MARIAGE AVEC JUSTINE DE PILEUR

Par devant Pierre de Rossignol et René Contesse, notaires du Roy nostre sire en son Chastelet de Paris, soubzsignez, fut présent en sa personne noble homme M<^ Anthoine du Portail conseiller et premier chirurgien du Roy, demeurant à Paris rue des Fossez et paroisse de Sainct- Germain de PAuxerrois, d'une part, et noble homme et saige, monsieur M*^ Paul du Portail son fils, conseiller du Roy en sa court de Parlement à Paris, demeurant rue du Figuier, paroisse Sainct- Paul, et damoiselle Justine de Pileur, sa femme, de luy auctorizée d'aultre, disans que par le contract de mariage d'entre ledict sieur du Portail filz et damoiselle Justine de Pileur, sa femme, le vingtz septième jour de décembre dernier, signé Prime et Contesse, l'un des notaires soubzsignez, ledict sieur du

3g6 AMBROISE PARÉ

Portail auroit donné en advancement d'hoirye et successions à sondict filz, Toffice de conseiller en la court, duquel il estoit et est pourveu avec la survivance d'icelluy, et trois cens trente trois escus ung tiers sur particulliers, du contenu auquel contract reste à fournir par ledict sieur du Portail père lesdictz trois cens trente trois escus ung tiers de rente, d'une part, et deux cens cinquante escus pour une fois, d'autre, pour les réparations de Bailly, pour à quoy satisfaire, iceluy sieur du Portail père a transporté et transporte par ces présentes ausdictz sieur du Portail, son filz, et sa femme, ce acceptans en la présence de noble homme, M^ Thomas de Pilleur, secrétaire du Roy, et damoiselle Justine de Lyvres, sa femme, trois cens trente trois escus ung tiers de rente en quatre partyes, sçavoir est, cent escuz constituez par noble homme M<^ Philippes Dupuys, sieur de Sainct Vallerien, conseiller du Roy en sa court de Parlement, et damoiselle Anne de Harlay, sa femme, avec M^ Guy Dampmartin advocat en ladicte court sur les heritaiges et moyennant la somme de douze cens escus que lesdictz sieurs et damoiselle vendeurs et constituans en auroient confessé avoir eu et receu de vénérable et discrette personne M<= Jacques de Castro, maître es arts en l'Université de Paris, es espèces, selon et ainsy qu'il est à plain déclaré es lettres de constitution de ladicte rente de ce faictes et passées par devant Jehan Brigrand et Robert Foacard, notaires audit Chastellet, dattées du dix huictiesme jour d'aoust mil cinq cens soixante neuf, duquel de Castro ledict M'' Anthoine du Portail auroit et a eu le droict par transport et déclaration passée par devant deux notaires dudict Chastelet, le 27^^ jour desdictz moys d'aoust et an i56g, signée Peron etGaudicher, attaché ausdictes lettres, avec quatre pièces escriptes en cahier de parchemin, la première desquelles est unes lettres de sentence données audict Chastelet au proffict dudict sieur du Portail père allencontre de messire Jehan de Harlay, chevaher, seigneur de Cecy, gentilhomme ordinaire de la chambre, et noble homme

Jehan Dauvet, seigneur de Ri eux et de Torcy en Brye, héritiers à cause de leurs femmes, desdictz deffunctz sieur de Sainct- Vallerian et sa femme, le samedy 26^^ jour de janvier mil cinq cens quatre vingtz cinq, signée Drouart ; la seconde sont unes lettres de tiltre nouvel et recongnoissance de ladicte rente passées par lesdictz sieurs de Cesy et sa femme, ou procureur pour eulx le g^jour de mars i586, signées Moreau et Davoust; la troisiesme est ung brevet dudict Chastelet de Paris passé par devant deux notaires d'icelluy lesdicts neufieme jour desdictz moys de mars et an V"^ IIIL^'^ six, signé desdictz Moreau et Davoust, par lequel appert ledict sieur du Portail père avoir consentv que lesdictz sieur de Cesy et Rieulx et leurs femmes pussent disposer du sort principal et arréraiges de 3oo livres tournois de rente faisans partye de plus grande rente que ledict defFunct sieur de Saint Vallerien auroit droict de prendre sur l'hostel de ceste ville de Paris ; et la quatrième sont une autres lettres aussy de tiltre nouvel et recongnoissance d'icelle rente par ledict sieur de Rieulx, passée en son nom à cause de damoiselle Jehanne Dupuis, son espouze, audict sieur du Portail le vingt cinquième jour de juing mil cinq cens quatre vingtz cinq, signé desdictz Moreau et Davoust.

