Jean du Bellay à François I". [Londres, 3o? juin

(Copie : Bibl. Nat., fr. 5499, fol. 63-64 V. — Analyse : BnEWER, Op. cit., vol. IV, part. III, app. n* 180.)

Sire, il y a aujourd'huy huit jours que me trouvay vers monseigneur le légat à Hemptoncourt pour luy communicquer voz lectres du quatorziesme'=*), lesquelles luy pleurent merveilleusement en tant que faisiez par icelles déclaration de la grand fiance et contentement qu'avez de luy, et les bailla une foys à son secrétaire pour les porter au roy, vostre bon frère, mais incontinant les retira, pour ce qu'il y avoit ung article faisant mention de l'obligation que demandez pour la contribution qui vous est accordée. Bien voulut luy envoyer les doubles de voz lectres tant à nostre Sainct-Père pour l'affaire dudict seigneur roy, que à monsieur d'Avranches pour le faict de Ravenne et Servye ; desquelles lectres il eut fort grand contentement et aussi a eu le roy, vostredict frère, comme depuys ay entendu.

Mais quant à l'obligation. Sire, que demandez, dont, sui-

(i) Lettre non retrouvée.

3l6 JEAN DU BELLAY.

[Juin iSaS

vant vostre commandement, luy monstraylaminutte, incontinent qu'il l'eut leue, dict qu'il ne pouvoit se persuader que cela vinst de vostre sceu, veu les bons propos et si plains de fiance qu'aviez tenuz à monsieur de Bade et les tant honnestes et gracieuses lectres que Madame luy avoit escriptes et que, quant à luy, il aymeroyt mieulx avoir faict une bien grande perte que cela fust venu jusques à la congnoissance du roy, son maistre, car par cela une grand partye de tout ce qu'il a peu faire jusques icy et travailler pour vous unir inséparablement ensemble seroit gasté et en estât de recommencer, protestant que à la fin on eust d'adviser à suyvre le chemyn que tant de fois depuys six moys il a remonstré, d'aller rondement et ouvertement avec ledict seigneur roy, sans luy monstrer d'avoir une salle souspeson de diflidence, mais au contraire toute telle et aussy parfaicte fiance qu'auriez de vostre propre frère, et, ce faisant, qu'il veut perdis la teste s'il ne le conduict, veu la bonne inclination qu'il y a de tout temps et plus confirmée à présent qu'elle n'a voit jamais esté, à vous demourer tel si ferme et si secourable amy que ne pourriez ne vouldriez demander davantage ; mais que, là où l'on suivroit les moiens qu'il veoit suivre et qu'il ne pense procéder de vous ne de Madame et qu'on yroit avec luy par traictez et obligations telles qu'on usoit avant que l'amityé fust nourrie et eslevée jusques-làoùelle est, encores que le trouvissiez à jamais vostre bon frère et amy, si ne trouveriez-vous poinct en luy une si franche et ouverte volunté et aJTectionnée à voz affaires comme aux siens propres que suivant l'autre voye, et que, considéré la nature dont il est et veu la persuasion où desjà il est entré que de vostre propre vie vous vouldriez fier entièï'ement et reposer sur luy, là où viendriez à luy donner occasion de penser le contraire, vous feriez que pareillement il entreroit avec vous en ditlidence et se réduiroient voz affaires communs en difficulté sans comparaison plus grande qu'ilz ne seront suyvant la plus amyable voye.

Sire, fort long temps il me tint sur ces termes et autres semblables dont ne vous feray redicte pour ce que desjà par cydevant souvent vous en ay escript, aussi que monsieur de Morette estant par deçà, il luy en a tant dict qu'il ne se pourroyt

AMBASSADES EN ANGLETERRE. Sl^

Juin i528]

daventaige. Mais en oultre. Sire, il me vint à alléguer que, là où vous demanderiez l'obligation telle et si estroicte que la minutte porte, vous ne pourriez nyer d'en bailler une de vostre costé réciproque d'employer les deniers es affaires communs en la forme et manière qu'adviseriez ensemble et qu'il vous fauldroit faire traicté nouveau auquel fussent lesdictes obligations réciproques, lequel quant il vous plaira faire, il scetbien que le roy, son maistre, ne le refusera ; mais qu'advisiez bien comment vous en trouverez par cy-après.

