Jean du Bellay à Montmorency . Londres, ao juin

(Orig. : Bibl. Nat., fr. 3oio, fol. jo-^i v.)

Monseigneur, la haste de fermer mon pacquet du XVIII*, pour ce que la marée partoyt, me feist oublyer à y mettre la minute de ce que j'ay baillé aux aultres contrahens qu'il fault estre insérée en la ratification du Roy. Je la vous envoyé de mot à mot et s'il y a quelque chose ung peu cornu, comme là où je prépose le roy d'Angleterre au Roy, je vous promectz que ce n'a esté ma faulte, ce a esté celle de mon clerc, qui toutesfoiz peult avoir quelque excuse, car je croy^ que en cinq jours, les minutes de tout furent refaictes vingt foix et changées et brouillées de sorte qu'on ne sçavoyt où s'en prendre. Depuys qu'il fut mys au net, là où j'apperceuz les erreurs n'y eust eu temps de les amender. Vous verrez pareillement les corrections qui sont en ceulx des autres que vous ay envoyez, desquelles toutesfoiz ne peult venir inconvénient et ne se pourra caluranier le traicté, car là où on trouveroyt faulte en l'ung, veu qu'il y en a troys, on auroyt recours à l'aultre. Aussi, Monseigneur, là où on me mande que je feisse bailler par les aultres au Roy ouUre le tiltre de très chrestien celluy de roy de France, j'en mys les termes en avant. Les Flamens disrent qu'ilz nous bailleroient les tiltres qu'ilz pourroient bailler sans préjudicier aux Anglois qui estoient miculx encore leurs amys que nous. Je pensay que c'estoit une querelle de riens et les donnay eulx et leurs querelles au gibet et cela me guarda de n'en faire instance à monseigneur le légat, d'aultant plus voulentiers que vous m'advisastcs, estant icy, que, là où il sourviendroyt propoz envers luy de faire quitter à son maistre le tiltre de France, je y fermasse les oreilles de paeur qu'ilz le voulsissent faire achapler. Là où en cela. Monseigneur, il y aura faulte, il me semble qu'il n'y a grant dangier, veu que ce n'est traicté que à temps et autant que durera la tresve. Toutesfoiz, là où je y auroye failly, je croy que aiséenient on

3o8 JEAN DU BELLAY.

[Juin i538

aura reguard en cela à mon aage et faulte d'expérience mesmes en telles marchandises et que cela me servira d'excuse. Quant au faict des prinses ou pilleries faictes par monsieur de Gueldres, ileust esté myeulx ainsi qu'il m'a esté mandé depuys, mais les Flamens en leur traicté ne l'eussent voulu passer ainsi ; estant cousché comme il est, c'est à sçavoir : «prinses et pilleries qu'il pourroit avoir faictes, etc....», il me semble n'estre du tout mal. Toutesfoiz, là où ceste faulte et l'aultre debvroyent estre rabillées, si on me le mande, je mectray peyne de faire escripre aultres traictez en la sorte que les demanderez. Je ne sçay pas si le pourray faire.

Au demourant, Monseigneur, j'ay receu la minute de l'obligation que l'on demande pour la contribution, avec le surplus de la dépesche du XV^ ('). Je ne suys allé vers monseigneur le légat pour ne luy laire desplaisir, à cause du suspect de la peste dont vous ay escript, mais luy ay demandé jour et cependant luy ay envoyé ses pacquetz et les minutes des lectres tant au Pape (2) que à M. d'Avranches(3); à quoy je suis seur qu'il prendra très grant plaisir et encores plus le roy, son maistre. Desjà m'avoit-il faict feste d'un double de lectres de Madame au Pape, que monsieur de Bade luy avoit envoyée. Mais quant à l'obligation susdicte, je m'esbahiz. Monseigneur, que dès le commencement on n'y a pourveu comme avoye escript. Je vous asseure qu'en suys en très gi'ant paine, car ce que, du commencement, eusse peu faire comme de moy-mesmes à ceste heure sera prins comme

(1) Nous n'avons pas retrouvé celle leltre. Quant à la luinule de l'obligation, voir ci-après le n" m.

