Bruton sur Trent, dans le Stafïordshire

18 CRONICQUES D'ENGLETERRE. [1470]

Don leur dist qu'ilz n'estoient pas sur leur droite voie pour aller devers le roy : et ilz respondirent qu'il leur convenoit aller par là, pour parler à leurs piétons. Lequel adont, courtoisement, sans plus parler, prinst congié d'eulz : et, sur ceste coulleur, ilz allèrent audit lieu de Bruton, et de là à Derby1, pour eslever le peuple, et eulz emforchier, autant qu'ilz pourroient, à l'encontre du roy, continuant en leur maulvaise dissimulation.

Ancores, durant ces choses, le roy entendy que, en sa conté de Richemont2, le seigneur deStrop3 et autres, à l'incitacion du duc de Clarence et du conle de Warewic, esmouvoient le peuple à l'encontre de luy. Pour quoy il envoia en Northumbelland et en Westland * signifier que chascun feust prest pour résister à l'encontre d'eulz, ou cas qu'ilz vendroient en ces contrées : et de ce rescripvi au conle de Northuinbelland , marquis de Montagu5, lui commandant de les rencontrer atout la puissance des dis pays. Laquele chose venue à la congnoissance dudit seigneur de Strop et ses complices, avec la nouvelle de la victore du roy, tout bien considéré, veu que c'estoit contre le roy qu'ilz estoient enhortez de gens assambler, craignans qu'il ne venist briefment celle part , se désistèrent de ceste eraprinse.