Jean du Bellay à Montinorency. Londres, i8 juin

(Orig. : Bibl. Nat., fr. 307;, p. :i-8i. — Copie : Bibl. Nat., fr. 5499, fol. :i v-j4 v. — Impr. : Lk Grand, Op. cit., vol. III, p. 129-143. — Analyse : Brewkr, Op. cit., vol. IV, part. 11, n* 439i.)

Monseigneur, vous verrez par les lectres du Roy <=> grant

(1) La trêve fut ratifiée par François I" et Marguerite le 24 juin (Rymek, Fœdera, t. VI, part, n, pages io3-io6) ; et par Charles-Quint le a^ août suivant (Arch. Nat., J. 99Î. 3)

(2) Lettre non retrouvée.

3oO JEAN DU BELLAY.

[Juin iSaS

partye de tout ce que sçauroye mander. J'ay actendu jusques à caste heure à dépescher et envoyer le traicté de la tresve, pour ce qu'il a fallu faire le serment en cérimonie et accorder de la forme de la ratification avec monseigneur le légat et les aultres. Hier fut faict ledict serment en belle église et se y trouva l'ambassadeur de l'Empereur et touchasmes en paulme, en sorte que noz vieilles querelles sont estainctes, car il s'est repentu et pour rescompense a faict fort l'honneste homme. Je vous en veulx bien advertir, Monseigneur, à fin qu'en faciez faire les feux de joye ; ce n'est peu de chose de quoy deulx telz seigneurs sont appoinctez.

Au demourant, Monseigneur, croyez hardyement que les Flamens vouloyent dissimuler la tresve, tant pour les raisons que par cy-devant vous ay mandées que pour ce qu'ilz avoyent sceu de la contribution, conclute que ladicte tresve seroyt (ilz l'ont quelque part confessé). Et quant à l'article de remectre les tenans party contraire en leurs biens, je vous promectz. Monseigneur, ou qu'ilz sont les plus couvers dissimulateurs du monde, ou ilz ont ung peu estendu leur commission en dangier de s'en trouver en paine. Mais monseigneur le légat feist tant de protestations à l'encontre de moy en leur présence pour me faire passer le faict de monsieur de Gueldres, me baillant soubz son seing qu'il m'en deschargeroyt envers vous, et, puys me l'avoir faict consentir soubz une terrible hipocrisie, leur feist tant de menasses et tint de si estranges termes que par force il leur feist passer la carrière.

Estant, Monseigneur, à Hemptoncourt l'espace de cinq jours et les secrétaires susdictz se trouvans journellement à mon ordinaire que me faisoyt monseigneur le légat, au partyr de table nous devision de beaucoup de choses, en quoy je mys tousjours paine de ne me coupper en rienetsuys seur de m'en estre bien guardé. Maistre Guillaume des Barres, que cognoissez, car vous l'avez veu en Espaigne, aux enseignes qu'il trouva le Roy delà la rivière, estant dépesché de madame Marguerite pour cmpescher le retour du Roy soubz la forme qu'il fut, ainsi qu'il m'a confessé, ledict des Barres me dist, suz le propoz de la paix, qu'il estoyt merveilleusement aise d'avoir eu occasion de reffuser le voyaige que a

AMBASSADES EN ANGLETERRE. 3oi

Juin i528]

prins Marnix ; et disoyt ladicte occasion avoir esté pour la dissension cjui est entre Jehan Lalemant, qu'il appelle in\g meschant homme, et luv. La cause qu'il disovt estre de son aise est qu'il est seur que c'est voyaige perdu, puys qu'ainsi est que le Roy veult compter en rabez de la somme oSlerte s'il vient à conquérir le royaulrae de Naples, et pour ce aussi que le Roy a souffert pour le mains ou par advanture, comme on pense, faict faire l'union de Gennes, pour par ce moyen ne le bailler à l'Empereur ; disant estre seur que, là où cela n'eust esté et aussi que n'eust esté rapporté à madame Marguerite une parolle que mectray cy-après, la paix se fust indubitablement ensuyvic. Je luy justiflay l'ung et l'autre article le myeulx que je peuz ; toutcsfoiz, laissant toutes raisons derrière, il demoura fisché là-dessus, et s'estendit jusques à me demander que nous pension faire et si nous en estion là de cuyder ravoir messeigneurs les enfans par force et si nous arresterion bien là, si nous venion à emporter le royaulme de Naples, de vouloir faire la guerre en Espaigue et faire entreprinse tant hors de raison et apparence. A toutes aultres choses. Monseigneur, y respondiz ce qu'il me sembla pour le myeulx; au poinct d'Espaigne, je feiz le sourt une foix, tant qu'il le reprint par affection. Il est fin et faulx. je parloye à luy comme le prenant en ceste qualité. Je luy diz, Monseigneur, que n'estoye du conseil du Roy si avant et, quant bien en seroye, qu'il me tiendroyt pour ung sot si luy en disoye si avant, mais que bien estoye certain qu'estant la guerre entre luy et l'Empereur et cette obstination de ne l'endre messeigneurs les enfans que à son mot luy demoureroyt, mondict seigneur le Roy mectroyt le tout pour le tout pour endommaiger par tous moyens Icdict P]mpereur, non en Espagne, en Flandres, ou aultre certain lieu, mais es Indes et Arabies s'il en seroyt besoing. Il revint encores depuys suz ces Espaignes comme ou ne s'en trouvant bien asseuré ou comme m'en voulant tirer plus avant ; toutcsfoiz j'en deraouray en ces termes. Geste mention. Monseigneur, du rabez de l'argent estoyt venue de monseigneur le légat qui leur avoyt dict que ne debvoyt le Roy estre estimé si sot de n'en vouloir user, estans les choses comme elles sont et sont en apparence d'estre. II me vint par plu-