Item, cent escus de rente audict sieur du Portail père appartenantcomme ayant droict de noble homme Zacarye Gaudart, sieur de la Source, bourgeois de Paris, par transport passé par devant Desnotz et Mahieu, notaires audict Chastelet, le dix neufieme jour de juing mil cinq cens soixante et dix huit, auquel sieur Gaudart ladicte rente fust vendue et constituée par hault et puissant seigneur messire Henry d'Albret, chevalier, sieur et baron de Myossens, noble et scientiticque personne Raphaël de Taillinyz escuier, sieur delà Maizicre, noble homme M" Michel de Pomereu, sieur de la Bretesche Sainct-Nom, et ledict sieur du Portail père en et sur les héritaiges et biens soubz la faculté de rachapt et moyenant la somme de douze cens escus qu"ilz en avoicnt confessé avoir reçeu dudict sieur Gaudart es espèces,

selon et ainsy qu'il est à plain déclairé esdictes lettres passées par devant Pierre de Bricquet et Jehan Marchant le septième jour de février audict an mil cinq cens soixante dix huict.

Item, soixante six escus deux tiers de rente constituez par hault et puissant seigneur messire Jehan d'Escars, chevallier de Tordre du Roy, prince de Carency, seigneur de la Vauguyon, ^^ Jehan Chaseaud, procureur fiscal dudict sieur de [la Vauguyon en la terre et seigneurye de Roussine, et iedict sieur du Portail père à honnorable homme Loys dePrime, marchant bourgeois de Paris, par lettres de constitution de la dicte rente faictes et passées par devant lesdicts Brigrand et Foucquard, le douzième jour d'octobre mil cinq cens soixante quinze, duquel de Prime icelluy sieur du Portail a eu le droict par transport et déclaration de ladicte rente passé par devant lesdictz Brigrand et Foucquard lesdictz jour et an.

Item, et soixante six escus deux tiers aussy de rente audict sieur du Portail père venduz et constituez par deflfunct hault et puissant seigneur messire François d'O vivant chevallier, seigneur dudict lieu d'O, et messire Charles d'O, abbé des églises et abbayes Sainct Estienne de Caen et de Sainct Jullien de Tours, et sur les héritaiges et biens et moyenant le somme de huict cens escus que lesdicts sieurs d'O en auroient receu dudict sieur du Portail père es espèces selon et ainsy qu'il est à plain contenu et déclairé es lettres de constitution de ladicte rente de ce faictes et passées par devant lesdicts de Bricquet et Marchant le vingtième jour de febvrier mil cinq cens quatre vingtz-quatre. Et outre transporté comme dessus ausdictz sieur du Portail son filz et sa femme les arréraiges escheuz depuis le premier jour de janvier dernier passé à cause desdictes rentes, les originaulx desquelles avec autres pièces mentionnées cy dessus Iedict sieur du Portail père a baillé et dellivré ausdictz sieur du Portail, son filz et sa femme ce jourd'huy, dont quictance

Ce transport faict pour les causes que dessus, mesmes pour

demeurer par icelluy sieur père du Portail quicte envers lesdictz sieurs du Portail, son fîlz et sa femme, lesquelz Font quicté et quictent desdict/. 333 escus ung tiers de rente à lui donnez par ledict contract de mariage, ensemble desdictz 25o escus qu'il auroit- promis, comme dict est, pour lesdictes réparations de Bailly, par ledict contract de mariage et ce, moyenant pareille somme de 25o escus que ledict sieur du Portail père a baillé et payé ausdictz sieurs de Pileur Taisné, Portail conseiller et sa femme, qui icelle somme ont prise et retenue pour employer, ainsy qu'ilz promectent faire, ausdictes réparations de Bailly

Laquelle rente de trois cens trente trois escus ung tiers avec ledict estât de conseiller et survivance d'icelluy ledict sieur du Portail père a baillé et baille à sondict filz pour la somme de huict mil escus et ce pour tout le droict successif mobillier et immobillier qui luy peult compecter et appartenir, compecte et appartient en la succession à luy advenue et escheue par le décedz et trespas de deffuncte dame Jacqueline de Prime, sa mère, au jour de son décedz femme dudict sieur du Portail père, etjusques à la concurence de ce que ledict droict successif se trouverra monter, et le surplus sur la succession future dudict sieur du Portail père et en advancement d'icelle, même ladictc somme de 25o escus cy devant declairiez pour lesdictes réparations de Bailly, car ainsy le tout a esté dict, convenu et expressément accordé entre lesdictes partyes.

