Ttwksbury, dans le Glorestershire

2. « XXXVI longe myles, in a fowle contrye, ail in lanes and stonny wayes, betwyxt woodes, without any good reiresshynge. ï

[1471] SIXIÈME PARTIE, LIVRE VI, xxx. 137

pelé Citheuham \ qui estoit à v lieues de Teukesburv, où il eut certaines nouvelles ses annemis estre arrivez ce mesmes jour, voire déterminez de illec atendre luy et sa puissance. Pour quoy le roy, sans séjourner au dit village, prinst le plutost qu'il peult son droit chemin vers ses annemis; mais, quant il vint à trois lieues d'eulz, la nuit le sourprinst : si le convint illec demourer jusques au jour aparant bel et cler, quy fut par ung samedy, quatriesme jour de may, que le bon roy s'apareilla en bonne ordonnance, desploia ses banieres, fist sonner ses trompettes et commist sa querelle en Dieu tout puissant , sa Mère glorieuse, et monseigneur saint Jacques, saint George, et tous les benois sains et saintes de Paradis, advanchant son ost vers ses annemis et en aprochant leur champ, lequel estoit bien bastillié et séant en une merveilleusement forte place, moult difficille à assaillir. Non obstant laquele chose , le roy commenda qu'ilz feussent assaillis : et là commencèrent la battaille les archiers du roy, qui à leurs annemis donnèrent ung moult pesant assault, lesquelz vaillamment se deffendirent, tant de trait d'engins, comme de saiettes; et si avoit au front de leur parcq parfons fossez, hayes et buissons, par quoy ilz estoient maulvais à eulz aprochier main à main. Mais Emond , appelé duc de Sombresset, qui pour ce jour estoit conducteur de l'advangarde, lui et ses compaignons ennuyez en celle place, ou espoventez du trait qui moult dru cheoit

1. Cheltenham, à 9i milles de Londres, est située sur le Chelt, rivière qui se jette dans la Severn. Les Cotswold Hills sont presque immédiatement derrière cette ville, et l'abritent au nord et à l'est. (Th. Moule.)

138 CRONICQUES D'ENGLETERRE. [1471]

sur eulz, ou par grant hardiesse et corage quy les sourmontoit, issirent hors de leur parcq; et lors, voians que nul ne se aparchevoit leur issue, s'en vindrent parmy une ruyelle mettre en belle ordonnance, droit à l'oposite de la battaille du roy, où ilz encommencerent ung très merveilleux estour, où le roy moult corageusement le recheut; et tant fist par sa vaillance et proesse, et la vraye asseurance de ceulz de sa compaignie, qu'il entra dedens l'enclos, guaignant par force d'armes l'enclos et fossé, tant que constrainte fut à ses annemis eulz retraire de là la

montaigne.

ïcy est à ramembrer que quant le roy fut venu devant ledit parcq , il considéra , avant qu'il les assaillist, que à la droite main de ce fort avait ung bois moult espes, dedens lequel il pensoit ses annemis avoir mis une grosse embusche, pour laquele cause il choisy deux cens lances des meilleurs de son ost, ausquelz il commanda eulz traire sur la costiere de ce bois, ayans illec tousjours l'ueil, et que, se nécessité estoit, ilz se y emploiassent et feissent bien leur debvoir : et, en casqu'ilz ne veissent quelque aparence d'embusche , qu'ilz retournassent vers la battaille , et que en la plus grant advantage qu'ilz porroient frappassent sur leurs annemis. Laquele provision vint aussi bien à point que possible estoit", car les deux cens lances devant dites, depuis qu'ilz eurent une espace costoié le bois, et que nulle aparence d'embusche n'y veoient, parchevans où bien employer se porroient autre part, fraperent sur ledit duc de Sombresset et sa compaignie, telement que, par leur emprinse et la vaillance du roy Edouard, qui atout sa battaille les as-

[1471] SIXIÈME PARTIE, LIVRE VI, xxx. 139

sailloit de l'autre costé, comme oy avez, ledit de Sombresset et toute l'avangarde qu'il menoit furent constrains de fuyr, en laquele fuite fut faite grant occision. Et quant le roy eut descomfy l'avangarde de ses annemis, il marcha avant courageusement contre la battaille que menoit Edouard, appelé Prince de Galles, où maii. tes belles apartises d'armes furent faites, tant d'un costé comme d'autre ; mais, finablement, la parfaite victore ' en demoura au roy Edouard, et la descomfiture tourna sur ses annemis.

En ceste battaille furent occis Edouard, soy disant Prince de Galles, Thomas, appelé conte de Dominessiere2, Jehan de Sombresset, nommé marquis Dorset3, le seigneur de Vennelok et plusieurs autres chevalliers et escuiiers, en moult grand nombre. Toutes lesqueles choses ainsi faites et achevées , le Roy se tyra vers l'abaye, pour rendre grâces et loenges à Dieu de la belle victore que, ce jour, luv avoit eslargie, où il fut recheu et convoie à procession jusques au grant autel , où il fist ses offrandes et dévotion.

En ceste abbave estoient venus en francise plusieurs rebelles au Roy, qui a la bataille avoient esté, esperans illec estre en sceureté ; mais , toutes voies , le Roy les eust bien peu faire tyrer dehors de la dite aba\e et, comme trahittres à luy, faire exécuter ; car, en tel cas, n'estoit tenue , observée ne gardée queleoneque francise : mais, à la révérence de la benoite Trinité, de la glorieuse Vierge Marie, et du vrav martir monseigneur Saint Geonre, les laissa

1. Cette bataille, dite de Tewksbury, se donna le i mai 1 4-71 .