(a) Peut-être est-ce la lettre dont on trouve une copie Bibl. nat., fr. 5499, f. i56 (Cf. Brkwer, 0[). cit., vol. IV, part, m, n" 5689). Montmorency y fait allusion dans sa lettre à Wolsey du i4 juin (Voir plus haut n» 107).

(3i Jean de Langeac. Né à Langeac. en Auvergne, vers la lin du xvr siècle, il (ut successivement prolonotaire apostolique, conseiller au Grand conseil, grand aumônier du Roi ; il fut pourvu, en lôaO, de l'évêché d'Avranches, et en i53j de celui de Limoges, qu'il garda jusqu'à sa mort en i^ji. Il fut chargé de nombreuses missions diplomaticiues et nous aurons l'occasion de le rencontrer à nouveau, notamment à. Ferrare (i535-i5î6), en Angleterre (laSj), à Rome (1539-1540). En avril i528, il avait été envoyé à Venise, où il remplaça comme ambassadeur de France Louis de Ganossa. évèque de Bayeux : c'est le 4 mai qu'il fit son entrée dans la ville et le 5 il se présenta au Conseil en compagnie de l'évêque de Bayeux qui, avant de se retirer à Vérone, demeura encore quelque temps à Venise pour le mettre au courant des allaires. (Ma- RiNo Sanitto, Diarii,t. XLVII, col. 3;3.) Le 2 juillet, François 1" lui fil payer 2,4no 1. t. « sur ses voyages et vacations en la charge d'ambassadeur. » (Bibl. nat., Clairambault, vol. iai5, f. 66 v.>

AMBASSADES EN ANGLETERRE. 3o9

Juin i5a81

proceddant de deffiance, veu principallement la forme de ladicte obligation, qui est une playe, comme à mon advis monsieur de Morette vous a dict, malaysée à guérir. Mais, Dieu raerey, les choses estoyent réduictes à sy bons termes qu'il n'est possible de myeulx et dedans ladicte obligation est insérée une proteste si véhémente quant au traicté offensif que je suys seur que cela remectra les choses aux termes de souspeçon qu'ils estoyent paravant, Toutesfoiz je ne puis faire autrement qu'il m'en est mandé, et ne suys si présumptueux de vouUoir corriger les choses qui me seront baillées en charge. J'en feray ainsi qu'il m'est ordonné, assigné qu'il m'aura le temps d'aller devers luy. Si ne laisseray-je de vous dire encores un coup que les pressant et prenant d'eulx secours ou aultres aydes de quelque qualité qu'elles soyent pour obligation et non pour bénéfice, ou du tout je n'y cntendz riens ou vous n'y ferez pas bien voz besongnes. Après ceste foix. Monseigneur, ne vous en diray plus rien de paeur que pensissiez que m'y voulisse mectre trop au contraire, mais je vous supplye vous soubzvenir par cy-après de ce que vous en auray escript. Il est vray qu'il y a eu des contractz au commencement de costé et d'aultre et qu'on pourroyt dire : puysqu'ilz n'ont trouvé maulvais du commencement qu'on y allast par telles voyes et par obligations les plus estroictes du monde, pourquoy le trouveront-ilz maulvais à ceste heure ? Monseigneur, ilz diront sans point de doubte que du commencement l'amytié n'estoit telle, par quoy se falloit fortifier et asseurer de costé et d'aultre ; à ceste heure, si l'amytié n'est suflisante pour lesdictes asseurances, et le voyage de là la mer et le vostre deczà et toutes aultres telles choses n'ont de riens servy. Je vous asseurc. Monseigneur, qu'en leur endroict ceste raison y est du tout assise. Si elle est bien fondée, je vous en laisse le jugement ; mais, à tort ou à droit, en l'affaire où vous estes il me semble qu'ilz auront tousjours bonne cause, et quelques contractz ne obligations qu'il y ait, quant ilz vouldront, ilz en sortiront, sinon de droict, à tout le moins de faict. Advisez où vous trouverez juge qui les en puisse condamner ou absouldre.