302 JEA-N DU BELLAY.

[Juin lâaS

sieurs foix et jours entrer suz ceste diflidence qu'avoyt l'Empereur du Roy, qui seuUe estoyt cause de tout guaster. Je îuy satisfictz à cela le myeulx que je peuz.

Et quant. Monseigneur, au propoz dont ay parlé dessuz, c'est qu'ung des principaulx de France a dict depuys peu de temps que, puys que le Roy avoyt perdu Millau, estant Iuy en administration des affaires, il aymeroyt myeulx estre mort que de faillir à le Iuy faire recouvrer, [et] cela faict, il estoyt content de mourir une heure après, je lui demandé si cela avoyt esté rapporté à l'Empereur. Il me dist qu'il n'en faisoyt doubte, puys que madame Marguerite l'avoyt sceu. Monseigneur, je le pressay de me nommer le personnaige; il me dit que c'estoyt monseigneur le chancellier, mais je vous supplye humblement, Monseigneur, et le vous baille à ceste condition que ne le direz à personne, car on penseroyt que je le disse par querelle. Je Iuy souluz toutes ses raisons assez bien pour l'heure ; entre aultres choses ne laissay derrière que jamais monsieur de Lautrec n'avoyt voulu retenir ung pied de terre en toute la Lombardie. Je vous asseure bien. Monseigneur, que je ne donnay à cognoistre audict des Barres qu'eusse grande envye de Iuy tenir propoz de ces matières, sinon comme il m'en venoyt rechercher. Il m'offrit à monstrer lectres venans de Naples, monstranS qu'ilz avoyent provision de vivres pour longtemps et qu'ilz estoyent en si bonne voulenté que à peine povoyent les plus saiges guarder les aultres de sortir à la bataille. Je ne Iuy en fiz grant cas, en remectant les effectz au vouloir de Dieu, mais bien Iuy diz à quelque propoz que, combien que à mon advis le Roy eust encores à présent consenty par force à monseigneur le légat qu'il mist honnestes ouvertures de paix en avant et que pensoye bien que ledict seigneur légat auroyt faict offrir aulcunes restitutions de places, toutesfoiz que j'estoye seur que à la longue, et là où les choses en brief ne se résouldroyent, il ne vouldroy t demourer en telz offres et qu'ainsi le m' avoyt faict protester audict seigneur le légat. Et de cela depuys mondict seigneur le légat, tombant la chose à propoz, Iuy en feist tesmoignaige. Hz sont. Monseigneur, en termes que maistre Jehan de la Sauch aille vers l'Empereur pour avoir ratification de la

AMBASSADES EX ANGLETERRE. 3o3

Juin i538]

tresve. Je croy bien que c estoyt la cause pour quoy plus avant ilz s'enquéroyent ; d'autant plus je niectoye paine de ne riens guaster en mes responces.

Aussi leur parla mondict seigneur le légat du defTy que a envoyé le Roy: leur remonstrant qu'il ne povoyt mains faire et que l'Empereur avoyt tort de user de telz termes qu'il avoyt faict; mais pom* ce que ledict deffy estoyt envoyé avant la pratique de paix remise en avant par luy et madame Marguerite, il ne se fauldrojt arrester là-dessuz. Hz luy ont promis ainsi le persuader, s'ilz peuvent, à ladicte dame Marguerite.