Faict et passé double en la maison dudict sieur de

Pileur Faisné, à Paris, rue Pavée, paroisse Sainct Paul, le lundy après mydy dixième jour de juillet l'an mil cinq cens quatre vingtz quinze. Et ont lesdictz sieurs du Portail père et fils, Pileur, damoiselle Justine de Livres et Justine de Pileur signé en minutte des présentes avec lesdictz notaires sus-

nommez

(Archives nationales, Y. i35. fol. i.)

i6i2 — 8 Octobre.

TESTAMENT d'aNNE PORTAIL

Au nom du Père, du Filz et du Saint Esprit,

Je, damoiselle Anne Portail, saine de corps et d'entendement, recongnois avoir par ces présentes fait mon testament... comme il s'ensuict :

... Item, je veulx et ordonne incontinant l'heure de ma mort, Ton face eslargir hors des prisons de ceste ville ung prisonnier tenu pour argent et mis en liberté, lui enjoignant de prier Dieu pour le soullagement de mon amc.

... Item, j'ay eslu ma sépulture au lieu où le sieur de Chatou mon mary se fera enterrer.

Item, le jour de mon enterrement, je désire qu'il soit chanté cent messes, sy faire ce peult, ou le landemain, assavoir à ma paroisse, 35 ; en la chapelle monsieur Saint-Claude à Saint Anihoine, 5; aux Bons Hommes, lo ; et aux quatre Mendians chacun lo pour prier Dieu pour me pardonner mes peschez ; et dix à l'égUse de l'Ave Maria.

Item, je veulx et ordonne que durant l'année de mon decedz il soit faict ung anuel, et qu'il soit achepté des ornemens d'une chappdle de velours noir pour le célébrer honnestement..., et l'annuel finy, je donne lesdits paremens à l'égUse de Chatou pour servir à notre chapelle à ladite éghse.

Item, je donne le jour de mon enterrement, à cent pauvres, à chacun ung pain de deux solz et ung sol en argent, desquclz en sera pris douze à qui l'on donnera à chacun une robbe pour assister à mon convoy et enterrement, et prier Dieu pour moy.

... Item, je donne aux pauvres prisonniers des basses fosses du Grand et Petit Chastellct, Fort l'Evesque et Conciergerye,

à chacun endroict soy cinquante livres, et à Thospital des femmes veufves de Saint Germain des Prez où est ma mère nourice, la somme de cent livres pour prier Dieu pourmoy.

Item, je donne à Téglise de Chatou la somme de cinquante livres pour faire ung service complet, l'année de mon trespas, le jour madame Saincte Anne.

Item, je donne à Anne d'Eaubonne, ma fiUolle et servante, la somme de 3oo livres pour ayder à lapourveoir....

Item, je donne à Marguerite Fraguier, ma fiUoUe, fille de M. Fraguier, au cas quelle demeure au monde, et sy elle deccdde ou soit relligieuse, à sa sœur Marie Fraguier, la somme de 1,200 livres...

Item, je donne à Ysabeau Morgant, veuve de Jaques Marye, et après sa mort, à Marguerite Marie, fillole de ma sœur la relligieuse, la somme de 100 livres pour luy estre propres.

Item, à Claude Bordier, ma filloUe, 60 livres ;

A Nicolle, ma servante de chambre, i5o livres ;

Aux serviteurs et servantes, tant à nostre maison de Paris que à celle de Chatou, 100 livres, et à chascun, un habit de deuil.

Item, je prie ledit sieur de Chatou, mon mary, que auparavant son decedz, sy la tapisserie de Flandre de l'istoire de Judic et le ciel de serge bleue en broderye de fruictz par bandes, se trouve encores en nature, de les donner après son decedz, assavoir la tapisserye, à la religion des Filles Dieu où est ma sœur la rehgieuse, et le ciel, à ma niepce Catherine Belle, comme aussy je prie mes donnataires cy après nommez de faire le semblable aussy de leur part.

Item, je veulx et ordonne que tous les susdits fraiz fune-

raux... ensemble les susdits legs... soient pris et payez sur le

quart de mes propres à moy (avec prière à son mari de faire

les avances de fonds nécessaires).

