TOURNOIS

Par devant Guillaume Denetz et Nicolas Le Camus, notaires du Roy nostre sire en son Chastellet de Paris, furent présens en leur personne, Ambroise Paré, cirurgien et varlet de chambre ordinaire du Roy, et Jehanne Mazelin, sa femme, de luy auctorisée, etc. Lesquelz, de leurs bons grez, etc., recongneurent et confessèrent avoir donné, et par ces présentes donnent en pur don irrévocable à Jehanne Paré, fille de feu Jehan Paré, en son vivant maistre coffretieret malletierà Paris, frère dudict Ambroise Paré, à ce présente et acceptante, la somme de cinq cens livres tournois pour une fois, à icelle somme avoir et prendre par ladicte Jehanne Paré, si tost et incontinent qu'elle sera pourveue par mariaige ou aultrement et non plus tost, générallement sur tous les héritaiges et biens meubles et immeubles présens et advenir des dicts Ambroise Paré et sadicte femme qu'ils en chargent, affectent et obleigent par ces présentes etc., au payement et fournissement d'icelle somme de cinq cens livres tournois. Geste donnation faicte pour la bonne amour naturelle que lesdicts donnateurs ont et portent à ladicte Jehanne Paré, leurniepce ad ce que à l'advenir elle

PIÈCES JUSTIFICATIVES ig5

puisse mieulx estre pourveue, et que tel est leur voulloir et plaisir. Toutesfois, le cas advenant que icelle Jehanne Paré prédécedde lesdictz donnateurs, ilz veullent et entendent ladicte donnation n'avoir lieu, mais demeurera nulle et de nul effect. Et pour icelle dicte donnation faire insinuer partout où besoing sera, lesdicts donnateurs et aussi ladicte Jehanne Parc font et constituent leur procureur général et espécial le porteur de ces présentes, auquel respectivement, ilz donnent povoir de ce faire. Promettans, etc.. obleigeans, chascun en droict soy, etc., renonçans, etc. Faict et passé l'an mil V^ cinquante neuf, le lundi quinziesme jour de janvier. Signé Denetz et Le Camus. Et au doz de ladicte donnation est escript : Enregistré par Le Camus, Et encores audictdoz, a esté mis et escript l'insinuation ainsi qu'il s'ensuict :

L'an mil cinq cens cinquante neuf, le vendredi premier jour de mars, le présent contract de donnation a esté apporté au greffe du Chastellet de Paris, et icelluy insinué, accepté et en pour agréable aux charges et conditions y apposées par honnorable homme Ambroise Paré, cirurgien du Roy, en personne, tant pour luy que pour Jehanne Mazelin, sa femme, et encores pour, et ou nom de Jehanne Paré, donataire, dénommez audict contract, lequel contract a esté enregistré au présent registre, seiziesme volume des insinuations dudict Chastellet, suivant l'ordonnance, ce requérant ledict Ambroise Paré ou dict nom, qui a requis et demandé acte à lui octroyé et baillé ces présentes pour luy servir et valloir, à sadicte femme et à ladicte Jehanne Paré, donataire, en temps et lieu ce que de raison. Et après ont esté lesdictes lettres rendues audict donateur.

(Archives Nationales Y. ici. fol. i6ov°.)

1562(11. st.) — 28 Janvier.