Alexandre de La Pôle

[1429] CINQUIÈME PARTIE, LIVRE IV, xi-xii. 283

au conte de Suffort, lequel conte avec ung sien autre frère % nommé le seigneur de la Poulie, furent constituez prisonniers, et de leurs gens jusques à lx ou au dessus. Ainsi doncques fut ceste ville et forteresse de Ghergeauz prinse par les François, où ilz rafreschirent; puis tyrerent à Meun, quy tantost leur fist obéissance. Laquelle chose sachant, les Anglois qui tenoient la Fraité^ se trayrent tous ensemble à Baugensy, habandonnant la dite Fraité Hubert, jusques auquel lieu ilz furent des François poursievis, tousjours Jehanne la Pucelle au front devant, atout son estandart, et n'estoit lors, par toutes les marches de là environ, si grant bruit que de sa renommée. Si furent lors dedens Baugensy jusques au nombre de viii^* combatans, gens de bonne estoffe.

1014. Comment les Anglois estans à Jenvilie furent advertis de la prinse de Ghergeauz et de Meun , et de la venue du seigneur de Thalbot. XII.

Les capittaines anglois dessus nommez estans à Jenvilie, furent advertis que nouvellement les Franchois à grant puissance d'armes avoient prins d'assault la ville de Ghergeauz, ainsi comme il a esté dit ou chapittre précèdent, et mis en leur obéissance la ville de Meun, tenant tousjours leur siège devant Baugensy. Lesqueles U'Ouvelles leur furent en moult grant desplaisance , mais amender ne le peurent quant au présent. Si se misrent en conseil pour avoir advis tous ensamble sur ce qu'ilz avoient h faire. Et ainsi comme