Pade, Padoue

Il est aussi une aultre espèce de vigne appellee Albanique qui est assez blanche et non luysant, et est pleine de taches et ronde et merveilleusement doulce et qui faict bon vin et très doulx, et en aulcunes années est brehaigne, et en aultres bien plantureuse, et qui la taille estroit^ elle est brehaigne, et qui la taille longue elle est assez plantureuse, et est en grand honneur en aulcunes contrées de Boulongne, et par especial au bourg de panical*.

Il y a une aultre espèce de vigne que Ion nomme Buranexe qui a grappe blanche moult doulce et belle, et fructifie bien es arbres. Et si y a une aultre espèce de vigne nommée Frigove qui nest pas plaisant a manger, et est moult plantureuse es arbres et pource est elle bien compétent^ ou les gens pillent et robent* les vignes, et sont ces deux dernières aymees a pistori* par devant toutes aultres*..

Lon trouve deux aultres espèces de vignes a grappes blanches nommées Muscatel et Linatique ou Lilanica^ et combien quelles soient de grant réputation par devers aucuns toutesfois par devers nous on les tient les moins bonnes à manger, et.par expérience pource quelles aportent trop peu de fruit ou quelles doubtent la pruine' et sont très bonnes a manger quant elles sont sur les arbres mais es vignes espèces* et près de terre elles viennent a peine a bien et ne plaisent point.