Monseigneur, je m'estendz envers vous en ce propoz plus avant que ne feroye ailleurs, car j'entcndz bien qu'en tel lieu

3lO JEAN DU BELLAY.

[Juin iSaS

m'en pourroye adresser qu'on le prendroyt à présumption

ou à foUye, mais je sçay bien qu'en vostre endroict ne puys

faillir de vous en dire tout ce qu'il m'en semble pour ce

que, congnoissant le fons de mon intention, vous pourrez

choisir ce qu'il y aura de bon et mectre soubz silence le

raaulvais.

Au surplus, Monseigneur, vous m'escripvez qu'on aura reguard à ma dépense suyvant les remonstrances que monsieur deMorette en a faictes. Je vous asseure que je ne le faiz po\ir mon plaisir et ceulx qui me congnoissent sçavent bien que mon naturel ne m'y porte pas. Ledict Morelte, Monseigneur, m'escript que le Roy vous a dict en sa présence que m'en fissiez hausser Testât et que Madame l'a trouvé très bon, dont je tiens la chose pour faicte. Et au demourant vous mercye humblement de ce; que, au retour dudict Morette, m'avez fait, comme il m'a escript, délivrer les benoistz milescuz qui à la fin m'avoient esté ordonnez d'estre délivrez il y a près de trois moys. Je ne sçay pas en quoy je peusse avoir offensé ceulx qui en ont la charge et qui me baillent telles bastonnades. Il y a ung Genevoys(i) qui présentement a esté attaint de sutin. S'il meurt, j'en suys à près de deux mil V*^ escuz envers luy. Je vous asseure, Monseigneur, que devant qu'il soyt demain midy on me resveillera bien. Mais à quelque chose est malheur bon. Je faiz tenir ma porte serrée disant que monseigneur le légat neveultque je laisse entrer homme de la ville de paeur que prenne le dangier et le luy porte. Si auroye-je, oultre ceste raison, grant regi'ect audict Genevoys, car sans luy j'eusse jusques-icy eu bien à faire, et ce qu'il m'a faictde plaisir ce n'a esté en contemplation de moy, mais du maistre à qui je suys, et, oultre cela, est saige et advisé et qui voyt et entend beaucoup de choses qu'il ne cèle pas à ses amys. Il seroyt besoin que le Roy eust beaucoup de si affectionnez serviteurs deczà.

J'espère, Monseigneur, que ledict mal de sutin ne nous fera tant de mal qu'il nous a menassez, car depuys deux jours la plus grant part de ceulx qui se gouvernent bien en eschappent, principallement des estrangiers. Mais c'est chose

(i) Génois.

AMBASSADES EN ANGLETERRE. 3ll

Juin i5a8]

estraage de le veoir si commun que d'en veoir vingt-six actaintz en une maison pour une nuict. Le pauvre ambassadeur de Milan en vient d'estre assailly ; il y a dangier que dame vieillesse luy nuyse, dont ce seroyt dommaige. Je vous asseure que, si vous en aviez ung tel par delà, vous en contenteriez bien.