Item, je donne à ma niepce Catherine Belle tout ce que l'on

luy pourroit demander pour sa pention depuis qu'elle est avec

moy, et aussy deux anneaux qui sont venus de sa mère, qui sont les deux diamentz que je porte ordinairement, avec le chappellet de cornaline blanche ainsy qu'il est.

Item, je donne et lègue par donnation testamentaire et irrévocable au cas que je n'aye point d'enfFans au jour de mon decedz, à M'' Louys Belle, mon nepveu, pour Famytié que je luy porte à cause de damoiselle Jehanne Portail, ma sœur, tous et chacuns mes biens meubles, acquetz et conquetz immeubles...

Geste donnation faicte à la charge toutesfois et non autre de laisser jouyr le sieur de Chatou mon mary de l'usufFruict sa vye durant de tous mes susdicls meubles, acquetz et conquetz immeubles...

Et pour Tassurancô de Tamytié grande que m'a tousjours portée ledit sieur de Chatou, mon mary... je le supplye affectueusement de vouUoir accepter la charge et exécution de ce mien testament...

Et où ledit Louys Belle, mon nepveu viendroit à decedder je veulx que ce que je luy ay donné revienne et appartienne à mon nepveu Claude Belle, son frère, aux mêmes charges et conditions..., et où arriveroit la mort dudit sieur Chatou, mon mary, sans avoir accomply mondit testament, je nomme en sa place ledit Louys Belle, et après sa mort ledit Claude Belle, son frère, à la charge de prendre pour assistement et conseil M"^ Jacques de Prime, advocat, mon cousin, sans lequel il ne pourra rien faire, et pour récompense de sa payne, il luy sera payé la somme de douze cens livres...

En tesmoing de quoy j'ay escript et signé de ma propre main et saing manuel dont j'ay accoustumé signer cedit mien testament... ce huicticme jour d'octobre mil six cens douze. Signé, Anne Portail.

Aujourdhuy datte de ces présentes est comparue par devant les nottaires et garde nottes du Roy nostre Sire en sonChastelet de Paris soubsignez, damoiselle Anne Portail, femme de

Thomas de Pilleur, escuyer, seigneur chastelain de Chatou et du fief de Malenoue, conseiller et secrétaire du Roy et controlleur général des guerres, demeurant à Paris, rue des Jardins, parroisse Sainct Paul, laquelle a dict, déclaré, recongneu et confessé avoir escript et signé son testament et ordonnance de dernière volonté en la forme et manière qu'il est cy dessus escript, qu'elle veult et entend estre accomply..., dont elle a requis acte... Ce fut faict, passé, recongneu et déclaré en la maison de ladicte damoiselle sus déclarée, l'an mil six cens douze, le dix septième jour d'octobre après midy....

Le présent testament contenant deux feuilletz escripts avec le présent feuillet à demy escript a esté déposé es m^ins de Duchesnel'un des notaires soubzsignezpar ledit sieur de Chatou y nommé, en la présence et du consentement de M*^ Adrien Portail, conseiller du Roy en sa court de Parlement de Paris, damoiselle Justine de Pileur, veuve de feu M" Paul Portail, vivant conseiller du Roy en ladicte court, tuteur des enfans mineurs d'ans dudict defîunct et d'elle, M'^ Paul Portail aussy conseiller du Roy en ladicte court, M*^ Anthoine Portail, conseiller du Roy et correcteur en sa Chambre des comptes, M" Louys Belle, prieur de Rouvres, et M*^ Jacques de Prime, conseiller et procureur du Roy es eaues et forestz de la prévosté et viconté de Paris, et de M<^ Jehan Fraguier, advocat en Parlement, pour en estre dellivré expédition à qui il appartiendra, dont ledit sieur de Chatou a requis acte.

i6 Octobre 1622.

Codicille.

Fut présente en sa personne damoiselle Anne Portail, femme de Thomas de Pilleur, escuyer, sieur de Chatou... demeurant à Paris rue Sainte Croix de la Bretonnerye parroisse de Sainct Jehan en Grève, gisant au lict mallade, saine toutes fois de pensée, mémoire et entendement, laquelle a dict après avoir par

elle veu et leu son testament... qu'elle désire présentement y augmenter et diminuer par forme de codicille, a nommé et dicté ausdicts notaires ce qui s'ensuict :

Premièrement, pour les 3oo livres qu'elle a donnez et léguez par son dict testament à Anne d'Eaubonne, attendu qu'elle n'est plus à son service depuis six ans, et à présent est maryée, elle ne luy donne que cent livres seuUement, et les deux autres cens livres, elle les donne, moictyé au couvent des Filles Dieu, en faveur que sa sœur y est religieuse, et l'autre moityé au couvent de l'Ave Maria...