Monseigneur, estant, comme j'ay dict cy-devant, à Hemptoncourt. mondict seigneur le légat me tint souvent, pourmenant par ses jardins, de divers propoz. En aultres me vint une foix à parler du traictement que leur faisoyt le Pape et du tort qu'il leur faisoyt de ne leur administrer justice, veu le bon traictement qu'il avoyt eu d'eulx tant avant qu'estre pape que depuys, veu aussi qu'il povoyt bien veoir de quelle obéyssance ilz alloyent envers luy, et me demanda qu'il m'en sembloyt. Je luy diz mon advis estre que, par envoyer le cardinal Campege(»), il vouloit mener en bride l'Empereur et eulx, actendant l'effect des choses d'Italie, car il pourroyt tousjours avancer ou retarder soubz umbre de ses gouttes, ledict cardinal actendant la fm, et bailler pom* bénéfice ce qu'il auroyt faict auquel qu'il vouldroyt des deulx princes, encores s'aydant, là où il vouldroyt, de l'ombre du personnaigc, car il pourroyt dire à l'ung l'avoir baillé bon angloys, à l'autre bon impérial. Il s'en trouva merveilleusement suspens et si ne fut sans donner de grans coupz aux Véniciens et dire qu'ilz estoyent cause que grant difficulté se trouvoyt en noz affaires; car, là où ilz eussent voulu rendre Ravenne et Servye et le Pape n'eust voulu interdii'c l'Empereur, comme il promectoyt, honnestement ou l'eust peu forcé de prendre la loy que luy eussion baillée. Et incidentemment. Monseigneur, il me dist que, à tout le mains, le Pape ne leur pourroyt nyer que la

(i) Lorenzo Campeggio, né à Milan (i4:4)i évêque de Feltre (i5ia), cardinal (i5i7), avait été chargé par le Pape, en vertu d'une commission signée le lî avril précédent mais publiée seulement le 8 juin, de poursuivre en Angleterre, avec le concours de Wolsey, la solution de la question du divorce.

3o4 JEAN DU BELLAY.

[Juin i528

cause fust congneue, sans les tenir en suspens pour le dangier qu'il y auroyt trop évident à ce royaulme si le roy alloit mourir sans déclaration de la validité ou nuUitédu raariaige, et passa ce mot bien légièreraent.

Une des filles de chambre, Monseigneur, de mademoiselle de Boulen se trouva mardi actainte de la suée ; à grant haste le roy deslogea et alla à douze miles d'icy et m'a l'on dict que la damoiselle fut envoyée pour le suspect au vicomte son père qui est en Cainct(i). Jusques icy, Monseigneur, l'amour n'a poinct prins de diminution. Je ne sçay si l'absence, avec les difficultez de Rome, pourroyt engendrer quelque chose.

Ce mal de suée, dont je parle, c'est, Monseigneur, une maladie qui est survenue icy depuys quattre jours, la plus aisée du monde pour mourir. Ou a ung peu de mal de teste et de cueur, souldain on se mect à suer ; il n'y fault poinct de médecin, car qui se descouvre le mains du monde, ou qui se couvre ung peu trop, en quattre heures, aulcunesfoiz en deux ou troys, on est dépesché sans languir comme on faict de ces fascheuses fiebvres. Mais ce n'est pas grant chose, car il n'en a esté attaint à Londres depuys ledict temps que environ de deux mille. Hier estant allé pour jm*er la tresve, on les veoyt dru comme mousches se jecter des rues et dès boutiques dedans les maisons prendre la s\iée incontinent que le mal les prenoyt. Je trouvay l'ambassadeur de Milan sortant à grant haste de son logys pour ce que deux ou troys souldainement en estoient prins. S'il faudra, Monseigueur, que tous les ambassadeurs en ayent leur part, au mains en mon endroict naurez-vous pas gaigné vostre cause, car vous ne pourrez vous vanter que m'ayez faict mourir de faim, et davantaige le Roy aura gaigné neuf moys de mon service qui ne luy auront riens cousté ; ce ne luy aura esté faict peu de prouflict. Par Dieu de paradis ! Monseigneur, quant la suée et la suerye me viendra veoir et qu'il me fauldra passer la carrière et la suée, je n'y auray pas si grant regret que ceulx qui sont plus à leur aise que moy. Mais Dieu les y maintienne !

(i) Thomas Boleyn, vicomte de Rochelord, dans le comlé de Kent.

AMBASSADES EN ANGLETERRE. 3o5

Juin 1028]

i*our retourner à Londres, je vous asseure que les prestres y ont meilleur temps que les médecins, sinon qu'ilz ne peuvent fournir à enterrer. Si la chose dure, le bled sera bientost à bon marché. Il y a douze ans que telle chose advint, dont il y mourut dix mille personnes en dix ou douze jours, ce dict-on ; mais elle n'estoit si aspre que à ceste heure elle commence. Monseigneur le légat estoyt venu pour le terme. Il a bicntost faict rebrider ses chevaulx et n'y aura assignation ne terme; chacun en est terriblement estonné.