Et puys qu'il en vient ce propoz, je vous veuls bien dire. Monseigneur, qu'autant qu'il y a icy d'ambassadeurs, quant ilz se trouvent vers le roy ou monseigneur le légat ou encores en quelque lieu que ce soyt, ilz ne font maindre office en ce qu'ilz peuvent et qui concerne les affaires du Roy que s'ilz estoient ambassadeurs du Roy mesmes. Geulx de Venise s'en vont ce septembre, qui se sont tousjours merveilleusement bien portez et ont mieulx aymé, ainsi que les en avois advertiz, endurer grosses parolles de monseigneur le légat disant que la Seigneurie ne faisoyt son debvoir et qxi'elle ne faisoyt poinct de despence que dire, comme ilz avoyent en charge et que l'ay veu par leurs lectres toutes baillées, qu'ilz payoient partie des lansquenetz qui vont pour la Lombardye, de peur que mondict seigneur le légat s'en aydast contre moy et m'alléguast que le Roy y feist peu de despence; et si n'ont jamais esté vers mondict seigneur le légat qu'ilz ne m'ayent premièrement communiqué leurs lectres mesmes et leur charge et demandé mon advis comme ilz en dcbvoyent user et qu'ilz n'en ayent entièrement usé en la sorte et manière qu'ilz me l'ont veu trouver bon.

Monseigneur, je n'escriptz au Roy ne à personne, car seulement ay voulu charger le Roy de douze cscuz de despense en ceste dépesche pour rabiller la faultc qu'avoyc faicte à vous envoyer la minutte devant dicte. Le plus tost que pourrez envoyer la ratification sera le meilleur. Vous avez veu par le traicté quel terme y est mys. Là où il y auroit faulte de quelques jours, il ne seroyt pourtant rompu. J'ay mandé, comme vous ay escript, à monsieur de Rryennc pour la publication. Elle fut hier faicte icy. Quant auray esté vers monseigneur le légat, vous escripray ce que sçauray davantaige. Il a eu lectres d'Espaigne et croy que ce soyt par le pacquet que luy avez envoyé.

3l2 JEAN DU BELLAY.

[Juin i528

Monseigneur, je me recomnianderay....

De Londres, le XX« de juing.

Je ne sçay si en vostre ratification il fault faire mention de mon seing et sceau. Il y a signé suz le reply en la sorte qu'aurez veu celluy de l'ambassadeur de l'Empereur : /. du Bello}^, et mon grant sceau de cire rouge.

Vostre...,

J. DU Bellay, éi>esque de Baj'onne.

111. — (( Obligation d'une contribution accordée par le roy d'Angleterre au Roy très chrestien de XXXII^VIIl'^XXVl escus et tant par chacun [moys] durant six moys, pour Ventretènement de la guerre contre l'Empereur » (i). [Juin iSaS.J

(Copie : Bibl. Nat., fr. 0499, f. 25-26. — Analyse : Brewer, Op. cit., vol. IV,

part. III, app. n" i83.)

Henry, etc.... A tous ceulx, etc.... Sçavoir faisons que, comme entre nous et nostre très cher et très amé frère, cousin, allié et confédéré perpétuel, Françoys, par la mesme grâce roy très chrestien, aient esté faictz plusieurs accordz et traictez et conventions concernans non-seullement le bien de nous et de noz subgectz, royaulmes, pais, terres et seigneuries, mais aussi de toute l'universelle chrestienté, à la conservation de laquelle avons tousjours de tout nostre pouvoir tasché, entre lesquelz traictez et conventions en y a ung appelle le traicté offensif, par lequel est convenu et accoi'dé que, si l'Empereur ne accepte les offres et obligations que nous et nosti'cdict frère, le roy de France, luy devions offrir de mesme accord et consentement, pour parvenir à une paix univei'selle, restitution des enfans de nostredict frère et recouvrement du dcbte en quoy il nous est tenu et obligé, nous luy devions intimer et signiffier la guerre, pour icelle

(1) « C'est la minute de l'obligation que demandoit le chancelier, z' juillet. » Elle ne fut pas ulilisi-c, Wolsey n'ayant pas voulu entendre parler d'une obligation de ce genre et s'en étant tenu aux conditions précédemment arrêtées.