Item, pour les 1200 livres qu'elle adonnez à Marguerite Fraguier, pouj ce que elle estoit lors fille et est à présent maryée,... révocant ledit don pour la moityé, et les autres 600 livres, elle les donne et lègue à M-^' de Prime, son cousin, procureur du Roy, pour la bonne amityé et assistance qu'il luy a faict pendant sa malladye...

Item (révoque le don de i5o livres fait à Nicole sa servante et le transporte à Catherine Ménestrel, sa servante de chambre.)

Item, pour ce que par sondict testament elle avoit prié ledict sieur de Chatou, sondict mary, de donner après son decedz à Catherine Belle, sa niepce, ung ciel de serge bleue par bandes, avec deux diamentz et ung chappellet de cornaline blanche et marqué d'or, d'aultant que lors de sondit testament, ladite Belle estoit demeurante avec elle, et est rendue religieuse au couvent d'Hierre y a plus de sept ans, et ledit ciel ne seroit convenable à sa profession ; et, au regard des diamentz dict qu'elle luy a donné le plus grand d'iceulx y a long temps, comme aussy luy auroit donné ledit chappellet de cornaline marqué d'or, lorsqu'elle fist sa profession audit couvent d'Hierre ; et oultre luy donne et lègue la somme de deux mil livres, et sy luy rcmect et quitte sa pention pendant six ans qu'elle a demeuré avec elle avant qu'elle fust religieuse...

Item, donne et lègue à Michel Baudrand, commis dudit sieur de Chatou, sondit mary, la somme de 600 livres, affin de le

rendre plus soigneux et affectionné aux affaires dudit sieur de Chatou, et de ne quitter ne habandonner son service.

Item, elle donne et lègue à Anne Bailly pour l'affection qu'elle luy porte depuis qu'elle est demenrante avec elle, 600 livres (à charge de donner 100 livres à Philippe Regnard, pauvre enfant filleul de la testatrice.)

Item, donne et lègue à Robert Belle, son nepveu, religieux, pour Tamityé qu'elle luy porte, la somme de deux cens livres...

Item, donne et lègue à M. le curé de Sainte Opportune pour l'assistance qu'il luy a faict pendant sa maladie, la somme de 3oo livres.

Item, à Marye Boissard, pour l'amityé qu'elle lui porte, 3oo livres.

Item, donne et lègue à M. Bignon, prestre de Saint Jehan, son confesseur ordinaire, la somme de soixante livres pour l'assistance et payne qu'il a prises pendant la malladye de ladite damoiselle....

Item, déclare ladite damoiselle qu'elle auroit ordonné par sondit testament que où le sieur M' Louys Belle, son nepveu, viendroit à decedder, qu'elle voulloit et entendoit que le don qu'elle luy avoit faict par ledit testament revint et appartint à Claude Belle, son frère, (également choisi pour exécuteur testamentaire) Et d'aultant que ledit Claude Belle est à présent déceddé, elle a nommé etchoisy en sa place ledit sieur de Prime pour exécuteur dudit testament et présent codicille après le decedz desditz sieurs de Chatou et Louys Belle qu'elle a choisiz et nommez pour exécuteurs d'iceulx testament et présent codicilles. Et où arriveroit le decedz dudit Louis Belle, son nepveu, auquel par ledit testament d'icelle damoiselle testatrice, elle luy avoit donné tous ses biens... icelle damoiselle testatrice veult et ordonne que ledit don et legs qu'elle luy a faict retourne au proffit dudit sieur de Prime... à condition de donner cà ladite Catherine Belle, religieuse, 5o livres de rente viagère, et pareille rente audit Robert Belle, rcligieulx.

Ce fut faict, dicté, nommé par ladicte damoîselle Anne Portail ausditz notaires et à elle leu et releu par Tun d'iceulx notaires, l'autre présent en sondict hostel sus-déclaré avant midy Tan mil six cens vingt deux, le dimanche seiziesme jour d'otobre, et a ladicte damoiselle Anne Portail, signé ce présent codicille qu'elle a retenu et n'a vouUu estre gardé minutte et depuis et le treziesme juin mil six cens vingt trois mis entre les mains de Bergeron, l'un des notaires soubzsignez pour garder pour minutte...

(Archives Nationales. Y. 164. fol. i5 et suiv.)

ABATIA, 3o6.

AÉTIUS, 23o.