Cromer, shériff de Kent. (Lingard, II

17C CRONICQUES D’ENGLETERRE. [1453]

dit Jehan Cade, ilz esleurent à capittaine, prestement, Je seigneur de Scalles1, avec lui Matago2, n’avoit pas longuement retournez en Engleterre, lesquelz deux capittaines se misrent en point pour cuidier prendre yceilui capittaine, soubtivement 3; mais il avoit ordonné guet et ascoutes autour de son hostel, pourquoy les Londriens ne peurent achever leur emprinse. Si se combatirent ensamble ceulz du guet et le seigneur de Scalles, pendant lequel temps le dit capittaine et ses gens s’armèrent : si combatirent monseigneur de Scalles et les Londriens telement, que, par force, les firent reculler jusques au pont quv est prez de Londres. Mais tantost aprez, ledit seigneur de Scalles rescria ses gens, en les admonestant de vaillamment combattre : lelemenl que, par vigueur d’armes, recullerent leurs annemis à celle empainte4, où Mathieu Gone fut occis. Et le dit capittaine, voiant les Londriens ainsy resvigorer et multiplier, il fist ardoir le pont levis, adfin de leur destourber le passage et que aultre dommage ne peussent porter à luy, ne à ses gens : nonobstant laquele chose, les gens de trait des deux parties ne cessèrent, toute la nuit, de tyrer les ungz contre les autres.

1 170. De la mort d’ycellui Jehan Cade, et du retour du duc de Sombresset. VIII.

Or advint que , le lendemain , les archevesques de