Bib, imp., jvis., n" 7445°, fol

12 CRONICQUES D’ENGLETERRE [1442]

1103. Comment le grant Turcq manda le seigneur de la Vallaquie qu’il venist parler à luy, et comment par trahison il le declieut. II.

Environ ce temps dont nous parlons présentement, estoit seigneur des turcz un g nommé Moradbay \ lequel, pour ce qu’il vint à sa congnoissance que en la grant Vallaquie avoit ung seigneur nommé Velacq de Vaivode1 2, moult famé de vaillance et de sagesse, lequel avoit son pays fort riche et bien peuplé d’hommes gratis et puissans, de quoy ycellui Turcq commença de prendre envye, désirant de embrachier et soubmettre à luy et soubz sa seignourie ycellui seigneur des Valaques et tout son pays; sicque, pour à ce plus aisément parvenir, il envoia ung sien soubacltin3, très soubtil et éloquent, en maniéré d’ambaxade devers ledit seigneur de la Valaquie : lequel soubachin erra tant , qu’il vint ou pays des Vallaques , et telement exploita que il arriva au lieu où ycelluy seigneur estoit en ces jours. Si lui présenta de par le grant Turcq, son dit maistre , gratis dons , sallus et amistiés à merveilles, disant que ledit Turcq, son seigneur, estoit fort désirant d’avoir à luy acointance d’amour et alyance; et que, pour à ce parvenir, le dit grant Turcq lui prioit, autant qu’il povoit, que il voulsist venir vers luy en la ville de Andernopoly ; et ad fin de y aller plus hardiement, soubz esperance de

1. Amurath II, fils de Mahomet I, succéda à son père en 1421 , âgé de dix-huit ans. Mort le 9 février 1451 [Art de vérifier les dates, I, 498], ou, selon M. de Hammer, le cinq février. (II, 365.)

2. Wlad , surnommé Drakul , vaivode de Valacliie. ( Hammer, II, 290.)