Au demeurant. Monseigneur, je m'esbahiz que jamais ne m'avez faict responce que debvoye faire pour la contribution, quant à en prendre quelque chose par escript ou non. Et si eust esté beaucoup plus à propoz au commencement que à ceste heure et mains se y fust monstre de dcffiance. Mais si en ce traicté de la tresve y aura chose mal prinsc, je vous supplye, Monseigneur, m'aydcr à excuser. J'ay faict le myeulx que j'ay peu, mais n'ayant de vos nouvelles et voyant les choses comme elles estoyent, il a fallu que j'aye faict le mieulx que j'aye peu ; si n'ay-je en riens que je sçache passé le commandement du Roy et son intention.

J'ay descouvert partie de la cause pour quoy ceulx de delà ne vouloyent que chacun rentrast en ses biens, L'audiencier(i) et aultres du Conseil, entendu qu'ilz eurent la guerre, avant que les gentilzhommes qui ont les biens en fussent advertiz, avoyent demandé les récompenses et confisquations de ceulx de nostre party pour eulx et leurs parens, de gros chartiers ou brasseurs qui perdans tous leur hériluige n'eussent perdu cent solz de rente. Par ce moyen ilz gaignoyent bien au change, et les pouvres gentilzhommes, qui estoyent suz le pays et sans crédit, demouroycnt peuz de parqlles à la poursuytle de leurs récompenses. S'il y avoyt aultres raisons, je ne les entendz pas, et n'est riens plus vray que M'^ Jehan delà Saulx, qui estoyt party d'icy pour leur faire instance d'accor-

(i) Laurent du Blioul, seigneur du Sart, né vers 14O0, élu (j^rolfier de l'ordre de la Toison d'or en 1496, plus tard audicncier de l'archiduc l'bili[)pe, mort en 1343- Sou lils Laurent du Ulioul lut premier secrétaire du Conseil privé des Pays-IJas sous Tadrainistration de Marguerite de Parme, du duc d'Albc et de Luis de Ucquesens.

3o6 JEAN DU BELLAY.

[Juin i538

der la tresve selon l'intention de monseigneur le légat et par la forme qu'il demandoyt, en parla si avant que comme suspect il fast osté du Conseil en la conclusion des choses, et à ceste heure ilz craignent ou pour le mains ilz faignent bien dissimuléement de craindre qu'ilz soyent mal venuz par delà.

Au surplus, Monseigneur, suyvant ce qu'il avoitpleu au Roy m'en mander, j'ay escript à monsieur de Brienne que, lundi ou mardi au plus tart, il y feist publier la tresve par la frontière de Picardie. Pour celle de Normandie n'y a si grant dangier; mais le meilleur sera la dépescher pour mectre la mer en repoz et par la Bretaigne aussi et aultres lieux. La forme de la publication telle qu'avon conceue ensemble la luy ay envoyée et à vous en envoyé ung double. Monseigneur le légat a désiré l'avoir ainsi prolixe. Je croy qu'il n'y aura mal que partout on l'ensuyve pour le contentement des parties, mais pour ce, Monseigneur, que j'escriptz au Roy luy envoyer le serment des aultres, il vous plaira m'en excuser. Tout le matin l'ay actendu, car arsoir ledict serment faict, deux docteurs de monseigneur le légat, qui les avoyent receuz de toutes les parties, m'avoyent promis m'en envoyer les instrumens. Gest après-disner voyant qu'ilz ne venoyent, y ay envoyé ; on a trouvé qu'ilz estoyent actains du mal de cy-dessus, encores pense l'on qu'ilz estoyent desjà mors. S'il est vray qu'ilz le soyent ou que par cy-après ilz meurent, il n'y aura ordre de recouvrer lesdictz instrumens ; mais je [ne] voy qu'il y ayt dangier pour cela, car les aultres tresves n'ont accoustumées d'estre jurées, oultre ce qu'il se recouvrera encores centtesmoings qui estoyent présens au serment. Je vous supplye. Monseigneur, ne penser que ce soyt advenu par ma négligence, car encores que les eusse recouvrez, si ne les vous vouldroyc-je envoyer pour le dangier de la maladie qui est contagieuse.

Monseigneur, me recommandant....

De Londres, le XVIII* de juing.

Vostre....

J. DU Bellay, évesque de Bqyonne.

AMBASSADES EN ANGLETERRE. 3o7

Juin i528j