Jean du Bellay à Montmorency. Londres, 3o juiu

(Orig. : Bibl. Nat., fr. 3o;8, p. 45-4j. — Impr. : Le Grand, Op. cit., t. III, p. 143-149. — Analyse : Breweh, Op. cit., vol. IV, part. 11, n* 4440.)

Monseigneur, j'escriptz au Roy, comme verrez, ce peu qu'ay euz de propoz avec monseigneur le légat. Je les préveoyé assez avant la main comme vous avoye mandé. Je ne suis pas assez saige pour juger, ne si présumptueux pour dire qu'il ne se tient le chemin qui se debvroit tenir, mais jose dire que, continuant, on n'y gaignera pas beaucoup et vous en souvienne. Toutesfoiz, s'il advient mains qu'on ne désirera, autres le verront que moy, car, par Dieu de paradis ! monseigneur, si je n'ay mon congié, je m'en iray sans l'avoir et qui me vouldra fouetter n'estant poinct mon maistre trouvera que je crains mains cent mors que une honte. Si Job estoit en ma place, il n'auroit tant actendu à perdre patience. Quelque chose qu'eussiez faict, encores ay-je eu nouvelles de Richard Dalbene (1) qu'il n'a eu ung escu; si suis-je seur que si mon homme l'eust eu, une heure après luy eust baillé. Et pensez, Monseigneur, que encores qu'il eust mil escuz après neuf moys de si bestiale despence, onltre plus de mil d'extraordinaire, c'est bien pour me ressourdre, veu qu'avoye assigné tout mon bien et l'autruy à banquiers et maquignons de bulles avant mon partement, comme assez vous avoye adverty et tout le monde avec, et quant mon estât sera creu, j'ay bel espoir d'estre payé du grant, quant ne puis rien avoir du petit. Monseigneur, jamais homme mys en mon lieu ne fut traicté de la sorte, qui est chose dont assez ne me puis esbahir, veu qu'en avez faict cent foix plus que ne vous eusse osé requérir. Or, je m'en iray prier Dieu pour vous en mon hermitaige et vous dresser ung vol pour les champs, car avec moy j'emporteray des lannerez (3) et qui plus m'y

(1). Richard del Bene, banquier résidant cà Paris. Cf. Catalogue des actes de François I", n* 189J1 (janvier i32;), et sur la famille del Bene, E. Picot, les Italiens en France au XVI' siècle, dans Bulletin italien, t. II, p. 36-44.

(2) Espèce de faucon, oiseau de proie, le meilleur, après le sacre, pour le vol de perdrix.

[Juin i5a8

retrouvera, qu'on ne me fouette pas, mais qu'on me pende ! Icy est venu nouvelles que vient Campège. Bientost sera le docteur Steplien à Lyon, qui luy vient abiller son logys et puys on dancera qui pourra. La damoiselle est eneores chez son père. Le Roy s'en va changeant de logys pour ceste peste. Assez de ses gens en sont mors en trois ou quatre heures. De ceulx que cognoissiez n'y a eu que Poinctz (0 et Care (2) et Gonton (3) de mors, mais Feuguillaurae (4), le marquis (5), millord Guillaume Bi^on (6), GaroO), Bryan(8), qui à ceste heure est de la Ghambre, Nourriz (9), Walop('o), Gheny("), Quinston (ï-), Page(i5) et généralement tous ceulx de la Ghambre, fors ung, en ont esté attainctz ou le sont. On disoyt hyer qu'encores aucuns d'eulx estoyent à la mort; je ne sçay s'ilz eschapperont. Le roy est demouré tout seul se tenant serré. Dieu vueille que inconvénient ne luy survienne ! Chez monseigneur le légat, ilz jouent le jeu mesnies, mais quant tout est dict, ceulx qui ne prennent point de vent ne meurent point, en sorte que de plus de XL mil qui ont esté actains à Londres, il n'en est mort deux mil, quelque chose qu'on en dye. Ilestvray que qui mect seulement la mainhors du lict durant les XXIIII heures, souldain devient royde comme un pan. Par ce moyen il fault avoir belle patience. Si aimeroy-je mieulx l'avoir que celle qu'on m'a converty en impatience, car l'autre ne dure si long temps. Mais à vostre ayde, Monseigneur, j'en seray hors ou eneores sans vostre ayde car en ayant protesté il y a quatre moys ce que j'ay

(i) Sir Francis Poyntz, l'ancien ambassadeur anglais en Espagne.

(2) William Carey, gentilhomme de la Chambre du roi et beau-frère d'Anne Boleyn, dont il avait épousé la sœur, Marie.

(3) Sir William Compton, premier valet de chambre de Heni-y VIII, Cf. l'inventaire de ses biens, dans Breweu, Op. cit., vol. IV, part, ii, n" /5442-4443.

(4) Sir William Fitzwilliam.

(5) Thomas, second marquis de Dorset.

(6) William lîrown.

(j) Nicolas Carew, grand écuyer d'Angleterre.

(8) Brian Tuke.

(9) Henri Norris, gentilhomme de la Chambre cf favori du roi. Ardent partisan d'Anne Boleyn, il fut enveloppé dans sa disgrâce et exécuté deux jours avant elle, le i;; mai i5J6.

(10) John Wallop.