Daventage, Sire, il me dict entendre bien là où tendoient grande partye des termes de ladicte obligation, c'est assavoir à les brider qu'ilz ne poussent sortir du traicté offensif. Et là-dessus me vint à ramener les raisons qu'autresfoys avoit amenées, comme par cy-devant vous ay escript, monstrant que, s'ilz eussent voulu en sortir, assez en eussent trouvé de coulleur avant que rien payer ne accorder de ceste contribution et que donc ne debvriez présumer, puysqu'ilz n'avoient cherché lesdictes coulleurs, que à ceste heure ilz le voulsissent faire; en somme que, si continuez en telles façons, vous empirerez envers le roy, vostre frère, voz affaires beaucoup plus que ne les amenderez et n'y serviront ne belles parolles, ne gracieuses lectres là où les effectz descouvriront le fonds de l'estomac estre plain de deffiance.

Sire, je luy respondis le mieulx qu'il me fust possible pour luy oster ceste appréhension qu'eussiez delliance de luy, ou du roy, vostredict frère, lui baillant les plus apparentes raisons au contraire qu'il nie fut possible, et pour l'heure ne luy feis plus grande instance de ceste obligation, actenJant en quelz termes nous en pourrions retomber; mais, au mylieu de nostre propos, onluy vint dire que cinq ou six de ses gens venoient soubdaincmentd'estre frappez de ce sutin qui court par ce pais, qui le troubla merveilleusement, en sorte que, pour faire incontinent et à haste charger ses coffres, puys aussi tost descharger, pour ne sçavoir pas bien où se retirer, il n'y eut ordre de passer plus oultre.

Pareillement, Sire, luy conimunicquey le double des lectres de l'Empei'eur au président Calvimont(') quil veit bien

(!) Lettre de l'Empereur à Jean de Calvimont, i8 mars. (Cu. Weiss, Papiers d'Etat du cardinal Granvelle, t. I, p. 349-35o.)

3l8 JEAN DU BELLAY.

[Juin i5a8

volontiers, espérant que, si on en vient jusques là de luy bailler vostre cartel, il ne le pourra prendre sinon en contreschange et par ce moien moins y aura de danger que vostredict cartel reculle les praticques de la paix qui sont commencées et desquelles mondict seigneur le légat dict recepvoir bonne espérance, par lectres que ce jour-là il avoyt eues de monsieur de Vigorne, par lesquelles entre autres choses luy faisoit entendre que l'Empereur estoit en grande actente de deux personnes qui luy debvoient venir d'icy et de Flandres pour remectre sus lesdictes practiques.

Sire, depuis ce jour-là, j'ay actendu jusques à présent qu'il me vinst quelques nouvelles de vous, par lesquelles j'eusse occasion de retourner vers mondict seigneur le légat, pour veoir si je pourroys sans riens guaster remectre sus les termes de ceste obligation, non pour penser que cela soit à propos pour le bien de vos affaires, mais pour satisfaire à ce qu'il vous a pieu m'en commander, en quoy toutesfoys je tiendray tel moyen que je me guarderay le mieulx que je pourray de riens y guaster. Mais, voiant que riens ne me venoit et craignant quil vous ennuyast d'estre si longtemps sans avoir nouvelles de deçà, ay bien voulu cependant faire ceste dépesche, combien. Sire, que, quand je n'en feroys poinct, je penserois assez en estre excusé et qu'en demoureroit la charge à qui il appartiendroit, veu que six moys il y a que continuellement je proteste que je demeure sous le faix et n'ay moyen de plus avant en faire. En cela. Sire, je sçay vostre bonté estre trop grande pour estre vostre intention que j'en soys mené de ceste sorte, veu que je fais le mieulx que je puys. Toutesfois, ne voiant moyen d'en obtenir autre chose, je vous supplie très humblement me faire ceste grâce d'en envoyer un aultre en ma place, car il n'y a ordre que je y puisse plus estre.

AMBASSADES EN ANGLETERRE. Sig

Juin i528]