Soubaschi, chef de cent hommes. (Hammjlb, I

[1442] SIXIÈME PARTIE, LIVRE Ier, n. 13

sceureté, ycelluy soubachin lui présenta ung saufconduit par son maistre, le grant Turcq.

Ycelluy seigneur de la Valaquie aiant oy la légation à lui faite par ledit soubachin, de par le grant Turcq, il le recoeilly moult honnourablement : si luy fist de grans dons et presens. Et, sur ce que le soubachin avoit proposé, se conseilla aux princes et barons de son pays, touchant ce qu’il avoit à faire pour le mieulx ; lesquelz luy desloerent grandement de y aller en sa personne, mais seullement conseilloient de y envoyer une ambaxade, adfin de scentir et scavoir en quele maniéré ycellui Turcq voulloit avoir son amistié et alyance. Puis, ycelle responce faite audit soubachin, ambaxadeur, il ne s’en tint mye bien content ; ains, par plusieurs fois, parla à part audit seigneur de la Yalaquie, et, en le blandissant par languages, juroit que son maistre, ledit grant Turcq, desiroit à veoir sa personne pour luy faire grans honneurs et grans biens : disant qu’il ne doubtast ou differast en riens à y venir, car il le conduiroit sceurement. Et, finablement, fist tant ledit soubachin , par atraiance de ses belles parolles et blandices, que ledit seigneur de la Valaquie , en délaissant le conseil et conclusion que paravant avoit prins avecq les haulz princes et barons de son pays, il se avoullenta d’aller avec le dit soubachin devers le grant Turcq , en Andernopoly ; lequel, de prime face, le recheupt moult honnourablement. Et estoit logiés, ledit Turcq, dehors la ville, en grant nombre de tentes et pavillons, luy et tout son ost.

Et lendemain que le seigneur des Valaques fut arrivé, le dit grant Turcq luy fist ung grant disner et

14 CRONICQUES D’ENGLETERRE [1442]

convive *, auquel il manda tous ses soubachins et capitaines, pour festoier ycellui seigneur de la Valaquie. Et estoit ycellui grant Turcq dedens ung pavillon, tout doublé d’un veloux cramoisy, assis comme sur un l’establie d’un parmentier, aourné et paré de riches coussins et oreilliez de drapz d’or et de soye, lequel pavillon estoit roullé et troussé contremont environ de dix piedz de haulteur, adfin qu’il veist ses gens et capitaines; et audehors dudit pavillon estoit assis à terre, sur coussins et tapis de drap d’or, ledit seigneur de la Valaquie, à la dextre dudit Turcq, et à sa senestre estoit assis son Bellarbay 1 2, qui vault autant à dire comme seigneur des seigneurs ; et tous les autres nobles furent assis comme en une grant carolle3, partant de la main dextre et senestre, de tele maniéré que le grant Turcq les povoit tous veoir mengier. Et lors le disner adcomply, le dit Turcq se retyra en ses grans tentes : puis, tost aprez, envoya le dit soubacliin, quy avoit amené le seigneur de la Valaquie, adfm qu’il le constituast son prisonnier, comme il fist : et l’emmena dedens le chastel de Gallipoly, quy est assis sur le destroit de Rommenie , que nous disons le bras Saint George, auquel lieu il l’emferma et enferra4. Mais tous