Juin i528]

mener ea ses Bas-Païs de Flandres, jusques à ce qu'il seroit réduict à la raison, avec le nombre de gens, chevaulx et artillerye à plain conteuuz audict traicté ; or, depuis, lesdictes offres ont esté faictes audict Erapereiir qui ne les a eues agréables, à l'occasion de quoy la guerre luy a esté signifïiée, tellement que de présent ne restoit que la faire et exécuter et que nostredict frère et nous, chacun en son endroict et de sa part fournist ce qu'il estoit tenu selon la forme et teneur d'icelluy traicté.

Toutesfoys sont ensurvenuz aucunes causes, par lesquelles nous a semblé que, pour le présent, estoit trop meilleur faire une tresve pour aucun temps avec icelluy Empereur et madame Marguerite, douairière de Savoye, sa tante, gouvernante, etc...., et contribuer l'argent que eussions fourny à faire icelle guerre et le bailler à nostredict très cher frère et cousin le roy de France, pour luy aider à entretenir et renfoi^cer la guerre tant par la teiTC que par la mer qu'il soustient et faict à lencontre de l'Empereur delà les montz ; à ceste cause, avons faict offrir à nostre très cher frère le roy de France, pour et au lieu de la despence qu'il nous eust convenu faire, ensuivant ledict traicté offensif, es Pais-Bas de l'Empereur, la somme de trente deux mil huict cens vingt six escus et vingt deniers d'Angleterre, vallans quinze solz tournois, par chacun moys, durant l'espace de six moys, dont le premier commencera du jour et datte de la tresve et abstinence de guerre cy-dessus mentionnée, et, ce faisant, demourcrons quictes pour ledict temps de faire la guerre esdictz Pais-Bas de l'Empereur, sans toutesfoys innover ny prcjudicier audict traicté offensif, lequel demourera en sa force et vigueur, de sorte et tellement que, ladicte tresve finye, s'il n'y avoit paix entre icelluy Empereur et nostredict frère et cousin le roy de France et nous, audict cas serons tenuz et obligez de contribuer et conférer, bailler gens de guerre et artillerye ainsi et par la forme et manière qu'il est contenu audict traicté olfcnsif, pourveu que nostredict frère, de sa part, mettra à exécution ce à quoy dès lors il sera tenu à fournir et frayer et bailler gens de guerre à pied, à cheval et artillerye, en la forme et manière contenue audict traicté, lequel aussi, attendu la despence qu'il sup-

3l4 JEAN DU BELLAY.

[Juin i5a8

porte delà les montz à faire la guerre, est tenu quitte durant icelle tresve de foui^nir ce qu'il devoit faire par ledict traicté contre les Bas-Païs de l'Empereur. Lesquelles offres nostredict frère et cousin le roy de France a eu agréables sans riens innover, comme dict est, d'icelluy traicté offensif, ains icelluy demourant en son entier efficace et vertu pour estre exécuté selon sa forme et teneur, après l'expiration d'icelle tresve, de sorte qu'il ne reste à présent si n'est que nous obligeons à icelle contribution paiable durant ladicte tresve.

A ceste cause, nous en parolle de Roy et soubz nostre foy et honneur, promettons et nous obligeons envers nostredict frère et cousin à paier et contribuer pour la guerre qu'il faict en Italie, durant l'espace de six moys, commençant au jour et datte de ladicte tresve, la susdicte somme de trente deux mil huict cens vingt six escuz et vingt deniers d'Angleterre, vallant quinze solz tournois, pour chacun desdictz six moys, qui est en tout pour lesdictz six moys la somme de neuf vingtz dix sept mil soixante dix huict escuz, dix solz tournois ; et à ce faire et paier obligeons nous, noz successeurs et biens quelzconques.

A ce présent et stipullant messire Jehan du Bellay, évesque de Baionne, ambassadeur lès nous pour nostredict frère le roy de France, lequel de sa part nous a promis recouvrer de nostredict frère, son maistre, lectres par lesquelles il agréera le contenu aux présentes et s'en tiendra pour content.

En tesmoing de ce