Garnache, Grenache

plantureuse et si vient bien en t^rre pleine et en montaignes et est ceste vigne tout autour de Boulongne.

Lon treuve une aultre espèce de vigne nommée Duraclan merveilleusement noire et a longs grains dont le vin est noir oultre mesure et est ce vin bon en terres moistes et pleines deaue mais en montaignes et lieux secs il ne vault riens et ne peult venir en telles terres.

Il est une aultre espèce de vigne nommée Guniiaresca. Les raisins ne sont pas moult noirs mais ilz sont longs et avant quilz soient meurs toutes les feuilles cheent ^ et sont en saveur poignant et aigre. Elle faie souffisamment de fruit et a peu de bourjons mais elle fait tresbon vin et qui se garde longuement. Les raisins ne sont pas communément mangez des oiseaulx des chiens ne des ennemys pour ce quilz ne sont pas doulx. Ceste vigne est en plusieurs lieux es montaignes autour de Boulongne.

Il est une autre espèce de vigne nommée Bimarionus qui est pareille a la précédente en forme en saveur et en durée mais elle a plusgrans bourjons et plus gros grains et si fait plus de vin mais il est moins bon et demande ceste vigne plus grasse terre que laultre et est en plusieurs parties autour de Bolongne.

Encore ya une autre espèce de vigne nommée Paderinga qui a moult de grains et moult gros et espes et moult de grappes et fait gros vin et bon en yver quant il vient en bonne terre mais il ne dure point en este. On le treuve es parties de Boulongne et de plusieurs autres citez aussi mais il a divers noms en diverses contrées.

Plusieurs aultres espèces de vignes sont qui sont noires moult louées pour diverses conditions si comme Pignolz qui sont moult aymez vers Milan et font bon fruit vers nous. Et comme une aultre vigne appellee Albatica qui doubte moult tempeste dorage et fait cruel et dur vin. Et comme une aultre nommée Varana Elentina et Porcina lesquelles ia soit ce quelles soient de grant doulceur et