Espèces^ épaisses

PIERRE DE CRESCENCE llî>

Il y a aultres espèces de vignes qui portent le vin grecet le vin de garnache* et combien que par devers nous elles facent bons vins toutesfois elles font peu de bourjons. En cortone grapose Fiixolane et Luzina elles font bons vins et si sont par aucuns ans merveilleusement plantureux et portent grans bourjons mais elles sont le. plus souvent destituées de leur fruit en leur fleur ou au moins y seufîrent grant deffault.

Des vignes noires Ion en treuve moult de tresbonnes et aucunes qui valent peu. Les bonnes sont Grilla et Siziga lesquelles sont appellees par aultres noms Merdegana et Ruhiola et sont ainsi comme dune condition car elles sont ung petit noires et portent chascun an assez de fruit et ont les grains longs et lescore subtille et déliée et communément le jus crevé lescorce et en sont les raisins^ beaulx et plaisans. Elles ne viennent pas bien en montaignes mais elles viennent bien en terre champestre v toutesfois il y a aulcune différence pource que Siziga porte le plus noble vin mais elle en porte le moins pource quelle a petiz gettons combien quelle en face plusieurs et si porte petis raisins. Et Grilla si fait tout le contraire.. Et abondent ces deux espèces de vignes a Boulongne et en plusieurs autres lieux.

Lon treuve une aultre espèce de vigne dont les raisinssont rouges que lon nomme Nuhiolon, Elle fait et rapportemerveilleusement de vin mais les raisins nen sont pas délectables a manger. Elle demande terre tresgrasse et pleine de fiens et hait les umbres et est moult hastive en fructifier. Elle fait tresbon fruit et en est le vin puissant et se garde bien et est en grant réputation en ces parties.

Il est une aultre espèce de vigne nommée Mayolus qui' fait une grappe tresnoire et meure hastivement et fait beaulx longs et espes bourjons et en sont les raisins doulx en saveur et fait vin dur et qui bien se garde et est assez