(11) Thomas Cheyney, ancien ambassadeur en France.

(12) William Kingston, gouverneur de la Tour de Londres.

(i3) Richard Page, gentilhomme de la Chambre du roi. Ami d'Anne Boleyn, il fut arrêté lors de la chute de celle-ci, mais réussit à s'échapper.

Juin i5a8]

protesté, il n'y aura personne qui m'en puisse charger et

pour ce y pourveoyent, s'ilz veulent, ceulx qui en ont la

charge! Si vous veulx-je bien advertir, Monseigneur, qu'en

l'élection des personnes debvrez adviser de n'envoyer

d'Ytalien, car monseigneur le légat n'en veult point.

A quelque propoz, ces jours passez, il m'a dict qu'il ne

vouldroyt avoir affaire à aulx en ce temps qu'il est question

de si grandes choses, desquelles il ne se vouldroit fyer en

eulx pour beaucoup de raisons, dont l'une est pour les

partialitez qu'il y trouve; et si fault homme qui parle et

entende latin, car il m'a dict s'en estre trouvé maintesfoiz

en terrible peyne. Mais, Monseigneur, vous avez tantd'éves-

ques, conseillers et présidens que le sçauront bien faire,

que n'en debvrez estre en peyne. Mais quoy qu'il y ait, si y

envoyez homme qui ne face despence, je vous asseure que

vos affaires n'en amenderont poinct. Je ne vous diz de tout

cecy chose que bien je n'entende et dont ne vous baillasse

bien les raisons.

Au demourant. Monseigneur, suyvant ce que monseigneur le légat m'avoit dict qu'il feroit délivrer aux termes l'argent de la contribution entre mes mains pour le vous faire tenir par delà, j'avoye parlé à ung marchand, homme de bien et de seureté, pour le faire tenir incontinent à Lyon par lectres de banque au maindre intérest qu'il soit accoustumé d'en bailler, qui est la plus seure voye et mains coustaigeuse. Monsieur de Morette m'a mandé qu'il a esté trouvé bon et pour ce, Monseigneur, je vous prie me vouloir mander combien il vous sera deu à la fin de juillet, s'il est ainsi, comme je présuppose, que la contribution commence au premier jour de ce mois, allin que de bonne heure ledict marchant y pourveoye et que ne trouviez faullc au payement. Du temps de commancer ladicte conlributiou u'ay eu loisir de parler à monseigneur le légat pour la cause cydessuz dicte. Si tiens-je que ce soit au commencement de ce mois. Incontinent que pourray parler à luy j'en prandray résolution.

Estant, Monseigneur, avec mondict seigneur le légat, il me dist avoir advertissement qucgrantpraticquc menoit l'Empereur avec les Véniciens et duc de Bar, à laquelle il sembloit

[Juin i528 qu'ilz voulsissent escouter et que mesmes l'ambassadeur dudict seigneur duc avoit rendu audict Empereur l'investiture de Milan soubz umbre qu'il ayt esté forcé de le faire; et me dist qu'en advertisse le Roy, afin qu'on se tinst suz ses guardes et que mesmes ilz avoyent voulu retourner par Narbonne pour ne passer par vous, toutesfoiz que, à la fin, les vostres avoyent obtenu qu'ilz feroyent le contraire. Toutesfoiz, Monseigneur, je croy bien qu'il ne vouldroit estre allégué en caste matière.

Aussi, Monseigneur, ne veulx oublyer que le roy et mondict seigneur le légat désirent que soit baillée delà une confirmacion ou manière de ratification des privillèges qu'ont les subgectz des ysles de Grenesay (i), qui sont une façon de neutralité, que de longtemps ilz ont obtenue des papes et a esté, comme ilz disent, du temps du roy Loys XI*, faicte une confirmacion semblable. Mais ilz n'ont voulu que les subgectz de ces ysles envoyassent vers vous que premièrement ne vous en eusse escript pour veoir si c'est chose qui se puisse faire; par quoy vous plaira, Monseigneur, m'en faire ung mot de responce.

Monseigneur, je me recommande....

De Londres, le dernier de juing.

Depuys mes lectres escriptes, ay esté adverty que, pour estre mors souldain chiez monseigneur le légat le frère du conte Derby (2) et ung gendre du duc de Norfoch, il s'est desrobé par derrière avec peu de gens et n'a voulu qu'on sceust où il alloyt pour n'estre suivy de personne. Le roy à la fin s'est arresté à vingt miles d'icy en une maison que a faict faire monseigneur le légat pour ce qu'il veoyt ne prouffîter riens à changer de logys, et m'a esté dict de bon lieu qu'il a faict son testament et prins ses sacremens pour le dangier de la soubdaineté. Toutesfoiz il n'a nul mal. Dieu mercy, et quant bien il seroyt attainct de ce sutin, que Dieu ne vueille ! je ne voy qu'il y eust dangier, mais qu'il se guardast bien. On m'a adverty, Monseigneur, que, quelque foix que vous escriptz à

^i) Guerncsey.

(2) Edouard Stanley, comte de Derby.

AMBASSADES EN ANGLETERRE. SaS

Juillet 1528]

haste, ne lisez aiséement mes lectres; c'est ce qui m'a guardé d'escripre la présente de ma main.

Vostre...,

J. DU Bellay, éçesque de Bqyonne.