ACTE 1, SC EXE

SILVIE

Je hay son amour par ce qu'il est ennemy de mon honneur, et l'ay tousjours aymé tant qu'il n'a rien voulu de moy que ce que je voulois.

DAFNÉ.

Tu ne voulois que ce qui t'estoit contraire, et luy te desiroit autant de bien qu'à soy-mesme.

SILVIE

Damé , ou tais-toy, ou parle d'autre chose, si tu veux que je te responde.

DAFNÉ.

Mais voyez, je vous prie, voyez la petite glorieuse! Mais dy-moy pour le moins, si quelque autre que luy estoit amoureux de toy, le traitterois-tu de mesme ?

SILVIE

Je traitterois de mesme tout autre qui entreprendroit sur ma pudicité, que tu nommes amant et moy ennemy.

DAFNÉ.

Estimes-tu donc le bélier ennemy de la brebis et le toreau de la génisse ? estimestu la tourterelle ennemie de sa compagne :