ne tient que je n'en face ce que je puys et que je ne mecte peyne de suppléer par force de soing et diligence à la faulte que j'ay de sens et d'expérience ; combien, Messeigneurs, que je pense que n'ayez ceste oppinion de moy, car là où vous l'auriez, ne m'auriez contrainct de jusques icy estendre si avant tous les nerlz du peu de povoir que j'ay en matière de despence que la plus grande part d'iceulx à force de tirer soit rompue et le surplus bien près de faire le pareil, d'autant plus tost que, me croissant les cognoissances de ceulx de deçà, il est forcé que tousjours despence me croisse, ou bien que je leur ferme la porte ; qui ne viendroit à l'advancement des alFaires du Roy. Mais j'espère, Mcsseigueurs, que vous pourrez prendre meilleure persuasion de moy que n'avez eue par le passé et, conséquemment, que donnerez ordre à mon affaire, veu que cognoissez que ne puis porter le faix, ou bien que, me trouvant indigne de ceste charge, en ferez mectre ung aultre en ma place ; ce que je vous supplie, Messeigneurs, ne prendre de mauvaise part, car nécessité me contrainct de le vous dii'e.

Et au reste vous plaira envoyer ung povoir tout ainsi qualiffié que bon vous semblera, mais qu'il n'y ait poinct de rature, car en celluy que j'ay, elle est si évidente que les

â88 JEAN DU BELLAY.

[Juin i528

Flamens ne le veullent recevoir, sinon que leur promecte suz mon honneur de leur en faire avoir ung aultre. Pareillement ilz désireroyent que , là où , dedans ledit povoir , y a : « ladicte Marguerite », y fust mis : « ladicte dame ou archiduchesse Marguerite » ; et disent s'esbahyr comme les Françoys, qu'on dict estre si gracieux, n'ont autre regard à l'honneur des dames ; toutesfoys que, là où ne le vouldrez mectre, ilz s'en passeront, en demourant la charge à qui il appartiendra, car quant à eux il leur suffira de s'en estre deschargez envers elle.

Quant aux nouvelles de Napples que mectez en la fin de vos lectres, je les ay faict bien au long entendre à monseigneur le légat qui y a prins grant plaisir, pour l'espoir qu'elles luy ont donné de veoir bonne yssue du surplus.

Messeigneurs, me recommandant....

De Londres, ce IX*= jour de juing.

Vostre....

J. DU Bellay, évesque de Bayonne.