First day of May

134 CRONICQTJES D'ENGLETERRE. [1471]

Bristow, tyrant vers la place par eulz assignée. Mais quant ilz sceurent pour vray que le roy avec sa puissance, en grant voullenté de les trouver et combattre, les aprochoit si fort, ilz laissèrent leur chemin et propos, et, traveillant toute la nuit, vindrent à Berlray1 et de là allèrent à Glouceslre.

Quant le roy fut parvenu à la dite place de Surdburyhills, cuidant là trouver ses annemis, il envoia ses coureurs descouvrir le pays d'environ, espérant que par eulz serroit adcertené du lieu où ilz estoient, pensant qu'ilz feussent bien prez de là, comme bien eussent peu estre se leur droit chemin ilz eussent tenu : mais voiant que nulle certaineté il ne povoit avoir d'eulz, advancha sa battaille et loga son advangarde un peu par delà la dite place, en une vallée2. Et lui, avec tout le résidu de son ost, se logèrent en la mesme place. Et puis le lendemain, au matin 3, le roy entendy par ses avant coureurs comment ilz n'avoient point tenu le droit chemin vers lui, ains s'estoient tyrez4 à Gloucestre; sur quoy il se conseilla de ce qu'il avoit à faire pour l'empeschement de leur passage es deux lieuz devant dis de Gloucestre et ïeukesbury. Et, premièrement, pourvey pour Gloucestre, envoiant illec ung sien capittaine ; nommé Richard Beauchamp6, filz [et] héritier du seigneur de Beau-