Que premicremant commença a treslaitier
■à ., tiers Maup l fist, qui fit lou propre 2 livre de monsoingneur
Lancelot dou Lac; et des autres grans livres que messires Robert de Berron fit voudrai 3 je prendre aucune flor de la matière, et dou grant livre dou latin voudrai je prendre lou soutill entendement, et de toutes ces flors ferai je une corone a mon grant livre, en tel manière que li livres de monsoingnour Luces de Gant et de maislre Gautier Maup et de mon soingnour Robert de Berron , qui est mes amis et mes parens charnex, s ' accourderonl au mien livre(s) et li miens s'acorderont (1. s'acordera) en meintes choses as lour. Et je, qui sui appelez Helyes de Berron, qui fu angendrez dou sanc des gentis paladins des Barres, qui de tout tens ont esté commendeour et soingnor d'Outrés en Romenie qui ores est appelée France, tout ce que je n'ai mené a fin je voudrai mener a celé autre fois, se Dex, de cui tout li bien viennent , me [d]onne tant de vie que je le puisse fai[re a] ma volonté.
En la fin de cestui livre merci je tant comme je puis mon soingnour le roi, cui hons je sui liges, de ce que loe et donne pris meintenant a cestui mien livre et de ce que il a pleû a la soe sovereine majesté d'ouir et de reciter le grant ordenement des translatemens de mes livres; quar se Dex ne m'en eûst donné grâce, je ne fuisse mie dignes, ne ne sui, que je de si grant emprise m'osasse entremettre comme de translater de latin en françois si haut et si mervollieuse histoire comme est celle de la grant Taable Roonde. Et por ce que j'empris si grant hardement sour moi, veuil je prier a tous les gentix homes qui cest mien livre feront devant aus lire ne conter que se aucune chose y ait a amender par la grant mesprisure de moi , que il le me pardonnent par lor grant gentillesce.
Au de finement cestui mien livre rent je grâces et merci a nostre soingnor de ce que il m'a donné seûr entendement et force et pouoir de fenir si honoraublement et si ordeneement queachascun gentil home qui si ententivement l'escoutent lire, cestui livres qui est fine plait et plaira tant comme li mondes
